مخطوبه بقالى سنه ونص والمفروض ف الاتفاق ان الزواج هيتم خلال 3 سنين وده علشان الشقة اللى هنتجوز فيها والمشكلة انى لغاية دلوقتى ف مشاكل ف العمارة ولسه لم يتم البناء ولا حتى طوبة لسه الاجراءات والمحاكم وغيرها واقترحت على خطيبى ان نتزوج ف شقة تانية بتاعت بابا ونأجرها منه حتى بس هوه للأسف رفض ومصمم نستنى شقتهمش عارفه اعمل ايه والمشكلة انى منقبة والالتزام بضوابط الخطوبة صعب عليا خصوصا انى بحبه جدا ونفسى ما احسش بالذنب من اى مشاعر بحسها من ناحيته مع العلم ان ف الاتفاق برده ان العقد(كتب الكتاب يعنى)قبل الفرح بيوم والمشكلة ان كل اللى يشوفنى من العيلة يقعد يقولى هتتجوزى امته بقه كأن بقالى ستين سنه مخطوبة بجد اتخنقت ومش عارفه اعمل ايه
ارجوكم افيدونى ربنا يجازيكو خير
مشاكل الخطوبة
اتخنقت من الخطوبة وخطيبى مصمم نستنا سنين
اضيف بتاريخ: Tuesday, April 10th, 2018 في 02:52
كلمات مشاكل وحلول: الحب, الخطوبة, الزواج, حب, زواج, مخطوبة
شوفي يااختي ربنا يتمم لكما بالخير ان شاء الله حاولي اقناع خطيبك بانكم تعيشوا في شقة ابوك حتى يجهز الشقة الخاصة بكم مافيها حاجة طالما انو ابوك موافق يعطيكم الشقة اوحتى ياجرها عليكم لحين ماتخلص شقتكم وتجهزوها على مهلكم ومش فاهم ايش تقصدي بقولك انك منتقبة والالتزام بضوابط الخطوبة صعب عليك لازم تعرفي انو في فترة الخطوبة هناك ضوابط وشروط لايمكن تعدي عليها او الاخلال بها مثل الخلوة محرمة والخروج مع خطيبك بدون احد من محارمك والكلام في امور محرمة كالجنس واثارات الشهوات والغرائز ايضا الاحضان والملامسة والقبلات محرمة هل فهمت ماعليك من ضوابط وشروط اثناء فترة الخطوبة عليك التقيد بها والالتزام بها لاجل تحافظ على خلاقك وشرفك وسمعتك وسمعة اهلك وكرامتهم وربنا يعجل بالزواج لكم على خير ان شاء الله ويستر عليكم ويؤفقكم ويسعدكم في هذة الحياة
يعني فاضل سنة ونص وتتجوزو … مقلتيش سنك كام المهم لو ف تقدم وحصل بناء للبيت خلاص كملي محصلش خلال السنة ونص كل واحد يروح لحاله