انا مخطوبة من فتره حبيت خطيبى اوى وهو كمان بيحبنى جدا من قبل ما يخطبنى
بس انا كنت مرتبطه بشاب قبل الخطوبة وصارحت خطيبى وهو سامحنى بس المشكله انه عاوزنى احكيله
كل شئ فات بالتفصيل الممل وفعلا حاكتله واتكلمنا كتير فى الموضوع دا بس هو دايما يقولى انتى مخبيه
عليا حاجه وربنا يعلم انى قولتله على كل حاجه بالضبط
كل مناسبه حلوه تعدى علينا لازم نتخانق بسبب الموضوع دا انا بقيت عصبيه جدا ومش عارفه اعمل ايه
نفسى اسعد خطيبى ومش عارفه هو ملوش غيرى فى الدنيا دى لان والده ووالدته متوفين كان نفسى
اعوضه عن كل يوم بيشوفوا وحش لكن مش عارفه انا مش عاوزه الموضوع يتفتح تانى وننساه وهو دايما
بيسالنى عنه اعمل ايه ساعدونى انا اعصابى تعبت حاسه انى قربت اتجنن من عصبيتى دى وبقيت بعيط
كتير وعلى اتفه الاسباب
بصي طالما بيحبك اوي وباقي عليكي مش هيجيبلك السيرة دي تاني لانه عارف انها بتضايقك وبتعصبك وهو كمان المفروض يتدايق لما يشوفك متضايقة ومتعصبة كده فالمفروض يراعي ده ويعرف انك ندمانه علي كده ويفتخر بيكي لاني واحدة غيرك وكتير اوي بيبقي عملو علاقات قبل كده مع ناس كتير ومش بيقولو فيحمد ربنا لانك فعلا انسانة كويسة والمفروض يثق فيكي
حاولي افهامه ان العلاقةالسابقة كانت طيش وتهورفي مراحل المراهقة وانتهت وناسيه كل حاجة عنهاولعاد تذكرمنهاشي وهولوصادق يحبك منكل قلبه يصدقك في كل ماقلتي له ولاعاد يفتح معك هالموضوع نهاية وربي يسترعليك ويسعدك
انت غلطتى من الاول انك حكتيله انك حبيتى شخص قبله حتى لو كنتى بتحبى مكنتيش تقوليله لان اكيد بيحصل مشاكل طول ما الموضوع ف دماغه لما يكلمك تانى ف الموضوع دا حاولى انك تتوهى ع الموضوع باى شكل من الاشكال
بسي انتى لازم تقنعى انكى صرحتى عشان بتحبى ومش عاوزة تخبي عليه حاجه وو فتح معاكى الموضع تانى حاولى انيك تتوهي في اى موضع تانى وبنيلو ايك بتديئى لما بيفتح الموضع دة وربنا معاكى
انتى لازم تقنعيه ان العلاقة دى كانت هبل مراهقات وان انتى مش مصدقة ان ازاى اتهبلتى وعملتى كدة
لان من الواضح ان خطيبك غيور او حاسس انك لسه بتحبيه فلما تفتحو الموضوع تانى اذكرى علاقتك الاولانية باشمئزاز
علي فكرة انتي غلطي ودا مش راي انا دا راي علماء دين اتكلموا في الموضوع دا ودا شئ مايمهموش واي حد مكانة هايعمل اللي هو بيعملة معاكي دا انت لومكانة وحكالك عن واحدة في الماضي ها ينغص عليكي الموضوع داصح ولا اية حاولي تصلحي معاةوتقولي ليةكلام يثبت كرهك للموضوع اللي فات واد اية ربنا عوضك خير بية وكدا يعني
يا اختى مشكله خطيبك نفس مشكلتى تماما بس هقولك حاجه بصراحه انتو كلوكو زى بعض بس فى فرق الفرق ان فى بنت بتحب الصراحه بس صراحتها بتوديها فى مشاكل ملهاش اخر والفرق التانى ان لو فعلا الشخص اللى انتى مرتبطه بيه بيحبك هيقدر يغفرلك بس لو استمريتى معرفه اكتر من شخص عليه يبقى من حقه يولع فيكى وده رائى
لالااسف اختي الصغيره انتي غلطي غلطه هتفضلي هتدفعي تمنها حياتك مع خطيبك .انا الوجه الاخر من هذه العلاقه فأنا نفس خطيبك فيما حدث فأنا لي نفس الاحاسيس والمشاعر.قد لاتصدقي اني مع حبي الشديد لخطيبتي وخصوصا بعد كتب كتابنا اشعر كثيرا برغبه في الموت و طبعا لا اشعرها بذلك فخطيبتي كانت تحب قبلي وتقدم لها مرارا وتكرارا ولم يتم المراد لرفض الاهل فكثيرا ما اشعر انها وافقت علي مضطره وانها كانت تتمني ذلك الشاب لو انه مكاني ولكن النصيب..خطيبتي بتغير عليا جدا وبتحبني جدا بكل مشاعرها واحاسيسها وانا علي يقين انها اختارتني وفضلتني عليه ولكن هناك شئ بداخلي يكاد يقتلني ولا اعلم ماذا افعل به فأحيانا افكر في تركها و اقول لنفسي لو تركتها فلن تطيق الحياه بدونها واقول لو استمريت واتممت زواجي منها فسأعيش في عذاب بداخلي وسأحول حياتها الي جحيم//كنت اتمني انها لم تحكي لي عنه.كنت اتمني انها لو كذبت علي و اخبرتني اني الاول والاخير في حياتها.اختي الصغيره كلنا ذو خطأ ولكن لا يجب ان نفضح انفسنا لان الله قد ستر علينا//استخدمي كل الطرق لكي تنسيه ماحكيتي عنه فهميه ان الله قد اكرمك به وعوضك خيرا منه وانك سعيده معه وانك لو اخترتي بينهم اكيد هتختاريه عن السابق-وخلي صدرك واااسع واتحملي نتيجه غلطتك وفي النهايه ان فشلتي او حسيتي انه مش قادر ينسي هدديه بالفراق/وفي النهايه اقولك لو حسيتي انه عصبي وانه بيفكر كتير في الموضوع ده انصحك تسيبيه لو ماكنتيش بتحبيه لدرجه الجنون .وادعو الله لك ان تمر هذه الازمه علي خير كما اترجاكي انتي وكل من يقرأ كلامي ان يدعو الله لي عسي الله ان يصرف عني الشيطان وان ينسيني ماعرفته–و للعلم خطيبتي لم تحادثه يوما تليفونيا ولا قابلته ولكن كان اعجاب او حب من بعيد لبعيد
بسم الله الرحمن الرحيم
اولا غلطتك انك حكيتيله صحيح الصراحه مطلوبه بس بتبقى مضره ساعات واضح ان خطيبك شكاك حاولى تخليه يثق فيكى اكتر من كده وفهميه انك كنتى ممكن تخبيى عليه لكن فهميه انك مبتحبيش الكدب وهو هيقدرك وربنا معاكى وبالتوفيق وخلى بالك الشك مشكله كبيره جدا
نصيحه لكل بنت لا تقولى عن علاقات الحب قبل الزواج لخطيبك او زوجك ده خطا كبير وملوش لزمه انك تقولى حاجه ايه الفايده للاسف البنت تعتقد انها لما تقول ده هتغلى امام خطيبها وسيشعر انها كانت مرغوبه وكانت بتحب وتتحب وده تفكير خطا ويشعر خطيبها ان فى علاقه مجهوله بالنسبه له حصلت والشيطان هيوصله لحاجات كثير وللعلم خطيبك واثق من نفسه ورجل محترم ولكن لو اى رجل محترم عرف ان كانت على علاقه بشخص قبل الزواج خارج نطاق الخطوبه والزواج سيترك خطيبته فورا لكن خطيبط بيحبك وعلامه حبه استمراره معكى
اختي الكريمة اولا يجب ان تنسيه ما ذكرتي له وقبل كل شي عليك وان استطعتي الاستعجال في الزواج وقد يوك في ذلك حل واذا تزوجتيه عليك ان تخدميه بعقلك وبجسمك وبأحساسك وبكل شي تملكيه حتى تنسيه من كلام فلا تنسي قولا ذكرى في احدى المقالات المرء إن شغلت جمجمها جعلت الرجال خاتما بصابيعها والله ولي التوفيق
غلطتى انك حكتيله
وهو غلطان انه سأل نفسى بجد الناس تفهم معنى الايه (لا تسألوا عن أشياء إن تبد لكم تسؤكم)
هو كان فاكر انه لما يعرف هيرتاح ,هو كده بقى ارتاح ؟؟؟؟؟؟؟؟؟
قوليله خلاص اللى راح راح انا مش هبص ورايا ولا هفتكر حاجة فاتت وانك مش حابه تعيشى فى نكد وكأبه ومشاكل وخدى موقف حتى لو هيزعل وقوليله انا عايزاك تبقى واثق فى نفسك اكتر من كده
واوعى تعملى مقارنه بينهم او تحسسيه بده -واهتمى بيه زياده شويه
وبجد ربنا معاكى خطيبك صعب
لن تكون الحياه بينكما سليمه وسهله واضح انه شكاك وعنده مركبات نقص والبدايه السيئه تصنع النهايه الاسوأ