انا مش عارفه اعمل ايه وخايفه اوي اظلم اي حد او اظلم نفسي انا رومانسيه اوي وكنت بحلم زي اي بنوته بحبيبي اللي هتجوزه ودايما كنت بقول ان لازم الجواز يكون اساسه الحب بس وانا في الجامعه كان في اولاد بيحاولوا يكلموني بس لان اخلاقي وتربيتي ومباديء كنت برفض اي ولد يحاول يكلمني بس من جوايا كان نفسي اعيش قصه حب وفنفس الوقت تكون بالخطوبه وطبعا كان في صراع دايما جوايا ما بين تربيتي وخجلي وبين اني عازه اعيش قصه حب كان في شاب في الجامعه معايا حاول يكلمني اكتر من مره بس انا كنت بصده دايما طول ال4 سنين وهو بيحاول يكلمني وكل مره كنت بشوفه كان قلبي بيدق بسرعه اوي اوي مع العلم اني هو عمري مشفته واقف مع بنت واصحابي قالولي شوفيه عايز ايه مش ولا انتي بس رومانسه كده وخلاص بس انا مقدرتش خالص اتغيرو وبعد التخرج مشفتهوش تاني خالص وبعد سنه من التخرج وانا مستنيه الحب وطبعا كان في ناس بتتقدملي بس اهلي كانوا خايفين عليا اوي من البعد او اي حاجه وانا عمري مقعد مع اي عريس كان اهلي بساله عليهم كويس الاول لانهم خايفين عليا واتقدمولي ناس كتير في فتره المهم اتقدملي واحد قريبي واتضح انه بيحبني اوي اوي وانا مكنتش اعرف خالص بس هو مجاش في بالي ابدا وهو بيحبني من زمان بس اول معرف قولت لاهلي لا مش عايزاه بس ماما قالتلي فكري كويس وانا صليت حوالي 20 يوم وانا بصلي صلاه الاستخاره ومشفتش اي حاجه وبعدين عو جالي وقعد معايا وقالي ان بيحبني من زمان اوي وعايز يعرف ردي وحدده معاد للشبكه بس وانا قاعده معاه محستش ان قلبي بيدق زي البنات كده من الفرحه بالعكس انا بكيت اوي اليوم ده ومكنتش عارفه انا عايزه ايه اوافق ولا
انا مكنتش متوقعه اي حد من قرايبي خالص واتفقه علي الشبكه بس انا بصراحه مش متخيلاه جوزي او حبيبي واتخطبنا بس انا كنت فرحانه بالخطوبه وبعد وبعد كده اقعد افكر طيب ليه انا مش حاسه من ناحيته باي حاجه خالص وصليت صلاه استخاره تاني وبرده محلمتش باي حاجه او اي احساس وهو عملي حجات كتير وانا مش بعرف اتكلم معاه زي اي اتنين مخطوبين ومبقولش اي كلام حلو لان انا لازم اي كلمه اقولها تكون بجد من قلبي وقعد فتره مابين تفكير ماما قالتلي ان الاحساس ده لاني اول مره اتعامل مع واحد بس انا مش حاسه من ناحيته باي استجابه خالص ومش متخيله ازاي هعيش مع احد قريبي ومش عارفه اسيبه ولا اعمل ايه انا بحاول اتغير بس مش قاديه اكدب عليه واقوله كلام انا مش حاسه بيه وبعد فتره من الخطوبه
شوفت الشاب بتاع الكليه في فرح واحده صحبتي وقلبي دق من تاني وهو قعد يبص عليا اوي بس محولش يكلمني من تاني انا مش عارفه هو ايه الحب الحقيقي انا متردده اوي ومش عارفه اعمل ايه ومش عايزه اظلم خطيبي وخايفه اكمل مقدرش احبه وخايفه اكسر قلبه لو سيبته او اظلم نفسي لو كملت معاه ومقدرتش احبه اعمل ايه انا مش قادره ابطل بكي ومش عارفه ليه وخايفه اسيب اهلي لاني بحبهم اوي
مشاكل البنات مع الشباب
خايفه اظلم خطيبي او اكمل مقدرش احبه
اضيف بتاريخ: Thursday, May 31st, 2018 في 07:19
كلمات مشاكل وحلول: الاستخارة, الجامعة, الحب, الخطوبة, بنت, حب, شاب, صلاة الاستخارة, قصة حب
شوف يابنتي الحب الحقيقي ياتي بعد الزواج وانت الان مخطوبة للشاب قريبك ده وهو ابن حلال كويس ويحبك من زمان مثلما قلت فلازم تحترمي مشاعره وتقدريها وتحافظ على ارتباطه بك واياك والتفكير في احد ثاني غيره دي خيانة وهذا حرام ولايجوز وربنا لن يبارك لك ولا يؤفقك ان فكرتي في خيانة خطيبك استهدي بالله عزوجل واهتم بخطيبك وتعامل معو كويس وبادليه المشاعر والعواطف وكلها شهور وهيكون زوجك وانت زوجته وربنا يتمم لكما بالخير ويؤفقكما ويسعدكما في مستقبل حياتكم القادمة اما الشاب زميلك في الكليه فعاوزك تنسيه تماما ولاعاد تفكري فيه خالص ولاتهتم به وكل شئ قسمة ونصيب وربنا يسعدك مع خطيبك وعقبال الفرحة الكبيرة لكما وتحياتي لك