السﻻم عليكم ورحمة الله وبركاته 🙂
انا طالبة تانية طب وظهرت نتيجتى وانا كان معايا مادة فسيولوجى من اولى بس مش دخلتها السنة دى وهادخلها الدور التانى مع بتوع اولى بس لﻻسف نتيجتى ظهرت وشلت فسيولوجى بتاع تانية ( مادة بكرهها اصﻻ علشان كده مش بحب اذاكرها -_- ) المهم دلوقتى انا محبطة جدا نفسيا والنظام فى اى كلية طب ان مينفعش ندخل تالتة اﻻ صافى يعنى انجح فى المادتين اللى فى الدور التانى بس انا عندى كمية احباط رهيبة رغم انى بذاكر وقربت اخلص بس بقول افرض منجحتش هاسقط او افرض اﻻمتحان جه صعب وهو معروف قسم الفسيولوجى انه رخم ومش بيرأف فى الدرجات طيب افرض حليت فى النظرى ممكن متحليش فى العملى والشفوى وافرض نجحتى فى مادة اولى ياترى هتنجحى فى تانية بجد انا هتجنن من التفكير وفكرة السقوط مسيطرة جدا عليا وبيضيع وقت منى كتير جدا فى التفكير وبسبب خوفى من المادة انى افتحها ياريت لو حد عارف نماذج كانت شايلة ونجحت فى الدور التانى يقول ممكن تدينى تفاؤل 🙁 وهل ياترى بيرأفوا فى الدرجات فى الدور التانى واﻻ ﻻ :'(
وجزاكم الله خيرا ويارب يفرج هم كل انسان ويرزقه سعادة من حيث ﻻ يدرى ويوفقنى ويوفق جميع الطلبة ^^
اخر حاجة صلوا على شفيعنا يوم القيامة ^^
انا خلصت طب , دلوقتي في التكليف و كل اللي أقدر اقولهولك لست وحدك و كتير بيمروا بنفس اللي مريتي بيه انا فاكر ان اصعب ليلة امتحان ليا في الكلية كانت ليلة فسيولوجي تانية و انا كنت في المنصورة و ما ادراكي المنصورة كانت عاملة ازاي من 6 سنين , بس انا الحمد لله خلصت اهو دلوقتي و كويس و الفسيولوجي في السنة دي جبت فيه جيد كمان و ليا زمايلي كانوا شايلين تشريح اولي و دخلوه في تانية يعني نفس ظروفك بس في الاناتومي مش الفسيولوجي و برضوا عدوا من غير ما يشيلوا و أغلبنا كدة مر بظروف صعبة بالذات في طب , فيا ريت تفكك من الافكار السودة دي لأنها برضة اخدت من وقتنا و مجهودنا و اعصابنا كتير لما كنا في سنك و سيبي كل حاجة علي ربنا و الفسيولوجي او غيره من المواد او الامتحانات مهما كان مهم فهو ميستاهلش الضغط العصبي اللي بنشيله لنفسنا من الاخر كدة سيبيها علي الله
شوفي يابنتي الجدوالمثابرةمن البدايةاساس النجاح والتفوق في النهاية لازم تجدي وتجهتدي وتخلي عنك الكسل واللعب وماتضيعيش السنة من عمرك ركزي في المذاكرة واعملي دروس تقوية في المادةاللي انت ضعيفةفيها وان كنت شايفةنفسك مش قدالجامعة والتعليم اقعدي في البيت اكرم لك وممكن تخشي دورةكمبيوتر تتعلمي الحاسب مدة6شهور اواكثر وتحصلي على شهادةمعتمدةتقدري تتوظفي بهاوتعيشي منهاوبلاش وجع دماغ وخلي الجامعةلاهلها