مشاكل الخيانة الزوجية

محطمة نفسيا ومش عارفه اعمل ايه مع زوجى

انا عمرى 32 سنه متزوجه من 10 سنوات عندى ولد وبنت من القاهرة زوجى بيشتغل فى محافظة ساحليه بيروح يقعد الاسبوع هناك ويجى الخميس والجمعه ومن ساعه ما تزوجنا على هذا الحال وانا باقول الحمد لله انو بيوفر لقمة العيش وانا احسن من غيرى لكن الفتره الاخيره زوجى متغير من 3 شهور كده حاله اتغير
كان يجى كل خميس وانا باعتبره عيد عندى باعيش الخميس والجمعه اجمل ايام حياتى
ومش هانكر بيدلعنى ويبسطنى وكل الى نفسى فيه بيعمله وانا كمان بيجى يلاقينى عروسه فى ليله زفافها لكن من 3 شهور لقيت مكلمات كتير على الموبيل طول النهار فى اليومين الى بيقعد معايا بتكلم فى الموبايل
مش ملهوف عليا
اسبوع يعمل والتانى لا
ويقلى تعبان
عندى مغص حتى لما يجى يعمل بيبقى همه يخلص وخلاص مش بيمتعنى زى الاول
وانا اعمل كل الى نفسو فيه
حسيت بحجات غريبه البسله ميهتمش يقعد يسهر بره فى اليومين دول ويجى متاخر ويقلى تعبان
يعنى يعدى الشهر ويعمل مره وانا كنت باستنى الخميس والجمعه وكان يعمل فيهم مرتين وتلاته واربعه حاسه بحاجه غريبه وفى نفس الوقت تعبانه انا عايزه وهو مش سائل فيا اعمل ايه انا باستناه الخميس والجمعه وهو يجى ومش فى باله
دلونى انا محتاره وتعبانه اوى نفسيا
هو اتجوز عليا ولا ماشى مع واحده؟ مع العلم كلمته فى الموضوع ده بكل صراحه وانكر انو يعرف ست غيرى ارجو النصيحه منكم

مشاكل وحلول ذات صلة

اضيف بتاريخ: Tuesday, March 22nd, 2011 في 09:50

كلمات مشاكل وحلول: , , , ,

16 رد to “محطمة نفسيا ومش عارفه اعمل ايه مع زوجى”

  1. الفهدالاسود
    20/04/2016 at 09:48

    اختي العزيزة الزوجة تتبع زوجها وين ماكان روحي عيشي معه وخليك قريبة منه ده هوالحل المناسب لوضعكم ومن حقك تعرفي ايه اللي مغيره عليكم من الناحية دية بلاش السكوت على الوضع ده عشان المشكلة ماتكبر وتزيد الفجوة بينكم لانو الراجل بيحصل معه كثير من الحالات دي ربما بسبب هموم الشغل ومتاعبه او يمر بازمة نفسية اومالية خانقة ومش عاوزك تعرفي ودام فيه ثقة بينكما وحب واخلاص واحترام وتقدير فلاداعي للخوف اوالقلق نشاءالله بيرجع احسن من الاول وربي يوفقكم ويسعدكم في حياتكم الزوجية ويديم عليكم نعمة الرخاءوالاستقرار في حياتكم

  2. ريم
    23/08/2011 at 07:15

    طيب لما واجهتيه وسألتيه سبب تغيره عنك … شو جاوبك ؟؟؟؟

  3. العيون السود
    29/07/2011 at 00:49

    انا من رايي تتاكدي قبل ما تحكمي عليه يمكن بيمر بظروف نفسية كل انسان بيمر فيها بس اذا زودها لازم لازم تتاكدي بطريقتك الخاصة

  4. ahmEd
    28/05/2011 at 04:57

    انا شايف انك تسيبك من موضوع انك تروحي البلد اللي هو شغال فيها ؟؟
    عشان هتبقي هناك حمل عليه … صدقيني انا مغترب لما بيجيلي حد في زيارة حتي علي قد ما ببقي مشتاق ليه بس بيبقة حمل علي
    بالنسبة لجوزك ده حاولي تتجملي و تتقلي بحيث انه يشوفك جميلة قدامة و يحس انك مش فاضياله يبدأ يجريوراكي تاني
    صدقيتي اكيد حالة ملل مش اكثر
    و بعدين موضوع الجواز تاني ما تقلقيش منه لأنه بقة صعب في ظل ظروف الشباب المادية دي
    و اذا كان فعلا بيلعب بديله سامحيه فانتي البيت يلف يلف و يرجعلك

  5. ساره
    29/03/2011 at 21:04

    بصي يا اختي الزوج بيلحق رزقه وبيعيش في المكان اللي في رزقه والزوجه بتلحق جوزها يعني انتي تعيش في المكان اللي عايش فيه جوزك حياه كامله مش تكوني زي الاوتيل بيزله في المناسبات وده لاسباب كتيره اولها علشانك وعلشانه تانيا الاولاد لما يتربو بعيد عن ابوهم هيكونز زي الاغراب والست تقدر تتحمل بعد زوجها بس الراجل صعي يعيش من غير ست وهوا مسكين طول ايامه مقضيها في الشغل واليومين دول بيقضيهم سفر والسفر يا اختي مشقه ربنا يكون في عونه ويلاقي مواته مستنياه ومحتجاه واولاده واهله كلهم 48 ساعه هيرتاح فيهم ولا هيقوم بواجبه معاكي ولا مع الاولاد وتلاقيه عايش عيشه ميعلمها غير ربنا محدش بيطبخله ولا حد بيخدمه انتي روحي اسكني عند جوزك لو قالك هنا اهلك قوليله انا مش عايزه اهلي انا عايزاك انت انت اهلي اهلي انا سبتهم لما اتجوزتك وانا مش قادره اعيش في مكان وانت في مكان تاني قوليله انا بحبك ومقدرش ابعد ولا ثانيه واولادي طول وقتهم يسالو عنك وتعبانين انك بعيد عنهم وفهميه اد ايه انتي تعبانه في بعده ولما يسافر كلميه على الموبايل كل شويه وقوليله انت وحشني انت بتعزبني في بعدك عني انا محتجالك اوي انا مليت من بعدك عني مش قادره استحمل اكتر من كده وخلي اولادك يكلموه انهم عايزينه ومش عايزين يبعدو عنه انشاء الله هيوافق ولو ما وافقش ابقي الحقيه انتي واولادك روحيله هناك ده جوزك وده حقك وحق اولادك وحق جوزك تعيشو اسره سعيده مستقره تعيشو اهل مش اغراب اناكنت مره بعاني نفس مشكلتك بس كنت كل شويه اكلمه في الموبايل ارنله وهوا يرجع يكلمني ولما تيجي فاتوره التلفون تيجي فاتوره عاليه وغير تكاليف السفر ومصاريف بيت انا واولادي وبيت هوا عايش فيه وهدايا للاولاد لما يجي الموضوع كان مكلف وكل شويه اكلمه واقوله انا محتجالك عايزاك تيجي دلوقتي واقوله انا بقعد بالايام مش بعرف انام من غيركوكلام من ده فلقيته بعد فتره قصيره نقل على بيت اكبر وجهزه وقالي تعالي عندي وان شاء الله عمر ماحد حوش بس الحمد لله عشنا مع بعض وربنا رزقنا ووسع رزقنا وبيقولي انا عقلي كان فين وانا عايش بعيد عنكم

  6. زيزو 48
    23/03/2011 at 17:08

    انتظرى ولا تتعجلى فى الحكم عليه
    وياريت تحاولى تسافرى ليه مره وتقعدى اسبوع كده علشان تتأكدى وترسى على حل

  7. زيزو 48
    23/03/2011 at 17:06

    رجاء عدم التسرع فى الحكم ، وحاولى مره ومره ومره وان شاء الله هينصلح الحال ، وياريت تسافرى ليه حتى اسبوع ، وقتها هظهر اذا كان متجوز او على علاقه او يكون مظلوم

  8. صحيحة
    23/03/2011 at 09:08

    الله اعلم بيه بس مش عاوزين نظن فيه ونفرض السوء بس انتي ممكن في ايدك حل بسيط انك تظبطي نفسك جامد جدا وفي نفس الوقت مش تبيني انك عاوزاه وتتقلي شوية هتلاقيه استغرب وقال ايه سر بعدك عنه وهتلاقيه جالك تاني

  9. محطمة نفسيا
    23/03/2011 at 09:04

    اشكركم جميعا على من رد على مشكلتى ومن لم يرد وتعاطف بقلبه لكن احب ان اخبر الجميع اننى تكلمت معه بكل صراحه ان كان متزوج او ان كان مريض او ان كان يوجد معه مشاكل فى شغله وانكر كل هذا وبالنسبه للسكن معه فى نفس مكان عمله طلبت منه تكرارا ومرار هذا الطلب ولكنه رفض من منا لا تتمنى ان تكون بجوار زوجها .
    انا فى الايام التى لا يكون فيها معى هى اصعب الايام التى تمر عليا
    اتحمل المسؤليه لوحدى لو طفل تعب او محتاج شئ لكن كلما اطل منه ان ارافقه يقول لى انتى هنا بجوار امك واخواتك هناك هنبقى لوحدنا .
    وانا بصراحه محتاره مش عارفه هو اتجوز هناك ؟ ولا فى واحده ماشى معاها ؟ مش عارفه محتاره .
    لو كان تعبان او مريض هاارضى بقضاء الله . لكن لو هو كويس ومش راغب فيا انا ذنبى ايه
    مره اخيره اشكركم جميعا

  10. زوج سعيد
    22/03/2011 at 22:22

    يا ستي اذا كان اتغير من الناحية الجنسية فقط ده مش معناه انه يعرف حد عليكي لكن لو اتغير في التعامل معاكي ممكن تبدأي تقلقي
    عموما موضوع انه مش بيعمل زي الاول ممكن يكون عنده قفله عادي يا ستي

  11. سيدة الورود الراقية
    22/03/2011 at 22:05

    الله يكون في عونك ويصبرك ويهديه ليكي اللهم آميـــــــــــــن

  12. زائر
    22/03/2011 at 20:55

    بل الروحه والجايه كل أسبوع اقنعى زوجك تعيشوا مع بعض فى البلد الساحليه اللى فيها شغله

  13. Hoss
    22/03/2011 at 12:11

    الشعور بفرضية الموضوع ده وإنه لازم يعمل في اليومين دول مع التكرار يحس بالملل ، يعنى لو جه وقعد معاكم هاتلاقي الموضوع استقر أكتر ، وبعدين إيه المشكلة لما تروحوا تعيشو معاه هاتبقى الحياة أحلى
    ربنا يهدي سرك

  14. جورج شحاتة
    22/03/2011 at 11:48

    شوفى انا بعتقد زييك انة اما متجوز او مرافق واماك حلين هاقدر اقولهم هنا 1 – راقبى تليفونة كلما قدرتى واعرفى مين اللى بيكلمة 2- حاولى على اد ما تقدرى انك تبعدى عنة بلاش تدلعى علية ولا تبينى انك مشتاقلة عشان تعرفى رد فعلة اية

  15. etqan54
    22/03/2011 at 11:15

    عزيزتى كان الله فى عونك مشكلتك لا بد لها من حل وهى المواجهة والصريحة ان كان السبب مرض فعليك بالصبر وعرضه على طبيب ولابد من مواجهته بما كنتما عليه وانك اعتدتى عليه وتنتظريه منه بفروغ الصبر من الاسبوع اللى الاسبوع وانك صبرتى عليه بما فيه الكفاية وان انقطاعه عنك يسبب لك حالة نفسية وقولى له ان كان فى حياتك امرأة اخرى هى السبب فى تغيرك انا مستعدة لتفهم الوضع عزيزتى لا بد من المواجهة بينك وبينه وعلى اسس من الصراحة والوضوح التااااااااااام وادعوا الله لك ان تعود حياتك لسابق عهدها ودمتى بخير

  16. الجبل
    22/03/2011 at 10:44

    بسم الله الرحمن الرحيم
    يمكن فى مشاكل بخصوص العمل او اى اشياء اخرى لها تأثير على حالته المزاجيه والنفسيه لان الموضوع دا المزاج والنفسيه اهم ما يكون فيه المهم لا تظنى السوء الا اذا ثبت لك ذلك وحتى لو حصل لازم تدافعى عن زوجك بكل الطرق ولا تدعيه لاخرى من نساء الهوى المعامله الحسنه تحييى الضمير وان شاء الله يكون مافيش حد غيرك فى حياته وربنا يسعدك

اترك رداً أو حلاً لهذه المشكلة