مشاكل الخيانة الزوجية

تعبت من كلام زوجي مع البنات

أنا عمرى 30 سنه ومتزوجه عن قصه حب كبيره وعندى بنتين لكن مشكلتى انى عارفه ان جوزى بيكلم بنات غيرى انا عارفه انه مش بينام معاهم بس ممكن يوصل الكلام بينهم لحد بعيد انا بجد تعبت وقرفت لما ببص على حالى بلاقى انى مظلومه معاه فى اوضاع كتير زى الماديات وتوفير حياه كريمه ومحرومه من حاجات كتير بشوفها عند أبسط الناس المحيطين بيا بس هو انسان طيب وكريم لما بيبقى معاه فلوس وده قليل جداااااااا وانا راضيه لانى بحبه بس كمان بيخونى دى حاجه قرفت منها وبيبقى نفسى اصرخ واقول كفايه حراااااااااااام كل ما اتخيل انه بيقول كلام حب لواحده تانيه ويسمع منها بقرف منه وابقى عايزه اطلق وابعد بس للاسف ظروفى متسمحش انى اطلب الطلاق لان مفيش بديل وكمان بفكر فى بناتى هيحسوا بايه انا بجد تعبت

مشاكل وحلول ذات صلة

اضيف بتاريخ: Tuesday, April 5th, 2011 في 05:06

كلمات مشاكل وحلول: , , , , , ,

23 رد to “تعبت من كلام زوجي مع البنات”

  1. ابوالبتول
    12/12/2018 at 20:25

    شوفي ياستي مش عاوزك تخربي بيتك وتطلب الطلاق منه فكري في مصلحة ومصير ولادك اصبري واكثري من الدعاء له بالهداية وتاكدي ان ربنا عزوجل سوف يصلح حالكم ويهدي زوجك ويتوب عليه من التصرفات دي المحرمة واللا اخلاقية وبرضو عايزك تهتم بنفسك شويه وتحرصي على الاعتناء بمظهرك وهندامك وتسريحة شعرك ومكياجك قدام جوزك وتكوني رومنسية جدا معه الكلام الحلو والجميل يذوب القلب ويلين الدماغ ويخلي جوزك مايفكرش في احد غيرك ابدا

  2. بتول
    13/04/2014 at 00:46

    انت امراةبلاعقل ولاكرامةازاي تشوفي زوجك يكلم البنات وساكتة دي خيانةياهانم ماحدش يرضاهاابدا الاالمنحط اخلاقياوبلادين اللي يخون زوجته بالكلام يخونهابالفعل منتظره ايه يجيبهم الشقة ويمارس الجنس معهم عشان تتاكدي ايه الهبل والعبط اللي انت فيه ده فوقي لروحك واطلبي الطلاق منه ده انسان مش محترم ولايستاهل العيش معه اطلاقا وربنا بيكرمك بخيرمنه

  3. بتول
    13/04/2014 at 00:39

    ايه اللي يخلي الزوج يبص لغيرزوجته ويتكلم معهن غير اهمالك له ومايحصل الراحةوالسعادةمعك في بيته راجعي نفسك وشوفي الخلل فين وعالجيه قبل فوات الاوان واذالم تقدري اصلاح الخلل واسترجاع زوجك فمن حقك طلب الطلاق لاجل كرامتك وماحدش يرضى بالخيانة اطلاقا

  4. ابواميرة
    19/10/2013 at 15:23

    مسالةانك تعرفي انوزوجك يخونك ويتكلم مع بنات وساكتة دامصيبةاكبرمن اللي هوبيعمله اين كرامتك واين عزةنفسك واين حرصك على بيتك وبناتك من كل اللي يحدث معك اليس من العقل والحكمةان تتطلقي من هالزوج الخاين اوتعيشي معه على حساب دينك وكرامتك ومصلحةبناتك اتقي الله واطلبي الخلاص والنجاةمن عيشةالذل والمهاناة وربك بيكرمك بالرجل الصالح اللي يسعدك ويخاف الله فيك انت وبناتك وفقك الله وسترعليك بالحلال

  5. ابواميرة
    30/11/2012 at 22:17

    انت انسانة مادية همكي الفلوس مش هامك كرامتك كزوجة وام بكل وقاحةتقولي يكلم بنات وساكته يابرودك مستنيه يجيبهم عندك ويمارس الجنس قدامك عشان تتحركي اوتغييري اطلب الطلاق ذاكنت تحافظ عل بيتك ولاكرامتك

  6. امجاد
    11/01/2012 at 02:13

    مش بس كل الرجال اصبحوا كده. .لا البنات اصبح ماعندهم خشا ولا ضمير ويستغلوا الرجال المتزوجين اللى اصبحوا مرتاحين مادياوعايزين يغيروا ويتسلوا. .او يكونوا وصلوا لمراكز وعاوزينهم يساعدوهم فى شغلهم. .والله لا يبارك ابدا لاى واحدة تقلب رجل على زوجته او تخرب بيت والالعن لما المتزوجات هن اللى يسووا هيك شغلات قذرة. . بس اشوف ان ها الزوج ما راح يطلق ولا يتزوج. .اذا وقعتى على دليل ملموس هدديه بالطلاق والفضيحة وابتعدى عنه لفترة حتى تتأكدى انه بطل اما اذا كان ما معك دليل فاصبرى وادعى بس برده طنشيه وحسسيه انك شاكه بلا مطاردة ولا تطف

  7. محب الحنين
    20/12/2011 at 22:27

    الله يهدي زوجك وانتي تكلمي معا بصورة هادءى وذكري بخوف الله عسى الله ان يرجع للجادة الصواب

  8. elnsr
    02/11/2011 at 18:25

    الاخت العزيزة….في حاجة ناقصة عندك .المنزل لابد ان يكون نظيف وهذا عنوان الزوجة وليس الزوج مسئول عن المنزل .ولكن هل انتي تعضي الزوج حقه من التغيير اليومي الملموس والمحسوس .حاولي ان تفهمي زوجك الرجل منا يريد ان ياتي الي المنزل ويري كل شئيء جميل من الاولاد .الزوجة .المنزل . ولا تفتحي اي موضوع حتي تعرفي مزاج زوجك واعرفي متي الكلام يقال ومتي لايقال (اهتمي بالمظهر الداخلي والخارجي..وحسن الكلام ماقل ودل).. والله ولي التوفيق

  9. سلمى
    26/09/2011 at 22:26

    انتى قدامك حل من الاتنان وانتى الوحيدة اللى تقدرى تقررى انتى عايزة اية تكملى معاة وانتى راضية وستحملى الوضع دة وتحولى تنسى وتربى بناتك وتدعيلة بالهداية او تنفصلى عنة

  10. الحيرانة
    21/09/2011 at 12:48

    انا زيك عرفت انة بيعرف بنات كتير واجهتةوكذب على وقال محصلش اعمل ايةلو حد عندة حل يقولى وزيادة على كدةمش بيهمة انى زعلانة ولا فرحانةمطنشنى على الاخر وانابتعذب مش عارفة اعمل اية

  11. نور الهدى
    30/07/2011 at 21:26

    صلى ركتين فى ظلمه الليل وادعيلو ربنا يهديه واكثرى الدعاء فى رمضان وبدام مفيش ضرب ولا سب ليه تزعلى كلهم كداالله يسامحهم وعلى فكره دى دناوه ليه عندى الحلال ويكلم الحرام

  12. همس
    07/07/2011 at 04:11

    حقيقى انا حاسه بيكى جدا تعرفى كمان ان فى ازواج فوق كده كمان لو مجرد انك بينتى انك متضايقه من حاجه ذى دى هو الى كمان بيزعل شوفتى قمة الظلم انك تنجرحى وتموتى وكمان مش عندك الحق انك تصرخى وربنا يهدى جميع ازواج المسلمين

  13. زوج مُعذب
    20/04/2011 at 23:47

    اولا اوعى تواجهيه انك عارفة. لكن اجعليه يشك انك تعرفى بإستمرار.
    وبعدين لازم تشوفى ايه اللى بيلاقيه فى غيرك ومش موجود عندك! واكيد هاتلاقيه الحديث فى الجنس. طيب ما انت اولى من غيرك انك تتكلمى معاه فى الجنس على التليفون مثلا. واكيد هو وقتها هايجى ليكى او على الاقل هايفهم انك عارفه اللى بيعمله وينكسف على دمه

  14. ربنا يهدى
    11/04/2011 at 16:52

    المشكلة مش فى عدم تقصير الزوجة المشكلة ان كل زوج عاوز يحس انه مرغوب الزوجة اللى فى البيت بتحسسه بالرغبه وده بالنسبه له طبيعى لانها مراته لكن الشيطان دايما بيزين له الحرام وعلى فكره انا بعانى من نفس المشكله وواجهت زوجى بمااعرفه ولم اجد سوى الاهانة والضرب واتخذت قرارا بتجاهلى له واعيش معه بالدعاء له بالهداية لانه لمابيحس انى متضايقة بيعند ويزيد فيها يمكن ك\ده ربنا يهديه وربنا يصبر قلبى وقلبك

  15. randoudy
    11/04/2011 at 12:44

    واجبه بهدوء و اتكلمى معاه و فكريه بحبكم و مشواركم سوا طول السنين اللى فاتت و انكم ماتقدروش تستغنوا عن بعض و انك بتحبيه أوى و بتغيرى عليه و انكم يمكن بعدتم عن بعض و انشغلت بالأولاد عنه و انك غلطانة و حاولى تجددوا حياتكم و تخرجوا مع بعض تستعيدو ذكرياتكم قبل الزواج و حاولى تتكلمى معاه بالأسلوب اللى بيحبه و ما تحسسهوش بقلى الفلوس و انك مبسوطة و سعيدة معاه و الحمد لله و حاولى تجددى فى نفسك و تكلميه على طول و تطمنى عليه و كمان اعملى شات معاه على النت ، أنا بجد بعمل كده و كذلك قمت بارسال رسالة للبنت اللى بتكلمه على الشات و فهمتها ان دة عيب و ان زوجى بيحبنى و ما يقدرش يستغنى عنى و انها بتضيع وقتها و بعد ما واجهت زوجى و فكرته بحبنا صدقونى ندم و اتغير تماما و قطع علاقته بالبنت ديه و رغم بعدنا أحيانا بسبب ظروف حملى الا انه على طول يطمئن على و يفسحنى و يعزمنى على الغداء بره أنا و ابننا و اهتمامه بينا فوق العادى و كمان بيكلمنى على طول و يعطينى خط سيره و يقوم بأخذ أجازات من العمل ليقضيها معنا احنا و بس و يغلق محموله حتى لا يزعجنا أحد و يغمرنى بالهدايا و يحكى لى تفاصيل عمله لذ أقول لكى حاولى تقربى من زوجك و تشعريه أنه كل دنيتك و حياتك و ربنا يوفقك

  16. ام محمد 22
    09/04/2011 at 03:38

    انا من راى ان الصبر مطلوب ولازم تصبرى على زوجك وتحافظى على بيتك وما تهديميش حيانك واحسن حل اتجهى لله سبحانه وتعالى وصلى بالليل وادعى ربنا يهديه وانه يصرف عنه كيدهن ويجعلك اجمل واغلى امراة فى عينه ويسخره لك كما سخر البحر لموسى

  17. الشافعي
    08/04/2011 at 02:19

    ياجماعة النساء ارجاء الواحدة منكم تصرخ بعد ما تهمل زوجها وتقول بيتكلمك مع البنات انا لست مويدا ولاكن الواحدة تراجع نفسها تشوف جوزها بيحب اية وتعملة وتحاولوا تخلوا ازواجكم يشوفوكم دائما بشكل جديد وغير ملحوظ وخاصة اوقات الراحة او النوم حاولي مرة تعاكسية في التليفون حاولي تعرفية انك عارفة تحركاتة

  18. رومانسى
    07/04/2011 at 16:57

    انتى لازم توجهية وتاخدى موقف كمان ووقت ماتحسى انك عاوزة تصرخى اصرخى وعيطى فى حضنة دة مش عيب. بصى هاتية مرة بالحنية والحب وانك عوزاة ليكى لوحدك ملكك انتى لوحدك ودة اقل حقوقك.. بس اصبرى.. ومرة بالشدة والعنف والزعل .. وربنا يصبرك ويهدية. صلى وادعيلة بالهداية ادامة علشان يعرف انتى اد اية بتحبية..

  19. safout
    06/04/2011 at 15:19

    ربنا يصبرك ويهديه
    وان شاء الله ربنا مش هيهينك ابدآ لانك راضيه ولو حتى بالقليل

  20. الواحد زهق
    06/04/2011 at 13:36

    واجهيه ولو متغيرش يبقي كلمي اهله يكلموه متغيرش كلمي اهلك يعقلوه متغيرش اطلقي منه

  21. عاشق القمر
    05/04/2011 at 18:06

    السلام عليكم اختى الفاضله . ما دليلك ان زوجك يخونك ماهذا ألا وسوسه شيطان فستعيذى بالله وادعى له ولنفسك بالهدايه

  22. ام البنات
    05/04/2011 at 16:58

    السلام عليكم ورحمه الله وبركاته
    اختي السأله
    للاسف دي مشكله النساء العرب الاعتماد علي الرجل اعتماد كلي وعندما يحدث اي شيئ تقول لان اجد من ينفق علي انا والاولاد ولكن اذا كنتي لا تستطيعي الاستمرار مع من يخونك وتشعرين بلاقرف منه!
    فأدعو الله لكي ان تجدي عمل تعيشي منه انت وابناك بكرامه

  23. سيدة الورود الراقية
    05/04/2011 at 11:10

    حبيبتي الله يكرمك علي اخلاقك ويصبرك
    بس عايزه اقولك والله معظم الرجاله بقت كده انا نفسي زهقت من تصرفات جوزي مع البنات
    بس ايه الحل نخرب علي أولادنا ونطلع نفسيتهم وحشه ولا نتحمل وندعيلهم بالهدايه
    انتي بس اهم حاجه متقصريش في حاجه متبينيش علي اي حاجه واهتمي بنفسك وبيتك وبناتك وغيري من نفسك قوي والأهم من ده كلوا وانتي بتصلي ادعيلوا دايمآ بالهدايه وصدقيني ربنا سبحانه وتعالي عالم بينا وان شاء الله هيديهم عن قريب
    وعلي فكره بردوا انتي مذكرتيش فيه اي حاجه اوعيوب غير ان بيكلم البنات يعني صدقيني احسن من ناس كتير ربنا يهديهولك ويكرمكم اللهم آميــــــن

اترك رداً أو حلاً لهذه المشكلة