السلام عليكم انا قربت اكمل 20 سنه و مش محبوبه من الناس يعني ناس قليله اللي بتحبني و ممكن بعد ما حد يتعرف عليا و كده و بعدين يتعرف علي اصحابي يحب اصحابي اكتر مع ان انا صاحبت الحد ده الاول و مش مره مثلا حصل الكلام ده لا ده كتير اوي كل مره بيحصل كده و كمان مش دي المشكله بس المشكله اني حاسه اني مسخ و مش شخصيه جذابه لأي حد انه يتعرف عليا ولا يحبني و مش بتكلم عايز ولاد لا قصدي علي الاتنين بنات و ولاد و بحس ان وجودي او عدمه واحد مع ان انا ف الشكل ما شاء الله حلوه و مستوايا حلو الحمدلله بحس اني مش المفروض ابقي شخصيتي كده المفروض ابقي احسن بكتير و اتقالتلي قبل كده ف وسط الهزار من كدا حد كلام بمعني ان مليش لازمه يعني موجوده ولا لا كده كده مش بضيف اي حاجه يعني لو مش موجوده محدش هيزعل نفسي ابقي حد ليه شخصيه كده و عارف هو عايز ايه و من صغري و انا كده من صغري و انا محدش معبرني حتي ف المدرسه كنت بردو غاليا لوحدي او عارفه حد او اتنين بس بقول ممكن عشان مكنتشً بتكلم اصلا و ف الجامعه بقيت عارفه ناس اكتر و كل حاجه و بقيت بتكلم اكتر و اجتماعيه اكتر بس بردو بحس محدش بيعملي اعتبار ولا بياخد برأيي حتي لما اتكلم و ممكن صحبتي من غير ما تتكلم الناس يروحولها هي و انا قاعده جنبها و تلاقي الناس بيتكلمو معاها هي
انا مش عارفه اعمل ايه بس انا بجد مبعرفش اتكلم كتير او بطريقه حلوه تجذب الناس مبعرفش اهزر و دايما حاسه اني لوحدي اوي و ان محدش خالص بيمشي علي كلامي و انا اللي بمشي علي كلامهم و برضو ممكن نبقي كلنا بنتكلم و تلاقي الناس بتتكلم مع اصحابي و انا محدش معبرني حتي من غير ما يبقو عارفينهم قبل كده انا تعبت و مش عارفه اعمل ايه و تعبت من كتر ما ببعت مشاكل و ف الاخر مش عارفه اطلع مر اللي انا في عايزه ابقي شخصيه حلوه كده روحها حلو بتعرف تهزر و تتكلم و الناس بتحبها
ياريت تقولولي حاجات غير القرايه و القرب من ربنا عشان دول بحاول فيهم عايزه حاجه غيرهم
اسفه عايز الاطاله و كمان عايزه اسأل هو انا ليا ثواب علي كل ده ؟
مشاكل البنات النفسية
انا مش محبوبه
اضيف بتاريخ: Thursday, May 3rd, 2018 في 06:21
كلمات مشاكل وحلول: المدرسة, بنات, بنت, مشاكل
انا مع -ابوالبتول- في كل ماقال لك هو عين الصواب والراي الصحيح ولاعندى اضافة على ماذكره لك اتمنى ان تعمل به وربنا يؤفقك ويكرمك ويصلح حالك
شوفي يااختي العزيزة سبب المشكلة فيك انت لازم تكوني اولا واثقة من نفسك وتحسن التعامل مع الاخرين سوا كانوا اصحابك في الجامعة او الناس المحيطين بك تكوني لبقة في الكلام معهم وصادقة وتبعدي عن الغرور والتعالي عليهم وتحترم اراى الانسان اللي يتكلم معك وماتسخريش من احد مهما كان او تقلل من قدره وقيمته وكمان تكوني مرحة وتحب الهزار مع صحاباتك وماتكوني عبوسة ولاعصبية ولامكشرة الخلق معهم ومعتزة بنفسك وبكرامتك وخلاقك وتشاركيهم همومهم ومشاكلهم وبكدا تكون محبوبة من الكل وماحدش يستغنى عن الاصدقاء والصحبة في حياته ابعدي عن الوحدة والعزلة فهي تسبب الكثير من الامراض النفسية وتجلب الهموم والمتاعب وتخلي الشخص منبوذ من الجميع ربنا يؤفقك ويصلح حالك ويحبب خلقه فيك ويكرمك ياقموره بابن الحلال اللي يستاهلك ويقدرك ويصون مشاعرك ويسعدك العمر كله