بسم الله الرحمن الرحيم انا بنت 17 سنه وهحكى حكايتى بكل تفاصيلها وياريت تسمعونى انا مولوده يتيمه يعنى بابا اتوفى قبل ما اتولد أنا مش قريبه من ماما يعنى مش بحكى لها اى حاجه ولا لينا علاقه ببعض اصلا ومش ليا علاقه بأخواتى البنات وانا مش عندى اخوات ولاد واحنا مقاطعين اعمامى ( اخوات بابا الله يرحمه ) من زمااان يعنى انا مااعرفهمش ولا اعرف اولاد اعمامى ولا اساميهم حتى . يعنى انا تقدروا تقولو كدا بحس بالوحده كتير فبدأت اتجه الى الاصدقاء اللى تخيلت انهم ممكن يعوضونى عن عائلتى المتفككه او اختار صديقه معينه تكون مثل اختى فى المنزله وحصل العكس تماما يعنى اعطيت ثقتى كامله لاصدقائى حتى وان كنت متعرفه عليهم من يومين وقدمت ليهم كل المساعدات اللى اقدر عليها ولكن كان فيا عيب ان انا صريحه اوى ومش بحب النفاق يعنى لو مش عجبانى حاجه استحااه اكذب واقول انها عجبانى يعنى مستحيل ودا اللى جعل اصدقائى يكرهونى ويبتعدوا عنى واكتشفت ان اقرب الناس ليا بيتكلموا من وراء ظهرى بالسوء عنى واصبحت بدون اصدقاء بدأت احاول انى اطلب منهم يصاحبونى فابتعدوا عنى فاتجهت لاصدقاء اخرين خالص واصبحنا اصدقاء وعائله ايضا وكنت اقف بجانبهم فى الخفاء قبل العلن والله يشهد ولكن اكتشفت انهم بيتفقوا يخرجوا من غيرى ويحكوا حاجات لبعض واول مانا اجى لهم يسكتوا خالص ومابتكلموش بس انا كنت بسكت وكانو بيفشوا اسرارى فابتعدت عنهم واصبحت علاقتى سطحيه مع الجميع ولكن حتى الاشخاص اللى علاقتى سطحيه معاهم اكتشفت حاجه غريبه ان مافيش بينا علاقه اصلا يعنى لما بشوفهم فى الشارع واروح اسلم عليهم يعملوا نفسهم مايعرفونيش ويمشوا بعد مانخرج من درس كأنى مش ماشيه معاهم يعنى كأنى هواء بجد عارفين ياجماعه صعبت عليا نفسى اوى والله يعنى ليه انا ماحدش بيحبنى يعنى هوا انا وحشه للدرجه دى ؟!! يعنى انا انسانه ماحدش بيطيقها بجد ! يعنى انا مش فارقه مع حد خااالص !! بجد انا لما بحب صديق بحبه بجد وبساعدوا بجد وبقف جمبوا يكون دا جزائى ان مايبقاش ليا اصدقاء ! يعنى اشتكى لمين واثق فى مين ! انا ماليش حد غير ربنا كل يوم اعيط وانا بصلى الفرض . انا حاسه ان نفسيتى اتدمرت انا كرهت حياتى ونفسى واعتقد انى لو مت ماحدش من اصدقائى هيعرف انى مت لانهم مش بيسألوا عليا اصلا وحتى لو عرفوا والله ماهيزعلو ولا هفرق معاهم . انا شكلى هعيش حياتى كلها كدا وحيده وماليش غير ربنا . انا اسفه انى طولت عليكو. شكرا
شوفي يابنتي عايزه تعيش في الدنيا دي سعيدة ومرتاحة خليك واثقة من نفسك ومعتزة بدينك واخلاقك وتربيتك وكوني انسانة مجاملة الناس تحب المجاملات ولاتفش اسرارك لحد مهما كان وخليك صادقة في كل اقوالك وافعالك وحافظي على صلاتك في اوقاتها وقراءة القران والصوم والاهتمام بدراستك والتفوق فيها يجعل كل الناس تحترمك وتتتمنى صداقتك وربنا يؤفقك ويسترعليك ويحبب الناس فيك
هونى على نفسك يا أختى وصدقينى محدش يستحق إنك تبكى عليه ونصيحتى ليكى إذا كنتى عايزه يبقى ليكى أصدقاء بلاش تحسسى اللى قدامك إنك محتجاله وترمى نفسك عليه وخليكى إنسانه مجامله يعنى متقوليش للأعور إنت أعور فى عينه لأن الناس مبتحبش الحقيقه لأنها دايما بتكون مره وأهم حاجه أسرارك الشخصيه متحكيهاش لحد إلا إذا كنتى قريبه منه جدا وصديق ليكى جدا وواثقه منه لأنك لما بتحكى أسرارك للناس عمال على بطال ده بيخليهم ينزلوكى من نظرهم ويحسوا إنك إنسانه مش عاقله ومش قادره تحافظى على أسرارك دا غير ان الشخص اللى انتى بتحكيله ده ممكن يكون شخص خاين ويفتش سرك…الكلام ده أنا بحكهولك عن تجارب شخص تخطى الثلاثين من العمر ومر بكل اللى إنتى مريتى بيه…هونى على نفسك وان شاء الله بكره أحلى
حبى نفسك وبس واهتمى بشكلك و ثقى فى نفسك ومتديش كتير ومتفضليش حد علاكى وتنشى ومتهتميش بحد ومتسعديش حد غير لما يطلب و بعد متفكرى كمان واضحكى و متديش لحد فرصة انو يهينك وا فتكري ان مش الصحاب كل حاجة فو مشاهير كتير او معظم المشاهير معندحومش صحاب زى ياسمين صبرى وغيرها بس ده مكنش عقبة بالنسبلهم بالعكس ادلهم فرصة الاهتمام بنفسهم اكتر و هما الى بيقولو كدة يعنى بيروحو الجيم وبيمارسو اكتر من هوايا لان الوقت كلو لنفسهم وهما سعدين بدا اهتمى بنفسك وبشكلك بس وشوفيهم حيبقو عايزينك ازاى واتقربى لربنا يساعدك
الاخت صاحبة الشكوي – اطمنك للاسف هي الدنيا كدة كل واحد بيدور علي مصلحته – قربي لربنا سبحانه وتعالي صومي وصلي واقرئي قرأن واذكار الصباح والمساء متشغليش بالك باللي يضايقك – مامتك اتقربي منها كلميها واحكي ليها هي اولي الناس بحسن صحابتك – واخواتك شوية شوية هتصاحبي مامتك وهتصاحبي اخواتك – روحي المسجد وصلي في المسجد هتلاثي بنا مؤمنات صاحبيهم وهما هيصاحبوكي هما دول اللي يستاهلو انك تصاحبيهم – جربي وهتلاقي كلامي حق وصدق – اتمني ليكي التوفيق والنجاح
كنت عايز أقولك إنه باين من كلامك إن جواكي حاجة كويسة فمتزعليش إنتي لسه صغيرة وبكرة يبقى عندك صحاب كتير وتزهقي منهم ماتستعجليش
صباح الخير ممكن تعتبريني صديق