بصراحة انا خجلانة من اني اطرح مشكلتي اصلا بس مش عارفة اعمل ايه مش قادرة احكي لحد اعرفه وفي نفس الوقت عايزة حد يشورني واعرف الصح من الغلط ،انا بنت محترمة جدا بشهادة كل الناس ومن وجهة نظري الخاصة عمري ما ارتبطت ولا حبيت ولا صاحبت زي باقي البنات اكيد كان بيبئا نفسي احب واتحب لكن بردو مش عايزة اعمل حاجة غلط باني اعرف حد من ورا اهلي اول ما احس ان حد معجب بيا وهنبتدي كلام بقطع علطول حتى مش بحاول انزل كتير مع اصحابي لاني مش بعرف اتماشى مع تفكيرهم التافه من ناحية الصحوبية والكلام ده كله.
انا مش عارفة دي ميزة ولا عيب اني الحمدلله جميلة لكن بحس ان الشباب كلهم طمعانين فيا ودي حاجة بتنرفزني انه مجاليش حد كويس يناسبني وارضى عنه ويكون جاهز في نفس الوقت للارتباط و الزواج, حتى حسيت بالاكتئاب لما بعدت عن صحابي وعن الناس وحسيت بيني وبين نفسي اني (جوهرة مدفونة) مش عارفة اجاري الجو واتعامل مع الجيل
المهم عشان مطولش دي كلها حاجات مديقاني فاشتغلت عشان اضيع من وقتي وعشان الاكتئاب ميزدش عندي وقولت اضيع التفكير ده كله في حاجة تشغلني.
اتعرفت على واحد ده الوحيد دونا عن شباب الشركة كلهم استريحت له وحبيت اتكلم معاه ومكالمة مع مكالمة مع مقابلات الشغل حبيته. وهو كمان جالي في وقت انا عزلة نفسي عن العالم فملا عليا وقتي ساعتها دماغنا زي بعد تفكيرنا واحد وكل حاجة انا ممعرفش ازاي انجزبتله وانا اصلا برفض اتعامل مع اي شاب لو حسيت بس باعجابه
المهم المقابلات دي اخرتها ان احنا بقينا نخرج برا الشركة مع بعض وطبعا اهلي ميعرفوش وده الهم الاكبر من وجهة نظري ، بحاول اعرفهم والمح لهم لكن اهلى رافضين فكرة الحب نهائي ورأيهم ان الزواج الناجح زواج الصالونات المهم في مقابلة من المقابلات باسني
وفي كل مرة يحضني ويبوسني ويلح عليا نتقابل وانا مش عايزة كده خالص ومشكلتو انه مينفعش يتقدم دلوقتي نهائي اولا انا عيلتي غنية و اخواتي متجوزين اثرياء وحبيبي ده اصغر مني بسنة وقدامه سنتين عشان يخلص الجامعة ولسة على ما يكون نفسه وانا في اخر سنة
فياريت تنجدوني بمشورتكم وتقولولي اعمل ايه اكمل معاه ولا اسيبو ولو سيبتو اعمل ايه في حبي ليه وفي العزلة اللي انا فيها واللي هتخليني غصب عني افتكره وارجعله !!!!!!!!!!!
كويس اووووي انك دخلتي علاقه عاطفيه وجربتي الحب وفي النهايهعايز اقولك ان العلاقه دي مش صحيحه لاسباب اولا لو حبيبك ده بيحبك وبيخاف عليكي بجد مكنش اتعرض ليكي وباسك وحضنك ومحدش عارف ممكن العلاقه تتطور ويحصل اصعب من كده فالشخص ده مبدائيا لا يصلح لكي اعدي مع نفسك وفكري وهتلاقي اني معايا حق ثانيا هو اصغر منك ومن العادات والتقداليد انه من الصعب في مجتمعنا ان البنت تتجوز واحد اكبر منها ف البطريقه دي اهلك هيرفضو بنسبة 70 في الميه ثالثا انتي بنت محترمه جدا فمينفعش انك تسيبي فكره مش كويسه عنك لاعز شخص عندك فالاصلح انك تتركيه وتفكري في جامعتك وبعد ما تخلصي جامعه اكيد هيجلك عرسان كتير وقتها تقدري تختاري اللي يناسبك في الحاله الماديه والاجتماعيه والعاطفيه . اسف علي الاطاله يا اختي بس نصحتي ليكي انك تتركيه وده الاصلح ليكي وليه وممكن يكون صديق ليكي عادي بس في حدود الصداقه والاحترام
طالما حضن وباس يبقي كل سنه وانت طيبه ده عندو طاقه مكبوته يخرجها وخلاص ومن المستحيل ان يتزوجك
ليكي يأخت…… .
………… .. .
أنا رجل طبيعي ولاكن من تجربتي في الحياة أنصحك
أن تكملي معه ولاكن في الفترة التي طرحتيها
سوف يتقدم لك الكثير من الشباب و هذا الشيئ أكيد
و لاكن فكري أذا تقدم لكل رجل أجمل منه بكثير و صاحب مال و ثقه
و جمال… .،المهم أنه اعجبك هذا الشخص
و أنت كنتي معه لمدة سنة و نصف مثلا او اكثر
ماذا… .سوف تفعلين أن كان قرارك أن تتركيه
… ..فتـ ركيه من الأن… .
و أن كان قرارك لاتتركيه مهما كان السبب او الضرف
…… .فأبقي معه لو بعد عشر سنوات… .
لأنك استطعت أن تعرفي نفسك
و فارق العمر ليس مشكلة اذا كان قليل بمقدار الثلاث سنوات و أقل
و لاكن النصيحة من ذهب…… .
… .
رجل معتوق من الحب و لكم الفائدة… .
و السلام عليكم……
حصل معي نفس القصة دي كنت شاب تخرجت من الجامعة وتعينت موظف في شركة كبيرة تعرفت على بنت زميلة لي في العمل وبها كل المواصفات التى يبحث عنها اي شاب لكنها كانت ترفض مبدالزواج وماتفكرش فيه حبينا بعض وتعلقت بها وكنت اساعدها في العمل واي مشكلة تواجههااحلها لها وبعدمرور اكثرمن 6سنوات مع بعض قلت لهاعاوز اتقدم لااهلك واخطبك منهم وكانت ترفض حتى اكتشفت انها على علاقة غير شرعية مع شاب واخفت عنى الحقيقة وصدمتنى وكل الزملاء قالوالي عنها حاجات مش كويسة وماكنت اصدقهم حتى شفتها في يوم في كراج السيارات التابع للشركة في وضع غيراخلاقي مع هذالشاب وقررت ان اقطع علاقتى بهانهايةوللابد وحصل فعلا انها طردت من الشركة لاهمالهافي الشغل والشاب تخلى عنها نهايا لماعرف انها ماعادعنها شغل وهي الان نادمة على كل مافعلت وتريد ان اسامحها وترجع العلاقة بيننا وانا قلت لهاخلاص اللي انكسر عمره مايتصلح ابدا انت انتيهت من كل حياتي ولااريدان اسمع حتى صوتك وربي اكرمنى بخيرمنها زوجةمحترمةومتربية وبنت عز وعايش في منتهى السعادةوراحةالبال والاستقرار معها
يابنت ناس انت حياتك كلها غلط في غلط وماتعرفيش الحلال من الحرام خايفةمن اهلك يعرفون انك على علاقةبالشاب ومش خايفة من ربنا وتعصيه ليلا ونهارا مافيش بنت محترمةولامتربية تعمل اللي انت عملتيه اوكيه لوالشاب فعلا يحبك وشايك بالغالي يتقدم لااهلك حسب الاصول والعادات غيركدا يبقى حرام تستمروافي العلاقة الاثمة دي من غير رابط رسمى اولها بوس واحتضان واخرتها ندم وحسرة وفضيحة بجلاجل لك واهلك اتقي الله في نفسك وفي شرفك وفي اهلك وثقتهم فيك ربي يسترعليك ويهديك ويصلح احوالك
احسن حاجة انك تسيبيه خالص دا افضل ليكى ومتتعلقيش بحد خالص اتعلقى بربك ثم بنفسك فقط لا غير
خايفةمن اهلك لويعرفو انك تحبي واحدوتخرجي معاه ومش خايفةمن ربنا عزوجل ايه قلةالادب والخلاعةاللي انت فيها وين الدين والاخلاق والتربية التي تتحدثي عنها وكانها ستارة تظللي بها نفسك والناس وانت جاريه على حل شعرك وتمارس المحرمات والفجور مع الشاب السافل الواطي ده من بوس واحضان واخرتها هتك عرضك وفضيجةبجلاجل لك ولاهلك وسمعتهم مافكرتيش في كلده ربي يصلحك ويهديك اقطع العلاقةمع الحيوان ده للابد وارجعي زيماكنت واصبري حتى ربنايكرمك بابن الحلال اللي يستاهلك ويقدرك ويسعدك
انت كنت كويسةومحترمة لكنك خربتيهافي الاخر لماتكلمت وخرجت مع الشاب وحصل بينكم من الاحضان والبوس وماخفى كان اعظم ماحدش عارف ايه اللي بيجصل بعدهاممكن تفقدي شرفك وتفرطي فيه لاجل شاب سافل منحط ضحك عليك بكلامه المعسول واخرتك تندمي ساعةمايفيدك فيه الندم بادري اولا بالتوبةلله عزوجل واقطعي علاقتك المحرمةمع الشاب نهايا وربنايعوضك بكل الخير وهولوكان يحبك فعلا ماعملش كده معك لكنه انسان سافل ومنحط وغير متربي اساسا ومافيش بنت محترمةتعمل اللي عملتيه ابدا مهماكانت الظروف ربي يهديك ويصلحك
بصى يابنت الناس أنا كلامى هاريحك نفسياً ليه لأن انا مريت بيه
أولا الحب والخلوة لوحديكوا اكبر غلط هايوصلكوا لأكبر من كده وده مايمنعش إنها أحاسيس بس الأحاسيس دى لوكانت صح ماكنتش تبقى فى السر من وره البشر ولو مافيش حد شايفكوا فى اللى أهم من الناس واهلك وهو ربنا وكلمة واحدة بأختصار لوعيزاه خليه يخطبك وبتحبيه خليه يتقدم ويتجوزك
وكمان بعد الخطوبة مش مسموح له بكده لان الكلام ده عن تجربة ربنا بينهى كل حاجة حلال بالخير والزواج
لكن عمر الحرام مابيكمل ولا بينتهى بزواج نهائيا وربنا يهديكم لبعض وتعرفوا الطريق الصح
والقصيدة دى تعبير احساس جميل ليكى
هو يعنى علشان بحبك
قربت كتير من قلبك وعرف إنى بحبك
ليه إنتى بتهربى من حبى
وناكره حبك
ليه عايزة اللى يوهمك بالحب ويكدب عليكى
ليه مش حاسة بحبى حرام عليكى
هو يعنى علشان بحبك
وإعترفت بحبك قدام عينيكى
ليه ناسيه وليه قاسيه
الطبع ده مش طبعك ده طبع إتغير فيكى
هو يعنى علشان بحبك
وبموت فيكى
بتسبينى وناوية تعذبينى
وهوه ده طبعك مش جديد عليكى
ورغم كده عارفة إنى بموت فيكى
وهو يعنى علشان بحبك
بصي يا اختي مشكلتك انك معشتيش مراحل سنك وده مخلكيش قويه بالعكس ضعفك وخلاكي تفكري في الواحده الحب مش عيب بس الي هو بيعمله دلوقتي انه يحضنك او يبوسك ده هو العيب انتي بعتي نفسك عن لحب ولما ما لقتيش الي يناسب تفكيرك اكتئبتي انتي اخلاقك عاليه بس انتي ضعفتي لانك حاسه بالوحده وعلي فكره احتمال كبير اوي انه يكون تعلقك بالشخص دهاحتياج مش اكتر لازم ترجعي لاصحابك وتعيشي حياتك عاديه وتستني الحب الحقيقي وسبه لان لالاسف علاقتكم حتي لو كملت مش هتنجح لانها رغبتك احتياج ليه مش اكتر امنعي نفسك من التفكير فيه وسيبي مكان الشغل الي هو فيه وروحي مكان تاني وهتشوفي ناس تاني واقولك علي حاجه الي بيحب وحده يحافظ عليها ما يستغلش ضعفها وربنا يعمللك الي فيه الخير يارب ويسعدك ويكرمك بالي تفهميه ويفهمك نصيحه ابعدي عنه لانك انتي مابتحبوهوش وده وهم ولا هو مابيحبكش اسفه علي الاطاله
انتوليش تقفلوهافي وش البنت هي صح غلطانه لانهاسمحت له يبوسهاويحضنهالكن دامايمنع انهاتحبه وشايفه انوالزوج المناسب لهارغم الفوارق الاجتماعية بينهم وانهالكبر سنا منه والحب مايعرفش الفوارق دي ياماناس فقراء ماعندهم الا الستروالعافية تجد ابنهم متزوج من بنت غنية والعكس صحيح البنت تكون من عيلة فقيرة ويتزوجهاابن ثري ولامشكلة في دا الغنى والفقر دامن صنع الخالق الله عزوجل ولااعتراض على ماشاءوقدر جعل فينا اغنياء وجعل فينا فقراء لتستقيم الحياة ولكي يعطف الغني ع الفقير ويلجاالفقير للغني وهكدا تدورالحياة وتستمر الى ان يرث الله الارض ومن عليها اناوالعياذبالله من كلمةانا شاهدت وحضرت اعراس كثيرة مثل هذي يكون الزوج من اثرياءالبلد وزوجته ابنةرجل مسكين وعل قدحاله والعكس احياناتكون العروس بنت غنية وثرية وعريسهارجل بسيط وعل قدحاله وعايشين مبسوطين وعندهم اولاد وفي منتهى السعادةلماذانغالط انفسناونكابر ونحكم على الشي بالفشل ونحلل ونحرم حسب اهواءناومزاجنا ولانعترف بالحقيقة وكل منايغلط الاخرويحكم على الامور بلاتفكير اودراية وهذاقمةالجهل والتخلف
شوفي يابنتي الحاجات دي مرفوضة قبل الزواج لازم يفهم ذلك وامنعيه من انويعمل كدامعك مرةتانية وذاهوشاب كويس وانتوتحبو بعض ولايقين لبعض خليه يتقدم لاهلك ويخطبك رسمي وربي يكرمكم ويسعدكم
الاحضان هتجيب المحظور اتقى الله فى نفسك واهلك > هدمرى حياتك كلها شهوات فانيه على فكره انتى حابه انه يعمل معاكى كده . وده شى لو اتعودتى عليه مش هتقدرى تقاومى بعد كده. ارجوكى فوقى لنفسك ده انسان مش كويس وبعدين متقوليله تعالى اخطوبنى وشوفيه هيعمل ايه كده
اقلك. علي حاجة. داااااااة. عمرة ماهيجوزك. بعد الي عملة داة. ولو حلفلك. علي المصحف
دي. نغمة. كل الشباب. بيعملوها. علشان يفضوا. شهوتهم. لا اكثر.
فخلي بالك. خلي بالك. داة لو. بيحبك. واحد في المية. مكنشي عمل كدا
فنصيحة. من اخ. ليكي. حرام عليك. نظلمي. الشخص الي هيتقدم. لخطبتك. وانتي ممكن تضيعية
بسبب الي عملتية. داة.
عزيزتى مشكلتك الاساسيه هى نفسيه لانك فضلتى العزله وابتعدتى عن الاصدقاء وجعلتى حياتك ضيقه ولم توسعى دائرتها وبذلك توهمتى انكى تحبين ذاك الشخص وهو يحبك , فى الحقيقه هذا ليس حبا بل هو تعويض من ذاتك على حرمانك الاختيارى من الناس انصحك باخذ الموضوع بانه حاله نفسيه يجب ان تسرعى فى الخروج منها قبل ان تستفحل فانظرى الى اصدقائك بنظرة محايده فليست كلهم تافهين بل ستجدين منهم من هما عقلاء جدا ولا تنسي ان ثورتنا قامت من مجموعه شباب لا يمكن ان نسميهم بتافهين ولا استطيع التصور بانكى لم تقابلى شخصيات مثلهم فاغلب الظن ان حكمك عليهم كان ليس عادلا فاول شيىء اخرجى للحياه وارجعى لاصدقائك وحاولى اكتساب اصدقاء جدد وسوف تجدين نفسك تتركين هذا الشاب لتفاهته فهو التافه الحقيقى ليتكى تدركين انك تركت اصدقائك اللذين متاكده ان منهم من هما فضلاء وعاقلين وذهبت لما هو تهربين منه وهى التفاهه فانك تعرفتى على التفاهه بعينها
فلا اظن ان علاقه كهذه يمكن ان تصدر من شخص متزن او مثقف او ذو عقل راجح فابتعدى عنه وستعرفين مدى كنتى مخطئه
بصى يا قمراية انتى مفيش بنت محترمة بيحصل منها الحاجات دى
دة لو انتى فعلا جوهرة زى ما قولتى وكمان شكلك مغرورة اوى بجمالك
الجمال وخصوصا جمال البنت مش فى شكلها الجمال فى حيائها
حبيبتى خلى بالك من نفسك وافهمى الدنيا كويس
قربى من المولى عز وجل واستغرى وتوبى عن اللى حصل
اوعى تشتمية زى الكومنتات اللى فاتت ما قالت لان عيب البنت تشتم ولد مهما حصل
قربى من اهلك اكتر حاولى تصاحبى لان الصحاب احلى حاجة فى الدنيا والواحد من غيرهم ميعرفش يعيش
انا برجوا منك انك متزعليش منى ابدا ولا من اسلوبى فى الكلام
ددى نصيحة اخوية من اخت اصغر منك فى السن
عندى16 سنة
لكن فاهمة الدنيا وعارفة عن الاخرة والاهم ان اهلى مربينى كويس
ولو حضرتك غنية فعلا اكيد مش هتحتاجى لشغل
ولو كان حضرتك اشتغلتى عشان تضيعى وقت فحاولى انك تضيعة احسن فى حاجة تفيدك اكتر من كدة
تقبلى مرورى
انا من رايي انك و لا بتحبية و لا معجبة بية دة مجرد شخص ملي عليكي حياتك باهتمامة و حبة ليكي بمعني اصح واحد ملي الفراغ العاطفي اللي جواكي يعني هو مجرد حد اتعلقتي بية لانك كنتي وحيدة
ثانيا هسيب فرق السن دلوقتي و نتكلم عنة هو لو كان بيحبك بجد كان حافظ عليكي وكان فتح موضوع الارتباط حتي لو كان فقير او اصغر منك المهم انة يبين نيتة و كمان هو اخد علي كدة انك متعملهوش حاجة و انك توافقية علي كل حاجة لانك استسلمتيلة من اول مرة انتي غلطتي انتي بينتيلة انك سهلة جربي كد اقعدي فترة رافضة الموضوع دة وشوفي هيسيبك و لا لا هو من جواة اخد فكرة مش كويسة عنك ابسط حاجة هيقولها دي عاملة محترمة اكيد عملت اللي عملتة معاها مع حد قابلي خلي بالك كويس وثالثا مينفعش تحبي واحد اصغر منك ابدا انا من رايي تنسية هو في الاول هيكون صعب بس بعد كدة هتتعودي
الأخت العزيزة من وجهة نظري الخاصة وكررت الموضوع دة هنا يجي مليون مرة متهيقلي لما حد يحب حد بجد ويبقي نفسة يرتب بية ويتجوزة عمرة ما يسمح لنفسة أنة يحضنة أو يبوسة أو الكلام دة متهيقلي ان دة ممكن يحصل لو كان حد عايز يتسلي ويقضي وقت ويريح نفسة وخلاص ومتهيقلي دة مش حب علي الأقل من وجهة نظري المتواضعة.
نصيحتي للأخت فريدة يا أما تحاولي تقولي حل للمشكلة أو بلاش تتريقي أو تقولي كلام يضايق أو يزعل صاحب المشكلة يا تقولي حل يا بلاش تتكلمي خالص تقبلوا تحياتي جميعاً بدون اي ضيق أو ضجر
الا اقدر اقولوا انك انتي مغرورة في حد يقول علي نفسوا جوهرة مدفونة يابنتي انتي مريضة نفسيا ازاي محترمة في نظر نفسك واتباستي واتحضنتي ونبي باقي اية بقا انتي مريضة نفسيا بالغرور وواجهة الادب الا انتي متخيالاها انا كنت اعرف خطيبي قبل مايتقدملي ب4اربع سنين من 3ثانوي والحمد للة واقسم بالله ماحصل بيني وبينة اي حاجة من دي مافيش غير انو ممكن يمسك ايدي وانا مش ميسورة من عادية متوسطة زي كل المصريين انصحك تروحي لدكتور نفسي احسن
انتى قلتى فى رسالتك ان اهلك اغنياء وحتى اخواتك المتجوزين اثرياء وبنفس الوقت حبيتى تضيعى وقت فراغك بالشغل طيب ازاى ده اكيد فيه خلل ومين الراجل الثرى الى يقبل بنتو تشتغل وفى مكان ميعرفش عنها حاجه طيب هو نوع الثراء الى اهلك فيه ده ايه طبعا معرفناش ممكن يكون ثراء غير مشروع وانتى ملكيش مجال للعمل فيه لانو غير مشروع اما لو كان الثراء ده من النوع المشروع طبعا يستحيل كان يوافقو على الشغل بعيد عنهم ثانيا على حد قولك ان اهلك اغنياء واخواتك اثرياء وبتحبى شاب ما زال بالجامعه ايضا من المستحيل اهلك هيوافقو على شخص فقير ولسه هيكون نفسو الا اذا بردو كان فيه خلل والادهى من كده انو انتى اكبر منو يعنى اكبر وفقير وصعب يتقدملك لانو لا يملك ثمن الدبله اكيد لانو طبعا بيشتغل علشان يصرف على نفسو لانو لو من عيله ميسوره مكانش اشتغل وهو طالب ثالثا خلينا نروح بقى لنهايه مشكلتك لو انتى بجد انسانه محترمه ومؤدبه بشهاده الجميع مكنتيش سمحتى لنفسك تتخلى عن احترامك لنفسك هو باقى ايه بعد البوسه والحضن طبعا الباقى سهل اوى وممكن يحصل عليه بسهوله بحجه الحب ثم انتى لو مش حاسه براحه فى الاحضان والبوس مكنتيش وافقتى نهائيا واخيرا لو انتى عايزه حل لمشكلتك فعلا يبقى لازم تقعدى من الشغل فورا هو كده كده مش هيتقدملك لانو قالها صريحه لاكنو وجد البوس والاحضان سهله اوى من بنت مستهتره اوى اوى لازم تقعدى من الشغل فورا ولو حابه فعلا تشغلى وقت فراغك اذهبى لدار من ديار العلم كدار تحفيظ القران وقتها مش هتشغلى فراغك وبس بل هتشغلى الفراغ وتكتسبى العفه والطهاره ومن خلال حفظك للقران ربنا هيحفظك من كل مكروه وهيرزقك بابن الحلال الى يصون عرضك ويحافظ عليه الا بقى لو كنتى من عيله فقيره وبتشتغلى علشان تصرفى عليهم وشكرا
انا مشكلتك تقريبا نفس مشكلتى بس مش بكل تفاصلها علشان كدة عايزة انصحك انتى مش بتحبية انتى معجبة بية مش اكتر بس انتى مش حاسة بكدة حاسة انة حب لا انتى انجذبتى لية علشان طول عمرك نفسك تحبى وتنحبى ذى اى بنت لقيتى الانسان حسسك بمعنى الحب وان فى حد بيحبك ونك غالية عندى حب اتحرمتى منة طول عمرك ماحسيتيش باحساسة غير مع الشخص دة هو مش بيحب لانة لو بيحبك كان خاف على سمعتك وكرامتك من كلام الناس مش خرجك معاه وخلى ناس تشوفك معة وانتى بنت محتلرمة بشهادة الجميع ذى ما بتقولى هو مش خسران انتى خسرانة الناس هيتكلموا وسمعتك هتضيع انا ذيك بس فكرت لما طلب مقابلتى وانا رفضت لان فكرت بعقلى ولو بيحبك ما كانش ذى ما بتقولى يحتك والكلام دة مش دة الحب الحقيقى صدقينى اوعى تفتكرى انة بيحبك لما بيعمل كدة لا دة بيحتقرك واسفة عالفظ بس ولو ما رجعتيش لعقلك هيحصل اكتر من كدة يمكن يكون بيرضى غروروة بيكى لانك ماعرفتيش غيرة وبترفضى الطريقة دى سامحينى لو كلامى ضايقك
بصي ياقمر انت شكلك مؤدبة ومحترمة بس من كتر ما بعدتي عن الناس ما صدقتي لايتي اهتمام لكن في ملاحظة اللي بيحب حد عمره ما بيهينوا ولازم يخاف عليه ودا كده مبخفش عليكي انا معرفش الشخص دا كويس ولا لا بس غالبا لا انتي عارفة الشباب بيقولوا لبعض اية علي البنات الي هما مصحبينهم كلام عمرك ما تتخيليه خلي ربنا سبحانه وتعالي ادام عنيكي البوسة دي ذنبها كبير اوي هي سهله لكن ذنبها صعب اوي خدي بالك من نفسك الشخص دا متاتمنهوش علي نفسك اوعييييييييييي
الحل الاكتئاب احسن ليكي من اللي بتعمليه ابعدي عنه وهو لسه في الجامعه راعي ربك في حالك وحتي لو جاء واتقدم ليكي اكيد اهلاك هايرفضوه اللي بيحب بنت وعاوزها حلاله بيراعي ربنا معاها في كل شي واللي بيعمله معاكي ده مش حب دي وقاحه والنهارده باسك وحضن ولمسك بكره هاينام معاكي خافي علي نفسك
يجماعه والله انا عوز اعرفكو حاجه مهمه على البنات البنت مهما عملت وهى فى سنه المرهقه ساعات الجوز بتفكر فى رجال يصونها مش عيال فستك بتوع اليومين دول )( والولد مهم مبيكلم بنات ويعمل الى محدش عملو لمه يجى يتجوز بردك بيدور على بنت ومحترمه مش بنت بتوعت اليومين دول والكل فهمنى بردك ويرب اهدى البنات والشباب بتوع اليومين دول ( امين)
حبيبة قلبى انتى لو داويتى الفراغ اللى عندك هتحلى كل مشاكلك صلى وروحى احفظى قران واكيد هتلاقى ناس محترمه تصاحبيهم بعيد عن الفاشلين اللى انتى مش بتعرفى تتكلمى معاهم والواد ده سيبيه بعد متهزقيه وتقوليله انا مش بتاعة الكلام الفاضى ده وسيبي الشغل او خليكى فيه على حسب مترتاحى انتى… بس متفكريش فى الواد ده تانى لان الموضوع ده فاشل
انتى غلطانة من الاول لانك لما فكرتي تشغلي تفكيرك شغلتيه بحاجة غلط وهى الشغل والاختلاط وانتى اصلا مش محتاجة للشغل دة وجهي تفكيرك في الله وطلب العلم الديني والدنيوى وانتقي اصحابك اللي انتي بتصاحبيهم الجيل بتاعنا مش كله وحش دي ما فيه الوحش فى كمان الحلو نصيحة مني ليكى سيبي الشغل ده وركزى في دينك قبل دنيتك اللي يخليكي تقبلي انه يعمل معاكي كدة يعني اكيد انتي بعيدة عن ربنا يعني لازم هاتقابلي من شياطين الانس كتيرماتزعليش مني انا يمكن بكلمك بجموديةشوية لكن من خوفي عليكى حاولي تتقربي من ربنا وتعرفي دينك اكتر وتعرفى ايه هو الحرام وايه هو الحلال ممكن تقرائى كتب او تحضري دروس علم او تشاهدي قنوات فضائية اسلامية وبقربك لربنا وصدق نيتك في التوبة هايبعد عنك كل سؤ ويرزقك بالزوج الصالح اللى يخاف عليكي ويغير عليكي حتي من نفسه يعني حتي لو مكتوب كتابك علية وشائت الظروف انكم تكونو في مكان لوحديكم وما فيش اي حد معاكم يخاف يبوسك او يحضنك رغم شدة حبو ليكي هو ده الحب وهي دى الغيرة صدقيني خدي بنصيحتي ومش هاتندمي
fشاب وبيتسلى وأنتي كنتي ضعيفة فالريح خليتك فريسة لإنسان سيطر عليكي .. ابتدى ياخد حضن وبعد كده بوسه .. فكري كده وقوليلوا أنت بتحبني؟ .. لو قال آه .. قوليلوا .. هاتعمل إيه من أجل الحب ده .. هاتتقدم ولا هاتقولي أنا لسه بكون نفسي .. مافيش حاجة أصلاً أسمها بكون نفسي .. في حاجة أسمها خطوبة .. وهي دي بداية تكوين النفس – وشكراً –
بصى ما بنى على باطل فهو باطل يعنى بداء بالاحضان والبوس ولسة مفيش اى ارتباط دا اسمه لعب عيال سيبى الشاب دا وارتبطى بواحد كويس يعرف يعملك بيت وسيبك من اللف والدوران بتاع الشباب الضايع وخليكى فى اللى يجيلك من الباب افضل واحسن
خليكى معاه طالاما مش خسرانا حاجة مس سيبك من البوس و الاحضان خليها بعد الجواز و خليكى ذكية اكتر من كده
اختى الكريمه قبل ان ياتى اليوم الذى تندمى فيه وساعتها لاينفع الندم بشئ اعملى لنفسك استوب من دلوقتى وبلاش خروج مع زميلك ولا مقابلات حتى لاتضعفى فى يوم وانتى معاه وانتظرى فرج الله لكى وربنا يوفقى
اولا السلام عليكم ماتزعلي من ردي هذا لانه قاسي انته مريضه لانك تعاني من نقص شديد بدليل انك ما صحبتي احد اول انسان تصحابيه اوبتحبيه بالمعني اللي انتي قلتي عليه ماهو الا طمعان في جسدك اوفي عزك واذكان بيحبك زي ماقلتي لاكان حضنك ولالباسك دليل قوي علي ضعفك لانك ما منعتيه ده في حد ذاته انك غلطانه غلط كبير اولا تبعدي عنه نهائي وشوفيه هيعمل ايه هيتصل بيك مره واتنين ومائه لحد مايقنعك انه بيحبك واولا ماتقابليه هياخد اللي هو عايزه منك من غير ماتقدري تعملي شي لانك اول مره تحسي بالحب الفاشل نصيحه ابعدي عنه واتركي الشغل لانك مش محتاجه وذاكري وصلي واستغفري ربك نصيه الانسان اللي بيحب حب صادق عمره مابيحرج حبيبه هو جرك اللي يستحمل الجرح مره مايزعل من الجرح الكبير عليك بالصلاه ثم بالاستغفار ثم بالمذاكره واتمني انكي ما تكوني زعلتي مني واتمني لكي حب طاهر في النور بمعرفة اهلك واتمني لكي حياه سعيده
اولا ازيك بصي ياحبيبتي انا شفت كلامك دا كله وبجد محستش براحه من نحية الانسان دا مش عارفه ليه حسيت بضيق اللهم امه اعفو عنا بس بجد ياختي حافظي علي نفسي ماينفعش تخليه يعمل معاكي كدا لانو عمره ماهيفكر يتجوزك وهيكون عنده حق لمه يقولك انا مأمنش انك تكوني مراتي ام عيالي في يوم من الايام ولا هيثق فيكي لانك اتعملتي معاه بجرائا شويه والشب اليومين دول عايز الواحده اللي تقولو لاء عشان قليل اوى اللي بيقولو لاء في الزمن دا فانتي حفظي علي نفسي عشان مترجعيش تندمي صدقيني هتندمي اوى اوى وبكره هاتفكرى
حضن وبوس ومش حاسه بالذنب ولا ندمانه ؟؟؟؟؟؟؟
ولسه عايزه ترتبطى بيه
اتق الله واستغفرى ربنا وحاولى تبعدى عن الشيطان ده
انتى طول عمرك محترمه ازاى توصل بيك الحال لانه يبوسك ويحضنك وتقبلى الوضع ده ازاى وانتى عمرك ما كلمتى شاب
أختي في الله هذا حرام شرعا.
اتركي هذا الشاب طلبا رضى ربك وخوفا من سخطه
وانتظري نصيبك ومن يعلم ربما يكون هو.
اختى فى الله ما يمنعش حضرتك انىك تعرفى انسان كويس ومحترم ولو قدامه 5 سنين مش سنتين بس صادق فى كامه انا من رايئى انك تكملى معاه
بس كون انك فى مقابله اخد منك بوسه وحضنك انا مش معاكى خااالص لان كده انتى قتى من كرامتك ونزلتيها تحت رجليكى هى البنت ايه غير سمعه محترمه
انتى لو اتقابلتى مع الاتنسان ده تانى صدقينى حيحصل اكتر من البوس والاحضان ومش حتعرفى تقولى لا ولا حتقدرى علشان بتحبيه
فا انا من رائى انك مش تخرجى معاه تانى ولا تسلمى نفسك ليه ولو صادق فى حبه ليكى حيتقدملك ولو بعد 5 سنين لاكن خروجات لالا ايااااااااااكى
اتمنالك حياه سعيده وموفقه