مشاكل الخطوبة

كل حاجة اقولها خطيبي بيحكيها ويخلى شكلى وحش

انا مخطوبة بقالى 3 سنين وفجاءة حماتى جابت شغالة عندها 8 سنين قولت عادى وشوفتها بنت صغيرة بعدها بشهر جابت بنت عندها 16 سنة وف البيت فيه شباب ومنهم خطيبى اصغر واحد سنا طبعا اتضايقت وقولتلهم انه مبنفعش وفى الاخر اتقالتى انتى مالك بطريقة غير مباشرة وقالولى لو شوفتيها مش هتقولى عندها 10 سنين وطفلة المهم امبارح كانت اول مرة اشوفها ولما روحت لقيتها طولى ومش صغيرة ولاحاجة ولابسة استرتش وتيشرت قصير ولابسه حجاب مفكوك وكل شعرها برة وكل اما ادخل مطبخ الاقيها ماسكة مبرد بتعمل ضوافرها ولابسة اكسسورات وكمان قاعدة معانا ورافعة رجليها على الكرسى كاانها واحدة مننا او هى صاحبة بيت زيها زيهم المهم طبعا اتضايقت جدا وكل اما ابصلها الاقيها بتبص لخطيبى تشوفنى تبص ناحية تانية ولما نزلت اتخانقت مع خطيبى جامد قولتله الوضع ده غلط حتى على الاقل تلبس محترم ف البيت قالى انتى مالك اصلا هى متعودة تقعد نضيفة ف بيت هى حرة شاغلة بالك بيها ليه قولتله اصلا من ساعة ماروحت وهما بيتفرجوا على التليفزيون ومش بيعملوا حاجة وديه حقيقة قالى ماما حرة تعمل اللى هى عايزاه وبعدين ممكن دول يكونوا عند ربنا احسن منى ومنك ولما بقوله الخدامين مفروض يقعدوا ف مطبخ قالى متغلطيش انتى توافقى اغلط ف حد من اهلك قولتله بس دول مش اهلك قالى طالما ف بيتنا يبقوا اهلى وكمان مامته تقوله لما ترجع خدهم بالعربية جبلهم هدوم العيد ولما بقوله يمشوا قالى وانتى كنتى بتيجى تسعديها ولا بتعمليلها حاجة عشان يبقى ليكى حق تتكلمى متدخليش ف حاجة متخصكيش وف الاخر لما روح البيت قريبه داخل يقوله انت كل شوية تكلم البنت وتهزر معاها بقوله بيفولك ايه بيقولى بيغيظك عشان كلهم اخدوا بالهم وانا قولتلهم كلامك قولتله يعنى بتكلم معاك تقلل منى قدام الناس انت كده صح ولما البنت تسمعكم وانتوا بتتكلموا تقول عليا ايه وبيقولى من طريقتك هتخلينى ابصلها فعلاوف الاخر فضل يزعق ف التليفون بصوت عالى ويسمعهم وانا اصلا معملتهوش حاجة ويقولى اقفلى المواضيع ديه خلاص انتى مريضة نفسيه وقفل السكة ف وشى مع العلم ان بقاله فترة كل مايرجع من شغل يقولى مش عارف اتكلم كلهم برة ولما سالت مامته قالتلى مبيبقاش فيه حد برة وكان الكلام قدامه قالها ديه كدابة مقولتهلهاش كده بقيت احس بسببه انى مجنونة فعلا كتر التفكير وحرقة الدم تعبونى كل يوم بنام معيطة وحساه متغير معايا اوى انا غيورة اوى واعتقد ان ده حقى واقترحت اكتر من مرة نسيب بعض مش بيوافق واللى بيضايقنى اكتر احساس انه كل حاجة اقولها بيحكيها ويخلى شكلى صغير ولو بكلمه ف ودانه قدام حد يعلى صوته ويقول انا بقول ايه وبحرجنى بجد تعبت ومش عارفة انا صح ولا غلط ياريت تفيدونى وهل فعلا انا غلطانة ومريضة نفسية واسفة لو طولت عليكم

مشاكل وحلول ذات صلة

اضيف بتاريخ: Monday, November 13th, 2017 في 00:15

كلمات مشاكل وحلول: , , , ,

اترك رداً أو حلاً لهذه المشكلة