مشاكل البنات النفسية

حاسة دلوقتى انى رخيصة ومنافقة

السلام عليكم ورحمة الله
انا فتاة عندى 18 سنة مصرية خلصت الثانويه العامة  بتفوق والحمد لله
انا كنت لحد تانية ثانوى بيتقال عليا البنت المثالية بكل معنى الكلمة يعنى كنت بصلى واصوم وحافظة القران وجرئية وبحب الجدال ومحبوبة ومحترمة وهكذاا
بس لما دخلت تالتة ثانوى دخلت عالنت ع مواقع اسلامية الاول وبعدين مواقع بتتكلم عن الحب وبعدين المصيبة بدات انى دخلت على غرف الشات
كان عالم غريب بالنسبة ليا اتعرفت ع كذا شاب وانا والحمد لله لا اثق باحد الا اذا كان يستحق هذه الثقة المهم حبنى ناس كتير بسبب شخصيتى حتى من غير ما يشوفونى وابتديت انى اتكلم مع كذا شخص فى التليفون وكانوا بيطلبوا منى الارتباط الرسمى لكنى كنت برفض لصغر سنى وعدم استعدادى مفيش حد فيهم شافانى ولا يعرفوا عنى غير اسمى
بس انا فعلا حاسة دلوقتى انى رخيصة مش عارفة حاسة انى منافقة وان حفاظى ع نفسى كان عشان نظرة الناس ليا مش عشان ربنا
مع العلم انى لسه فى نظر الناس المحترمة والكلام ده لان ما حد يعرف عنى حاجة
واكتر شى انا حاسة بيه هو كرم ربنا وستره فعلا ربنا سترنى كتيررررر اوى لانى بدخل الشات من ورا اهلى وربنا بيسترنى ولانى جبت فى تتالتة ثانوى 93 وانا حتى ما استهال نصها
انا مش عارفة انا عايزة ايه ولا انا ايه اصلا؟؟

بنت محترمة ولا؟؟؟؟ كويسة ولا؟؟؟؟ هل انا منافقة ؟؟؟
وهل ربنا غضبان عليا؟؟؟؟؟
انا عايزة حل علمى يبعدنى عن الشات لانى تعبت من نفسى وحاسة بغضب ربنا عليا
وكمان هدخل الجامعة   وهى صعبة وانا عايزة اكون معيدة فيها ساعدوونى

مشاكل وحلول ذات صلة

اضيف بتاريخ: Friday, August 31st, 2018 في 07:02

كلمات مشاكل وحلول: , , , , , , ,

3 رد to “حاسة دلوقتى انى رخيصة ومنافقة”

  1. رجل اربعينى
    17/09/2018 at 13:33

    يا بنتى كل انسان بيغلط المهم انك تتوبى وتستغفرى وترجعى للطريق الصحيح وحاولى تقربى من بنات زيك ليهم اهتمامات زى القراءه الصلاة قراءه القران الرياضه اى شى مفيد

  2. ابوالبتول
    01/09/2018 at 14:12

    وهل تعنقدي ان دي التصرفات تصرفات وحدة محترمة ومتربية لا والف كلا يابنت لناس وماتعملها االا وحدة ساقطة وبلادين وخلاق ولاتربية اتركيها فورا وتوبي لربك واستغفريه واندم على ماحصل منك في حق نفسك وحق اهلك وسمعتهم وكرامتهم وثقتهم الكبيرة فيك االكلام مع الشباب من خلال النت حرام ولايصح ودي تصرفات غير اخلاقية وتجلب لك العار والفضيحة ربنا يسترعليك ويصلحك ويهديك

  3. TueGk
    31/08/2018 at 23:29

    اغلب الناس يتزوجوا من اقاربهم وجماعتهم او معارفهم ومنطقتهم وبلدتهم او زملائهم وهكذا كلهم او اكثرهم الا نادرا ولا اظن ان التعارف بالنت كذلك الا لو كانت ملكة جمال نادر وجودها ولن يرى مثلها لا اعتقد ان شاب له اقارب واهل منطقته يترك الزواج منهم الا لو كنتي اجمل منهم جميعهم ، لذلك لازم تعرفي ان التعارف بالشات اغلبه لن يكون لغرض الزواج بل يعتبروهم مثل البغايا والعاهرات ولا يفكروا ابدا ان بنت محترمة تتعامل بالنت وتتكلم مع الشباب وتعمل معهم صداقات، وربنا لم يحرم انك تقبلي اللي عرض عليك الزواج ، ولكن لن يلجأ للزواج عن طريق النت الا شخص حوله ١٠٠ علامة استفهام

اترك رداً أو حلاً لهذه المشكلة