زوجى يهددنى بالطلاق لانى بشك فيه

انا متزوجة من 7سنوات وعندى 3اولاد وكنت زى اى وحدة بتغير على جوزها ولكن الغيرة اتحولت معى الى شك بقيت اشك انه بيعرف بنات وبيركبهم فى العربية وبيقعد بيهم فى اماكن عامة ومن فترة بسيطة دخلت على حسابه فى الفيس بوك لقيت فى الرسائل بنت بعتاله كلام كله حب ومن طريقة كلامها عرفت انه بيراسلها لانها بتقولة انت مش بترد على التليفون ليه بس كانت الرساله من تاريخ قديم كام شهر ولما قلت له قالى انا من فترة مدخلتش على حسابى ويمكن يكون حد سرقو وهو اللى بيراسل البنت دى وبشك فيه من كل شىء لو رن تليفونه احس انها بنت ولو نزل اشك انه بيقابل بنات وبقا يضيق من كتر سوالتى وبيقولى كل الاتهمات دى ملهاش اساس من الصحة وحزرنى انى بكدة ح خرب على حياتى وبيتى قلولى اعمل ايه هل ممكن اكون بتوهم ولا يمكن يكون بيعرف حد وازاى احافظ علية

مشاكل وحلول ذات صلة

• ارجع ثقتي في خطيبي تانى ازاى
• خنت زوجي واتطلقت والان اريد حبيبي
• بدعي على زوجي ليل نهار ربنا ياخده
• هل البنت في مصر تحب واحد ما يغار عليها
• كيف استطيع الوثوق في حبيبي مرة اخرى
• مش عارفة اخد قرار اسيبه ولا هارجع اندم
• مش بنام من الخوف خايفة يروح يفضحني