الحمد لله انا بنت بخاف ربنا وعلى خلق مخطوبة لشاب محترم و كويس الحمد لله مشكلتي مع خطيبي شهواني اوي معايا بيبقى عايز يحضني كتير ويبوسني واقعد اقولو كل دا حرام حرااااااااام لا لكن هوة مش بيقدر يمسك نفسو ادامي بجد انا تعبانة اوي و اقعد اقولو لا حرام انا عيزة ربنا يباركلنا
لكن هوة اخر مرة باسني وكنت عيزة اصوت لكن هوة باسني بالعافية يقولي علشان مش تفضلي خيفة كدا مني علشان تبدائي تاخدي عليا
واما اقولو حرام يقولي نكتب الكتاب كمان شهر
بس انا بخاف احسن يتغير معايا بعد كتب الكتاب بحس انها حياة جديدة بترعب وبخاف اقولو لا كتب كتاب مش دلوقتي
يقولي علشان ما تقوليش حرام وانا واثقة انو بيحبني جدا والحمد لله وانا بحبو جدا
ارجوكم قلولي اعمل ايه
مش عادي وحرام بجد..واي علاقه فيها حرام مش بتكلم كل الي بيصحك مش صادقين ..الصح لأن كل الناس بتقع ميقعدش معاكي لوحدك يا اما كتب الكتاب لو واثقه فيه
انا فى شاب اتقدملى من اربعه ايام والمفروض الشبكه النهارده واهلى موافقين عليها وشيفينها كويس بس انا لما بتكلم معاها بيقعد يقولى نفسى احضنك اوى هاتى بوسه انتى جسمك بيرتعش وانا جنبك نفسى يرتعش وانتى ف حضنى وقولت لاهلى. قلولى بيهزر معاك انا مش بحب الاسلوب ولا الطريقه دى رغم كل الى بيعملها عشان فى المده القصيره بحس انه حقير فى النقطه دى وملهوش الحق انوا يتكلم معايا كدا وكل ماقولها كدا غلط بيقولى خليكى فرفوشه بلاش كئابه
ربنا يسعدك ي حبيبتي بس في الحلال ونصيحة اخت ماتكتبيش الكتاب غير ليله الدخله بدل ما تحصل مشاكل وقلبي دا حرام حرام ولو هو بيحبك مش هيعمل كدا تاني
السلام عليكم اختي هذه الامور ليس وقتها حتى لو كانت بوسة او حضنة بلا عقد القران. حتى انا مخطوبة والحمد لله. ولكن هذه الامور لا تدور عندنا. زياته محدودة وكلامه محدود. انا نصحت بالشي الذي اعرفه. وشخصيات الرجال تختلف. وعليكي انتي ان تضعي الحد للامور الرفوضة ديناً وعرفا تقبلي نصيحتي وشكرا
السلام عليكم اختي هذه الامور ليس وقتها حتى لو كانت بوسة او حضنة بلا عقد القران. احفضي نفسكي ولا تفعلي حتى وان غضب.
انا هرود على اوستاذ عمر انت عار على الرجال البنت لو ما حبت الرجال ما بتسلملو بس ازا ما حافظ عليها بيكون مو رجال من الاصل انت ما حبيت لهيك مو عرفان معنا حكياك و انتي اختي ما تسمعي لحدا ازا متاكده من حلو ليكي ما تختفي راح يحافظ عليكي
والله انا شايف ان اللى بيعمل كدا انسان حقير بعيد عن الدين ومجرد لما يوصل للى هو عايزة متلزمهوش ماهيا معندهاش كرامه ولا اخلاق ايكمل معاها لى
من غير اي حوار في الكلام
انا خاطب من سنه الا شهر بالظبط وخطبت حب عمري 5 سنين حب وعافرت علشانها كتير اووووووي وكنت بتمني اليوم اللي اجي فيه واخطبها
انا بعمل اي حاجه مع خطيبتي الا اني اخليها بنت دي اللي ماوصلتلهاش ومش عايز اوصلها غير بعد الجواز بس انا عملت كل حاجه مع خطيبتي كل حاجه ولسه بحبها وهافضل احبها لحد ما اموت وانا عمري ما عملت كده معاها بغرض اني اختبرها لا مش كده خالص كل الموضوع ان انا حبي ليها هو اللي خلاني اعمل كده انا بحبها جدا والله وانا بعمل كل ده معاها لاني فعلا بحبها والله وعمري ما فكرت اتنازل عنها حتي لو ايه حصل وحصل بينا مشاكل كتير علي فكره وعمري ماجه في بالي ااقولها ان انا عملت معاكي حاجه لان انا بجد شايفها مراتي ومش شايفها غير كده لذالك عمري ما فكرت ااقولها انا عملت كده معاكي وان انتي سيبتيني اعمل كده معاكي لان مافيش راجل بيتخانق مع مراته بيقولها انا عملت معاكي حاجه كل الموضوع ان انا بحبها جدا وبالمناسبه انا شغال ليلي زي نهاري علشان اتجوزها انا عارف ان في حاجات كتير اووووي بتحصل بينا حرام بس باردو برجع وااقول الانسان خطاء علشان احنا مش ملايكه وباردو عمري ما هاسيبها مهما حصل بيني وبيناه لان مش ذنبها ان هي سابتلي نفسها ااقوم انا اعمل كده فيها واسيبها بعد كل ده
وعلي فكره هي ما كنتش تعرف اي حاجه عن كل اللي حصل بينا ده واقسمتلي بالله ان هي فعلا ماكنتش تعرف اي حاجه عن اللي حصل بيني وبينها ده لذالك انا مصدقها مش علشان هي حلفتلي لا لان حبي ليها هو اللي بيخليني اصدقها ومعاملتها معايا هي اللي بتخليني اصدقها
وربنا يكملنا علي خير ويجمعنا ببعض ادعولنا ربنا يكملنا علي خير وانتو ربنا يوفقكو ويسعدكو ويرزقكو باولاد الحلال وبنات الحلال اللي تصونكم واللي يصونكم
طب انا مخطوبه وهوا عايز البوسه ف التلفون وانا بكلمه وانا بخجل وبيقولي انا بقولك كده علشان لما نتجوز ميبقاش في احراج بينا اعمل ايه
انا عندى مشكلة انا عندى 20سنة مخطوبة بس خطيبى بيزعل منها علشان انا مزعلاة يعنى بنكلم فى التلفون مفيش غير السلامات بس كل مااسالة مالك يقولى مفيش مش عايز يكلمنى علشان زعلان منى هو عايزنى اهون علية ازاى مش عارفة اقولى ازاى مش عارفة اكلم اى مواضيع زى اية
بصي انا خاطب بنت من العيلةبس هي مسافرة و انا بحبها جداً و نفسي بجد تبقي مراتي في اقرب وقت و قبل كده لما رجعت من السفر حضنتها بس بعديها حسيت اني شخص حقير جداً قدام نفسي و الاهم قدام ربي و زعلت قوي من نفسي عشان عملت حاجة زي كده مش هقولك انا مثالي و كده لا والله ابداً انا كل اللي حسيته اني بحبها قوي و اني لو كررت الموضوع ده هكرهاو هسبها بسبب انها سلمت لكده و قلتلها انا مش هلمسك و لا عايزك تسمحي بكده عشان انتي بالنسبالي كنز هحارب الدنيا كلها و اتعب بس عشان اوصلك في الحلال فنصيحتي ليكي بجد حتي لو كان الحب مابينكم لاقصي درجة الراجل مش بيحب انه يوصل للبنت بسهولة و لو وصل للي هو عايزه عمرة ماهيتعب نفسه انه يتجوزها طالما هي كده كده من غير تعب وصلها
بس انا بحبه اوووووي و مش بقدر استغني عنه ومش بقدر ازعله عاوزة اعرفه ده مينفعش بس براحه و هو يكون مقتنع بكلامي
للأسف في خلل كبير وبعد عن الدين، الخاطب مالوش يجلس مع خطيبته لكن للأسف البعد عن الدين وغياب دور الأهل، خطيبك يا اختي مالوش حق يجي البيت، وأفضل انك تكتب الكتاب لأنه بيكون زوجك على أنه يجي البيت وتعملوا الي تعملوه ده مقدمات زنا، نصيحة للأهل لاتسمحوا للخطيب أن يجلس مع مخطوبته لأن القيم والأخلاق تنهار وحكم الدين معروف
انا كنت بحب واحد جدا وقعدنا مع بعض 4 سنين مخرجنش في الفترة دي كلها معاه غير 3 مرات بس وفي كل مرة ببقي قاعده بعيده عنه شويه وما بلمسوش لكن اخر مره مسك ايدي كنت عايزه ارفض لكن مش عارفة ليه مرفضتش راح حضني انا ساعتها ندمت اوي وروحت منهاره وعيطت وحطيت حد للمشكلة بسرعه وقولتلو لو عملت كده تاني مش هكلمك انت ترضي اني واحد يحضن اختك راح قالي بقولك ايه متجيش سيره اختي على لسانك لا في حلو ولا وحش رحت سيبتو والحمد لله ربنا كرمني بخطيبي انسان محترم بجد وعمرو ما عمل معايا حاجة من دي ابدا وعلى طول يقابلني قدام اهلي
الحقيقه ان مفيش حاجه اسمها مش قادر يستحمل
او هى مش قادره تستحمل الكلام دا كله من الشيطان
الدين مقالش كدا..
الصح انه مليمسكيش اساسا الا بعد ما تتجوزوا
والحل بقى انك مش تتطولى معاه فى الكلام فون
ولو جه يكلمك كلام وحش صديه وازعلى منه عشان ميفكرش يتكلم كدا تانى
حافظي على نفسك لحد ما تبقوا مع بعض فى الحلال 🙂
لأن الله اعلم ممكن يحصل اي مشكله ومتتجوزوش
وبعدين اعزوني في الكلام انا شايف ان الجماعه اللي كاتبين كده دول شمامين ورمم
وسهلين ورخاص وهبل وممكن يضحك عليهم في اي حاجه
يعني ممكن الراجل ده يقشط فلوسها او يصبحها ويمسيها بعلقه بعد الجواز
وسايبنهم يبوسكوا من بؤقكم كده عادي يعني تحت اسم مخطوبين
طيب وهما راضين كده ان شاء الله بكره لما بنته او اخته تتخطب او امه حتي لو اتجوزت تاني
يبقي خاطبها يبوسها ويتجوزها بعد كده علي اساس ان وفي يعني
وبكره برضو انتي تشوفي بنتك بتتباس زيك كده وبتتحضن ويحصلها نفس اللي حصلك عادي
مهو كله سلف ودين
وابقي خلوا الشباب ينفعكوا ونصيحه يا تجيبوا واحد محترم والكلام ده يكون بعد كتب الكتاب يا تبقوا فريسه سهله وانا عن نفسي عمري مأمن لوحده زي دي علي نفسي او علي اولادي لو هي هتسبلي نفسها بسهوله كده وهعتبرها بنت هبله وضعيفه
انا عملت كل حاجه مع خطبتى بوس احضان كل حاجه بس عشان بحبه ومش هسبها وهيه نفس الحكيه مش بنقدر نستغنا عن بعض فى علقها زى كده حرام وبينى وبين ربنا انا مش بضحك عليها بس فيه كبت ولازم اعمل حاجه بدل ما نفجر
انا مخطوبه وخطيبي كان بيحبني قبل الخطوبه وكنت بكلمه قبل منتخطب 3سنين بس ممسكش ايدي حتي ف فتره ال 3 سنين دوول ولما اتخطبنا العلاقه اتغيرت خااالص و بقي ف احضان وبوس وبيفضل حاضني ومبيقدرش يسيبني طول م احنا قاعدين .. بس انا زعلانه عشان بغضب ربنا ومش عارفه اعمل ايه ممكن مساعده
انا عندي نفس المشكله و اكتر انه عايز نتكلم في كل حاجه في التلفون بيقول عشان دي هاتبقى احلى ايام بعد الجواز و هانضحك عليها و انا عايزك مجنونه زي و انا بضعف مش بايدي و انتي لازم تكوني مبسوطه اني بضعف معاكي انا في الاول مكنتش بقله حبيبي و روحي و الكلام ده فمكانش بيقلي حاجه من وقت ما بقيت بقله و هو بدأيدوب من الكلام ده و انا غلطانه كنت بعمل كده عشان اقرب الحب ما بينا و ما يلاقيش ده في حته تانيه و يروحله كنت عايزاه يلاقي كل حاجه عندي و هو بيقلي انا بحب علاقتنا تكون مجنونه انا مش بحب الروتين المهم انا بقيت برفض على قد ما اقدر و هو بقى يحاول ما يتكلمش في كده عشان ما يزعلنيش بس بيجي في اوقات زي اي مناسبه زي مثلا في عيد الحب يقلي ارجوكي النهارده بس عشان النهارده يوم مميز بصراحه انا جاريته بس انا ندمانه يا بنات جدا و نفسي ربنا يغفرلي و نفسي اصلح الغلطه الفظيعه دي علشان نفسي ميكنش في قلبه اي حاجه من ناحيتي نفسي يشفني كبيرة و مابتكسرش زي ماكان بيششفني زمان و يعجب بيا اوي انا اوي و بحب يفضل متشوقلي و يحبني و اكون كبيرة في نظره و مشدودلي و يحترمني و بعد الجواز يكون مشتاقلي جدا و يحس اني بتاعته لوحده مشش يكون خد مني حجات و ش بقيت عادي بالنسباله سؤالي بس هو ايه مشاعره من ناحيتي دلوقتي و ازاي ينسى الي حصل و كإنه محصلش و استفيدو من تجربتي يا بنات و ما ادخلوش الشطان ما بينكم و بلاش حبيبي و عمري و اتكلمي جد و ما اطوليش المكالمه هو سؤالعن الحال و بس هي دي نصيحتي و الا انتي الخسرانه
انا عندي نفس المشكله مع انه محترم جدا وكويس بس بيقرب مني ويحضني او يبوسني ولما ببعده عني بيزعل وقالي نكتب الكتاب بس انا خايفه ومش عارفه اعمل ايه
اود فقط ان اقول الاءخت الكريمة ان الله يحب الحلال لا يحب الحرام وخطيبك لو كان فعلا بيحبك مكان طلب شي قبل ميقوليك نكتب الكتاب اولا تم نعمل الي نحن عاوزينو ولا تستلمي باءي شي وخليكي قوية
اساليه وحطيه ب الواقع اوليلوا انت بتحبني شو هي الفائدة اذا بوستني يعني خبريه انك 1اتخافي الله و2 انت مشان مايزعل وما يصير مشاكل ب علقتكم
أهم ما في الموضوع إحساسك إنتي .. ومقدار ثقتك أنتي فيه واطمئنانك إلى ان ما يحدث بينكما لن يغير في مشاعره ناحيتك .. فلا أحد يعرفه أكثر منكِ بحكم المخالطة المباشرة والمستمرة بينكما .. فإذا كنتى واثقة من حبه ومطمئنة تماماً أن استسلامك له فى كل ما يريد لن يؤثر مستقبلاً على حبه لك فلا تحرميه من متعتـه في ممارسة كل ما يشتاق له معك من قبلات وأحضان ومداعبات وملامسات ومهما طال وقتها .. بل وأخبريه أنتي باللذة الهائلة التي تشعرين بها في كل مداعبة من مداعباته لجسدك .. وأتمنى لك السعادة وألف مبروك مقدماً .
كما تدين تدان ( في أختك في أبنتك في عزيزة عليك و و و )
وبالكيل الذى كلتم به تكتالون
القضية سببها ليس طرف واحد
الداعي إلي ظهور هذه الأفعال
الخاطب والمطخوبة والأسرة والمجتمع والعادات والتقاليد (مجموعة اسباب)
ومن نسب الأسباب إلي طرف واحد فقط فقد ظلمه وجار عليه
لكن الأسباب تتوزع علي الجميع
فالأسرة لها دور بأن تعجل زواجهم وتيسر زواجهم
والخاطب له دور بأن يراعي صبره بما يناسب دوره
والمخطوبة كذلك
والمجتمع كذلك
والعادات كذلك
كلُ له دور
الله المستعان
كل اتنين بيحبو بعض الكل نفسة في دي لاكن اللي بيحب فعلا بيكون نفسه الحاجه دي تكون في الحلال واللي حابب الحلال مش بيحب يعمل كده انتي ممكن تقليله انا هعلمك اللي انت عايزه بس بشرط انك تجيب موافقه بابا هقولك ازاي هتقوليله انا دلوقتي تحت حكم بابا أن وافق انا موافقه ولاكن اما نتجوز هيكون الأمر كله متعلق بيك انت وبكده تكوني راضتيه وراضيتي ربك قبل كل شئ
يا حبيبتي عادي كلنا مخطوبين وبنعمل كده وهوفي احسن من انك تكوني في حضن حبيبك.وبدل بيحبك ان شاء الله هيتجوزة.وسيبك ماللي عاملين نفسهم فالحين لان كلنا بشر.وكلنا بنعمل ده ففترة الخطوبه وبعدين انتوا طول مابتحبوا بعض هتضعفوا.وبلاش تكتبي الكتاب دلوقتي خليكي زي مأجله كتب الكتاب عشان عارفه لو كتبناه مش هيبقى بوسه وحضن بس اكيد فهماني.وعيشي حياتك يا بت واتهني بحبيبك
اسمعى انا هقولك حاجه انا بحب خطيبى اوى وهو كمان بيموت فيه وميقدرش يبعد عنى دى حاجه انا متأكده منها وباسنى وحضنى لانه مشتاقلى وبيحبنى وانا فهمته ان مش دى الحاجه اللى بتخلينى احس بيه او اقربله لاء دى حاجه غصب عنى وعنه لاننا بنحب بعض بس كل اللى انا عايزه اقولهولك انتى هتعرفى ازا كان بيختبرك او بيعمل كده عشان بيحبك ومشتاقلك ومحدش هيحس ولا هيعرف يقيم موضوعك ده غيرك انتى لانك انتى اللى حاسه بكده مش اى حد ولا حتى انا وربنا يتمملك على خيرويسعد كل البنات يارب وحافظى على نفسك اووووووووووى ومتعمليش كده مع حد غير ماتكونى واثقه فيه ومتأكده انه مش هيسيبك ربنا يسترها عليكى ياحبيبتى
انا كنت هقول نفس المشكله دي ولقيت الرد المناسب متشكره جدا لكل الناس ال سعدتنا وؤبنا يسعدك ياقمر بس كل ال هقدر اقوله بلاش كتب كتاب وربنا يسعدك
نصيحه مني ماتخلهوش يعمل حاجه معاكي علشان ماتندميش بعد الجواز وكمان مش هيبقي مديكي اهتمام لما تتجوزوا لانك وافقتي تعملي معاه اللي هو عاوزوه وقت الخطوبه
انتي كلامك صح في حكاية كتب الكتاب حولي ماتخلهوش يعمل معاكي حاجه تاني ربنا يتمملك علي خير انتي والمسلمين جميعا
ربنا يوفقك بس متعمليش حاجه تغضب ربنا وافرحي معاه بس ماتعمليش حاجه ملهاش لازمه وقت الخطوبه
و انا من وجهه نظري ان ناس كتير مافورين ف الرد انا واحده من الناس لما كنت مخطوبه كان بيحصل الكلام دا عادي لاننا كنا بنعشق بعض و الحمد لله اتجوزنا وعايشين ايام جميله ولا عايرني ولا بتاع الي قصدي له انه مش كل الرجاله زي بعض يعني مابقاش حد يعمل اختبارات لحد مشش معني كدا اني ببعينك او بشجعك انا عارفه انه عيب و غلط وحرام ومايصحش لكن انا بقول رايي و ف الايام دي ي حببتي مابقاش له دخل بالادب و الاخلاق
عالعموم ربي يعفك من كل سوء ي حبببتي ويسعدك يارب و يوفقك
احنا مش ملايكه ي حببتي و لكل انسان مشاعر
بصي بقي انا مقدر حبكو لبعض بس انتي في ايديكي تغيريه علشان مش يطمع فيكي ويعمل حاجات تانية اكتر من دي وعلشان تكبري في نظره لازما تتقلي عليه ولو عمل معاكي حاجة تاني ازعلي منه ومش تديله ريق كويس بعد كده لحد ما يتعدل ومش تضعفي
دة حرام صدقينى بلاش …..لو اتجوزك وهو عامل معاكى الغلط مش هيحترمك ابدا
ودايما هبكون شاكك فيكى وفى سلوكك ..وممكن الجوازة كلها تبوظ بلاش احسن يلمسك
وهو كدة هيحبك اكتر ويحترمك اكتر ويتمسك بيكى اكتر ….صدقينى اكسبى احترامة
ومتخسريش نفسك ودينك …..ربنا يهدينا واياكى
كل اللي تعمليه مع خطيبك حرام شرعاولايجوز اطلاقا ابعدي عنه لاجل ماتستمروافي الحرام والانجراف له وعجلوابالزواج لكي تسعدوافي حياتكما وتعيشوا لذةوطعم الحلال في حياتكم
حبيبتي اذ كان بيحبك عن جد رح يبوسك ويضمك بس مورح يتخلا عنك الراجل لي راجل بيكون عامل تقة بينكم والثقة اهم شيء في العلاقة الزوجية والحمار عز الله وجوهكم هو الذي يتخلى عن فتات وثقت فيه مهما تركتك تحضنها وتبوسها ادن هي بتحبك وبتوثق فيك لهذا عليه ان لايخذل ثقتها العمياء به:ومهما يا اختي الحبيبة بيطلب منك كتب الكتاب باسرع وقت اذن مو بيحبك بس بيموت فيك:حبيبتي اختي وافقي على كتب الكتاب عشان تطلعي معه وانتي مرتاحة وربنا راضي عليك انا كمان مخطوبة بنتكلم بالهاتف عن اي شيء حتى الجماع عشان يوم الدخلة تكوني مرتاحة ومش خايفة وهو بيكون بيعرفك كويز ربنا يكمل بعقلك ويجعلكو لبعض وتعيشومع بعضكم على الحلوة والمرة انشاء الله:وادعي معي اذا كنت نفعتكي بكلامي
السلام عليكم
انا من رائي انك ما تخليهوش ينول رغبته في البوسه ولا الحضن حتي مسك الايد صدقيني كل الكلام ده هتتعيري بيه بعد الجواز من اققل مشكله بعد الشر حصلت هيقد يقولك خلتيني امسك ايدك واحضنك وابوسك وانتي ساعتها هتندمي علي انك سيبتيه يعمل كده وهتنكسري اوي انا ماما دايما تقولي كده الحمد لله حتي الخروجات في فتره الخطوبه ممنوعه عندنا عشان اكبر من نظره والكلام كمان يبقي في حدود وانا مقدره موقفه بس لازم يمسك نفسه لحد لما يتقفل عليكم باب واجد وتبقوا في الحلال وساعتها هتكبري في نظره وهيفتخر بيكي بعد الجواز ونعم بنت الاصول المحترمه المتدينه وربنا يتتمللك بخير يا حبيبتي ووافقي علي كتب الكتاب وربنا يسعدكوا ياااااااارب عقبالي ……. اختك انوش
من استعجل الشيء قبل أوانه عوقب بحرمانه…
الصراحة اختصار لكل الكلام هادا كتب الكتاب ليه تفقدو بعض وتبعدو عن بعض ليه ما دام قلوبكم بتحب بعض اكتبو الكتاب وكل شي حلال بعديها ازا حاول يبوسك مو معناته انه ما بيحبك ……..لأا معناتو انه هو مشتئلك وما في راجل بيقدر يمسك نفسه لمن يكون هو وخطيبته لحالهم هادا شي طبيعي..احنا عنا بفلسطين الخطوبة يعني كتب كتاب انه لازم يكون في كتب كتاب مو بس قراية فاتحة بعديها الفرح …صدقيني حبيبتي هادا شي طبيعي بين الخاطبين بس اكتبي الكتاب ……….هادا رأيي
انا خاطب وبحب خطيبتى جدا وبيحصل بينا بوس واحضان بس انا والله واثق فيها جدا وان الا بيحصل دا نتيجه حبنا لبعض
نصيحة اوعى تخليه يطول منك اى حاجة انا مخطوبة بقالى 4شهور وفرحى فى شهر 6 انا خطيبى طلب منى بوسة وقالى انتى خلاص بقيتى ليا وانا غبية علشان بحبه وافقت لكن هو بعد معمل كدة مبقاش بيكلمنى واتغير من نحيتى وانا مش عارفة اعمل ايه عشان اصلح الغلطة دى نصيحة اوعى تعملى كدة لا نك هتندمى وبلاش تضيعى ثقة اهلك فيكى وربنا يحفظك ويسترك
اي حاجة تعملوهاقبل كتب الكتاب يبقى حرام ولايجوز هذاابعدي عنو حتى ماتوقعواالحرام تاني وتزجواذاكان مش قادريستنى اوشهواني زي ماقلتي وربنايسعدكما
ع فكره محدش هيحس بيكي ولا بموضوعك غيرك انتي لانك انتي اللي واقعه في ها الموضوع انتي اللي في ايدك الاختيار و التصرف و التحكم انتي اللي شايفه و حاسه بقلبك ان خطيبك بيحبك ولا لا عايزك ولا لا شاريكي و شاف غلطاتك و بيحبك واتنازل عنها ولا لا موضوع البوس و الاحضان ده دلوقتي بقي امر طبيعي بين اي اثنين مخطوبين منضحكش ع بعض بس في حاجه اللي بيحاول ان يختبر او يبوس خطيبته ويفكر ان يسيبه يبقي مش راجل لانه هو اللي عمل كده هو اللي وقعه في كده كلامه احساسه يعني هو اللي بدا والانثي من طبيعته انه ضعيفه لاكن كله في الحدود من الاخر انتي اللي هتقيمي خطيبك
السلاام عليكم ورحمة الله وبركاتة يا اختى الكريمة انصحك بان لايمسك ايدك اصلا لاان هذا اختبار لة هوة لو بيحبك هيصبر لان هذا وسواس من الشيطان والزواج قسمة ونصيب
السلام عليكم ورحمه الله
انا اقول لاختي ان خطيبها لو بيحبها فعلا مش هيعمل كده ولازم يخاف عليها ويعرف ان هذه الشهوات الان من الشيطان ولازم يكون ليك وقفه قويه مع خطيبك علشان يكون في اشتياق عند الزواج وان انصحك بعدم كتب الكتاب الان لانه هيكون طريق سهل يفعل مايريد بحجه انك زوجته وطبعا ده غلط جدا
اتنمي من الله ان يبعد عنكم الشيطان ويجعله زوج صالح ويجعلك زوجه صالحه ( الصبر اختي كل شي له وقت واثبتي علي موقفك )
انا مش عايزه اخش في تفاصيل بس انا مشكلتى فى خطوبتى من سنتين وسيبته هي دي بالضبط والله العظيم وسيبته علشان خطيبي كان شهوانى جدا ماكنش باين من الاول بعد اول اسبوع لينا بدا يقول الكلام ده بقى بزمتكو ده بيحبنى ؟؟؟؟؟؟؟؟؟ استغربت كتير لكن كانت النهايه انى اكتشفت بالصدفه انه غاوي شات بيكلم بنات اجانب وبيعمل حاجات مش مضبوطه علشان يرضى شهواته وشفت البروفيل بتاعه فهمت انه متعود على كده علشان كده شايف الكلام ده عادي وكان بيخونى وبيكلم البنات الاجانب ويجي يتكلم معايا ويقولي بحبك منين بيحبنى وهو كده وشايف الحب هو الكلام فى المواضيع دي فاهمين طبعا
انا مخطوبة بقالى سنتين وخطيبى مسافر وانا بحبه وهو كمان بيحبنى واول سنة من الخطوبة مكنتش بتكلم معاه بحرية حتى كلمة بحبك مكانش بيسمعها منى ممكن اقوله فى رسالة او مكالمة شات وعلى فكرة هو ابن عمى بس بعد كدة بدانا نتكلم مع بعض فى الحب والرومانسية والشوق والحياة الزوجية فى المستقبل بكل تفاصيلها حتى الجنس وحبه ليا بيزيد اكتر من الاول وكل ما افتح معاه فى الكلام بيحبنى اكتر وبيحس انى بحبه ومشتاقة له وانتى حبيبتى حاولى تقربى منه بس بحدود لانه هو موجود جنبك واعملى خطوط حمرا لنفسك وعيشى حياتك لان اجمل ايام هى ايام الخطوبة
والله انا شايفة ان الردود مافورة اوووووووى وشايفة ان البوس والاحضان ف فترة الخطوبة بقى شئ عادى بين معظم الناس طبعا هو حرام ولا ديننا ولا تقاليدنا تسمح بكدة طيب هو دينا يسمح بلبس الضيق والمحزق ؟ يسمح بحط الميكياج برة البيت؟يسمح بكلام الحب والرومنسية ؟لا طبعا كل ده دينا مبيسمحش وحرام فعله ومع كدة كتييييييير جدا بيعملو واغلب اللى بيعارضه موةضوع البوس والاحضان بيعملوه المشكله بس هنا ف ان فى انواع رجالة سورى يعنى مش رجالة وبيعمل ده اختبار وانتى يا تنجحى يا تسقطى اهم حاجة تكونى متاكدة من حبه وواثقة فيه انه راجل وسيبك منن النفاق اللى بيتقال فوق وانا اتحدى ان كل اللى بيقوله لا عيب وحرام والكلام ده اتباسو واتحضنو وكل حاجة قشطة يعنى وعلى فكرة انتى لو مش عايزة ده معاه متبقيش بتحبيه لان احنا بشر وعندنا مشاعر واغلب الاحيان المشاعر بتحركنا
اختى الكريمة انا الان خاطب منذ 4 اشهر وبالطبع ببوس خطيبتى وكمان فى احضان وانا عارف انة حرا بس فعلا من شدة الحب مش بقدر امسك نفسى بس انا فى نيتى انها هى مراتى مش بفكر فى حاجة تانى
انا شايف انك تكلمية انو حرام واسبتيلة كدة بمعنى لو فى حاجة انتو بتعملوة ووقفت وربنا سهل بيها قوليلو قوليلو شفت ربنا وقف جمبنا ازاى يبا لازم نبطل الى بتعملة علشان ربنا يبركلنا فى حياتنا وبجد حتلاقى اصعب حاجة او اصعب شدة انتو فية اتحلت باذن الله انا كنت فى نفس المشكلة وربنا وفقنى لما لقيت انى ربنا وافق جمبى بس بعبر عن حبى لية طبعا بس بطرق تانية اتكلمو على اى حاجة انتو عايزين تعملوة فى مثل الشقة العفش البياض السيراميك الديوان الى علية وبجد لو قولتيلو الديوان الى علية حيتلقية با يفقر فى الديون وحينسا الى كان عايز يعبر فية عن حب الى هو البوس والاحضان وربنا يتمملك على خير
هذارغبة جنسية بتحصل عادى جدا دة يزيد من الحب بينكوم دة عشان تتعودى وما تخفيش بعد الزواج لو دة ماحصلش اول ليلة من الزواج هتخافى من ممارسة الجنس لانك متعوتيش على بس اكثر من حضن وبوسة وبوسة اليدين والجبهة خطا وخصاتن انكو بتحبو بعض بس مش كتير لان ممكن الرغبة تزداد عن ذلك عندة اوعندك لن كل انسان يشتاق لهذة الرغبة الجنسية دة بيحصل بين المخطبين والعشقين ربنا يبارك هذا الزواج
خلي بالك لو بيحبك هيحافظ عليكي ولو فعلا شايفة انه بيحبك و انتي كمان بتحبيه و مافيش مشاكل يبقى لازم توافقي على كتب الكتاب و لو مش نافع يبقى لازم تبعدوا عن الجلوس لوحدكوا على قد ما تقدروا و ربنا يوفقك
بسم الله الرحمن الرحيم
اود ان اقول ان الحب ليس بما يفعلو الشخص ولكن يجب ان يكون محترما ويكون بيحبك ويجب ان يثبت ذلك هو اكيد غصب عنه لانه بيحبك بس صدقينى لو انتى وفقتى على حاجة زى دى هو بيعيرك بعد الجواز ولو عيرك انتى هتكرهيه فتجنبى هذا الشى لانه حرام
في راي حبيبتي انك لا تتنزلي ابد حتي وان كنتي بتحبي خطيبك جدا انا كنت جادة جدا مع خطيبي ايام الخطوبة حتي في مسك الايدكان بالقطارةوكان دايما بيغضب مني ولكن دايما كان امام عيني الاصول والمفروض مع اني كنت بحبة بس كان في حدود محدش يضمن شئ حتي ولو يوم الزفاف والله اللي كان مضايقة مني فترة الخطوبة دلوقت بيتذكرة لي بالثناء والتقدير وعلو المكانة والاحترام والتباهي باخلاقي حتي امام ولدتي وتلاقي اللي كان زعلان دا من رفضك ايام الخطوبة هو اسعدواحد في الدنيا بزوجتة واكثر اشتياقا لكي واكثر اصرار عليكي وحب حتي لو تظاهر بعكس ذلك ودا اللي يثبت حبة هو ليكي اما اذا بعد عنك لحفاظك علي نفسك وعدم التساهل معة يبقي مش بيحبك وربنا يسعدك وايقربلك الخير
معظم الأراء صحيحه لأنه القبلات والأحضان بتوصل للغرقان فهمانى طبعاً فأرجوا من حضرتك التمسك بالدين أولاً ثم بالقيم والأخلاق ولاتتركى نفسك للمشاعر لأنك مثله تماماً فى نفس الإحاسيس والمشاعر والإثاره وربما تكون لديك الرغبه فى مثل هذا الشىء ولكنك تخافين أو تخجلين من طلبه ولكن عندما يطلبه هو لايجد معارضه منك لأنك كنتى تنتظرين هذا الأمر وهذا ليس عيب فى اخلاقك ولكن دى طبيعة الإنسان وتأتى هذه الإثاره من النظرات واللمسات والهمسات وكلمات الحب المعسوله فلابد بعد كل هذا أن يحدث قبولات واحضان وربما لأكثر من ذلك وانا متأكده ان هذا يحدث مع جميع المخطوبات
بصي ياحبيبتي انا مخطوبه بس خطيببي مسافر وانا بحمد ربنا انة مسافر عشان يبفضل مشتقلي علطول بس لما بيحاول يكلمني في حاجة خارجة انا بحاول بقدر المستطاع ان ارفض كلامة لازم يحترمك عشان يبفضل مشتقلك علطول هتلاقي بعد الجواز بعد فترة قصير يزهق منك خلكي دايما بعيدة عنة حتي لو قاعدين لوحدكم وحاول يعمل حاجة غيري الموضوع بطريقه فكاهية عشان ميكنش فية زعل ومع الوقت هيفهم وهتكبري في نظرة اكتر دا لو كان بيحبك وربنا يوفقم يارب ويكملهالك علي خير
بصى يا حبيبتى ربنا مبيباركش العلاقات المحرمة ابدا انتو اتنين مخطوبين بشكل رسمى لية تخلوا بينكم حاجة حرام لازم تتكلمى معاة وتقوليلو انا مش هسمح ومش هقبل بكدة تانى ابدا ودية اخر فرصة ليك وان مكنش حد من اهلك شا يفكو قوليلو ان ربنا رقيب علينا فى كل مكان وزمان وافتكرى كمان يا اختى الثقة اللم مديهالك اهلك ليكى ولخطيبك كل الحاجات دية لازم تتكلمى معاة فيها ومتقعدوش لوحدكوا ابدا مدام هو مبيقدرش يمسك نفسو ومن رايى عجلو بكتب الكتاب عشان ميبقاش حاجة حرام ولكن فى كتب الكتاب بردو بيكون فى القدر المسموح بة وربنا يوفقكم يا حببتى لبعض وتبقوا من نصيب بعض انتى وكل المسلمين اجمعين يا رب العالمين
تجنبي الخلوة
تجنبي الانفراد به
تجنبي أن تكوني لوحدطما في المنزل أو أي مكان آخر
والله انا من رايي ان اللي هو بيعمله ده طبيعي وخصوصا انه بيحبك وانتوا مخطوبين بس لازم تخلي الموضوع في حدود عشان ميتغيرش من ناحيتك وربنا يكمل جوازكم علي خير ويكرمكم بالحلال
علي فكرة واعزريني دة مش محترم يعني اية يبوسيك اهليك لو شافوة وهو بيبوسك تفتكرس هيرحبوا بية اللي زي دة بيكون بيختبر البنت وبيشوف اخرتها اية اوعي واياكي تنزلي من نظرة دة مش اللي ربنا قاليك علية وعمرة مهيتجوزك وانتي سمحتي باي حاجة حتي لو صغيرة ولو هددك انتي اللي كسبانة رضا ربنا احترسي من التصرفات اللي هتتحسب عليكي لاخر العمر وربنا يوفقك للي فية الخير
ومشكلة الشهوة والكلام في مواضيع زي كدة مش لازم تفتحوها دلوقتي وارجع واقولك انك لازم تثبتي ادبك واحترامك لدينك وثقة اهلك فيكي
اختي الحبيبة والله اني مقدرة شعور خطيبك تجاهك ةشعورك انتي تجاه لاني مثلك تماما بل اني كنت اعاني مع خطيبي نفس المشكلة ولكن ياأختي دلوقتي بنصبر ونتحمل عشان المعصية تذهب لذتها ةيبقي اثرها لازم يكون في صبر لو في حب بجد
كلنا هذا الرجل بس كل واحد لازم يحاول يحترم نفسه على اللي بيحبها مهما حصل
واللة انافي نفس المشكلة ديت وانا بموت في خاطبتي بس الحمد للة انا سافرت وانشاء اللة هارجع على الزواج
السلام عليكم
اولا زادك الله اصرارا ع مبدئك
ثانيا لاتجعليه يفعل ذلك مهما كان وهدديه انه لو فعل ذلك انك تفسخى الخطوبة لانك لا تحترمنى
ثانيا لايجوز ان تختلى به منفردين فإذا اراد الخروج معك فاصطحبى اختك او اخوكى لكى يكون لك محرم لا يستطيع ان يصل اليك بسوء
ثالثا لو تمادى لذلك قد يكون اخذ غرضه منك وبعد ذلك يسيبك
لا نه اخذ ما يتمنى
رابعا عجلى بكتب الكتاب حتى يكون زوج رسميا وبعد ذلك لا تخشى من شئ حتى ولو اختليتو منفردين لانه زوجك امام الله وامام الناس
وفى الختام السلام عليكم
بشكر كل من رد عليا و خصوصا كلام الاستاذ سعيد جابر البحر الاحمر لاني لو ما كنتش واثقة انو محترم جدا واهلي واثقين من كدا ماكناش قبلناه بيه
لكن خطيبي فعلا اتكلم معايا بصراحة وقالي مش بقدر امسك نفسي لكن دايما بصده وهفضل اصدو ومش هبسمح غير بحجات بسيطة جدا بوسة الجبهة او اليد حتى ربنا يبارك لنا في حياتنا القادمة وبجد عجبني كلام الاستاذسعيد جدا لانو فعلا كلام واقعي وهي دي بجد الاسباب الي بتادي لكدا
وربنا يباركلنا ويجمع بيننا في الخير
و بشركم كلكم لان ارئكم جميلة وكلامكم اجمل
أختى الغاليه أخوانى الأعزاء سلاام الله عليكم ورحمته وبركاته
يسعدنى أن أشاركم الرأى فى هذه المشكلة لعلى الله أن يغير ما فيكى بشئ ويكون لنا الأجر والثواب سيدتى الفاضلة الحسناء أسألك بالله أنتى تقولى إنك تخافين الله وتعلمين بالحلال والحرام وجميع الأخوة الأفاضل غابت عنهم شئ ضرورى ومهم إن خطيبك محرم عليكى لحين إكتمال شوط النكاح ألا وهى أولا العلانيه بعلم يوم الالدخلة وكتب الكتاب على يد مأذون شرعى وحضور الشهود وبعلم الأهل أن بنتهم عذراء فكيف تضعى نفسك وخطيبك وأهلك فى موقف الخيانه أمام الله عند قول المأذون تلإيم الزوج شهادات عقد النكاح لا يجوز لكم الخلوه ولا التواجد معا إلى فى وجودالوالد أو العم أو الخال أو أخ كبير عنك عاقل ورشيدبينكما لا يجوز لكى نهائيا أن تلمسيه فأن اليد تزنى ولا تنظرى له فإن العين تزنى وزناها البصر وكما قال تعالى يوم نختم على أفواههم وتكلمنا أيديهم وأرجلهم بما كانوا يكسبون صدق الله العظيم
أى أنا إيدك ورجلك يوم القيامه وعينى هيتكلموا وهيفضحوكى بما كسبتى بهم فى الدنيا فاستعينى بالصبر والصلاة وعجلى فى كتب الكتاب والدخلة تحت أى ظروف قبل ما تقعى فى المحظور وأعانكى الله على طاعته والسلام عليكم ورحمة الله وبركاته
والله انا واثق انه بعد جوازه منك حييجي يوم يحلف ويفخر قدام اولادكم او اصحابكم انه عمره ما لمسك ولا اخد منك شيئ الا بعد الجواز وانت كمان حتقولي كده لبنتك ، بس لو اخد منك اي شيء قبل الجواز عمره ما حيقدر يشعر بالفخر ده
ابنتي العزيزه / صدقيني هذا الشاب لا يحبك ولا يحترمك وكل مافي الامر انه عاوز يشبع رغباته وهذا انسان مستهتر ويغضب الله ومش محترم ولا حاجه وماتخدعيش نفسك لو بيحبك ويحترمك مش ممكن يطلب منك الكلام ده ابدا لانك هاتكوني ام اولاده فلازم يصونك امنعي الجلوس معه بفردك دايما خللي معاكي طرف تالت واوعي تنخدعي بكلامه ولو انتي ططاوعتيه هايشبع رغبته ويرميكي اسمعي الكلام وحافظي علي كرامتك لانه لو حصل ده اذا حصل واتجوزتم هايعايرك بكل حاجه وبعدين حكايه الخطوبه ماينفعش تخرجي معاه او تقعدي معاه بمفردكم اتقوا الله
الشاب كتر الف خيره يا جماعة بيتعب والله البنت اللى بيختارها بتكون ذوقة كل اللى بيحبه فيها ومش قادر يسيطر على نفسه وبيكون جواه طاقة وبيفرح لما بيخطب ويلاقى الفتاه اللى بيدور عليها طول عمره وبيكافح وبيستنى اليوم بعد اليوم لحد مايجى ميعاد الحصة بتاعته معاها ويكون متشيك طقم جديد وبرفان وتسريحة شعر جديدة وهى تكون كذلك اشد ميك اب واشد طقم لابساه يشيب الواحد المفروض الواحد لما يقابل خطيبته يكون صائم علشان يسيطر على نفسه لاتأخذونى يا جماعة نحنا تعبنا اوى اوى اوى * شكرا اليكم
اختى الفاضلة فى وقت جلوسك معه تجنبى نظرات العين المثيرة منه هى التى تجعلك ضعيفة امامه وتجنبى التماس اليدين بليدين او الرجلين بالرجلين كونى بجواره بينك وبينه على الاقل بثلاثين سم على الاقل ولو هو بيخاف عليكى لا يفعل اللى انتى حكيتى عليه هذا لو بيحبك ومش مسيطر على نفسه او فى اى مناسبة لكى وهو فرحان بيكى يقبل جبهتك فقط على الاقل او يدك وتبعديها منه بسرعة فى هذا الموقف يزداد لكى حب واحترام ويسعى على تعجيل الزواج منكى ** ويراب اكونى افادتك باى شىء ولا اطيل عليكى * حفظكى الله *
الموضوع ده فعلا بقا منتشر جدا بين المخطوبين وليا اصحاب كتير بيحكولي عن البوس والاحضان لخطيبتهم وبيكنش الامر اختبار لانهم بيتجوزوا ف الاخر هو ممكن يكون حب شديد من الولد ومبيقدرش يمسك نفسه وبيكون مستعجل ع الجواز .بس الاحتياط واجب . اكتبي الكتاب احسن
معلش ممكن اسألك سؤال لولم تتم هذه الزيجه على خير (لا قدر الله) وتمت خطبتك على شخص آخر
كيف يكون حالك الاتجدين ان هذه ستكون خيانه.
الاخت العزيزه انا اؤيد جميع الاصدقاء الذين قالوا انه يجب ان تمنعيه من فعل هذا.
عمر ما البوس والاحضان كان عدم احترام او عدم خوف من الشخص لخطيبتة بلعكس دا حب وعلى فكرة بقى دا بيبقى جزئ من الحب وبيقرب الطرفين من بعض بس طبعا مش عمال على بطال والا هتبقى حاجة مملة
نصيحة لصاحبة المشكلة يوجد نوع من الرجال وليس كلهم طبعا بيعملو بالون اختبار للفتاة ان كانت سهلة معة فى القبلات والاحضان ..فيشعر انها ستكون سهلة مع غيرة بعد الزواج ..ويجد نفسة يتمتع شوية ويترك خطيبتة حتى ولو كان كاتب كتاب ولم يدخل بها ..
وهناك نوع اخر من الرجال من شدة جمال وحلاوة خطيبتة لايستطيع ان يمسك نفسة ويتصرف بدون وعى لان جمال البنت يكون من النوع الذى لايقاوم ..وطبعا كلها اشياء حرام لو وافقت عليها البنت تحت تاثير كلام الغزل والاسطوانات المشرروخة ..وفى الحالتين بتكون صورة البنت انها من النوع السهل الذى يمكن ان تخون بعد الزواج ان اعجبت واحبت شخص اخر غي زوجها ..
وفى النهاية اقول لصاحبة المشكلة ان تنسى ما فات وكانة لم يحدث وتبدا صفحة جديدة معة على ان لايكون هناك قبلات ولا احضان الا بعد الزواج ويكون هذا الطلب بنوع من الزوق واحراج خطيبك فى نفس الوقت لكى يحترمك بعد ذالك ويقدرك ..
طبعا انا معاكوا ان دا غلط وحرام فى فترة الخطوبة بس دى حاجة بتبقى غصب عن الواحد مش بمزاجة مش علشان هو عايز يعمل كدا لا بتبقى حاجة تلقائية بين اى اتنين بيحبوا بعض بجد والله مش بتكون بقصد
اسمعي ايتها الفتاه القبله مفتاح الجسد في علم النفس والقاعده الشرعيه مااجتمع رجل وامرأه الا والشيطان ثالثهما ..ولو كان يحفظها القران….. والمثل البلدي يقول ماتحطش النار جنب البنزين فانصحك بتجنب الاختلاء مع خطيبك الا اذا كان معكما محرم ابوكي اخوكي امك
شوفى يا بنت النس الطيبين اللى بيعملة خطيبك دة عيب وحرام ولا يجوز شرعا واسألية لو خطيب اختك عمل معاها كدة هيكون عادى عندك اكيد لا
شوفى يا بنت الناس اللى بيحب حد بيخاف علية واللى بيعملة خطيبك دة غلط وحرام والله حرام
ايه اللنتى بتقوليه ده كده طبعا حررررررررررررررام يعني ايه يبوسك ويحضنك هو لو بيحب بجد مش هيفكر فى زى كده @الحب شعور جميل بعيد عن الشهوة تماما وهو بجد ومن غير زعل لو فكر فى حاجة زى كده تانى كده هو مش بيحبك ولازم تسيبيه قبل مايحدث اللى ماينفع يتصلح
ممكن اسالك سوال هو فين الاحترام وهو مصمم يبوسك وانتي رافضة انا موش شايف اي نوع احترام لازم تعرفي ان البوسة هي مقدمة البلاوي كلها وطالما هو مصمم علي البوسة اكيد عاوز يوصل لغيرها لان النهاردة بوسة وهيجي يوم ويزهق ويقولك نغير البوسة الحل الوحيد انك ماتدلوش فرصة انة يختلي بيكي وكدة هيرجع لعقلة وسيبك من الا يقولك دا حقة وشكرا
ب بجد متشكرة ليكم كلكم و على فكرة هوة انسان كويس جدا ومحترم جدا والحمد لله بيحبني وانا عرفة حبو هوة الي بيدفعو لكدا وانا اتكلمت معاه كتير فالموضوع دا وقالي اعزريني مش بقدر امسك نفسي و قالي انو هيحاول يمسك نفسو علشان ما يزعلنيش و بجد مبسوطة بردودكم
لان اوقات كتير الانسان بيحب انو يفضفض و بيبقى محتار ومتشكرة جدا لاني بحس انكم ونعم الاخوات
تحياتي
انا كنت اعرف بنت وكنت بحبها اوى اوى بس مكناش مخطوبين بس كنت ببوسها وبحضنها وكنت بحب حاجه زى كده بس مش علشان الشهوه لا لانى كنت بعتبرها مراتى بخاف عليها وبحبها وكل الناس عارفه اللى بينا مع الوقت خانتينى وانت الحكايه … بعد كده خطبت حضنت خطيبتى بس احساسى وانا فى حضن خطيبتى محستوش مع اللى حبيتها كان احساس اجمل بكتير فى نفس الوقت محستش بحاجه قليله الادب او شهوه او اى حاجه بس حسيت انى فى حضن حابب اعيش فيه على طول … حضنها ده حبيته بس مع الايام على قد مانا بكون محتاج حضنها بس بمنع نفسى عنه علشان نفسى تكونى علاقتنا شريفه قدام ربنا .. صدقينى عمر البوسه والحضن يزودوا الحب على قد ماهما حلوين …
عجلى بكتب الكتاب والزفاف
الاخ azyma142
ايه اللى انت بتقوله ده؟
هى عارضه مشكلتها عشان ندلها على الصح وانت بتدلها على الغلط
هى عايزه حد يشجعها انها تبعد عن اللى هى بتعمله ده وانت بتشجعها انها تستمر فى الغلط ده
وهى بنفسها اصلا عارفه ان ده حرام وغلط__راجع نفسك واتمنى انها ما تاخدش بكلامك خالص
يعنى ايه عادى ان خطيبها يبوسها ويعنى ايه اسالى كل المخطوبين
وهى لو سالت كل المخطوبين هيقولولها لا وحرام وما ينفعش كده
نفترض انهم سابوا بعض فى الخطوبه يبقى ايه الوضع اكيد هى الخسرانه
هتخسر دنيتها ودينها
دا حرام انها تسلم عليه بايدها فما بالك لما يبوسوا ويحضنوا بعض
وكمان الخلوه لوحدهم فى حد زاتها حرام فمابالك خلوه وفيها بوس واحضان
دا لو كل المخطوبين عملوا زيهم يبقوا الدنيا خربت
وكل اللى عايز يستمتع ببنت يروح يخطبها وبعد ما يستمتع بيها بوس واحضان يتركها ويشوف غيرها
حرام حرام حرام ما ينفعش
فوقى لنفسك يا اختى احسن الموضوع يتطور من بوس واحضان لحاجات تانى اكتر من كده ويبقى مصيبه كبيره
الحب مش كده الحب انكم تحافظوا على بعض وتخافوا على بعض من الاشياء اللى مش كويسه
وربنا يوفقكم
(سيد العاطفى)
مصر___بنى سويف
طبعا الي هو بيعمله ده حرام بس في ناس بتقول الي ميبوس خطيته يبقي خام وكلام من ده بس انا شايف ان ده حراااااااام جدا لاعد معاكي بس لو هيقعد معاكي بادبه وتتكلمو وتفهمو بعض ماشي لكن مفيش اكتر من كده وبعدين هو بيحبك زي ما بتقولي يبقي بلاش يضايقك ويعمل حاجه انتي مش عاوزاها بقي غصب عنك وربنا يهديه ويهدي كل شباب المسلمين بس بلاش تخليه يعمل كده تاني ووافقي علي كتب الكتاب وامني نفسك وكده احسنلك انتي وربنا يوففكو
من يحب بجد لا يفعل مع محبوبة مثل هذا قولي له اتق الله في .
لو باس دلوقتى وانت رضيتى شويه وهيقولك حاجه اكبر من كده علشان انت وفقتى على الصغيره وايه علشان تاخدى عليا هو انتوا كل ده لسه مختوش على بعض ده كلام عبيط ياريت تسرى على رايك وميختش منك حاجه ولو على كتب الكتاب ياريت توفقى عليه حتى بعد كتب الكتاب ميخدش كل حاجه علشان ممكن ياخدها حلوانه فى سلوان ويطلب اكتر علشان كاتب كتابه وربنا يوفقك
لالالالالا والف لا تعطية اى شى الا بعد الزواج وبعد الدخلة يعمل الى عاوزة ود اخر كلام بعدين هاتعرفى معنا كلامى انتى انسانة محترمه خليكى على وضعك علشان هو يسق فيكى اكثر ومن اليوم لاتعطى الى هو عايزو
المشكله في كتب الكتاب انه اولا ممكن يتغير وساعاتها لا قدر الله لو حصل حاجه هيبقي اسمك مش مجرد خطوبه واتفسخت وبرضو ممكن كتب الكتاب ده يخليه ياخد عليكي زياده عن اللزوم ويتجرا اكتر وكده وده طبعا مش كويس
بصي حاولي معاه كتير وصديه جامد وقوليلو انه كده مش بيحبك واصري علي موقفك بشده لحد بقي لو فاض بيكي خالص ومش قادره وانتي زي ما بتقولي متاكده انه بيحبك وشاريكي توكلي علي الله في خطوه كتب الكتاب دي ارضاءا لربنا بس برضو متخليهوش ياخد عليك …وربنا يوفقك ويصلحلك الحال دايما
ممكن ال يعارضني يقول السبب علشان افهم لو فيه حاجه غلط
و ايه يعنى..دا العادى جدا ان خطيبك يبوسك..و اسالى كل المخطوبين..المهم انه ما يطمعش فى حاجه اكتر من كدا..و انتى لازم تفهمى نفسية الرجل اللى هتتجوزيه كويس..أكيد بالنسباله دى حاجه جديده و عاوز يجربها معاكى لانه بيحبك..و اسمحيلى انك لو معندكيش نفس الرغبه تبقى مش بتحبيه.
يا اختى الكريمة كدة حرام حرام لا يحق له يبوسك ولا يحضنك ولا يلمسك حتى وانتم مخطوبين قالك نكتب الكتاب وانتى بتحبيه وافقى على كتب الكتاب على الاقل لو باسك ولا حاجة اسمة كاتب عليكى انما بدون كتب كتاب يبقا حرام وبعدين الكلام ان احنا نعمل كدة عشان تاخدى عليا بردة كلام فارغ وبعد الزواج من اول يوم بتحسوا اصلا انكم انسان واحد والله يا بنت الحلال انى لما كنت خاطب يا دوب بس مسكت ايد خطيبتى مرة واحدة بس وانا مش كبير قوى يعنى انا متزوج من سنتين والحمد لله عايش سعيد واخدنا على بعض وربنا رزقنا بالذرية يعنى اتمسكى ولا تفرطى فى اى شى عندك وخليكى دائما غالية فى نظرة لما ياخد منك بوسة دلوقت وحضن طب وبعد الزواج خلى كل حاجة عندك غالية ولا تفرطى فيها بالساهل وما ياخدهاش الافى وقتها ولو بعد كتب الكتاب وربنا يوفقك
لو واثقه انه بيحبك اوي زي ما بتقولي لازم يحترمك ويحترم رغبتك في الاستمرار في الطريق السليم لو بيحبك هيحافظ عليكي لو متصورك كزوجه هيحافظ عليكي حاولي قوليله انه مايعملش كده تاني ويصبر لحد ما تتجوزاوا علي الاقل علشان يكون ليه طعم بعد الجواز لو لقيته زي ماهو ياريت تبعدي عنه بس انت برده ال تقدري تحكم عليه في افعاله معاكي لاانا ولا غيري مانعرفش درجة حدوده معاكي علي حسب ال عايز يتخاطاه احكمي عليه بانك تسيبيه او تكملي معاك واحكمي بعقلك قبل قلبك ونصيحه مني ما تكتبيش الكتاب غير يوم الدخله او الحنه للحذر من حاجات كتير مش اكتر حاولي معاه تاني مادام انتي شايفه انه مؤدب ولو لقيتي الموضوع كل مرة بيزيد ابعدي فوراقبل ما يحصل حاجه وتندمي وهو ال يبعد ……………..