انا اسفه اننى ببعت المشكله مره تانيه بس كنت عايزه اضيف حاجه
بسم الله الرحمن الرحيم
السلام عليكم ورحمة الله وبركاته
أنا مخطوبه بقالى شهرين تقريبا بس أنا كنت بحب واحد تانى قبل ما أتخطب .. لما اتقدملى خطيبى روحت قولت للى بحبه ان أنا متقدملى واحد واهلى موافقين عليه .. قالى أصبرى بس عليا شهرين ع ما نتيجتى تظهر واشتغل عشان متقدمش وأنا مفيش ف ايدى شغل .. أهلى وافقوا ع العريس وأنا ملقتش حجه أرفضه بيها وقولت يمكن هو دا نصيبى وهو دا الخير ليا مع انى بحب الشخص التانى جدا
وتمت الخطوبه فعلا وانقطعت كل الاتصالات بينى وبين اللى بحبه .. بعد الخطوبه بأسبوعين تقريبا حسيت انى مش مرتاحه وكلمت اللى بحبه معرفش ليه وقولتله انا هفسخ الخطوبه وهو قالى انا هتقدملك علطول بس بابا عرف انى كلمت حد غير خطيبى وحصلت مشاكل كتير وبابا قالى انا هفسخ الخطوبه لانى مش هسمح انك تخونى راجل وتظلميه .. وقتها حبيبى كلم اهلى وحاول يقنعهم بنفسه ع اساس انى افسخ الخطوبه وهو يتقدملى بس هما رفضوا طبعا وهو وعدهم انه مش هيكلمنى تانى بعد ضغط منهم وفعلا عمل كدا .. وبعدها بابا قالى دا لو اخر راجل ف الدنيا انا مش هوافق عليه ” ع الرغم ان بابا اللى بيمنعنى دا واللى ضد رغباتى وبيقولى انى خاينه بيعمل حاجات كتير غلط لدرجة انه بيفطر ف رمضان بحجة انه من صغره واهله كانوا سايبينه براحته وهو فاكر انى مش عارفه مع انى عارفه وروحت واجهت ماما بكدا وبيعمل حاجات تانيه كتيراكبر من كدا مش هقدر اقولها .. يعنى هو مش ملاك وانا مش ملاك ودا مخلينى مصممه ع اللى انا عايزاه”… ماعلينا من بابا بعد كدا الخطوبه استمرت ع اساس انى مش هعمل كدا تانى .. اهلى دايما بيدافعوا عن خطيبى دا طيب ومحترم وع نياته ومش سهل انك تلاقى واحد لسه بالطيبه دى ف الزمن دا .. بس هو مبيشتغلش لسه وبياخد دورات كمبيوتر علشان يشتغل ومشكلتى انى دايما بقارن بينهم الاتنين .. انا عارفه ان طيبته دى حاجه كويسه بس دايما بحس ان شخصيته ضعيفه وان انا اللى اقوى .. يمكن هو بيعمل كدا عشان ميزعلنيش بس انا مش مرتاحه وتعبانه جدا ونفسى انهم يفسخوا الخطوبه دى ويوافقوا ع اللى بحبه .. بس هما دايما بيدافعوا عنه وشايفينى انا اللى ظالمه مع انى حاولت كتير انى بس اقنع نفسى بيه مش احبه
ياريت بس اعرف اعمل ايه لانى تعبت من كتر التفكير “استمر ف الخطوبه والحب والراحه هايجوا بالوقت واحاول انسى ولا افضل واسعى للى انا عايزاه واحاول اقنع اهلى تانى باللى بحبه وافسخ الخطوبه عشان مظلمش حد وخصوصا بعد ما الموضوع قلب بعند مع بابا لانى مش مقتنعه بكلامه ولا بتصرفاته .. بس انا بجد بحبه ومبيغبش عن بالى ولو دقيقه ومش شايفه حد غيره ينفع جوزى وابو عيالى؟”
اولا – انت خاينة وخونتي خطيبك بمجرد الكلام الواد اللي تحبيه ده ومافيش راجل يقبل على نفسو كدا ابدا ثانيا- عيب اوي الكلام اللي تقوليه على ابوكي البنت المحترمة والمؤدبة ماتتجرا تقول كدا على ابوها او ترفع وشها فيه ثالثا- اهلك معاهم كل الحق ويعرفوا مصلحتك اكثر منك طالما انو خطيبك ابن حلال كويس ومحترم وجاهز وبيعيشك العيشة السعيدة فليه ترفضيه وتعلق امالك في واحد لسه بيدرس وفين على مايشتغل ويكون نفسه كبرى دماغك واشتري سعادتك وراحة بالك والحب الحقيقي ياتي بعد الزواج رابعا- اياك ان تزعل اهلك او تغضبيهم علشان واحد مايستاهلك ابدا استمري في خطوبتك وربنا يتمم لك بالخير ويسعدك مع خطيبك ويسترعليكم وعقبال ماتفرحو بزواجكم عماقريبا ان شاءالله