احنا مقرى فاتحتنا .. من قبل مايجى يخطبنى من اهلي وهو بيتعامل معايا انى خطيبته وبيحاول يضغط علية في حاجات كتير ودايما يظلمنى ويتهمنى بالتقصير معاه .. اهلي حددوا اطار للتعامل انه مايكلمنيش كتير في التليفون ويجى في بيت اهلى كل اسبوع او زي مايحب .. نتكلم سوا ونعرف بعض في اطار وسط اهلي .. واهلي بيسبونا لوحدنا وبيبقوا متابعينا ويكلمنى مرة في الاسبوع او حسب الاهمية وبطمنه بشكل عام على النت .. عايزة اسمع كلام اهلي عشان هما شايفين ان التداخل الكبير في فترة الخطوبة بيسبب مشاكل ومقدرش اعمل حاجة من وراهم طلب منى اتفاهم معاهم ووالدي مصمم لانه عنده خبرة بالحياة وخصوصا انه لسة فترة طويلة على الزواج .. انا شايلة مشاعري مش بتبان الا على ملامح وشى .. بظهرها من غير ماقوله اي كلام زي بحبك .. بس دايما بسعى انه افرحه .. ومع كل محاولاتى يرجع يتهمنى بالتقصير ويتهمنى انى بسمع كلام بابا وماما في كل حاجة وانى معنديش شخصية .. غير ضغطه علية بشكل غير مباشر في موضوع الشغل وخصوصا انى بحب الانطلاق والشغل .. بس والله تعاملى كله في حدود وهو عارف كده كويس .. عايز يدخل في كل كبيرة وصغيرة في حياتى .. عايز يعرف تفاصيل كل حياتى اليومية .. وبيجيبها بالتدريج وانا مضايقنى الاسلوب ده .. ورغم كل ده بحبه جدا جدا ومش متخيلة حياتى من غيره .. بس تعرضى للضغط منه كل شوية واتهامه لية بالتقصير بيحسسنى انى زعلانة قوى منه ……..
لازم تسمع كلام اهلك وتحترم رغبتهم فهم محقين في كل ماقالوه لك وعارفين مصلحتك اكثر منك وهو لايحق له التدخل في شوون حياتك اليومية او يفرض شخصيته عليك ويتحكم فيك في كل صغيرة وكبيرة عاوز يكمل معك على كده كان بها مش عاجبه خلاص كل منكم يذهب لحال سبيله ومن حقكي انهاء الخطوبة منه وكل شي قسمة ونصيب