مشاكل الخيانة الزوجية

جوزي انسان طيب لكن حبيت غيره

اخواتى واخواتى مشكلتى اللى بعرضها عليكم انا عارفه ردكم عليا من الاول لكن قبل ما اقولها لازم تعرفو ان الحب والمشاعر والاحاسيس مش بايدينا انا متزوجة منذ عشر سنوات وعندى طفلين ولكن لم اتزوج عن حب وحياتى مع جوزى من بداية جوازنا حياه عادية جدا ومنكرش انه انسان طيب لكنى وجهت معاها ايام صعبة كتير من بداية جوازنه دا لانه مكنش بيحب الشغل اصلا ولا يشيل اى مسئوليه الى ان الان والحمد لله انصلح حاله كتير وبدا يهتم بعمله جيدا لكن المشكلة فيا انا دا لانه مش ليا غير ولادى ووالدتى متوفية ولى اخان ولكن كل واحد فى حالة ومش ليا اى اصدقاء وزوجى فى عالمه لوحده ومفيش اى مشاعر بينا خالص ودا طبعه اصلا فبصراحه اتعرفت على شخص على النت وتبدلنا الكلام مع بعض وهو ظروفه نفس ظروفي تقريبا وحياته مع زوجته بها اهمال فى المشاعر واحنا الاتنين حسينا ببعض صدقونى انا مقتنعه جدا ان دى خيانه ودا اول مره فى حياتى تحصلى حاجه زى كده دا لانى متعيشه مع بيتى واولادى ولكنى احسست انى نفسي حد يحس بيا وبمشاعرى ودا الانسان اللى حس بيا ولا انا ولا هو طلبين حاجه من بعض على العكس تماما هو محترم جدا معايا ومش طالب منى اى حاجه خالص ولا حتى انه يقبلنى اصلا احنا عارفين بعض بقلنا 5 سنين عارفين بعض من غير حتى ما شاف منى صوره واحده ولكن انا وهو محتاجين نكون قريبين من بعض ودا عن طريق النت فقط لاغير لاننا احنا الاثنين مش عايزين ندمر بيتنا مش علشان ازوجنا لا علشان اولادنا هما اللى هيدفعوا الثمن دا حبنا لبعض جوانا وبس وصدقونى انا حاولت كتير مع جوزى اني اصلح منه لكن الضغوط كتير أوى عليا من عدم تحمل المسئولية معايا ومن عدم احساسه بيا وبمشاعرى ومن احتياجي ليه فى اوقات بكون محتاجه له بجد لكن بدون جدوى ومش عارفه اعمل ايه وعلى فكره انا حاولت كتير اوى انا والانسان اللى بحبه نبعد عن بعض لكن منفعش ابدا كل اللى بينا سطور على النت ورغم ذلك متقاربين جدا من بعض وليس لنا اى اصدقاء حتى على النت غير بعض وانا متاكده من ذلك وهو متعايش فى بيته وانا الاخرى متعايشه فى بيتى لكن مشاعرنا فقط هى اللى مخليه الحياة تستمر افيدونى ارجوكم اللى انا فيه دا ايه ولو فى حل ارجوكم قولولى عليه وسامحونى انى طولت عليكم

مشاكل وحلول ذات صلة

اضيف بتاريخ: Monday, April 2nd, 2018 في 01:43

كلمات مشاكل وحلول: , , , , ,

6 رد to “جوزي انسان طيب لكن حبيت غيره”

  1. فراشة
    22/04/2018 at 08:31

    أختي العزيزة
    أنت لست شيطانة ولم تخطئي بشيء أبدا. أنت إنسانة من لحم ودم، تحتاج الى الحب والحنان والدفء ومثل الكثيرات من الزوجات لا تحصلين على حقوقك هذه من زوجك الذي يهملك ويهمل مسؤولياته مثل الكثيرين من الرجال. ما تفعلينه هو بحث عما ينقصك وطالما العلاقة هي بالنت فقط يعني حكي فلا ضير بذلك أبدا. ومهما حصل لا تفكري أبدا أنك الشيطان وتخونين زوجك لا لا أبدا. بل هو الذي يخون الأمانة بإهماله لك.
    عليك أن تجلسي مع نفسك وتقرري ماذا تريدين من هذه الحياة. هل تكملين حياتك مع هذا الزوج الطيب والمهمل أم تتركينه وتواجهين الحياة وحدك بدونه بحثا عن بصيص من الأمل. هذا قرارك واختيارك وهذه حريتك الشخصية ولا دخل لأحد بحياتك والله فقط هو العالم ما بنفسك والحاكم بأمرك وليس الناس الذين لا يعلمون شيئا ولا يحسون بك وينصبون أنفسكم وكلاء عن الله على الأرض.
    مع تمنياتي لك بالتوفيق وكل الخير

  2. احمد
    18/04/2018 at 22:34

    عارفة اية الفرق بين جوزك و بين الثاني اللي بتكلمية،،، الثاني مش شايل مسئوليتك … لا انت ملزومة منه بمصاريف و لا بنكوا عيال عاوزين تربوهم و لا اي حاجة.

    حاولي مع جوزك طالما هو طيب و عيشي معاه،، انا مش بقول انك وحشة انا بقول ان خبرتك قليلة في الدنيا،، و لو انت شايفة نفسك مش قادرة تعيشي اطلبي الطلاق … بس السؤال الثاني هيقبل يتجوزك؟!

  3. basim
    03/04/2018 at 09:10

    اختى الكريمة لاتكونى كمثل الصيف ضيعتِ اللبن اتق الله وانظرى لزوجك بزاوية اخرى بعين المحبة المشتاقة لزوجها غيرى الروتين والملل باذن الله تتغير حياتك اكثرى من الصلاة والاستغفار ( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ )

  4. ابوالبتول
    02/04/2018 at 14:38

    الاخت العزيزة صاحبة المشكلة السلام عليكم ورحمة الله وبركاته عايزك تسمعيني للاخر انت متزوجة من 10سنوات وعندك طفلين ربنا يحفظهما ويبارك لك فيهما وزوجك انسان طيب ومحترم كماذكرت فقولي الحمدلله على دي النعمة اللي انت فيها وكل انسان منا بتمر عليه ظروف صعبة قد لايجد فيها له عمل يعيش منه ويصرف عليكم انت والابناء فالزوجة الصبورة المخلصة والوفية لزوجها تقف مع زوجها في السراء والضراء وتتحمل علشان خاطر ولادها وربنا رحمته واسعة اكرم زوجك وتصلح حاله وصار يعمل ويتحمل مسوولياته كزوج واب لاولاده انت الخلل فيك وغلطت جدا لما سمحت لنفسك بالكلام مع هذا الشخص من خلال النت ودي خيانة زوجية وقعت فيها ولاعذر لك فيما تفعلين صدقيني هذا الشخص اللي تتكلمي معو شيطان رجيم يريد افساد حياتك الزوجية وخراب بيتك ولاخير فيه ولو كان عنده ذرة من الايمان والرجولة ماتجرا وتكلم مع وحدة ست متزوجة ولكنه شخص خاين وكذاب وبلادين ولاخلاق ولاكرامة ابعدي عنه فورا واقطع علاقتك به للابد وتوبي لربك واستغفريه من الخيانة وحافظي على خلاقك وشرفك وسمعة زوجك واولادك وغيري رقمك وايميلك على النت واياك والاستمرار في هذة العلاقة المحرمة والغير اخلاقية وربنا غفور ستار بيسترعليك ويصلح لك الاحوال مع زوجك ويحنن قلوبكم على بعض ويبارك لك في زوجك واولادك ويرزقكم من واسع فضله ورحمته

  5. Dr-aaa
    02/04/2018 at 14:17

    إنت طلبت النصيحة فتقبليها ولو كانت مرة،،كل ما في الأمر أنك إمرأة أغواها الشيطان وأغوتها النفس الأمارة بالسوء،،ماتفعليه يا أختي هو معصية كبرى ولا تعتقد أنك حتى لو تطلقت من زوجك وتزوجت بهذا الشخص فستعيشين معه الحب والهيام فهذه كلها أوهام نت وأنت في نظره لاتسوين ظفر زوجته حتى لو قال عكس ذلك فهي العفيفة المحترمة التي حفظت زوجها في غيابه أما أنت فلا تستحقين الثقة،،الحل بسيط يا أختي إما قطع علاقتك فورا بهذا الشخص ولا تقول لا أستطيع فحينها ستكونين كمن يلعب بالنار والله يستر على العبد في المعصية لعله يتوب لكن اذا تمادى واستمر فالنتيجة هي الفضيحة ودمار سمعتك غير عقاب الله،والحل الآخر هو الطلاق واترك زوجك المسكين يبحث له عن إنسانة مسكينة مثله ترضى به وبقليله وبطباعه التي لاتقبلينها،،وشق بعدها حياتك لكن تأكد أنك ستندمين لأنك لن تجدين بعدها السعادة،،وكنت أتمنى أن أجد كلمة ندم وتأنيب ضمير في رسالتك ناحية زوجك لكنك لم تذكر سوى اولادك،،نصيحة أخيرة أطلب من الله أن يغفر لك وأن يصلخ شأنك وشأن زوجك وأكثر من الاستغفار

  6. كريم نور
    02/04/2018 at 13:37

    5 سنين فعلا جوزك طيب اوي لانه اتجوز واحدة زيك يعني هو جوزك هيشتغل علشان يصرف عليك وع اولادك ولو مشتغلش ومتحملش مسئولية مش عاجبك عاوزاه يعمل ايه هو بني ادام مش ماكنة شغالة بالكمبيوتر وبعدين الله يخرب بيت النت هدم بيوت كتير وخاصة الستات الضعيفة واغلبهم شراميط الا من رحم ربي .. لو لسه ع البر ومغلطيش مع حد يبقي احفظي نفسك وشرفك قدام ربنا وقدام جوزك لان انك تكملمي حد دي ف حد ذاته خيانة الخيانة مش خيانة علاقة جنسية بس خدي بالك وبعدين اهتمي باولادك واشغلي وقتك باي حاجة وابعدي عن النت شوفي زمان والدتك كانت بتعمل ايه قبل النت اللي خرب البيوت والشباب والواد اللي بتكلميه تلاقيه عيل خول بيتسلي بيكي وشايفك سهلة وهيهدملك حياتك ومحسسك انه بروح اهله ملاك ابعدي يابت قبل فوات الاوان وتخسري دنيك واخرتك وتهدمي حياتك دا شغل شياطين

اترك رداً أو حلاً لهذه المشكلة