مشاكل الحب والزواج

مخطوبة سنتين واحب رجل متزوج

انا مخطوبة بقالى سنتين سنى 23 وهو نفس السن انسان محترم ومهذب ومتدين ومرتاح ماديا لكن والدة هو الذى جاب كل شئ الشقة وكل حاجة لكن لم اشعر معة بالحب طول الفترة بسبب اختلاف الاراء وهوة لم يحتوينى اشتغلت بقالى 3 سنوات تعرفت على رجل متزوج سنة 32وهوة صاحب الشركة التى اعمل بها احببتة جدا جدا وهوة كذلك هومتزوج وعندة ولد وبنت ومش مرتاح مع مراتة انا وهوة مش بنقدر نسيب يوم اللا لما نشوف بعض وهو عرض عليا الزواج وقاللى انا بحبك ولو اتجوزتى حد غيرى يبقا انتى بتقتلينا قاللى سنة وهتجوزك وهجيبلك اللى انتى عاوزاة عشان ارضى اهللك ومتخفيش مش هسيبك المشكلة انا فى حيرة خايفة اسيب خطيبى واندم انى تزوجت متزوج وهوة مش هيطلق مراتة لانى مش هرضى انى اهدم بيتة رغم انى اعلم انة يعشقنى وميعاد زواجى قرب ومش عارفة اتخذ قرار اعمل اية؟ افيدونى لانة لم يعد هناك وقت للتفكير

مشاكل وحلول ذات صلة

اضيف بتاريخ: Tuesday, April 17th, 2018 في 15:49

كلمات مشاكل وحلول: , , , , , , , ,

7 رد to “مخطوبة سنتين واحب رجل متزوج”

  1. Averroès Avicenne
    22/01/2022 at 19:29

    بعد سنة سيجرجرك سنة و بعدها يكون شبع من جسمك و سيقول لك كما خنت زوجك ستخونيني

  2. ابواميرة
    03/06/2020 at 23:06

    أولا- دي خيانة لخطيبك اللي ارتبطت به واهلك وافقوا عليه وماحدش غصبك عليه عندما جاء لخطبتك من اهلك ثانيا- الراجل صاحب الشركة دا يستغلك لانك شابة صغيرة وجميلة و عاوز يتسلى بك وهو غير صادق في كل ماقاله لك وحتى لو تزوجك فلن تكوني سعيدة معه مراته وأولاده لن يتركوك تنعم بسلام معه سوف ياثروا عليه كل التاثير ويخلوه يطلقك دي الحقيقة ثالثا- ابعدي عن الراجل ده واترك العمل عنده والرزق على الله وارجعي لخطيبك ربنا يهديك وصدقيني ان هذا الراجل كداب ومخادع ولايصلح لك ماتخربيش على روحك وحافظي على خطيبك اللي شاريك وجاك حسب الأصول وربنا يسعدك معه ويتمم لكم بالخير ويصلح لكم الحال

  3. البرنس
    06/07/2019 at 00:26

    مش ازيد على كلام الاخ كريم والاخ ابو البتول واتفق معهم في كل ماقالوه لك دا هو عين العقل والراي الصحيح اتمنى انك تبعدي عن هذا المدير اللي عاوز يخرب عليك ويتسلى بك وتهتم بخطيبك وتحافظي عليه وربنا يهديك ويصلحك ويسترعليك وكل بنات المسلمين

  4. ابوالبتول
    01/08/2018 at 21:35

    اولا- عاوز اقولك انك بنت سافلة ومنحطة ثانيا- دي خيانة لخطيبك اللي خطبك من اهلك حسب الاصول ثالثا- الراجل ده اللي بشتغل عنده بيضحك عليك ويتسلى بك وعمرو ماهيتزوجك او يسعدك ابعدي عنه واقطع علاقتك المحرمة به وارجع لخطيبك اللي من سنك وهو شاب محترم وعلى دين وخلاق وسوف يسعدك طوال حياتك ان شاء الله

  5. رجل اربعينى
    20/07/2018 at 18:42

    اولا سيبى الشغل والراجل ده بيشتغلك يعنى بيلعب عليكى ومش هيتجوزك علشان خاطر مراته او على الاقل علشان ولاده مش هيهدم بيته علشانك وكلامه بعد سنه هجيبلك اللى انتى عاوزاه ده وعود كاذبه
    ثانيا لو مش بتحبى خطيبك بس فى قبول بينك وبينه اتجوزرى والحب هياتى بالمعاشرة اما حته الشغل انا معاكى لازم يشتغل حتى لو مش محتاج حتى لو كان عمل بسيط مع والده
    اخيرا ربنا يوفقك

  6. فقير
    22/04/2018 at 08:16

    حبيبي الاخ كريم نور . كلامك في الصميم وكفيت ووفيت وما خليت حاجة بعد اللي قلته يا انستي كلام كريم صح والراجل ده بيتسلي بيكي ومش هيتجوزك ولا يتجوز اي حد فوق مراته . حافظي علي النعمة اللي في ايدك

  7. كريم نور
    18/04/2018 at 10:27

    انتي هبلة يابت … معاكي واحد من سنك وشباب ومرتاح ماديا ايه المشكلة ابوه ولا امه اللي جابوا الشقة احمدي ربنا ان ف حد اتقدملك كدا .. وميعاد زواجك قرب ليكي تدخلي الشيطان بينكم والراجل اللي بتشتغلي معاه دا بيتسلي بيكي اول ماتسيبي خطيبك هيستغلك من الاخر عاوز جسمك بيقلك سنة ويتجوزك ويجبلك كل حاجة وخدعك ان عنده مشاكل مفيش بيت مفهوش مشاكل اصلا لو كل واحد عنده مشاكل اتجوز او خان شريك حياته هنبقي ف غابة واحنا ف غابة اصلا ………. ابعدي عن الراجل دا وسيبي الشغل واتجوزي خطيبك مفيش حاجة اسمها حبيتي ومحبتيش دا شيطان رجيم هيهدم حياتك وهيظلم زوجته حتي لو اتجوزك وهيعيشك ف المستقبل ف تعاسة وممكن يطلقك بعد مايعيش معاكي يومين دي نصحيتي ليكي وافتكريها كويس سواء اتجوزتي اللي من سنك او اتجوزتي مديرك وربنا يسعدك

اترك رداً أو حلاً لهذه المشكلة