السلام عليكم ورحمة الله وبركاته انا بنت عندي23 سنه مكتوب كتب كتابي من 9 شهور احنا اتخطبنا بشكل تقليدي هو شافني واعجب بيا لما كنت بشتغل وكان بييجي عندنا في شارعنا عشان صحابه فكلم بابا وانا صليت استخاره وحسيت اني مرتاحه والموضوع بيمشي في فترة الخطوبه كان دايما بيخاف على مشاعري ومش بيزعلني ولو حصلت مشكله كان بييجي يصالحني انا بصراحه كنت خايفه من كتب الكتاب وفي مره بعد ماحددنا ميعاد كتب الكتاب حصلت مشكله كبيره خلتني اخاف اكتر ولما صارحته بخوفي ده زعل وقالي انتي مش واثقه فيا وانتي عارفه اني بحبك وانا مش هخليكي تحسي ان فيه فرق ومش هاتحكم فيكي ولا حاجه المهم انا كان لازم اوافق عشان مش اكون قللت من شان بابايا وفعلا كتبنا الكتاب وهو كان اد كلامه معايا وماكانش بيزعلني ابدا بس للاسف الوضع ده كان لمدة شهرين او تلاته بس وبعد كده بدا يخنقني في كل حاجه يعني مافيش مكياج وبقى يعلق على لبسي مع اني الحمد لله متدينه ولبسي محترم حتى قبل مااتخطب ولو حطيت مكياج بيبقى بسيط جداااا المهم انا دلوقتي تعبانه جدا والله لانه بيزعل من اقل حاجه ودايما عايزني افضل اتذلل له عشان يتصالح وساعات كتير بقول لازم ارضيه عشان ربنا واحاول اقرب منه بس بلاقيه بيصدني بشكل يجرح كرامتي ولو فكرت اكبر دماغي يزعل اكتر ويقولي انا مش في دماغك كل حاجه يعمل منها مشكله ولازم نقعد على اتفه حاجه بالاسبوع زعلانين ويقولي انا باخد وقت لحد ماافك انا مش بحب اكبر المواضيع اكتر وبخاف جدا على زعله الاقيه يقولي انتي ازاي بتحبيني وازاي مش بتعرفي تزعلي مني اقوله ان اللي بيحب بيسامح بس هو شايف العكس بجد انا تعبت جدا وحاسه ان عمري كله هايضيع في الزعل انا والله بحبه جدا وبموت فيه هو انسان طيب وبيحبني اووي انا كذا مره ومع كتر المشاكل بفكر انهي الموضوع بس مش بلاقي عندي جراءه اعمل كده مش هاقدر اعيش من غيره وهو قالي انا مش ممكن اسيبك وحتى لو انتي عايزه كده مش بمزاجك مش هاخلي حد ياخدك مني ولو حصل هاموته بالله عليكم فيدوني برايكم انا تعبت وكل اللي حواليا حاسين اني شلت الهم وعجزت من كتر المشاكل واسفه على الاطاله والسلام عليكم ورحمة الله وبركاته
مشاكل الخطوبة
حاسه ان عمري كله هايضيع في الزعل معاه
اضيف بتاريخ: Friday, April 6th, 2018 في 22:04
كلمات مشاكل وحلول: الاستخارة, الخطوبة, بنت, صلاة الاستخارة, فترة الخطوبة, مكياج
يابنت الناس ده مايحبكش لذاتك وانما يريد السيطرة عليك وتحكم فيك وفرض شخصيته عليك حتى بالعافية دون النظر لمشاعرك او احترام رغباتك كاانثى او تفكير فيك طلباته تلك مرفوضة تماما واوعي تصدقيه في كل مايقوله لك هذا من اولها عاوز يتحكم فيك ماتعمليش كدا ولاتضع مكياج او لاتلبس كدا واعمل كدا فكيف اذا تزوجتم هيعمل فيك اكثر من كلدا ومسالة انه يقول حتى لو انت مش عاوزته فلن يتركك لحد ثاني منتهى الغطرسة والانانينة وحب الذات فيه مستعد يدمرك ولاتاخذي احد غيره ارى ان عمرك فعلا يضيع مع شخص كهذا فلازم تنهي تلك الخطوبة فورا وتردي عليه شبكته وكل منكما يروح لحال سبيله وكل شي قسمة ونصيب ولاحدش يجبرك على الاستمرار معو وربنا بيكرمك بخير منه تلاقي نصيبك مع ابن الحلال اللي يقدرمشاعرك ويحترم رايك ويصون كرامتك ويسعدك العمركله
حابب اقولك ان اللى انتى حاسه بيه ده الطبيعى وبيحصل مع الكل واسمه اختلاف الطباع الشخصيات الحقيقية بتبان بعد كتب الكتاب متستعجليش خالص وشوفى بيقكر ازاى وحاولى تتفهمى طريقة تفكيره وتسايريه وانا متاكد انك زكية وحتعرفى تتصرفى