انا متزوجة منذ عام بعد علاقة حب مع زوجى استمرت ثمانى سنوات قبل الزواج وكان فى مشاكل كتيرة قبل الزواج بسبب عدم التكافؤ التعليمى بينى وبين زوجى لكن بضغطى على أهلى وافقوا بعد سبع سنين محاولات مشكلتى ان حصلت بينى وبينه علاقة جنسية قبل الزواج من حوالى ثلاث سنين لكن مش علاقة كاملة ياعنى سطحى من برة وكان كل مرة ضميرى يأنبنى وأزعل وبعدها نرجع تانى وكنا بنحاول كتير أنا وهو وكنا خايفين ربنا يبعدنا عن بعض بسبب اللى بينا وفى الفترة دى حصلت بينا مشاكل كتير وكانت علاقتنا وحشة جدا وكنا مع بعض كدة وخلاص وباردو أهلى كانو بيحاولو يكرهونى فيه بأنه مش حايشرفنى المهم قابلت واحد زميلى فى الشغل وابتدا يعاملنى بشكل مختلف حسيت بفرق التعامل والمستوى وعرف يشدنى خصوصا مع الظروف اللى كنت فيها برة وعلقنى فيه بفظاعة وخلانى أعشقه وكنت عايزة أسيب الأولانى لأن زميلى خلانى مش عايزة حاجة فى الدنيا غيره بس هو طلع بيكدب عليا وكل اللى عايزه منى انه ينام معايا وخلاص وباردو من برة بس اكتشفت دا بعد ماادمرت نفسيا لأنى حبيته اكتر من نفسى وكنت مستعدة اسيب عشانه الدنيا بحالها وهو أستغل احساسى بيه عشان ياخد اللى هو عايزه وبس وفعلا كنت بوافق وبعمله اللى يريحه وبعد ما ينام معايا يعاملنى أسوأ معاملة وكل حاجة بحساب حتى انى مأدرش أتصل بيه كرهت نفسى وكرهت الدنيا بس انا حبيته حب عمرى ما حسيت ولا حتى مع الأول وانا كنت كل دا مع الأولانى ومش عارفة أسيبه المهم ان حسيت نفسى ضايعة وفضلت مع زميلى رغم الذل اللى كنت فيه حتى بعد مااتخطبت انا وزوجى الحالى وكان بيحصل علاقة جنسية سطحية مع زميلى وقتها حتى وأنا مخطوبة بس كل فترة كبيرة لما يبقى هو عايز بس كنت ببقى معاه اكتر من الطبيعى وببقى متفاعلة جدا وحابة الاحساس اوى وكنت بحس بالمتعة بكل معنى الكلمة كنت معاه زيادة عن الطبيعى وهو كان دايما بيقوللى انك فظيعة ومابتشبعيش بس كنت كده معاه هو بس ولا بحس بأى شهوة او احتياج للجنس غير معاه لانى كنت بعشقه ولما كان بيحصل مع خطيبى كنت باردو بحس وبستمتع لكن مش ذى التانى ابدا مايتقارنش بس كان فى احساس المتعة كنت طبيعية مش باردة المهم الحمد لله علاقتى بزميلى انتهت قبل ما أتجوز بستة اشهر وغصب عنى لما هو صمم يسيبنى وكانت نفسيتى مدمرة وحاسة انى سافلة عشان سيبت نفسى لواحد كلب عارفة انه عايز ينام معايا وبس وراضية لانى مش قادرة اعيش من غيره انا كنت شبه المغيبة وقررت انى ماكلمهوش تانى واتجوزت وقررت انى انسى اللى عدا وعمرى ما اخون جوزى واكون ليه لوحده وبس لكن كان الوجع اللى جوايا كبير ومعلم فيه اوى لدرجة انى لما كنت بنام مع جوزى ماكنتش بحس باى حاجة ولا بستمتع ولا اى احساس من بداية الجواز كنت بمثل انى مستمتعة كنت عشان استمتع اغمض عنيه واتخيل انى مع زميلى لكن مابحبش اعمل كدة لانى قربت لجوزى ومش عايزة اخزنه ولا حتى فى تفكيرى ومع الوقت حسيت ان جوزى احلى رجل فى الدنيا كلها وانه حبيبى وعمرى وهدية ربنا ليه ونسيت اللى عدا والله وعلطول بستغفر وماغلطش غلطة واحدة من يوم ماتجوزت بس احساس المتعة الجنسية مش موجود نهائى مع انى بحب جوزى اوى دلوقتى وحاسة بقيمته ومالى عنية بس اصبحت امراة باردة تماما جنسيا وعلى فكرة زميلى كلمنى قريب فى التليفون هو اصله اتنقل فى مكان تانى من زمان المهم لما كلمنى ضعفت شوية وحياتى اتلغبطت وخفت وحسيت انى بضعف وانى حاخون احسن راجل فى الدنيا وكنت عارفة ان ربنا مش حايسترنى تانى لانه سترنى قبل كدة وكنت ضعيفة جدا وبكلمه فى التليفون وبعد يومين من المكالمات قررت اروح بيت واصلى وانى عمرى ماحاسمع صوته تانى وفعلا بعتله رسالة قولتله مايكلمنيش تانى لانى مش حاخون جوزى وكنت مبسوطة اوى انى عملت كدة لأنه كان صعب عليا اوى لكن بعدها كنت قوية جدا ومابقاش فارق معايا وربنا الحمد لله قوانى وساعدن وسترنى وانا مع جوزى بس نفسى ارجع احس اللى كنت بحس بيه نفسى احس بالمتعة الجنسية . فى مداعبة كويسة وجوزى كويس بس انا مش حاسة لما بيلمس جسمى حتى المناطق الحساسة ببقى عادى جدا كأنه ماسك ايدى مش عارفة أعمل ايه بيبقى مسافر مثلا ثلاثة شهور ولا بحس بأى احتياج للجنس ولا رغبة ولا اى حاجة ولا بفتكر الجنس أصلا ولما بيرجع هى المرة الأولى لما بشوفه بس بستمتع شوية وبعد كدة خلاص ولا الهوا وهو الحمد لله مش حاسس بكدة لانى بمثل عليه انى مستمتعة لانى عمرى ماحارضى اجرحه لانه حبيبى وأغلى من نفسى . انا ماكنتش كدة ولا حتى معاه هو قبل الجواز دا كان يقربلى بلمسة بسخن . مش عارفة دى حالة نفسية ولا ايه بس انا دلوقتى بسوطة لانى حاسة ان ربنا حايغفرلى انشاء الله عشان انا توبت وعمرى ما حاغلط الغلط الفظيع دا تانى . بس نفسى ارجع ست تانى . اعمل ايه اروح لدكتور ولا ايه . ارجوكم ساعدونى انتم اخر امل ليه
يااختي الشيطان لعنه الله يزين الحرام للبني ادم ويجعله في نظرالشخص كانه احسن من الحلال وهذا ماحصل معك بالضبط صرتي عير مرتاحة من علاقتك الجنسية مع جوزك وتفكري في علاقتك الجنسية مع الشخص اللي كنت معه قبل الزواج وماتشعرين من المتعة واللذة الجنسية معه دي كلها تخيلات شيطانية لاجل يوقعك في الحرام مرة اخرى مع ذلك الشخص ويخليك تخوني جوزك اللي تحبيه فهل انت ترضي بكدا وترجعي للخيانة وتفسدي حياتك الزوجية وتغضب ربنا عزوجل منك مافيش حاجة اسمها برود جنسي دي كلها اوهام وتخيلات تاتي المراة وتنغص عليها حياتها الزوجية وهي من وحي الشيطان استعيذي بالله منه واطرديه من كل حياتك واهتمي بزوجك وبالمحافظة على شرفه وسمعته وكرامته واشغل اوقاتك بطاعة الله عزوجل والتقرب منه بالصلاة في اوقاتها وكثرة الصوم وقراءة القران والاستغفار والدعاء لك ولزوجك بان يؤفقكم الله في هذة الدنيا ويكرمكم بالذرية الصالحة وان يوسع الرزق عليكم ويصلح احوالكم ويبارك لكم ويسترعليكم ويكفيكم شر ولاد الحرام وشر الاشرار وكيدهم
لاشك انك تماديت في الغلط والحرام قبل الزواج مع ذلك الشاب وحتى وانت محطوبة لروجك الحالي كنت برضو مستمرة في علاقتك المحرمة مع ذلك الشاب الفاسق الخبيث والشيطان زين لك الحرام والمتعة الجنسية ولم تشعري بتلك الذة والمتعة مع زوجك مثما كنت تشعرين بها قبل الزواج بعلاقتك المحرمة مع الشاب وتاكدي ان هذا غضب من ربنا عزوجل عليك وانه غيرراضي عنك وعليك بالرجوع الى الله والتوبة الصادقة معه والاستغفار له والندم على مافات منك وعدم الرجوع اليه مهما كانت الظروف وتحمدي الله انو سترك ولم يفضحك بعلاقتك المحرمة بذلك الشاب وتتقي الله في نفسك وفي زوجك وتحافظي على شرفك وكرامتك وسمعة زوجك وكرامته وتصونيهم جيدا واياك والرجوع للخيانة له سوا مع ذلك الشاب اوغيره وتعاهدي الله على ذلك وتكون فعلا صادقة في توبتك وتريدي الستر والعفاف ومرضاة الله عزوجل وتسعي لبناء حياة زوجية سعيدة ومستقرة مع زوجك وتاكدي ان الله بيؤفقك ويسترعليك طوال عمرك طالما انك تايبة ونادمة على ماكان منك في الماضي وتلتزم في دينك بالحفاظ على صلاتك في وقتها وكثرة الصوم وقراءة القران والمدوامة على قراءته وحفظه وكثرة الاستغفار لله عزوجل والصلاة على النبي في كل الاوقات وبر الوالدين وصلة الرحم وارتداء الحجاب وغض البصر عن المحرمات والمعاصي وكل عمل يقربك من الله عزوجل لاتتاخري في انفاذه صدقينى سوف تلاقين كل الخيروالرضا والسعادة والطمانينة طوال حياتك وتفوزي برضوان الله عليك في الدنياوالاخرة وهتكوني راضية عن نفسك وزوجك راضيا عنك وسعيدة معه طوال العمر