انا حبيت شخص من النت بس والدى مش عارف امى بس هى اللى تعرف بالموضوع وبعدين جه الشاب ده اتقدملى بس والدى قاله هى لسه بتدرس وادامها مشوار طويل فطلب الشاب منه ان هو يستنانى لحد ما اخلص بس الشاب ده مشكلته الشهاده وان هو مع دبلوم ووالدى مش موافق عليه نهائيا وانا اتقدملى ناس كتير بس انا كنت برفض ووصلت لوالدى ان انا مش موافقه غير على الشاب ده وهو شك ان انا اعرفه او ليا صله بيه فسألنى اذا كنت اعرفه اولا وانا قولت لا معرفوش بس والدى عشان يتاكد قالى ان في شاب مهندس متقدملى ووالده طبيب والشاب ممتاز وانا لازم اقبل علشان والدى ما يقع الشك بقلبه ان انا ليه برفض حد يقولى اعمل ايه بس الشاب اللى انا بحبه هيكمل دراسته فى اكاديميه خلال سنه تعليم مكثف حد يقولى اعمل ايه انا مقدرش اعيش من غيره
مشاكل الخطوبة
حبيبته من النت ووالدي رافضه لان معاه دبلوم
اضيف بتاريخ: Thursday, December 16th, 2010 في 19:54
كلمات مشاكل وحلول: الحب, الحب على الانترنت, الحب على النت, الحب على النت, الشاب, النت, شاب, مشاكل الحب
ياعزيزتي الشاب باين عليه شاريك ويحبك بدليل انه تقدم لاهلك حسب الاصول والعادات عشان يخطبك الباقي عليك انتي تقنعي ابوك بالموافقةعليه وصارحيه بالحقيقة وانه هوالشخص اللي حايسعدك في حياتك ولومش قادره تتكلمي مع ابوك خلي امك اواحد اقاربك ممن يوثرون عليه ويسمع لكلامهم ونشاءالله ابوك يقتنع بالشاب اللي انت تحبيه ويوافق على الخطوبة وتاكدي ان الفوراق الاجتماعية اوالتعليمة عمرها ماتوثر على العلاقة بين الاثتين دام فيه الحب والتفاهم والاخلاص وربي يسعدك مع الانسان اللي اخترتيه ويسترعليك ويجعله من نصيبك
مايمنعش انك تشوفي الشاب اللي قال عليه ابوك وهومهندس متعلم وابن عيلةمحترمةوكويسةواذاعاجبك الشاب وتاكدتي من اخلاقه وصفاته فقولي الحمدلله وتزوجيه ومسالةحبك للشاب الاول خلاص انسياهاوماتفكريش بها وارضي ابوك تنالي رضاالرحمن وتلاقي الخيروالرزق والسعادة واوعي تزعلي ابوك اوتكسري كلامه وتاكدي ان الحب الحقيقي ياتي بعدالزواج والايام حتثبت لك صحةكلامي وربنايوفقك ويسترعليك
انت عبيطة يابنت في احدترفض زواج من مهندس تفكرفي واحدمعه دبلوم اكيد انك مش في وعيك الشاب المهندس جاهز ومستقبله الوظيفي مضمون لكن الشاب اللي تحبيه معه دبلوم وياعالم متى يتخرج ومتى يتوظف واحتمال يلاقي وظيفة اولا وانت حرةفي اختيارك
ايه العمى ده فى حد يجيلو مهندس ودبلوم ويختار الدبلوم خليكى عاقله واختارى المهندس طبعا—-اقسم بالله انا حصلى نفس الموقف ده….!حبيت واحد دبلوم صنايع سنتين وبعدان حصل خلاف بسيط فحبيت مهندس وانا واثقه انى هرجع للاولانى….وبعد كده لقيت اخلاق تانيه خااااالص فحبيته وسبت الاولانى-وفى منهم طبعا اخلاق عاليه جدا انا مش اقدر انكر—-وبرحتك واحب اقول:ربنا بيرفع الانسان بالانسان بالعلم….ويارب تختارى صح
الانسان دا بيحبك وبيحبك اوووووووى كمان ربن يخلهولك اعملى اى حاجة عشانوااااا قولى لى اهلك اوعى تفرطى فية اية ياعنى دبلوم بس مش هيبعد عنك
ياريت متبعديش عن الشاب لانه بجد طلع بيحبك بجد ويارب بابكى يوفك ربنا يسعدك
اللى اقدر اقوله ليكى حاولى تشوفى اقرب حد بياثر على باباكى واحكيلو وفهمى الموضوع وهو يقناعه وانتى كمان اعدى مع باباكى وقوليلو انا حاسه انه شاب كويس وانا لم شوفته ارتاحت لى وان شاء الله الموضوع يتم على الف خير وربنا ييسرلك الامور ان شاء الله انتى وبنات المسلمين وانصحك ان تصلى صلاة قضاء الحاجه وربنا يتقبل منك (نهله طلعت)
نصيحة من اخت ليكى مدام بتحبى الشاب دى اوى اوى تسيبه مهمة حصل الانسان مبيعرفش طعم الحب غير مرة واحدة فى حياتة وصدقينى انا بقولك كدة عن تجربة
استنى اللى بتحبيه لانه فعلا بيحبك ودليل انه جالك بيتك معى ان حب النت تضيع وقت بس نصيحه صغيره
إسألو عليه وعلى اهله كويس جداااااااااااااااااااااا
شكرا اخوكى كريم
رغم انى لا ضد التعارف عن طريق النت ولكن هذا الشاب اثبت جديته ونواياه الحسنة بتقدمه لك لخطبتك فعليكى بالتمسك به وحاولى اقناع والدك به او تفوضى والدتك بأقناعه
—– ربنا معاكى ويسعدك
انا برائي تخلين امك تفهم ابوك ع الموضوع لو خايفه .. ثاني شي الشهاده ماتعيب الرجال ابد .. اهم شي اخلاقه زينه ويحبك وخايف عليك .. واهم شي بعد يكون ابوك راضي ع الزواج عشان ان شاء الله يوفقك وتكونين طول عمرك بحياتك الزوجيه .. وبالنهايه ماتخذين غير نصيبك والمكتوب ..~~ تشاوو
يابنت الكرام اثبت هاذا الشاب حبه لك لانه اتى ليخطبك فلا اظن ان فيها حرجا إن قلتي لاباكي انك تحبيه فقد برهن على حبه لك انا على مستواه التعليمي فوالدكي لم يرفضه إلا لخوفه عليكي فتستطيعين اقناعه بأنه هو الذي سيسعدك