مشاكل الخيانة الزوجية

اتخنقت من زوجي وماعدتش بثق فيه نهائى

السلام عليكم ورحمة الله وبركاثه … لا أعرف من أين أبدأ فإن حياتى معقده أو أننى لا أراها إلا هكذا ولكن أتمنى أن أجد لديكم الحل الشافى بإذن الله
أبلغ من العمر 21 سنة تزوجث من شاب يكبرنى ب12 سنة كان يدرس لى فى المرحلة الثانوية وثقدم لى بعد انتهائها وكان والداى يرفضان لانهم لا يريدون زواجى الا بعد انتهاء الدراسة وخصوصا انى متفوقة جدا ولله الحمد وايضا لفرق السن ولكننى كنت احبه جدا واصريت على الزواج منه وتزوجته وبعد الزواج اجده ….
كريما لايبخل بمال … حينما اكون مريضة يكون جانبى … تركنى اكمل دراستى وها انا فى السنة الرابعة من كلية الشريعة جامعة الازهر
ولكن …………..
بعد زواجنا بفترة ليست بالطويلة لاحظت سهره وتليفونات اوقات غريبه أنا لا أغار غيرة عمياء ولكن الست بتحس بجوزها خصوصا لما تكون بتحبه عرفت انه بيكلم قريبتنا متزوجه واكبر منه بحوالى 8 سنين مكالمات طويلة ليل ونهار واجهته انكر تماما مش من حقى التدخل فى شئونه وطبعا بالليل بالساعات برضه فوجئت بمكاالمات كثيرة فى البداية بتبقى معاكسات وبعدين تلضم معاه ده طبعا غير الشات اليومى و الفيس بوك واجهته حلف على المصحف انه مش بيكلمها قلت اصدقه
مافيش فتره صغيرة عرفت انه بيكلم بنت كانت طالبه عنده وليل ونهار بالساعات وكذب وحجج وتاليف وصلت للبنت رسالة تهديد على تليفونها ووصلت له رسالة تهديد هو كمان عمللى استجواب انت اللى بعتى الرسايل انا متاكد هاتى التليفون على الرغم انى مالبش علاقة بالرسايل دى قعد يقوللى اصل دى واحدة مريضة نفسيا دى بتحبنى وانا مش عارف اصدها وبخدها بالسياسة
اتكلمت معاه بكل اساليب المنطق اللى ممكن اى حد فى الدنيا يتخيلها ووعدنى انه مش هيكلمها تانى بعدها بفترة شكيت انه بيكلمها وسالته لم اجد منه الا …. من الاخر طولة لسان وانا غلطان انى قولتلك مع انه ماقالليش ده اتهمنى وفى فرق كبير
من بعدها … بطلت اسال وخصوصا بعد ما اننجبت ابنى وقلت يمكن ربنا يهديه لكن هو مين رجع تانى تليفونات ليل ونهار ورجع يكلم الست والبنت دى تانى
ولا يمكن هو اصلا ما بطلش يكلمهم اتخنقت وقولت مش مهم يمكن ربنا يهديه لكن بقى طويل لسان وقلة ادب و تلاكيك عمال على بطال فى مرة قعد يزعق ويغلط قدام امه واخوه ولانه الكبير طبعا لازم نعم وحاضر اتصلت بوالدى وجه حكيت له على نرفزنه وعصبيته وطريقته معاى لقيته هاج واصل بنتك دى ماتتعاشرش وبتشك فى الدنيا بحالها وانا ما جبتش سيرة نهائى لقيته فتح فى الكلام واتهامات لى اضطريت انى ادافع عن نفسى وحكيت لبابا فساله انت فعلا بتكلم فلانة رد عليه قاله ده موضوع خاص بمشاكل معينة فى العيلة وما ينفعش احكيه والدى صالحنا ورجعنا تانى كويسين لكن هو مكالمات كثيرة اكثر من واحدة ليل ونهار
كلمته كتير ومافيش امل لحد مازهقت وقرفت كنت بحبه وبتحمل عصبيته وظروفه وبدعيله غصب عنى اتخنقت كل حاجة يقول مش من حقك خصوصياتى انت ست اعرفى انك ست مش حتحاسبينى ابويا ماكانش بيحاسبنى ده كله غير انه بيقاطعنى ولما اصالحه لازم يدينى محاضره حعاملك بالجزمة انت هنا خدامة شكلك هتكبرى بسرعة وحشة على الرغم انى على قدر كبير من الجمال ونظيفة ومهتمة بنفسى جدا وببيتى واهله لكنه يريد ان يشعرنى دائما بالنقص ويقول انت بتقارنى نفسك بيهم وحاطاهم فى دماغك ليه عيشى ومالكيش دعوة انا بعمل ايه ولا انت حاسة ان فيكى حاجة ناقصة زهقت من كلامه وتصرفاته واهماله لى ولاكلمة حلوة ولا لفتة كويسة على الرغم انى كنت بتناقش معاه بدون خجل لكنه شخص مختلف وصل الامر لضربى واهانتى امام اهله على سبب تافه وهو اننى غسلت له قميصا متسخ وهو كان ينوى الخروج به عصر اليوم التالى فقلت له حكوبه وقبل الضهر حيكون تمام كانه ما صدق ضربنى جامد لدرجة انى كنت بصرخ عشان حد يلحقنى منه دعيت عليه وصممت انى اروح بيت اهلى وبما انى فى عيلة مارضيوش وقعدوا يتكلموا طبعا اخد منى التليفون عشان ما اكلمش حد من اهلى وصممت انى امشى وانا ماشية مع ابنى قعد يعيط ويحضن فى ويقول انا اسف بس للاسف كنت استويت من الضرب وكدمات فى جسمى كله
اتق الرجالة اللى اتدخلوا من عيلته معابا عشان خاطر ابنى انى اروح عند والدى بهدف انة اغير جو لا اكثر وارجع بعد كام يوم وده مش هيتكرر تانى وافقت وروحت بيت اهلى وما قولتش حاجة ورجعت بعد 3 ايام وعلاقتنا بقت عادية واتكرر الموضوع تانى سبب تافه برضه وشتيمه عمرى ما سمعتها ومد ايد صممت على الانفصال وكرهت الحياه معاه وحاولوا الا صلاح بيننا لكى ارجع والضغط على رجعت لاجل ابنى وعلاقتنا مجرد ما يخص ابنى هو لا يتغير تلاكيك وسهر وتليفونات وعلى فكره من اول زواجنا مش بيعاشرنى غير كل اسبوع مرة كل اسبوعين وكمان استحمام زوجى عزيز اوى لما بيسهر تليفونات بالليل يطلع يستحمى …..
السؤال …. مش عاوزة الردود اللى هى البسى …. اتدلعى …..اتمكيجى …..اهتمى لان كل ده عملته
تجاهليه …..اخدت على دماغى وبرضه ما اتعدلش
دخلى حد من اهله الدنيا سمعت بينا لدرجة انه شتمنى ومسح بكرامتى الارض قدام الحلوة اللى بيكلمها
واجهى اهله ماينفعش ابقى بفضخ جوزى وابقى ست مش كويسه
كبرى دماغك ياريت بس مش عارفه هل انا بخبه ام انا امراة متسلطة ام انى اكرهه ام ان عندى امل ان يتغير لا اعلم

هو استاذ فى الكلام لا يكبر لاحد بمعنى اصح المهم انى مش قادرة استوعب ولا افكر ومش عاوزة اغضب ربنا تحول للضد اخبرونى ماذا افعل الصراحة جوزى عاوز يثبتلى ان كل ده اوهام وظنون وانا متاكده من افعاله من امور كتير لا داعى لسردها
انا اتخنقت وماعدتش بثق فيه نهائى وخايفة على بيتى عشان ابنى حاسه انى عايشة معاه لحد ماحييجى الوقت وننفصل بجد اصبخت حالتى النفسيه كئيبة مع اننى مهزاره احب الضحك انا على قدر كبير من الجمال ونظيفة وذكيه و مثقفة ومتدينة ومتفوقة فى دراستى ومهتمة بنفسى جدا وببيتى واهله ليس غرورا ولكن حقيقة
معذرة : من يعرف عيادة دكتور نفسى او متخصص فى التنمية البشرية فى محافظة الاسكندرية بالمنتزة ان يخبرنى
اسفة على التطويل وجزاكم الله خيرا ورجاء الدعاء لى بالهدايه وصلاح الحال

مشاكل وحلول ذات صلة

اضيف بتاريخ: Tuesday, April 24th, 2018 في 14:11

كلمات مشاكل وحلول: , , , , , , , , ,

2 رد to “اتخنقت من زوجي وماعدتش بثق فيه نهائى”

  1. ابوالبتول
    03/08/2018 at 00:28

    شوفي ياااختي العزيزة اعتبريني زي ابوك او اخوك الكبير اللي عاوز مصلحتك الكلب السافل الخاين ده جوزك وماتزعليش مني ماعندو ذرة من الايمان ولا الرجولة ولايستحق العشرة ولايستاهلك ابدا دي الحقيقة استغرب جدا من اصرارك على الرجوع اليه كل مرة بعد كل اللي عمله فيك وبعد ماعرفت خيانته وتاكدت منها هل كرامتك وكرامة اهلك بقت رخيصة عندك ومالها اي قيمة اام ايه الحكاية لاتحجج وتقولي علشان ابني وماعرفش ايه ابنك صغير ومن الافضل له ان يعيش بعيدا عن تلك المشاكل والخناقات اللي تحصل بينكما وصدقيني ديل الكلب عمرو مايتعدل ابدا ولن يترك الخيانة او يتصلح حاله لازم تطلب الطلاق منه لاجل تحفظي كرامتك وتصونيها فلست باول ولااخر من تطلق في دي الدنيا والزميه بالنفقة لابنك الصغير واوعي تتتنازل له عن تلك الحقوق اوربنا بيكرمك ويرزقك بابن الحلال الصالح اللي تكمل حياتك معو وتلاقي الخير والسعادة والطمانينة والاستقرار معه طوال حياتك وفقك الله وبارك فيك

  2. ابوالبتول
    24/04/2018 at 20:28

    الاخت العزيزة صاحبة المشكلة السلام عليكم ورحمة الله وبركاته تالمت جدا لمايحصل لك من هذا الزوج الخاين السافل اللي معندوش ذرة من الرجولة ولا الكرامة ولا اخلاق ولايعرف معنى للحياة الزوجية ايش اللي جابرك على العيش مع شخص كهذا كل الصفات الوحشىة فيه وكل تصرفاته تدل على انه خاين وغير محترم بالمرة مستغرب جدا من بقاءك معو بعد كلهذا اللي عمله فيكي على املا انه قد يتغير ويتصلح حاله فلاجدوى من هذا الامل فعمرو لن يتغيير ابدا او يهتدى ويتصلح حاله مهما كانت الظروف حرام عليك تظل هكذا اين كرامتك وكرامة اهلك ولا مالها اي اعتبار عندك ولاقيمة لها وانت ترين ان هذا الواطي السافل مرمط بها الارض واهانها ليلا ونهارا ان كنت خايفة على مصير ابنك الصغير فاطمني طلاقك من هذا الخاين هو الامان لمستقبل ابنك الصغير فخير له ان يتربى في جوء هادي بعيداعن المشاكل والخنافات والخلافات بينكما طوال حياتكم ولا يتاثر بكلهذة الخلافات والخناقات عندما يكبر لازال القرار بيدك والفرصة امامك لاسترداد كرامتك وكرامة اهلك وصونها بطلب الطلاق فورا منه دون تردد او تفكير وصدقيني هذا هو عين الصواب والراي الصحيح اللي مفروض كنت تعمليه من الاول والطلاق ليس نهاية العالم وانما هو خير لك من العيشة دي مع شخص كهذا لايقبم للحياة قدرها ولاوزنها والف من يتمناكي انت بعز شبابك وصغيرة وعلى قدر من الجمال وهتلاقي نصيبك مع ابن الحلال اللي يستاهلك ويقدرك ويقدر الحياة الزوجية ويصونها ويسعدك طوال العمر ان شاء الله
    ا

    ا

اترك رداً أو حلاً لهذه المشكلة