انا بنت عندى 25 سنه وبحب واحد من 6سنين وانا متأكده انه بيحبنى وبيخاف عليه وعمرة ما خانى واعرف كل حاجه فى حياته بس هو بيزعل علطول وبيقسى عليه كتير وبيتهمنى ان تصرفاتى كلها غلط وبيوجهنى الصراحه بس بتنازل كتير اوى ومفيش مرة هوة اللى ابتدى بالصلح انا علطول اللى بصالح واخر مرة زعلنا بسبب اهتمامه الزايد اوى بأصحابه وعلطول معاهم فأنا غيرت منهم عليه اصل اهتمامه زياده اوى بيهم وهما فى منهم ميستهلوش دا خالص عشان بعض المواقف اللى كان بيعملوها معاه وهو اشتكالى وانا اتخنقت معاه بسببهم ومش عايز يكلمنى خالص لانه بيعتبرها انى بلغى شخصيه وبتحكم فى حياته عملت محاولات كتير اوى عشان اصالحه ومفيش فايده بس انا بحبه جدا ومش هقدر اكمل حياتى من غيرة وحاولت انساه بس مش عارفه علطول منكده ومفيش اى حاجه بتفرحنى غيرة ومش عارفه اتصرف ازاى
مشاكل الحب
حبيبي صعب الارضاء
اضيف بتاريخ: Saturday, February 12th, 2011 في 17:07
كلمات مشاكل وحلول: اصحاب, مشاكل الحب, مشاكل الحبيب
حبيبتي اتركي فترة اذا هو يحبك يجي لعندج ويقبل يرجعلك نشاللة ولاتردي ع احد ردي بس ع قلبك
والله بجد بشكر كل اصحاب الحلول من قلبى لانى مكنتش متوقعه حد يرد عليه وكل سنه وانتم طيبين بالمولد النبوى الشريف وبقول لسارة انى والله بصلى والحمد لله وملتزمه بس هى دى مشكله حياتى لانه فعلا مأثر على حياتى سلبى زى ما قالت مانون وبدعى من كل قلبى كل اللى سايب حبيبه يرجعله ويتجوزه وانا عملت بأغلب النصائح ومش هحاول اصالحه تانى ولو ليه نصيب فيه فعلا هتجوزه بس بدعى من قلبى لانى مش شايفه حد غيره ولا هتجوز غيره بالله عليكم ادعولى والف شكر للكل
حبيبة قلبى انت كتير غلطانة ازاى انتى كل مرة انتى اللى بتصلحيه.. بتصلحيه حتى لو هو اللى غلط فيكى؟؟؟ وهوة كدة مش بيلغى شخصيتك وكاتم على نقسك وماثر تاثير سلبى على حياتك؟؟ بجد انا مش فهمة انتى بتفكرى ازاى الحب ميلغيش الشخصيةوهوة لو بيحبك اكيد هيكلمك وانت المرة دى لو مش صلحتيه هيعرف انك مش سهله وهياخد باله من تصرفاته معاكى بعد كدة عشان مش يزعلك
اختي الحبيبة اتاسف كثيرا عندمااسمع فتاة تقول حبيبي صعب الارضاء او حبيبي ميحبينيش ان كنت تريدين ارضاء احد فارضي الله سبحانه وتعالى ورسوله ثم زوجك المستقبلي لان اي حب ميرضيش ربنا فهو حب شيطاني بيلعب بينا وبقلبنا الرقيق فاناشابة عمري مثل عمرك
حبيبتى انت الى عوديه على كده فاوعى تصلحيه ولا تكلميه انت مش غلطى فيه انت طلبتى حقق كحبيبه ومش كل مايزعل تجرى عليه كده غلط اتقلى عليه وزى مابيقولوا التقل صنعه ومش تعملى كده تانى انك تصلحيه علطول وغيركده فعلالوبيحبك اوى هيرجعلك وينفذكلامك فاصبرى وشوفى ردفعله لانه اتعودمنك انه يغلط وانت تصلحى وايه انه شايف ان كل تصرفاتك غلط مفيش حد كامل وهوعرفك كده يستحملك على كده بس مش معنى كلامى انه لوعنده حق فى حاجه انك مش تتغيرى لا اتغيرى بالحفاظ على كرامتك ونفسك ياريداكون افدك ربنا معاكى على فكره كلامى معاكى انا مجرباه ادعيلى اه ربنا يجمعنى انا وحبيبى اجلا وليس عاجلا وانه يبعد عننا كل شيطان وحرام سورى انى طولت عليكى
شوفي يا اختي اليوم عيد الحب قومي اتصلي بيه واستغل اليوم ده و صلحيه وانت متبقيش عصبيه كده اتقلي شوية عليه والله يوفقك معاه
والله انا معايه انسان مرتبطه بيه نفس النسخه بس سعات لما بزعل بسيبه ولا بسال فيه بيجى يصلحنى لانوا بيحبنى جربى تعملى كدة لو بيحبك مش هيقدر على بعدك ثانيه وعجبنى كلام سوسو هو دا فعلا الصح وانا مجربه دة اسالى مجرب
بصى طبعا مينفعش تدخلى فى حياتة وتقوليلة كلم مين ومتكلمش مين الشباب بيعتبرة كدة انك بتلغى رجوليتهم هو لو بيحبك زى ما بتقولى هيرجعلك لان اللى بيحب بيسامح لو مرجعش يبقى ما صدق بعد
عاوز اقول ان علاقتك بيه دى كده حرام لان موضوع ارتباطك بيه ده حاجه ف علم ربنا ف مينفعش تفضلو تتصرفو على انكو هتتجوزو لان دى حاجه محدش يضمنها لانها ف علم ربنا وعاوز اقولك ان محدش بيتجوز زوجه حد كله مكتوب عند ربنا لان هو دلوقتى انتى مش مرتبطه بيه باى علاقه يعنى هو غريب عنك ده الاسلام بيحلله انه يشوفك بس اثناء الخطوبه وبشرط يكون فى وجود محرم يعنى كل ده حرام فهميه كده وقوليله لو احنا مكتوبلنا نرتبط مفيش حاجه ف الدنيا هتمنع ده واوعى تفتكرى ان الحب هيقل او كده لا ده نصيبك وهتاخديه وارجعى لربنا وادعيه ان لو الانسان ده فى خير ليكى ان ربنا يجعله زوجك وصدقينى ربنا هيفرح اوى بتوبتك وانك سبتى حاجه حرام عشان رضاه وهتشوفى نتيجه ده بعد كده ان شاء الله لان كلنا هنموت ومحدش هيتحاسب مع حد كل واحد هيتحاسب لوحده (عش ما عشت انك ميت واحبب من شئت انك مفارقه واعمل ما شئت انك مجزى به) صدق رسول الله (ص)
شوفى اقسم بالله انى حبيبتى زيك كدا بالظبط وسيبنا بعض بسبب انى ماكنتش بهتم بيها بس انا لسه بحبها لو هو بيحبك هيرجعلك ويارب يرجعلك وادعيلى ترجعلى هى كمان ومايحرمش حد من حبيبه
الراجل زي اللبانه من كتر المضغ بيلزق
اتقلي عليه وهو يرجع
بصى قبل كل الكلام لو هوة بيحبك اكيد هيرجع ليكى تانى بس زى مابيقول الحاجه لمل بتزيد عن حدها بتتقلب لضدها بلاش الغيرة الزيدة دى وحولى انت تشغليه بيقى اكتر يعنى شوفى هوه بيحب ايه وحولى تعمليه وحولى تقونى تقيله شويه عليه مش كل حاجه انتى الى تصلحيه فيها لو هوة غلطان فى حاجه المفروض ان هوه الى يتاسف مش انت وسلام
بجد نصيحه نى اوعى تصالحيه
ابعدي شويه وعرفيه قيمه حياته من غيرك هتبقى عامله ازاي
وشوفى هيعمل ايه
لو رجعلك وحايل فيكى يبقى بيحبك
لو لا ,,,,بجد يبقى انتى الكسبانه
متضيعيش عمرك ع الفاضى
احكي عليه ا صرخي بوجه و هو يجي لا تحسبيها نكتة او شقة دي حقيقة …….و مثل ما يكول المثل ما تفيدك اذا ما تجرب بيدك……..زتحياتي العاشق الحزين