انا بنت وعندى 25 سنه وكنت بحب حد لمدة سنه وحصلت مشكله بنا وسابنى والمشكله كانت كبيرة وانا اللى كنت غلطانه فيها وكان من المستحيل انو يرجعلى تانى فاتقدملى عريس مش مناسب ليا ومع ذلك وافقت عشان بس انسى حبيبى واقدر اعيش حياتى وفعلا اتخطبت وكنت لسه هاحاول احب خطيبى وكنت رضيت بنصيبى بس حصل انو بعد اسبوعين من خطوبتى رجع الشخص اللى كنت ببحبو وكلمنى ف التليفون فرحت وكلمتو وكنت مبسوطه اوى ومقولتلوش انى اتخطبت وبقالنا اسبوعين بنتكلم مع بعض فى الموبيل من غير مايعرف انى مخطوبه بس معاملتو معايا متغيرة هو بيقولى انو بيحبنى وكل حاجه وانا كمان بحبو وبدأت اكرة خطيبى واخترع المشاكل بنا مع العلم ان خطيبى بيحبنى اوى وانا محتارة لو سيبت خطيبى هابقا بظلمو وف نفس الوقت مش ضامنه ان اللى بحبو يجى يخطبنى اعمل ايه؟
ارجوكو ساعدونى
مشاكل الخطوبة
خنت خطيبى مع اللى كان حبيبى
اضيف بتاريخ: Saturday, February 9th, 2019 في 08:36
كلمات مشاكل وحلول: الحب, الخطوبة, بنت, حب, شاب, مخطوبة
انت وحدة خاينة وماتستاهل احد يرتبط بك حرام عليك خطيبك اللي اختارك من بين كل البنات وجاء وخطبك من اهلك ووافقت عليه وتعمل فيه كدا عشان واحد كلب وسافل وحقير يلعب بك وبمشاعرك ويتسلى بك وعمرو مايتقدم لك لو فسخت خطوبتك دي الحقيقة
فشكلى الموضوع الاول و حرام عليكى الشاب اللى هو خطيبك و لو التانى هيجى يخطبك يجى و ابقى قابلنى