مشاكل الخطوبة

خطيبي بيحرجني ويعايرني بسبب اهلي

بأختصار انا عندي 20 سنةوعندي اخين انايوم قراية الفاتحة بتاعتي اهلي كلهم كانوا ساكتين خالص يوميها وكان الصمت يعم عليهم احساس انهامكانتش فاتحةومحدش شغل اغاني ولا حاجةده مش لحاجة معينة بس احنا كده طبعنا بنبقي هاديين شوية او مش بناخد علي حد بسرعة وخطيبي واهله مش بيحبوا كده علي طول يحبوا اللي بيتكلم ويضحك ويهزر
وقضيت الحمدلله وقرينا الفاتحة ومن يوميها وهو كل ما اتكلم معاه يقولي مش كفاية قراية الفاتحة اللي خليتوها ميتم بالنسبة لي وبوظتوا الليلة علينا كل شوية يقولي كده وانامش بعرف ارد عليه اقوله ايه وهو كل اللي هامه ان احنا نكديين ومش فريش وهكذا وكل لما يفتكر اليوم ده يحسسني انه اوحش يوم شافه في حياته وانا ببقي محروجة منه لما يفضل يقوللي كلكم ساكتين وحولتوا الليلة لعزا الحجج خلصت ومعنديش حجج تاني افسرله بيها سكوتهم وقريب انشاء الله هنجيب الشبكة وهو يقوللي لا فلان وفلان لام ييجوا وفي الخطوبة فلان وفلان لازم ييجوا مش كفاية بوظتوا الفاتحة كمان عاوزين تبوظوا الخطوبة احنا عاوزين نفرح وانتوا نكديين وكل شوية يحملني ذنب انهم ساكتين ونكديين ومعرفش ايه ويقوللي خليهم يتكلموا كده احنا مش قاعدين لوحدنا نكلم نفسنا
انا تعبت اوي من الكلام ده ارجوكم حد يفيدني اعمل ايه

مشاكل وحلول ذات صلة

  • تابع المزيد من مشاكل وحلول

اضيف بتاريخ: Wednesday, January 9th, 2019 في 15:01

2 رد to “خطيبي بيحرجني ويعايرني بسبب اهلي”

  1. hema
    10/01/2019 at 07:51

    عاوزه نصيحتى المفروض انكم فى فتره بتتعرفو على بعض ولو مفيش اندماج وتشابهه اسف ان اقولك افسخى الخطوبه لانها غير متكافأه

    قَـيّـم هذا الحل: Thumb up 0 Thumb down 0

  2. ابوالبتول
    09/01/2019 at 21:31

    الشاب خطيبك معه حق ماتزعليش من الصراحة طالما انه خطبك وقرايتم الفاتحة فليه اهلك مايفرحشوا ويسعدوا بخطوبتك ويشعروا الشاب واهله بالسعادة انكم اتخطبتم لازم تتكلم مع اهلك في الموضوع ده وتخليهم يغييروا من طباعهم ومعاملتهم لخطيبك التكشير والزعل او التضجر مش كويس في مثل هذة المواقف والاوقات الحلوة والسعيدة وانت برضو هزري مع خطيبك واشعريه بالحب والمشاعر والعواطف وخليك دائما مبتسمة ومبتهجة امامه وماتخليه يشوف منك الا كل حاجة حلوة وجميلة وربنا يتمم لكم بالخير ياست البنات ويجمع شملكم على خير ويؤفقكم ويسعدكم في حياتكم القادمة ومبروك مقدما على الخطوبة وعقبال الفرحة الكبيرة ان شاء الله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة