فشكلنا الجوازة بس بحبه ولازم ارضي اهلي|مشاكل الخطوبة

مشاكل الخطوبة

فشكلنا الجوازة بس بحبه ولازم ارضي اهلي

انا بنت عندى 18 سنة و عريسى 20 فى تانية كلية انا من الاسكندرية و هو من المحلة فى البداية والدى قال شرط الجواز ان الشقة تكون فى الاسكندرعلشان هو عايز بنتو تكون جامبو و اهل العريس وافقوا على ذلك و لكن بعد سنتين و بعد معملنا قراءة فاتحة جبنالهم شقة فى مكان متوسط فى الاسكندرية على قد الفلوس الى هما عرضوها رغم انى ساكنة فى ارقى منطقة بالاسكندرية بس عشان انا بحبة قلت مش مهم بكرة هنغيرها بس و رغم ان هما مش معاهم فلوس تهاكموا على الشقة و سخروا مننا و قال ابو العريس ل ابوية ان ممكن ان احنا نعيش فى المحلة و ان ابنه مش معقول يكون عندة شقة و يجب شقة تانية فى الاسكندرية بابا اتعصب و قالة احنا الشرط بتعنا هو ان الشقة تكون فى الاسكندرية علشان الاسكندرية بلد اكبر و متوفر فيها الشغل و الخدمات و ان لو العريس اشتغل برة مصر انا اكون جانب اهلى ياخدو بالهم منى و من هنا ظهرت المشكلة و رجعنلهم الدبلة و انا الان اعانى لانى فعلا  احبة و فى نفس الوقت مش قادرة اخسر اهلى ارجكم ساعدونى انا تعبانة اوى اوى

مشاكل وحلول ذات صلة

اضيف بتاريخ: Saturday, June 9th, 2018 في 14:21

كلمات مشاكل وحلول: , , , ,

ردود to “فشكلنا الجوازة بس بحبه ولازم ارضي اهلي”

  1. ابوالبتول
    14/06/2018 at 00:50

    شوفي يابنتي ابوك غلطان جدا في طلبه هذا ان تكون شقتك في في نفس المدينة اللي اهلك بها الاسكندرية لانو الزوجة تكون مع زوجها وين ماكان ومحل ماستقر في العيشة ولافي فرق بين ان يكون السكن في المحلة او القاهرة او الاسكندرية دام ان الشاب ابن حلال كويس وعلى دين وخلاق وقادر يسعدك في حياتك الزوجية ارجوا ان تقنع ابوك بالموافقة على العيش مع زوجك في اي مكان وخصوصا ان وسائل التواصل اليوم متوفرة ولافي داع للخوف والقلق من ابتعادك عنهم وتقدري تتواصل مع اهلك يوميا ويطمنوا عليك وعلى اخبارك وربنا يهدي ابوك ويوافق على زواجك من هذا الشاب وتنتهى المشكلة وتلاقي الخير والفرح والسعادة في حياتك ان شاء الله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة