انا مخطوبة من حاولى سنة وكنت مرتبطة بخطيبى قبلها بسنة تقريبا وبعد كدة جه اتقدملى دائما المشاكل هو بيكدب كتير ومدلع جدا وما بيعترفش بأخطاءه وخفيف جدا بالنسبة للجنس الاخر اكتر من مرة افتش بتليفونه اشوف ارقام بنات والفاظ قذرة جدا ومسجل البنات دى بأسامى مش محترمة والاقى بيعمل سيرش على حاجات اباحية واما اجى اواجهه يقولى مليون حجة وكل مرة بعدى وبسامح ويعقبنى على انى اكتشفت الخطأ حاسة انى مرتبطة بطفل اى مشكلة بينى وبينه ويسبنى ويمشى مبيحبش المواجهه عكسي تماما مبقتش عارفة اعمل ايه ابتديت تظهر عندى مشاكل صحية بسبب المشاكل بس انا مش قادرة اسيبه لظروف كتير عندى تمنعنى من دة انا بحبه جدا بس ابتديت احس انى مكسورة معاه مش عارفة اعمل ايه بجد تعبت
يابنتي دا لسه عيل وغير ناضج تماما ولايصلح لك ويكفي انك عرفت حقيقته انو بتاع بنات وكداب ولايجدي معه شيء اتركيه وربنا يكرمك باحسن منه ان شاء الله
انت تقول انك اتخطبت له من سنة وعرفت انه بتاع بنات وكداب ومدلع جدا ولايعترف باخطاؤه ويتفرج على حاجات اباحية فهل تظني ان ده يستاهل انك تتزوج منه او يكون شريك لحياتك وابو لاولادك تبقى غلطانة جدا في حق نفسك وفي حق اهلك الجواب باين من عنوانه يازينة البنات مش محتاج لها تفسير او ايضاح انهي الخطوبة معه فورا ودون تردد او تفكير ومش عارف حبيت فيه ايه الزفت ده كل تصرفاته توكد انه زي الطفل المراهق ولافيه شي من الرجولة ولاالاخلاق ولا الكرامة مايستاهل الجزمة اللي في رجليك بلا هم خليه يغور داهية فيه
اقعدي معاه امام والدتك ومابكونش حد غيركم موجود علشان ماتحرجهوش و قوليله بصراحه علي كل اللي بيزعلك منه وأنه لو ماتغيرش يبقي لازم تنفصلو.وأن دي آخر فرصه ليه. لما انتم في الخطوبه ويعرف بنات عليكي وغالبا البنات دي مش كويسه لأنه مسجلهم بأسماء مخله امال بعد الجواز والروتين اللي هاتعيشو فيه ها يعمل ايه. لو ماتغيرش يبقي مش شاريكي ومش راجل تامني علي نفسك معاه وسيبيه واحمدي ربنا انك ماتجوزتيش واحده زي ده مش بيقدر المسؤليه
اتركيه و فتشي عن رجل حقيقي همومه أكبر من النساء و التجمع معهن و الجنس ولك الخيار لأن الاجابة عن هذا السؤال لا تحتاج الى رأي فالامر واضح
انت بنفسك قلتيها حاسه انه طفل مش راجل يعنى بصريح العباراة ماينفعكيش ياماما افسخي الخطوبة من الواد ده فورا وخليه يغور في داهية واشتري دماغك وراحةبالك والف من يتمناكي ياقمر
ما فيش حاجه هتتغير فيه ولو حصل زواج الوضع هيزيد سوء اكتر وكل تصرفاته هتبقي عالمكشوف(الخسارة القريبة).وانصحك بفسخ الارتباط حتي لا تندمي.
اهم حاجة في اي علاقه الاحترام واذا كان مقصر في احترامو ليكي من ناحية اضافة البنات ولا عدم تحمل مسؤوليه المشاكل الي بتحصل
ويحاول يحلها دا لآزٍمٍ تقعودي معاه قعده كويسه و صريحة تقوليلوا كل الي عندك و انك منتظرة منو حل قاطع لانو مش بيصح الا الصحيح
وانتو مش بتلعبوا دي حياه جديده ومسؤوليه كبيره تحتاج مواجهة ونضج
مراهق
غير ناضج
القرار قرارك