مشاكل الخطوبة

فكرت بفسخ الخطوبة ومشاعري ناحيته ملخبطة

انا فتاة سنى 23 سنه حاصلة على بكالوريوس علوم
كنت احب شاب ولم يحدث نصيب او هو لم يكن عنده الرغبه ف الارتباط بى هذا ما شعرت به
المهم
تقدم لى شاب اخصائى تحاليل وعنده 27 سنه
فرحت جدا لما سمعت عنه من المدح
وقلت انى ربى عوضنى خير
ما حدث اننى كنت سعيده جدا ف بداية الخطوبه وبعد ذلك عرفت انه انطوائى وليس اجتماعى وليس لديه اصدقاء كثيرون
اسلوب كلامه فيه تكراريه ونفس كلامات الحب التى لا احب ان اسمعها غير ف اوقات خاصه
وهو ايضا لم يكن مهتم بى ف البدايه ولم يكن يتصل كثيرا بدأت اشعر اننى سأكون مجرد زوجه
وانا طبيعتى عصبيه
وف الاخير عملت خناقه و قولتله عن كل شىء بيدايقنى وانه لو مش هيغير طريقته هافسخ الخطوبه لانى زى اى بنت محتاجه احس بوجود خطيبى ف حياتى لما احتاجه الاقيه اقدر احكى عن اللى مدايقنى ليه هو وبس
المهم اتعالجت المشكله وطبعا قال انه ميقدرش يعيش من غيرى

وبعدها الفتره الاخيره بيكلمنى والدنيا تمام وببقى سعيده احيانا وببقى مبسوطه وهو موجود

لكن احيانا ببقى مش عايزه اسمع صوته وبمل من مكالمته اللى نفس الكلام بتاع كل يوم ساء كلام حب حفظته

وكما هو مش بسلم عليا معرفش التزام او خجل
وكمان هو هادى جدا فى حين انا عصبية جدا وكتير لما بفكر ف انى افسخ الخطوبه كنت بقول محدش هيستحمل عصبي وف نفس الوقت حاسه انى مقدرش استغنى عنه
وبيوحشنى جدا وبعمل خناقه لو عدى يوم من غير ما يتصل
حاجات ملغبطه ليه امل منه طالما بحبه وبيوحشنى
ليه بحس انه مش بيحس بيا
ليه مش بحس بالكلام الرومانسى وشايفه انه عادى
كتير بقوله الكلام المناسب ف الوقت المناسب
وفيه كلام وفيه اعتذارات لو اتأخرت عن وقتها مش بيبقى ليها قيمه
وفيه حاجات لما بنطلبها ونحصل عليها مش بيكون ليها قيمه وبنكرهها كمان
انا متلغبطه جدا ومش عارفه مشكلتى فين بالظبط
المشكله فيا اكيد انا متأكده من ده
يمكن اكبر مشكله انى مش قادرة افهم نفسى
لانه بيقول انه خجول

مشاكل وحلول ذات صلة

اضيف بتاريخ: Sunday, December 17th, 2017 في 17:02

كلمات مشاكل وحلول: , , , , , ,

ردود to “فكرت بفسخ الخطوبة ومشاعري ناحيته ملخبطة”

  1. ابوالبتول
    27/05/2018 at 00:05

    الاخت العزيزة انت الحمدلله اتخطبت للشاب وكل الصفات الكويسة والطيبة فيه مش عارف انت عاوزه ايه بعصبيتك الزائدة وخناقاتك المستمرة معو سوف تفسد عليك حياتك استهدي بالله وتعامل كويس جدا مع خطيبك خليك محترمة وطيبة معاه وسوف تلاقي كل الخير والسعادة والرضا طوال حياتكم صدقيني انه شاب كويس جدا واحسن من غيره من الشباب ومسالة انه انطوائي ومش اجتماعي تقدري تغيري من طباعه وعادته دي للافضل بشئ من الحب والتفاهم والارتياح والاحترام المتبادل بينكما المهم انك تبطل العصبية اللي انت فيها دي والحب والمشاعر الحقيقة تاتي بعد الزواج دي الحقيقة صدقيني اتمنى لك كل الخير والسعادة وربنا يتمم لكم بالخير ياقمر ويسعدكم طوال حياتكم القادمة ان شاء الله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة