مشاكل الحب والزواج

انا مخطوبة هل صداقتي لشاب بيحبني غلط

بسم الله
انا بنت انا عندى 21 سنه انا هقسم مشكلتى عده نقاط عشان متوهوش منى

اولا
انا بحب واحد كان زميلى ايام الثانويه العامه وفضلنا نحب بعض 3 سنين وشاء النصيب انه اتقدملى واتخطبنا بقالنا سنتين مخطوبين وبالاضافه انه قدى فى السن
واحنا حاليا فى مرحله الدراسه الجامعيه وبكده احنا 5 سنين مع بعض فى اجمل قصه حب
وحسيت فى بعض الاحيان انه بيتغير ما ناحيتى شويه بشويه يعنى بمعنى الاهتمام بيقل الكلام بيقل حتى فى بعض مشاكلنا كان دايما بيتعصب ذياده بس عمروا ما ذكر موضوع الفراق

ثانيا
انا ليا جار وفى نفس الوقت بدرجه قريبه جدا يعنى ممكن نروحلهم وهما يجولنا وحسيت انه بيعوضنى الفرق اللى حسيت ان خطيبى حرمنى منه يعنى لقيته بيهتم بيا اووووى عملى شخصيه عرفنى قميتى الحقيقيه وبعد كده اكتشفت انه بيحبنى دايما بيخلينى مبسوطه وسعيده حتى لو على حساب نفسه مش بتمنالى غير كل خير

ثالثا
حصل مشكله كبيرة بينى وبين خطيبى لدرجه انى فكرت انى مكملش وهوا بكلماته ليا كان عايز يخلينى مع خطيبى لانه حاسس انى بحبه اوى وفى نفس الوقت حبه ليا مجرد مشاعر جواه مش اكتر مش عايز يبوظ عليا حياتى اللى المفروض انا عارفاها هكمل مع خطيبى ونتجوز

وفعلا عملت بكلامه وواجهت خطيبى بكل اللى مزعلنى منه وصارحته بكل اللى فى قلبى من زعل وهوا تقبل كلامى وقالى هعوضك اى حاجه تحتاجيها ورجعنا مع بعض تانى

وبعدت عن جارى حبه ايام ولقيت نفسيته تعبانه اووى وانا كمان حاسه انى ناقصنى صديق واخ بجد فرجعت اكلمه تانى لانى حسيت انى مرتاحه وهوا كمان مبسوط

بس انا مش عارفه ده صح ولا غلط اكمل زى ما انا ولا اعمل ايه ياريت تفيدونى

مشاكل وحلول ذات صلة

اضيف بتاريخ: Wednesday, November 29th, 2017 في 11:41

كلمات مشاكل وحلول: , , , , ,

2 رد to “انا مخطوبة هل صداقتي لشاب بيحبني غلط”

  1. save power
    24/12/2017 at 12:03

    السلام عليكم ورحمة الله وبركاته

    هل لو تزوجتي خطيبك ومر بك فى يوم من الايام نفس الموقف ماذا يكون رد فعلك اتردين ان بعدما تتزوجين من خطيبك تاتي اخري لتهون عليه وتكون له ما كان من جارك وقتها سوف تقولين له يانا ياهيا منهم من اخذ الحق وخطبك وان كان شخصيته لا تناسبك احيانا ولكنه خطبك ووضعك على اسمه مؤقتا الى يوم ان يضع على سمعته ومنهم من اخذ الباطل يعرف انكي مخطوبه ويغويكي
    ارجعى الى نفسك واختبريها اتريدين من الرجل من خطبك او من يغويكي وهو يعرف انك مخطوبة
    سوف تعرفين بعدها حقيقة نفسك اطيبه ام خبيثه

  2. ابوالبتول
    30/11/2017 at 01:25

    يااختي انت مخطوبة الان وتحب خطيبك وهوكمان يحبك فليس من اللايق انك تستمري مع جارك هذا وتتكلمي معه مافيش حاجة اسمها اخ او صديقي بين الفتاة والشاب اقطع علاقتك به نهايا وحافظي على خطيبك وقدري مشاعره وارتباطه بك وربنا يهديك ويصلح حالك ويسعدك

اترك رداً أو حلاً لهذه المشكلة