مشاكل الخيانة الزوجية

اعمل ايه عشان ابطل اخون جوزى ؟

السلام عليكم
ارجوكم ارجوكم واستحلفكم بالله تقولولى حل من غير تجريح فى شخصى
انا ست متجوزة  وعندى 3 اولاد بس انا عمرى ما اخدت من الدنيا اى حاجة كان نفسى فيها وبعتبر ولادى هما احلى حاجة فى حياتى برغم قسوة الحياة والمعيشة والمسئولية
بالنسبة لجوزى انا مش بحبه ومش بكرهه لكن هو كويس وطيب بس مش قادر يحتوينى بمعنى ادق مش عارف يكون لى كل حاجة
بتمنى جوزى يبقالى اخ وصاحب وحبيب وعشيق كمان
لكن للاسف هو مش كده هو بيعيش معايا حياة عادية او بمعنى اننا عايشين ناكل ونشرب وننام وبس
حتى المستقبل انا بفكر يه لوحدى وهو مش بيساعدنى على تحقيقه بل بالعكس هو تقريبا مش بيحاول يفكر حتى
المشكلة انا اتعرفت على ناس كتير وكلمت كتير ع التليفون وانا بكلمهم بنسى انى زوجة وبعدها بحس بالندم وبفضل اعيط لكن مجرد ما احس انى محتاجة اتكلم مع حد ومن غير ما اتضايق بدخل نت وبتكلم تانى وبردو برجع اندم واقول عمرى ما هخون جوزى تانى لكن فى كل مرة بعمل كه بحس انى بعوض نقص جوايا لحد ما عرفت شاب ملتزم واخلاقه ممتازة وهو عارف انى متجوزة وعندى ولاد اتكلمنا بصراحة فى حاجات كتير وحسيت انى بحبه زى ما هو حبنى قالى كتير انه يتمنى يعيش معايا ويكون لى زوج
الشاب ده ظابط فى امن الدولة وغنى جدااا وبرغم نفوذه محاولش يعمل اى حاجة تضايقنى لكن كمان ما صرحش باللى جواه من ناحية انه عاوزنى اتطلق لاننا بنحب بعض ولما قولتله تتمنى كه قالى اتمنى لكن عمرى ما هقولك كده الا لو انتى عاوزة كده
باختصار انا مش عارفة اعمل ايه ؟
انا عمرى ما هطلب الطلاق من جوزى مع انه مقصر كتير معايا ومع ولاده
ولانى مش هسيب راجل عشان راجل وبكده حرمت ولادى من ابوهم
وعمرى ما هقدر ابعد عن الانسان الوحيد اللى حبيته
ارجوكم فيدونى
انا بحس بالندم اتجاه جوزى
وفى نفس الوقت مش قادرة ابعد عن الانسان اللى حبيته بجد لدرجة انى بقيت ما بدخلش نت الا عشانه
هو قادر يحتوينى وقادر يخلينى احس بنفسى كأنثى قدر يخلينى ما افكرش فى غيره وكمان بقيت انسانة بجد محترمة برغم معرفتى بيه
هو بيخلينى اكون افضل من جوايا قدام نفسى
انا فعلا بحبه ومش قادرة ابعد عنه
ارجوكم افيدونى

مشاكل وحلول ذات صلة

اضيف بتاريخ: Sunday, March 11th, 2018 في 17:52

كلمات مشاكل وحلول: , , , , , ,

15 رد to “اعمل ايه عشان ابطل اخون جوزى ؟”

  1. عابرة سبيل
    11/04/2022 at 04:51

    مرجوعك لجوزك ، صلي ، وادعي ربنا يبعدك عن هالأشياء هاي ، اسمعي بتحبي ولادك ينكسرو وتشوه سمعتهم ؟ اكيد لا ، طيب بتحبي جوزك اذا مسكك بتحكي مع الشب يفضحك قدام سلفاتك والكل وقدام اهلك ، وولادك يخذهم منك ؟ اكيد لا ، عشان هيك ابعدي لانو لو بخاف عليكي ما بحكي معك ونتي متجوزة هدول بتسلوو بس بعدين خلص انتي هسه متجوزة احمد الله عل الأشياء ال عندك غيرك ما عندو 💚 الله بهديكي

  2. جنتل مان فارس
    20/06/2021 at 16:11

    من الآخر كدا انتي لا محترمه ولا تعرفي شيء عن الاحترام .. انتبهي لنفسك ولزوجك وأولادك وبينك .. واتركي لعب الأطفال .. انتي متزوجه وعندك زوج وأولاد وبيت . احترمي نفسك وزوجك وأولادك وبيتك .. هذا الضابط ب يلعب بكي وبعواطفك وبمشاعرك وسوف ياخذ منك ما يريده وبعدين سوف يضربك بالشلوت .. اعقلي وارجعي من طريق الهلاك الذي انتي تمشي فيه حاليا .. اللهم إني بلغتك ف اللهم اشهد

  3. البرنس
    22/08/2019 at 05:24

    في وحدة جارتنا كدا مغفلة وعبيطة زيك كانت متزوجة من راجل طيب ومحترم جدا وعندها ولدين وكانت ماتحبه ودائم تقول عنه انه مايفهمها ولايفكر في المستقبل لاولاده زي كلامك ده بالضبط عن جوزك وعرفت ده من خلال زيارتها لوالدتي بحكم اننا جيران وكانت الوالدة تعاملها زي بنتها وتهديها وتطلب منها الصبر وده زوجك وابو عيالك لكن مافيش فائدة معها تعرفت على راجل مفتدر وعنده شركات وعقارات تعرفت عليه من خلال النت وقدر الراجل يخدعها ويلعب بمشاعرها ووعدها بالزواج لو تطلقت من جوزها وظل وراءها حتى تطلقت من زوجها وكان يتردد عليها في البيت في غياب زوجها ويعاشرها جنسيا ويقولها خلاص اتزوجك اصبري علي ولماشبع منها رماها وماسالش فيها وهي تطلقت ومنتظره الراجل ده يجي ويوفي بوعده لها ويتزوجها ولا طالت بلح الشام ولاعنب اليمن ودمرت حياتها وخربت بيتها بنفسها وزوجها اخذ ولاده من عندها وصارت تعيسة ومحطمة ولاحد من اهلها ناشد عليها وكل مرة تجي لعند امي وتبكي وتندم على كل لحظة في حياتها وتتمنى الموت على العيشة دي والحال اللي وصلت لها هل عايزه يكون مصيركي مثلها فاتعظوا ياولي الالباب والحياة دي تعلم اللي مايتعلمش

  4. البرنس
    22/08/2019 at 05:10

    يحتويك ايه ياخاينة ربنا ياخدك مش مكسوفة وانت تقوليها ربنا اعطاك زوج محترم وطيب جدا وعندك منه 3 اولاد ناقصك ايه ياولية ياساقطة وصدقتي ان الكلب البيه الضابط بتاعكي ده فعلا يحبك وعاوز يتزوجكي لو تطلقتي من جوزك يبقا قابليني دا بيضحك عليكي يامغفلة عاوز يخرب بيتكي ويدمرحياتكي الزوجية وعمرو مايتزوجكي لانكي بنظره خاينة ورخيصة وبلا شرف

  5. عاااااااااابر سبيل
    16/03/2019 at 01:28

    …. يا محترمه يا صاحبه المشكله ابتعدي عن هذه الطريق وخليكي محترمه ومؤدبه لأنك انتي زوجه متزوجه ومعكي أولاد . وهذا الضابط سوف يأخذ مزاجه منك ويتركك لانه علي علم كما فعلتي الخيانه معه ستغعليها ضده مستقبلا دااا لو تزوجك وانا اشك انه يتزوجك . وهذا الضابط يلعب بكي ويتسلي بكي . ارجعي مما انتي فيه واستغفري الله كثيرا وغيري نمط معيشتك مع زوجك . اللهم اني بلغت فاللهم اشهد .

  6. عاااااااااابر سبيل
    16/03/2019 at 01:25

    …. يا محترمع يا صاحبه المشكله التعدي عن هذه الطريق وخليكي محترمه ومؤدبه لأنك انتي زوجه متزوجه ومعي أولاد . وهذا الضابط سوف يأخذ مزاجه منك ويتركك لانه علي علم كما فعلتي الخيانه معه ستغعليها ضده مستقبلا دااا لو تزوجك وانا اشك انه يتزوجك . وهذا الضابط يلعب بكي ويتسلي بكي . ارجعي مما انتي فيه واستغفري الله كثيرا وغيري نمط معيشتك مع زوجك . اللهم اني بلغت فاللهم اشهد .

  7. sami
    11/10/2018 at 14:53

    شاب وضابط وغني شو عاوز تفتكرني عاوز يتزوجك وانت عندك 3 اطفال لا والف

  8. رجل اربعينى
    17/09/2018 at 13:41

    توبى الى الله توبه نصوحه
    اتركى هذا الشاب
    قربى من جوزك واولادك
    اما ما فعلتيه سابقا ان الله غفور رحيم استغفرى لذنبك

  9. ابوالبتول
    29/08/2018 at 13:42

    ياهانم انت بكدا تخوني جوزك ابو ولادك وهذا الشئ قد يقودك الى الفاحشة الكبرى – الزنا – والعياذبالله اتقي الله في نفسك وفي زوجك واولادك واحرصي على الحفاظ على حياتك الزوجية واستقرارها ولاتجعل للشيطان عليك طريق توبي لربك واستغفريه واندم على ماحصل منك والله عزوجل هو الغفورالرحيم اهتمي بزوجك واولادك وابتعدي عن التحدث مع الرجال الغرباء اشغل اوقات فراغك بطاعة الله من اداء الصلاة في اوقاتها والصوم وقراءة القران وكثرة الاستغفار واياك والجلوس على النت فهو مضيعة للوقت وفساد للاخلاق وشياطين الانس متربصين بكل امراة من خلاله اسال الله لك الهداية والصلاح والاستقامة وان يسترعليك ويحبب قلبك لزوجك ويؤفقك ويسعدك في هذة الحياة

  10. عن تجربة
    17/03/2018 at 15:38

    يا اخوانا بلاش تجريح فى حد
    اللى بيغلط وضميره مش واجعه مش هيجى هنا ويسأل ويتكلم عن مشكلته.
    كون انها دخلت واتكلمت يعنى هيه حاسه من جواها انها بتعمل غلط كبير ومحتاجه حد يساعد ويشجع انها تبعد عن الغلط ده و تتجه للطريق الصح ..محتاجة حد يساعد ويقويها على الشيطان الملعون اللى بيلعب فى دماغ الانسان ويخليه يغلط عشان عايز يدخله جهنم معاه
    انصحوا .. و بينوا الصح من الغلط
    ربنا يهدينا جميع .. نصحيتى : التزموا الدعاء ده
    اللهم ارنا الحق حق وارزقنا اتباعه
    وارنا الباطل باطل وارزقنا اجتنابه

  11. كريم نور
    17/03/2018 at 11:51

    زي ماشقطك ولعب عليكي لو اتجوزتي تاني حد هيشقطك وهيلعب عليكي وجوزك اللي شقطك لو افترضنا انه هيجوزك هيفضل شاكك فيكي لانه خدك من راجل … ليس لكم امان يامعشر النساء ف لحظة تخونو وف لحظة تبيعو

  12. taha
    12/03/2018 at 23:25

    انت تبحثي عن مبرر للزنا وهو وجد واحدة تبحث عن الزنا فلا طلاق ولا زواج وانتي عارفه ده جدا سؤالك ايه ؟؟؟ اه طبعا الزنا حرام عايزة كلام ايه تاني؟؟

  13. Dr-aaa
    12/03/2018 at 00:47

    قال رسول الله صلى الله عليه وسلم ( ملعون من خبب( أفسد) امرأة على زوجها )، الرجل ده لو كان ملتزم عمره ما كان يعمل علاقة مع امرأة متزوحة،،بالله عليك ضميرك مش واجعك،،انت بترتكب كبيرة من الكباىر،،حتى لو اتطلقت مش حيتجوزك وان اتجوزك حتتغير معاملته لأنه حيشك فيك طول الوقت ماانت خنت الي قبله،،الذنب في الأساس هائد عليك اولا،،أخرج من النت ده واشغل نفسك بأشياءتقربك من ربنا ،،واقترب من زوجك،،وثق تماما ان ربنا يعطي للعبد فرصة واثنين وثلاثة عشان يتوب،،لكن اذا استمر يرفع ستره عنا،،فوق لو سمحت وخلي عندك ارادة وابعد عن شياكين الإنس إلي إنت وحدة منهم وماتزعليش من الكلمة دي بس كلمة حق

  14. ابوالبتول
    11/03/2018 at 21:09

    ايتها الاخت الزوجة اما تعرفين انك وقعت في الخيانة لزوجك بعلاقتك مع هذا الشاب الفاسق الواطي الخبيث اللي اغواكي بكلامه المعسول ومشاعره الكدابة الخادعة لاشك انك لاتستاهل ان تكوني زوجة محترمة ولاتقدري معنى للحياة الزوجية ولا جديرة ان تكوني ام لاولادك ماذا دهاكي ياامراة الا تخشى عذاب الله عزوجل ولاتفكري في انتقام ربنا منك وفضحك على رؤس الخلايق بعلاقتك المحرمة مع هذا الكلب الواطي لاعذر لك في ماتفعلين من خيانة مهما حصل من زوجك من اهمال او تقصير في واجباتك وحقوقك الزوجية اتقي الله عزوجل قبل فوات الاوان وتوبي لربك واستغفريه واندمي على ماكان منك وعدم العودة ليها واستري نفسك واكثري من التقرب لله عزوجل في المحافظة على صلاتك في اوقاتها وكثرة الصيام وقراءة القران وكثرة الاستغفار للخالق عزوجل والدعاء لنفسك ولزوجك واولادك بالخير والصلاح والتوفيق في حياتهم واقطع علاقتك بهذا السافل الواطي اللعين فهو شيطان رجيم عايز يجرك الى الرذيلة والضلال وامسح رقمه وايمليه تماما وغيري رقمك انت ولاتدخل على النت نهايا اشغل اوقات فراغك بطاعة الله عزوجل من قراءة للقران والذكر والتسبيح والاستغفار والصلاة على النبي والاهتمام بزوجك والتقرب منه والسؤال عنه اذا غاب عن البيت وتواصل معه مثلما تفعلي مع عشيقك الكلب هذا زوجك اولى منه بالحاجات دي فهو حلالك وسترك وغطاك وجنتك ونارك والرسول الكريم قال – اذا صلت المراة خمسها وصامت شهرها وحفظت فرجها واطاعت زوجها قيل لها ادخلي الجنة من اي ابواب الجنة شئت – رواه ابن حبان في صحيحه عن ابي هريرة رضي الله عنه اسال الله رب العرش العظيم ان يطهر قلبك ويحصن فرجك عن المحرمات والمعاصي ويتوب عليك توبة صادقة وان يهديك ويصلح حالك ويسترعليك ويبارك لك في زوجك واولادك ولايفرق بينكم ابدا ويكفيك شر نفسك الامارة بالسوء ومن شر كل شياطين الانس والجان

  15. عن تجربة
    11/03/2018 at 19:38

    فكرى كدة كويس فى الراجل اللى انتى على علاقة معاه ده .هل تظنى انه كان يقبل يكون مكان جوزك اللى واثق فيكى وانتى بتعملى كده فيه.
    لو الراجل الضابط ده كان محترم فعلا مكنش ابدا قبل انه يتعدى على حق راجل تانى غيره وبالذات لما يكون يعتدى على عرضه اللى هوه حضرتك . ابدا ده راجل خاين لله ورسوله ولم يحافظ على عرض اخيه المسلم . عايزه تعملى علاقة مع واحد خاين لله ورسوله .تظنى ان ربنا هيبارك لواحد حقير خاين
    تعرفى ليه عقوبه الزنا للمرأه العازبه الجلد فقط لكن عقوبه الزنا للمرأه المتزوجة انها تموت رجما ، لانها بخيانتها بتقتل الحياة فى زوجها وبتدمر حياته وحياه ولادها ياريت تفهمى يعنى ايه بتقتل الحياه فى راجل تم الاعتداء على عرضه
    فكرى فى حجم الظلم اللى انتى بتعمليه فى اهلك و اولادك مثلا لو ربنا شاء انه يفضحك ان بتخونى جوزك ،شكلك وسمعتك و سمعة ولادك ثمنها ايه عندك .
    بدل كده حاولى تبذلى مجهود مع جوزك اللى واثق فيكى و تصلحى حياتك معاه وادعى ربنا كثير اوى انه يصلح لك حالك وانه يستر عليكى ومايكشف ستر الخيانه اللى بتحصل واعرفى ان ربنا بيستر على العبد عشان يديله فرصه يتوب ويرجع والا بيأذن بفضحه ..وساعتها هتندمى ندم عمرك وتتمنى يوم من حياتك اللى انتى مش عايزها دلوقتى ..
    واوعى ثم اوعى تخبرى جوزك باى حاجى. اقفلى كل الغلط دة واسترى على نفسك واقطعي علاقتك بالفاسق ده
    وربنا برحمته يستر عليكى وعلى ولادك ويهديكى ويصلح لك حالك … اللهم آمين

اترك رداً أو حلاً لهذه المشكلة