ارجع ثقتي في خطيبي تانى ازاى

انا مخطوبة من اكتر من سنة وخطيبى مسافر وتقريبا كل كلامنا على النت انا بثق فيه جدا وبحبه وهو كمان بيحبنى بس المشكلة انه من فترة كنا بنتكلم على الفيس بوك وكدة وهو ادالى كلمة السر بتاعته ولما دخلت عنده لقيته ضايف بنات قالى اعملى اللى انتى عايزاه طبعا مسحتهم كلهم وبعد فترة لقيته ضاف عدد اكتر ولما سالته قالى اخوه اللى عمل كده لان معاه كلمة السر وبعدين غيرها تانى بس العدد فضل يزيد وبعدين من فترة قصيرة دخلت على الرسائل بتاعته لقيته بيكلم بنت وبيقولها كل كلام الحب اللى كان بيقوله لية طبعا زعلت وواجهته حلف انه كان اصحابه ف الشغل بيدخلوا وهو كان بيقعد معاهم وبيكتبوا كده مجرد هزار وانه مش قصده وحلف وبكى وقالى اقفليه انتى خالص واترجانى اسامحه المهم انى قلت كلنا بنغلط وسامحته بس المشكلة انى بقيت مش بصدق اى كلمة حب يقولها ومش عارفة ارجع الثقة فيه تانى والمهم ان فرحنا قرب وانا مش عارفة اعمل ايه ساعات بشتاق وبحن ليه وساعات افتكر وقلبى ينجرح انا عايزة ارجع ثقتى فيه تانى اعمل ايه ساعدونى وردوا عليا

مشاكل وحلول ذات صلة

• ليه البنات والشباب اصبحوا منحلين
• احساس بالقلق والبرود منه كيف اتاكد من حبه الي
• كيف استطيع الوثوق في حبيبي مرة اخرى
• مش عارفة اذا كنت بحبه هو او ابن خالي
• ضحيت علشانه وفالاخر ضحى بيا
• هل ارجع لخطيبي الاولاني او اوافق على العريس الجديد
• بحب صاحب اخويا واتعرفت على بنت بيحبها