مشاكل الحب والزواج

بفكر اسيب خطيبى العصبي بعد ما هزأني

انا عندى مشكله كبيره ومش عارفه اعمل ايه انا بنت مخطوبه من حوالى سنه وانا وخطيبى بنحب بعض بس المشكله هو عصبى اوى واخر الايام بقى بيتعصب من اقل حاجه وبقى يعلى صوته ويشتم ولما شكيت لاهله كانوا فى صفى انا بس مكملش اسبوع اهو وحصلت مشكله وزعقلى تانى وشتم وكان قدام مامته واخته وكنت اول مره اشوفه بالمنظر ده وانا دلوقتى مش عارفه اعمل ايه هو جيه على كرامتى واهانى اوى مش عارفه اكمل ولا لا انا قولت هفسخ الخطوبه بس باباه كلمنى وقالى اخر مره وحقك عليا وهو عايز يكلمنى ويصالحنى بس انا خايفه من بعد كده .. ومش عارفه ارجع ولا لا .. عايزه احسسه غلطه واسيبه عشان مش يعمل كده تانى .. مع انه طيب وحنين بس انا دلوقتى شايفه انهاا موضوع كرامه وانه اهانى وهو بيقولى انتى اللى بتعصبينى وتوصلينى لكده .. ارجوكم الرد بسرعه علشان اعرف اعمل ايه النهارده .. وفى مشكله تانيه ان اخته قالتلى عليه كلام مش كويس انه بيشرب وانه ممكن يضرب وان ده طبعه ومش بيتحمل مسئوليه بس انا بحبه ومش عارفه اعمل ايه هل الاستخاره هتبين اذا اكمل معاه ولا لا

مشاكل وحلول ذات صلة

اضيف بتاريخ: Monday, December 16th, 2013 في 12:18

كلمات مشاكل وحلول: , , , , , ,

13 رد to “بفكر اسيب خطيبى العصبي بعد ما هزأني”

  1. انا حزينه
    10/02/2015 at 10:51

    انا برضه بعانى نفس هذه المعاناه بس انا مخطوبه بقالى سنتين وخطيبى لما بيتعصب بحس انى بكلم حد ما اعرهوش خالص واحنا خلاص قربنا نجوز واتخانقنا وغلط فيا والمشكله انه هوا اللى غلطان ومش بيعترف بغلطه خالص انا بحبه وصعبان عليا السنتين دول يضيعوا كده من غير فايده وفى نفس الوقت مش قادره استحمل غلطه ده خالص حد ينصحنى وويوعينى من فضلكوا

  2. ابوبتول
    22/09/2014 at 12:15

    الحب اعمى مثل مايقولون ايه اللي مصبرك على واحد سافل ومنحط وغيرمحترم يغلط فيك ويسب ويشتم واخلاقه قذرة تتوقعي منه ايه بعد ماتتزوجوا مش بعيد يرميكي في الشارع ويمسح بكرامتك وكرامةاهلك الارض خلاص مافيش عقل معك ولاغيرةعلى كرامتك وكرامةاهلك وكمان اخته قالت لك نه بيشرب ويسكر ويتصرف بلاوعي وده كافي لتركه نهايا وشهدشاهدمن اهله على فجوره وفساداخلاقه اتركيه خالص وخليه يغور في داهية وربنابيكرمك ياقمر بابن الحلال اللي زيك اللي يقدرك ويسعدك وتلاقي معه الراحةوالهناءوالاستقرارفي حياتك

  3. جرح
    14/09/2014 at 15:57

    بصي انصحك تديله فرصة تاني وتشوفي هو هيتغير ولا لا ولو متغيرش يبقي لازم تسيبيه لاني صدقيني هتتعبي اوي في الجواز وتندمي الاحسن انك تحلي مشكلتك في وقت الخطوبة احس ماتدبسي وفي الخر تقولي ياريت اللي جي ماكان

  4. العمر لحظة
    11/05/2014 at 17:41

    انا مخطوة زيك لواحدمعرفوش بس كنت بحب قبل كدة انا كنت عرفة احنا الاثنين مش ها ننفع بعض بس انسحك خدي الي يحبك متخديش الي بتحبة علشان هاتتعبي قوي وها تندمي قوي علي فكرة خطيبى بيعمني كويس قوي واحنا مخطوبين تقليدى بمعنا زى اى حد ونا جربت قبلك دى قرر لنفسك علشان متتعبيش بعد كدة

  5. ملاك
    23/02/2014 at 03:43

    انا رائي غيرهم كلهم انا مخطوبه وخطيبى عصبي جدا وف اول مااتخطبنا كانت المشاكل يوميا باستمرار على كل حاجه تستاهل ومتستاهلش بس عشان انا بحبو ومتاكده انو بيحبنى هدينا واتكلمنا مع بعض وقولتلوا ان بسبب اسلوبك ده احنا مش هنكمل مع بعض وفعلا اتغيرنا احنا الاتنين لانه لما كان بيتعصب انا كنت برد عليه بنرفذه اكتر ومن ساعتها اتغيرنا احنا الاتنين هو بطل يتعصب على حاجات متستهلش واللى يستاهل بيتعامل فيه براحه ومن غير عصبيه وانا كمان لما بحس انو مدايق من حاجه بتكلم معاه واحده واحده صدقينى محدش مننا يعرفوا كويس ادك انتى اكتر واحده عرفاه لوتتكلمى معاه براحه وتحسسى بغلطه وتحسي انو ندمان فعلا خلاص وعوديه ميغلطش فيكى لو هو انسان كويس بجد سامحيه احنا بشر وكلنا خطائيين بالنسبه لموضوع كلام اخته اتاءكدى لو طلع كده بجد فبلاش احسن ووفرى اى محاوله هتعمليها معاه وربنا يوفقك

  6. nina
    23/01/2014 at 12:38

    لازم تفسخي

  7. sadness
    07/01/2014 at 19:21

    اتركيه اتركيه اتركيه
    اعرف شخصا هكذا ..زوجته نادمه من زواجها منه و الان اولادها يسالونها لما تزوجت شخصا مثله لانه يظلم اولاده ايضا و يعاملهم باحتقارز اختي الحبيبه لا تدمري حياتك بيدك لديك الخيار الان وليس بعد الزواج احكمي بعقلك وليس بقلبك…

  8. fatiii
    05/01/2014 at 21:47

    انا انصحكي نصيحة اخت لاختها افسخي الخطوبة

  9. ابواميرة
    30/12/2013 at 21:36

    يابنتي من خلال قراتي لمشكلتك مع خطيبك انصحك بالاتي اولا فسخ الخطوبة منه وفورا ثانيا رداعتبارك لنفسك ولاهلك وكرامتهم ثالثاتاكدي ان اللي بيشتم ويهين كرامةمراته ولاخطيبته غيرمحترم ولاليس برجل يستحق المعاشرةاوالارتباط رابعا زي ماقالت اخته لك انه بيشرب يعني خمورجي وسكير ماينفعش يكون زوج ورب اسرةاطلاقا لفساداخلاقه وتعاطيه المحرمات وربي بيعوضك خيرمنه ويكرمك بالزوج الصالح اللي يستاهلك ويقدريسعدك

  10. ربنا يحميكي
    26/12/2013 at 05:57

    عارفة إنك عايزة حد يقولك لأ أصبري، واديله فرصة ثانية عشان بتحبيه. مش هقولك كده، عشان واضح إن ده طبع خطيبك، واللي عنده طبع ما بيغيروش، إنتم لسة على البر وهو بيعمل كده، ولما يتقفل عليكم باب، هيعمل إيه؟ هتقوليلي ما هما الأزواج بيتخانقوا، أقولك آه صحيح، بس على الأقل في فترة الخطوبة اللي هي فترة ما فيهاش مسوليات ولا أعباء الحياة، عادة الخطيبين بيكون لطاف وهاديين. بعد كده بتيجي أعباء الحياة وبتبين المعدن الحقيقي لكل واحد فيهم. بس خطيبك من غير أعباء الحياة دخل في المشاكل على طول. أنصحك تجربي حظك بعيد عن واحد زي ده. دلوقتي المفتاح في إيدك، بعد الجواز هتبقي تحت رحمة واحد أسهل حاجة عنده هي شتمك وإهانتك ويا عالم إذا كانت هتوقف عند كده وبس، وساعتها لو ندمتي، مش هيكون ندم على شهر ولا سنة من العمر، ده هيكون ندم على العمر كله. وإذا رفضتي تستحملي فهتبقي مطلقة وممكن تطلعي بعيل يربطك بيه، حتى وإنت منفصلة عنه مش هتخلصي من قرفه بردو. نصحتي تبعدي عنه وربنا هيعوضك بإذن الله بللي أحسن منه. أنا حبيت جوزي، من حسن معاملته مع أمه وإخواته، عشان الواحد ممكن يمثل الواد الحنون المتفهم، بس إذا كان فض مع أخواته البنات ووالدته، صدقيني هيدلعك سنة بالأكثر وبعد كده هيكون معاملته معاكي شبه معاملته لإخواته، عشان الطبع يغلب التطبع. بقالي 10 سنين مع جوزي والله عمره ما شتمني ولا عايريني ولا مد إيده عليا، صحيح بيحصل إننا بنتخانق من مشاكل الحياة والمسووليات، بس مافيش حد فينا يجرح الثاني، وبنرجع بسرعة نكلم بعض وقلوبنا صافية لأنها بتكون ساعة ضغط وبتروح لحلها لا بيسمع بيها حد ولا ياخد باله منها حد. ربنا يحفظك ويسعدك ويلاقيكي مع واحد يحترمك ويقدرك.

  11. خلاص
    25/12/2013 at 12:01

    صلي صلاة استخاره
    لان الرجل اللي بيرفع صوتة علي بنت او زوجة او يشتم او يمد ايده يبقي اصلا مش راجل
    وعلي فكرة اننا راجل انا كمان بس بعرف اقدر الجنس الاخر قوي
    ربنا يحميكي ويكتبلك الخير منين ما يكون
    امين يارب

  12. دمعة
    17/12/2013 at 10:16

    انا مريت بنفس المشكلة والله العظيم وكنت بحبه بطريقة ماتتخيليها بس في اﻻخر انفعل فيني وسب وشتم واديته فرصة تانية بس للاسف لما تدي فرص كتير بيفتكر انك عمرك ماحتسيبيه وتصدقيش الكﻻم البيقولو انك لما تدي فرص حتكبري في عينه ،،، وبعد كده غير طريقتو وتعاملو معايا لحد ما فسخت الخطوبة ورميت لو الدبلة …..

  13. طارق
    16/12/2013 at 13:52

    السلام عليكم اختي الكريمة الحمد للة انكي عرفتي طبيعتة ومشكلتة قبل الزواج بة والا لكنتي ندمانة بعد الزواج بة فافضل لكي تركة والبحث عن غيرة اذا اردتي ذلك والا تزوجية وتتحملين معاملتة العصبية لكي وتدفعين ثمن الحب بة .

اترك رداً أو حلاً لهذه المشكلة