مشاكل الثانوية العامة

بفكر ادخل ادبي وخايفة من احتقار الناس ليا

دلوقتى انا محتاره انا مستوايا حلو والله بس حصلى مشاكل خلتنى مبقتش عندى رغبه لأى حاجه ولا طموح ولا اى حاجه ,, انا مش بحب الكيميا ومضطره ادخلها فى 2 لان مينفعش ادخل احياء لان مش هجيب مجموع ,, دلوقتى انا قررت ادخل ادبى وناس كتير قالولى ادخلى كييميا جربى نفسك وحولى ادبى هتزيدى ف المجموع ,, انا مش حابه اعمل كده ,, وبلاقى نظرة احتقار ليا انى دخلت ادبى .. اعمل ايه بس تعبت والله ,, وياترى لو دخلت ادبى ايه احسن كليه ادخلها ؟؟

مشاكل وحلول ذات صلة

اضيف بتاريخ: Friday, June 8th, 2018 في 18:38

كلمات مشاكل وحلول: , ,

2 رد to “بفكر ادخل ادبي وخايفة من احتقار الناس ليا”

  1. فاعلة الخير
    14/06/2018 at 05:16

    ادخلى اللى انتى حاسة انك هتجيبى فيه مجموع و حابة مواد دراسته مافيش حاجة اسمها نظرة الناس و على فكرة نظرة الناس مش هتفعك فى حياتك انتى اللى بايدك تنفعى نفسك و انتى احسن انك تدخلى ادبى لان سهل تجيبى فيه مجموع و بردو الاختيار ليكى فى الاخر و على فكرة انا كنت داخلة علمى و بندم انى مدخلتش ادبى من الاول

  2. nada
    09/06/2018 at 03:34

    ايه اللى انتى بتقوليه ده ادخلى طبعا الحاجة اللى بتحبيها وميالة ليها واوعى تدخلى حاجة مش بتحبيها عشان خاطر كلام الناس ونظراتهم وبعدين مالهم الادبى مهم بيذاكروا برضو وكل حاجة انا كنت ادبى وكنت متفوقة احسن من ناس كتير زمايلى فى علمى و الله ماجابوش مجموع فى الاخر وكانوا مش عارفين حتى يدخلوا معاهد ولا حتى كلية حقوق او اداب وانا دخلت اقتصاد وسياسة العبرة مش بعلمى ولا ادب العبرة بتفوقك انتى سواء فى ده او ده ياما ناس كتير علمى وكانو متقنعرين و جابو 60 و70 % اهم ام حاجة ادخلى اللى انتى حباه بجد

اترك رداً أو حلاً لهذه المشكلة