السلام عليكم ورحمة الله وبركاته
انا متزوجة من 10 سنوات ونصف وعندي 3 أطفال والحمد لله بحب بيتي وجوزي جدآآآآآ واصغر من زوجي 14 سنه والحمد لله علي قدرآ ما من الجمال بس مشكلتي خيانة زوجي المستمره ودي كانت صدمتي الكبري فيه بيحب بتكلم كتير مع البنات علي النت وعن طريق الصدف عرفت انوا عرف كتير وعديت كتير علشان بيتنا يستمر وساعات كنت اواجهه بالعقل مش بالأنفعال وكنت بسامح كتير ودلوقت عرفت عن طريق الصدفه وسبحان الله انوا علي علاقه بواحده اصغر مني بحوالي 3 سنين وهي متزوجه وعرفت انها احلي مني جمالآ وهي في مشاكل مع زوجها وعندها بنت واكتشفت ان بينهم مسدجات جريئه وزوجي حاليآ مسافر بس لفتره مؤقته مش دايمآ وجالي من شهر وكان جايب معاه شنطه ملفوفه في شنطه عاديه وده كان بعد عيد الحب بيومين وقالي ان ده دواء واحد صاحبوا باعته لأقاربه بس حسيت ان مش حقيقه فتحت الشنطه وهو مكنش موجود وكانت ملفوفه بالبلاستر واكتشفت ان فيها ساعه في غاية الروعه وقيمه وزجاجتين برفيوم ماركه معروفه شفتها وقفلت الشنطه تاني علشان كنت عايزه بس اتأكد ان ظني صح
وفي الوقت كنت اوريدي اكتشفت المسدجات وعاتبتوا وشد معايا وفي الأخر قالي بصراحه دي بنت عرفتها علي النت وانا كنت بتكلم معاها قلتلوا ليه ناقصك ايه قولي واوعدك اني مش هقصر وبرغم والله العظيم ان مش مقصره في حاجه محافظه علي جسمي وبيتي مرتب ونظيف وبسمع كلاموا في حاجه حتي مش بنزل غير لما اتصل عليه واستأذنوا وفي النهايه اكتشفت انها واحده قريبة واحد صاحبوا كان عندوا مشكله وهي كانت موجوده ساعتها المهم انا عملت ايه ساعة الهديه قلتلوا بضحك انا شاكه في الشنطه دي قالي لاء والله وقعد يحلف وقالي خلاص ياستي انا هعمل نفسي نسيتها قدام صاحبي وهرجعها تاني لو ده يريحك صراحه سكت علشان يرجعها تاني وفعلآ رجع بيها وهو مسافر وبعدين قعد شهر في سفروا ورجع قبل عيد الأم 3 أيام واداني هديه الساعه هي هي اللي كان جايبها للبنت وكان عايز يديهلها بس زجاجتين البرفيوم لاء الله اعلم اداهم لمين تاني خدت الساعه ورحت بايسه راسوا وقلتلوا ربنا يخليك ليا وسكت ومبينتش حاجه
دلوقت اعمل ايه اكلموا ويقاومني تاني ويطلعني انا الغلطانه ولا اكلم البنت ولا اعمل ايه وللعلم الست دي في مشاكل مع زوجها وهي علي قدر من الجمال والجرآه
الله يكرمكم حد يقولي حل بدون خراب البيت
مشاكل الخيانة الزوجية
زوجي وخيانته المتكررة على النت
اضيف بتاريخ: Wednesday, March 23rd, 2011 في 15:26
كلمات مشاكل وحلول: البنات, متزوجة, مشاكل الخيانة الزوجية, مشاكل زوجية, مشاكل زوجية
ميرسي ياساره لاهتمامك حبيتي عايزة اطمن عليكي يارب تكوني بخير
علي فكره زوجي الحمد لله بقي احسن من الاول وتقريبآ مبقاش ليه علاقه بالبنت دي لان عرفت انها رجعت بيتها ربنا يهديها اللهم آمين
بس هو شويه مش بيسيب النت والشات
ربنا يهديه ويهدي كل اللي زيوا اللهم آمين
والله العظيم حاسه بيكي مشكلتك دي كنت عايشاها وبالنسبه لعيوب جوزي دي اقل حاجه كان بيعملها كان بيخوني على التلفونات وزي ما قلتلك بعد ما انا عرفت ما بقاش يهمه زعلي وبقى يعمل كل حاجه وينام برا البيت وحتى خلف في الحرام اللي عمله جوزي انا ما فيش ست تستحمله تعرفي كنت ساعات بقول يمكن العيب فيا انا لما البسله حاجه واجهزله نفسي تعرفي يقولي ايه يقولي انتي مجهزه نفسك عند فيكي مش نايم في البيت ويخرج طبعا مش عند ولا حاجه ده لانه هوا اصلا ناوي يروح ويخرج مع البنات دول وسبت اولادي عند اهله وكانو بيضربوهم وهوا عايش حياته رجعتله علشان اربي اولادي بس لما رجعت كنت بقول هسيبه براحته لو رجعلي من نفسه يبقى ليا ولو مرجعش هوا اصلا مش بيستاهلني واقول انا راجعه اربي اولادي مليش دعوه بيه..بس لما افكر بنفسي اقول طيب ليه انا اعمل في نفسي كده ما انا جميله واقدر اتجوز واحد يستحقني مش جوزي اللي راميني وزي ما جوزك مسافر هوا كمان كان يسافر ويسيبني بالسنه ويرجع شهر يقضيه مع اصحابه يسهر طول الليل برا البيت وغير كده نكد ومشاكل اهله كل يوم بس استحملت اهله وقسوته وقسوه اهله خليتني انسانه صلبه اقدر استحمل اكتر واقدر ادافع عن نفسي وعن اولادي لما اهله شافو شخصيتي قويه اتلمو شويه بس جوزي بيحب اولاده جدا لما سافر ابتديت اكلمه حتى وانا بكلمه حاسه كاني بكلم واحد غريب عني لانه فعلا معشناش ما بعض كفايه ابتديت اكلمه كل يوم وحسسته اد ايه اني انسانه ضعيفه واولادو بيتبهدولو من غيرهوهوا برده ابتدا يحس اد ايه انا متمسكه بيه بعد كل اللي عمله وسافرت عنده واجهت شويه مشاكل بس ما فيش خيانه لانه دلوقتي مش بيخوني وعن قناعه لانه هوا مش عايز يخون انما قبل مكنتش اقدر اعمل حاجه لانه اصلاعايز يخون وعايز يجرب كل حاجه وبيحس انه كل ما يخون كل ما يكون راجل اكتر ده كان احساس جوزي بس دلوقتي الحمد لله ربنا هداه ويارب يديم الهدى ويهديلك جوزك بس انتي حاولي تبعدي الست دي عن جوزك من غير ما يعرف ولو كررها كلمي البنت اللي بيكلمها وسيبي البيت بس مش تسيبي البيت وهيا تستفرد بجوزك لا لما تروحي عند اهلك ادرسيها كويس قبل ما تروحي …اكتر حاجه بتضايق الراجل انك تكلميها او تروحيلها كمان دي لو هوا ما تبش اعمليها قوليله انك لو مبعدتش انا هكلمها وهروحلها البيت واخلي الكل يعرف وزي ما قلتلك هوا مش هيبقل حد يتكلم عليها بالشكل ده يعني تروحي وتكلميها قدام كل الناس والناس تعرف يمكن يخاف ويبعد ويا رب يوفقك يا رب ويهدي جوزك ويسعدك انتي وهواوابقي طمنيني عليكي لاني بجد متابعاكي ورايك جميل زي شخصيتك ومن بعد التجارب الست الذكيه تقدر تخلي جوزها يعملها اي حاجه هيا عايزاها وهوا يكون يفتكر نفسه انه هوا اللي عايز كده ولو ليه اخت فهمانه تقدري تخليها تكلم اخوها ..صدقيني حبيبتي دوام الحال من المحال وهوا مهما يلف ويدور اخرته هيرجع لبيته هيا نزوه وهتعدي وربنا يصبرك
ميرسي ياساره بجد جزاكي الله كل خير
بصي ياقمره المشكله ان الست دي للأسف يعرفها شخصيآ مش عن طريق النت وهي عارفه انوا متجوز وهو عارف انها متجوزه وعرفها عن طريق صدفه وهي قريبة صديق له كان واقف معاه في مشكله دي غير النت والبنات اللي يعرفهم علي النت لأرضاء غروره والعياذ بالله
والله ياساره مش عارفه اعمل ايه وياتري ربنا هايديني الصبر اكتر من كده وغير كده انا شايفه ان جوزي مشاعروا بتبعد عني اكتر واكتر وانا خلالالالاص فاض بيا بجد بدعي ربنا يصبرني اكتر واكتر وبضغط علي نفسي جدآآآآ وانا بكلموا واكلموا في رومانسيه علشان اجبروا ان يقربلي
الاقيه يحلفلي انوا بيحبني وان انا عين وأولادنا عينوا االثانيه وهو للأسف حاليآ بيسافر بس لمده معينه علشان بيصفي شغلوا لأننا أقمنا في مصر بس السنه دي وهو لسه بيصفي شغله
وبيجي كل شهر ممكن مره ومش قادره اقولك انا قد ايه تعبانه نفسيآ لأنوا عندوا استعداد الخيانه ووالله بدعي ربنا يهديه هو واللي زيوا ويهديني ويصبرني عليه اللهم آمين
وطبعآ مش هتقدري تمسكي عليه غلطه ولا اكلموا حتي وابينلوا
لأن زي ما انتي قلتي مقدرش اعرفوا اني عارفه بالعكس اكون ساعتها شديده الغباء
ميرسي ياساره وادعيلي ربنا يهديه هو واللي زيوا
بصي يا حبيبتي اي راجل يلاقي فرصه ان يخون مش هيقول لا والسبب هيكون من الزوجه او الزوج او من الطرف التالثاللي هوا الشخص الدخيل اللي بيدخل حياتنا ويخرب بيوتنا وطبعا انتي مش مقصره تبقى مش انتي السبب وجوزك برده بتقولي انه كويس يبقى مش هوا السبب مش فاضل غير الطرف الثالث واللي هيا البنت اللي عرفها جوزك ادته وش وادته فرصه واي راجل لو لاقى فرصه مع خبث ودهاء المراه اللي عرفها هتوقعه ..انتي دلوقتي متقوليش لجوزك انك عارفه اي حاجه اوعى تصارحيه لانه كده مخبي عليكي وخايف لتعرفي وتزعلي انما لو قلتليه مش هتفرق معاه بعد كده وهيتمسك بيها اكتر انتي احتوي جوزك على اد ما تقدري حاولي تبوظي جهاز الكمبيوتر امسحي الجافا اللي هيا من غيرها مش هيقدر يدخل الشات والست دي كلميها وقوليلها الراجل اللي بتعرفيه ده متجوز وعنده زوجه واولاد واللي تخرب على راجل ربنا هيغضب عليها ومتقوليش انتي مين وهيا انشاء الله هتبعد بس يمكن تقول لجوزك لو سالك اعملي نفسك ولا تعرفي حاجه لو اتمسك بيها كلمي مامته واخواته وهم انشاء الله هيقفو معاكي ويبعدوه عنها ..انا كنت بعاني من نفس المشكله بس الفرق انه جوزي كان بيخوني وكان بيروح يبات عندهم ودي عيب من عيوب كتيره موجوده في جوزي والخيانه كانت في دمه وحاولت معاه كتير وكل ما اخلص من وحده يرجع يتعرف على غيرها حصلت يعرف 4 او 5 في نفس الوقتويروح ينام عندهم ويقول لكل وحده فيهم اسمي فلان يعني تصوري يكون عايش باربع اسماء اربع شخصيات مع 4 بنات انا حولت اغيره مقدرتش للاسف اهله ناس معندها لا ذمه ولا ضمير وكانو بيشجعوه كمان ..ويقولو الراجل يعمل اللي يعملهميجراش حاجه بيفضل راجلتعرفي انا عملت ايه سيبته براحته يعمل اللي يعمله قلت لنفسي ان احببت شيئا فاطلق صراحه فان عاد لك فهوا لك من البدايه وان لم يعد فهوا ليس لك من البدايه راح عاش حياته وانا كنت بعاني مع اولادي بس استحملت ..بعدها لما سيبته براحته عرف قيمتي عرف اني الوحيده اللي بتحبه وبتخاف عليه بدون ما اكون عايزه مقابل ورجعلي ندمان وتايب ودلوقتي مش بيبص لاي بنت حتى لو كانت ملكه من ملكات الجمال وده لانه مقتنع وهوا عايز كده حولت كل عيوب جوزي وسلبياته لانسان ايجابي يحبني ويحب بيته تعرفي بيقولي ايه بعد كل اللي عملته فيكي ما سبتنيش ليه قلتله لاني بحبك وخايفه على بيتي ……..الخيانه صعبه ..بس خراب البيوت وتشريد الاطفال اصعب حاولي تغيريه وترجعيه ليكي وربنا يوفقكو
أستاذ أمير بجد مش عارفه أشكر حضرتك أزاي
علي أسلوبك وردك بأسلوبك الراقي بس والله انا تقريبآ بعمل اللي حضرتك بتقول عليه انا علي طول ببعت مسدجات لزوجي وكأننا مخطوبين ودايمآ بغير لأن بطبعي مبحبش الروتين والحمد لله بيتي وأولادي علي اكمل وجه لدرجة ان لما زوجي بيجي انا بخلي الآولاد يقعدوا مع باباهم شويه وبعدين يدخلوا علي غرفهم ومحافظه علي جسمي وملابسي حتي في البيت دايمآ بجدد ورومانسيه علي اكمل وجه والحمد لله وزوجي بطبعوا عصبي ولما بيكون في مشكله (ما) بسكت مش برد علشان أمتص غضبوا وأهدي الأمور علي قد ما أقدر
والحمد لله لازم اذكر هو بطبعوا راجل بيت يعني صراحه مش منقص البيت أي حاجه
وساعات وبدون اي مناسبه الاقي داخل عليه ومع اي هديه ليا
ولاكن هي مشكلتي معاه ان حاليآ بيذكرلي ان انا عايشه مرحلة طفوله والمفروض اني كبرت وبرغم عمري 27 سنه وكمان مكلماته مع البنات والنت والله اعلم ايه غير كده
وطبعآ لأني بحبه مقدرش اتحمل ان احس انوا مع حد غيري ولاكن مبينش قوي اني حاسه في حاجات كتير بعديها علشان مخنقهوش ولاكن لما بحس ان الأمور تطورت اكتر في اللحظه دي ببينلوا وافهموا اني حاسه بوجود حاجه غريبه
ولأن مؤمنه بربنا سبحانه وتعالي وعارفه ان الحب من عند ربنا وحده يعني ممكن غصب عنوا يحب حد من اللي بيعرفهم وساعتها هتكون نهايتنا مع بعض لأن انا مقدرش اتحمل
وكمان لما بيكون بيعرف حد انا بحس من معاملته واسلوبوا بيتغير واكيد اي ست متحسش بزوجها في اللحظه دي تبقي متستهلش انها تعيش معاه
وعلي فكره بردوا انا والله بقدر ان الراجل بيجي وقت وبيرجع محتاج لنزوه وخاصة سن المراهقه المتأخره ولاكني خايفه تكون المرحله دي جوزي يستخدمها خطأ ربنا يسترها ويهديه ويهديني اللهم آميــــن
بجد انا طولت عليكم وميرسي جدآآآآ لردكم وأهتمامكم
جزاكم الله كل خير
كلام السيد امير الظلام تمام جدا وهوه المفيد اختى وانا عن نفسى عشت هذه المرحله وبمساعدة زوجتى تجاوزت هذه المرحله فلا تخجلى وتناقشيه دائما بس بشرط وانتم مجتمعين او على فراش الزوجيه
وتم تكونى لبقه بالحديث معه والواضح من كلامك اختى انك على قدر كبير من الذكاء واحتوى زوجك
ودائما حاولى ان تعيشيه بجو الرومانسيه وبقدر الامكان اكثرى من الخروج سويا بدون الاولاد وكانكما لسه مخطوبين وكلميه عن الحب وعن مشاعرك وعن حبك له وخرجيه من روتين الحياه العاديه والشغل والبيت والاولاد وقدمى له الهدايا
ودائما اتصلى به على التليفون ولا حرج من ان تقولى له وحشتنى وكلام الغزل والحب واكيد تعلمى الاوقات التى يكون فيها فاضى او ساعات الراحهوبهذه الطريقه لن تدعى مجال للتفكير فيها
صدقينى كلام عن تجربه شخصيه واسال مجرب
وربنا يديم عليكو السعاده يا رب مع كامل امتنانى لكل الردود
وفى النهايه اقول لكى كلمه زوجك يحبك جدا وهذه نزوه
ميرسي بجد لكل اللي اهتموا وردوا علي مشكلتي
جزاكم الله كل خير
وعلي فكره انا والحمد لله بحب التجديد يعني بهتم بنفسي وانا اللي دايمآ بكسر الروتين علي قد ما أقدر وربنا يقويني ويهديني ويهديه اللهم آميــــــن
وميرسي للأخ زائر كلامك في منتهي الأخلاق
وصحيحة وأمير الظلام جزاكم الله كل خير
أشكركم جميعآ أخواتي في الله والله انا بحاول علي قد ما اقدر ان احافظ علي بيتي علي فكره الست دي للأسف متعرفش عليها عن طريق النت عن طريق مشكله لصاحبه وكان حاضر لحلها وهي قريبة صديقوا للأسف ده عير النت ومشاكله ولاكن انا بحاول ان احل هذه المشكله وبدون خراب لبيتي لأن عندي 3 اولاد وعمري 27 ومقدرش ان اكون انانيه واخرب البيت وفيه أولاد
بجد ميرسي لأهتمامكم وجزاكم الله كل خير
يا اختي كلمي زوجها وقول له فيق زوجتك على علاقة بي زوجي وخليه يرجمها وانت لك الله والصبر عامتا اي رجل عايز يخون لو معندوش ضمير حيخن
لو صارحتيه أو كلمتيها بتخسريه للأبد
لأن العند يورث الكفر
وأستري عليهم سيكرمك الله ويعطيك من فضله
وادعي له كثيراً بظهر الغيب
اصبري معاه يا حبيبتي ودافعي عن بيتك وجوزك انا كنت في نفس مشكلتك وحاربت عشان استعيد زوجي لان واحده مغربية هنا في دبي لفت عليه وضحكت عليه ومفهماه انها مؤدبة والكل عارف سمعة المغربيات في الامارات خاصة دبي بس الحمد لله والله حاربت عشان استعيده والحمد لله حصل وكمان ادعي لربنا لان دعائي لربنا من اسباب نجاحي في استعادة زوجي لان ربنا كشفها له فاسمعي كلامي وما تخربيش بيتك بعد الشر يعني واستعيدي زوجك من المراة اللعوب دي منها للها وحسبي الله ونعم الوكيل عليها وعلى اشكالها خرابين البيوت
الاخت السائله قرأت رسالتك جيدا وواضح أنكى انسانه عاقله وأهلك أحسنوا تربيتك وأيضا زوجك رجل لم تذكرى أن فيه عيوب كبيره غير موضوع النت والشات اللى بينه وبين هذه المرأه التى بينها وبين زوجها بعض المشاكل وطبعا هذا الأمر غلط ومن حقك أن تحافظى على بيتك وزوجك. وكما كنتى عاقله فى موضوع معرفتك بالساعه وزجاجتين البارفان وتصرفتى بحكمه هو أيضا أعترف لكى بالموضوع وأعطاكى الساعه. يعنى اللى قاصد أقوله أنكى حاولى مع زوجك بكل الطرق حتى يعود الى الطريق الصح ودايما فى صلاتك ادعى ربنا يصلح بينكم ويهديكم واستغفرى ربنا وتصدقى للفقراء والمساكين هتلاقى ربنا وقف جنبك وزوجك رجع للطريق الصح.
تفهميها وتكلميها انها صاحبة بيت زيك وانها عارفة معني ان بيت ينهار وفي ه اولاد ولو مش استجابت واجهيه ولو مش استجاب كلمي اهله ومش هيبقي عليكي لوم لأنك كده استنفذتي كل الكروت المتاحة ده حقك وحق بيتك محدش هيحميه غيرك ربنا يسعدك ويحفظلك بيتك وولادك وجوزك من كل شيطان امين يارب العالمين
السلام عليكم
بجد ربنا يكرمك ويزيدك ماشاء الله ادى له باالهدايه ومن الواضح من كلامك انه بيحبك بجد بس ديه مرحله مراهقه متأخرة معلشى استحملى وصدقينى هيرجعلك وحاولى تشغليه بااى شىء قوليله تعالى نخرج نتفسح نتمشى حاولى تناقشيه فى شغله فى امور الدنيا اعملى له جو جديد اخترعى له اجواء مختلفه غيرى من شقتك انقلى الاثاث غيرى اماكنه حسسيه انه فى روتين بينكسر حاولى تخليه يشاركك حياتك صدقينى هوة بيحاول يكسر الملل والروتين بس بطريقه غلط حاولى تتودى لاهله فى الزيارات عند اهلك واهله حسسيه ان حياتكم فى جديد كل لحظة وكل يوم وصدقينى هوة بيحبك ومش عايز يخسرك وانتى كذلك وربنا يوفقك