انا بحب وحده مش بحيها انا بموت في حبها انا اعرفها و من هية في ابتدائي لغايه دلوقتي هية في 2 ثانوي و غير كده اخت صاحبي و جارنا في المنطقة انا اكبر منها بثمان سنين انا كنت بعزها زي اختي بس فجئه من السنه الي فاتت اتقلب الاحساس ده لحاجه اكبر بسب اني لاقتها مهتمية بية و بتحب تشوفني لما بطلع عندهم لو بتزاكر تيجي و تعد معانا و تفرح لما تشوفني و تاخد رأيي في حاجات تخصها وتقربنا من بعض و لما كنت ببقا زعلان و مخنوق و روحلهم عشان احكي لصاحبي الاقيها قعده و بتسمع وبتزعل عشان زعلي و لما بفرح بلاقيها فرحانه لفرحي و في مرة اتجبست فاول ما شفتني دمعت المهم فنا قلت ممكن تتعامل معايه كده على اننا اخوات فرحت قلت اختبرها فخرجنا احنا التلاته فرحتت عامل نفسي بكلم وحده لاقتها اديقت وتاني يوم رحتلهم و لاقتها ولا بتكلمني ولا بتبص في وشي و سالت صاحبي انتا اتخانقت معاها قالي لا طب ولا ممتك و لا بباك قالي لا ده من امبارح وهيه كده و قاعدت كده معايا 3تيام و بعديها رجعت تتعامل معايا زي الاول و مرة نزلت لاهلي القاهرة اول مارجعت خليت قربتي تكلمني وانا قدامها راحت مكرره نفس الحوار و مرجعتش الا لما فهمت على انها قربتي من اخواتي المهم رحت مصارحها بحبي ليها قلتلي انا بعتبرك زي اخويا ازاي بعد كل ده زي اخوها في اخت بتغير على اخوها …… بس اعدت 4 تيام بعد ما صرحتها تكلم معايا السؤال على اد الجواب و بعدها رجعنا نتكلم زي الاول ……. و هيه لو بتحب حد تاني كانت هترجع تكلمني و تتصرف معايا زي الاول و اكتر بالصرعه ده ….. اقلوكو على حاجه انا و هية عمرنا ما خرجنا مع بعض لوحدنا و لا كلمتها في التليفون ولا قلتلها اي كلام حب ولا اعجاب و حتى الكلام كل ده بيكون على الميل….
الحب من طرف واحد
الحب من طرف واحد وبنت الجيران
اضيف بتاريخ: Thursday, September 30th, 2010 في 14:12
كلمات مشاكل وحلول: اصحاب, الحب, الحب من طرف واحد, الحب من طرف واحد, بنت, بنت الجيران, ثانوي, حب, حب من طرف واحد, صاحب, مشاكل, مشاكل الحب
انامع الاخ المهاجرفي كل ماقاله 100في الماية وعليه لابد انك تبتعدعنهاعشان ماتخسرصاحبك اخوهااوتقع في مشاكل كبيرة انت في غنى عنها وربي يكرمك بافضل منها ويسعدك في الحياة
ياعزيزى ولا انت ولا هى تقدرو تحكمو على مشاعركم دلؤتى ابدا انسى الموضوع وكمان غلطتك انك فكرت ف اخت صاحبك عشان هو ااتمنك عليه وانت بكده خنت الامانه لكن اللى بيصون الامانه بيعمل ايه يستنى لما يكون اد الحب والزواج وميقولهاش هى اى حاجه ابدا ولما يكون قد المسئوليه يفاتح اخوها شخصيا كاى حد بيطلب الزواج وبكده تكون انت مش خاين وقد الامانه اللى امنك عليها صاحبك
زى ما بيقولوا لا يصح الا الصحيح واللى انت عملته ده مش صح ولا موجود الا فى خيالك لانها بتعتبرك زى اخوها الكبير ومن الممكن انها بتشورك لانها شايفاك زى اخوها والاختلاط اللى حصل بينكوا هو الخطاء فى الاول وهو اللى زودك بالشعور ده الذى ليس له اساس من الصحة
لان مش كل من يضحك ويهرج معايا من اخوات زميلى يبقى بحبنى حب الزواج ده خطاء لان ده حب عشرة او تعود عليك زى اخوها …….الحل : انك بعد كده متفاتحهاش باى حاجة وكائنك مقلتش اى حاجة وهى لو فتحت معاك الموضوع حاول على قد ما تقدر تغير الكلام لان دى امانة وصحبك امنك عليها لما دخلك البيت …والموضوع اذا حكم وزاد بينك وبينها عرف اخوها وشوف رائيه واتقدم لها ما دام انت بتحبها وتوكل على الله
الحب احساس جميل وانتا ماخنتش حرمة بيت صاحبك لا الحب غريزه لا ايراديه في الانسان يعني علشان اخت صاحبك تكون متحرمه عليك اتوكل على الله واللي فيه خير يعملوا ربنا
انسى الموضوع دة دى فى سن المراهقة و عواطفها غير مستقرة و كذلك تفكيرها و على العموم اتركها و تعامل معها عن بعد و الرد على قد السؤال مش اكتر وعموما انا لا اعتقد بصداقة بين الرجل و المراة فالعلاقة لها محدادت و هى اما ارتباط او زملاة عمل او دراسة او ما حرمة اللة و لا يوجد غير ذلك
انا هكلمك بصراحة وبصدق انت اخطئت لانك لم تصن حرمة بيت صاحبك الى امن لك ودخلك بيتة وفى الاخر بتبص لاختة العيلة وتفتح عينيها على حاجات انت اخر واحد ينفع يكلمها فيها وبدل متشجعها على المزاكرة بتشغل بالها بحجات تافهة الشيطان وسوسلك بيها واستغل فى كدة معاملتها ليك مع انها بتعاملك كدة لانها شايفاك زى اخوها الكبير ______ وان كنت اتحفظ على الاختلاط الخاطىء بينكم وما فى ذلك من مخالفة للشرع وتهاون باوامر اللة والرسول صلى الله علية وسلم _____والنتيجة ماحدث من نزغ الشيطان فى صدرك بشىء غير موجودالا فى خيالك والدليل ما قالتة لك ___انصحك بالابتعاد عن ذلك وان تعتذر لها عما قلتة وان تؤكد لها انة كان هزار
روح اشتغل و اكبر ..كون نفسك احسنلك