مشاكل الحب والزواج

بنحب بعض وصعب نرتبط بسبب مراته الاولى

السلام عليكم . انا بجد من كتر ماانا مجروحة مش عارفة اتكلم ولا ابداء منين ولا اقول ايه . عموما هحاول . انا حبيت واحد وبصراحه على النت لكن بصراحه طلع انسان كويس جدا محاولش خلال ال 3 سنين انه يضرنى او يهددنى او يبتزنى او راجل شغال محاسب فى احد الدول العربية وتقريبا ماسك كمان ادارة مجموعة الشركة بتاعتها لوثوق المدير بيه . المشكلة انى بعد ماحبيته بعد سنه من حبنا اعترفلى انه متجوز لكن مافيش اولاد والحياة شبه منفصله بينهم هى فى ناحية وهو فى ناحية . انا محبتش ابنى سعادتى على تعاست غيري . حاولت اقنعه انه يرجعلها وانا هفضل فكراه طول عمرى وهتمناله السعاده . لكن هو اكدلى انه مافيش حياة بينهم ممكن ترجع . المهم حبيته اكتر . كان كل مايجي مصر يجبلى هدايا لكن انا والله العظيم انى مكنتش بهتم بحكاية جبلى ايه ولا عملى ايه لانى فعلا حبيته لشخصه الفلوس بتيجي وتروح انما هو كان بنسبالى حنان الأب ورومانسية الحب . طلبت منه يكلم ماما . وفعلا استجاب لرغبتى علشان يثبتلى حسن نيته . ماما قالتله اهلا وسهلا بيك اتفضل لكن بشرط . لو انت فعلا مراتك عيزاك او انت لسه عايش معاها ف بطلب منك انك ترجعلها ومتسبهاش . راح قالها لا . ماعدش بينا اى حاجة واكدلها انه فعلا اخد قراره حتى كان بيدايق لما كنت اجبله سيرة الموضوع الرجوع لمراته . لما اكد لماما كدة قالتله خلاص يابنى احنا شرطنا الوحيد ان دى بنتنا الوحيده ادام انت مش عايز ترجع لمراتك حرام تسيبها متعلقة زى البيت الوقف خليها تشوف حياتها طالما انت هتشوف حياتك بعيد عنها بس بنتنا متدخلش على ضره . وبأكدلك احنا منرضاش تعاسة لحد او خراب بيوت لحد لو مراتك بتحبك ارجعلها او انت باقي عليها ارجعلها قالها لا مافيش رجوع وكل واحد فينا فى حاله من زمان . المهم ماما قالتله خلاص حضرتك تتفضل تكلم بباها بانك هتتقدم رسمي عايز تقرا فاتحه ماشي عايز تخطب ماشي لكن مافيش كتب كتاب الا لما تطلق طالما استحالة الحياة بينكم. قالها حاضر . بس انا بره مصر وان شاءالله هروح احج وانزل على مصر ويصير خير المهم . ماما نبهت عليا زى اى ام خايفة على بنتها انى لااكلمه ولا ارد عليه لحد مايكلم بابا رسمي . للاسف مسمعتش الكلام. وعدنى كتير بارتباط وكانت المشكلة انها تبقى بنت خاله وان موضوع الانفصال رسمي صعب لان والدته بتحذره من حاجة زى كدة . كل مرة وعود وعود . دلوقتى تالت سنة . شغله كتر اخد كل وقته يمكن يقعد يوم او تنين او تلاتة ميكلمنيش لكن بيحلف انه بيحبنى وانا بحس ان فعلا الحلفان طالع بصدق من جواه . كنت لما ادايق منه اوى كنت اقفل الموبايل كان يتخض عليا ويدور عليا لحد النهاردة ميحبنيش ابدا اقفل . وكتير بيقولى انا خايف تكرهيني وتبعدي عنى ارجوكى استحمليني . لحد النهاردة مافيش اى حاجة جديدة بينا . كل ماينزل مصر تحصل ظروف فى الشغل يسافر او ظروف عنده فى البيت . انا تعبت بجد مش قادرة اتحمل اعيش كدة فى الضلمة عايزة ابقى فى النور . عايزة يوم ماأكلمه مخفش من اى حد او استخبى من اى حد . ارجوكم دلونى اعمل ايه حبيته اكتر من نفسي وعارفة كمان انه بيحبنى . بس اعمل ايه تعبت السن كل مادا بيتقدم وفرص الجواز بتقل . ايه العمل ؟

مشاكل وحلول ذات صلة

اضيف بتاريخ: Thursday, January 10th, 2019 في 15:36

كلمات مشاكل وحلول: , , , ,

ردود to “بنحب بعض وصعب نرتبط بسبب مراته الاولى”

  1. ابوالبتول
    11/01/2019 at 14:01

    يااختي علاقتك بهذا الراجل من الاول غلط ولو حتى جاء واثبت نواياه وتكلم مع اهلك لكنه شخص مسلوب الارادة ولايقدر على اتخاذ قراره بنفسه طالما انه مش مرتاح مع مراته الاولى وفي بينهما مشاكل وخلافات فحرام يعلقك معاه طوال 3سنوات دي وانت برضو غلطانة انك استمريت معو في العلاقة من وراء اهلك تتكلمي معاه وهو لاعاوز يخطبك ولايقدر يعمل كدا انهي تلك المهزلة فورا وانسيه خالص ولاعاد يتصل عليك ولاتردي عليه تماما والبنت المحترمة تحافظ على سمعتها وسمعة اهلها وكرامتهم وربنا بيكرمك بابن الحلال اللي يستاهلك ويقدرك ويسعدك طوال حياتك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة