مشاكل الخيانة الزوجية

الخيانة الزوجية دمرتني وحرمتني من الانجاب

السلام عليكم ورحمة الله وبركاته

هحكيلكم قصتي واتمنى ان القى عندكم سعت الخاطر

انا انسانة ملتزمة وعارفة ربنا الحمد لله من سن 14 سنة فوجئت بالعرسان بيتقدمولي كنت بارفض وكنت باستغرب ازاي يتقدمولي وانا لسا طفلة المهم فضلت ارفض لغاية سن 17 سنة في السن ده كانت ولدتي زهقت من القصة ان كل مرة يتقدملي عريس وارفض هي معزورة كانت عايزة تطمن عليا المهم سبحان الله اول مااتقدملي الي دمر حياتي ماكنتش مرتاحة وكنت مصرة عالرفض بس ماحدش سابني في حالي كل العيلة اتحالفو لغايت ما رضخت لضغطهم الحمدلله كل شيء قسمة ونصيب بعد سنتين خطوبة فتحت عيوني لقيت نفسي زوجة اتزوجت من غير حب وانا اصلا ماكنتش مهيئة للزواج قبل الزواج ديما كنت بقول لصحباتي ازاي البنات بتعمل علاقات ازاي هيقدرو يبصو في عيون الي يكونو من نصيبهم

المهم بعد الفرح و في ليلة الدخلة حكالي عن قصة حبه الي دامت 5 سنين من بنت اجنبية وان اهله هما السبب في فراقهم بس فهمني انه نساها خلاص وانه سعيد وفخور انه اتزوجني انا قبلت بالامر الواقع وحمدت ربنا وابتديت اتعود عليه وفعلا حبيته وكنت باعمل كل واجباتي وبحاول اسعده وبعدها شوية شوية اكتشف عيوبه الي باعتبرها اسوء العيوب الي مش ممكن اتقبلها انه بيشرب خمرة ومبادءه غير مبادئي اتصدمت وقررت وعاهدت نفسي اني هكون سبب في تغييره للاحسن كان تغييره بيشكلي تحدي كبير المهم بعد سنتين طلب مني انه نفسه يكون اب واكدلي انه لما هيكون اب هيتغير للاحسن الحمدلله ربنا اكرمنا وحملت بعد ماعرف خبر حملي كان هيطير من الفرح ابتديت احس انه بعد عني سألته انت ليه مابطالبنيش بحقوقك كزوج اجاب ساعتها انه خايف عالبيبي المهم احترمت فيه ده بس حسيت ان الحكاية طولت معاه حاولت اعرف منه عمره ماجاوبني وابتدى يسهر برا البيت ومابيجيش الا وش الصبح بس كنت حاسة انه بيحبني

مرت التسع شهور ربنا انعم علينا بطفل زي القمر هو كان زيه زي اب فرحان بابنه الاول كنت باسال نفسي ياترا بعد ماتنتهي فترت النفاس حياتي معاه هترجع زي زمان ولا لاء

وفعلا مرت فترت النفاس والراجل لسا بعيد ومش هامه ابتديت اشك وباسئل نفسي ليه وباسئله عمري ماككنت بلاقي اجابات اكيدة كلها كانت شك كنت باكتم في نفسي خايفة اتكلم معاه في الموضوع واجرحه خفت تكون عنده مشكلت عجز فقررت اصبر بس

صبرت 4 سنين ونص لغايت ماابتدو اهله يلاحضو عليه الكتيرو الافراط في الشرب وكثرت الحوادث الي كان بيعملها كان كل مرة بنجى منهم باعجوبة كانه كان بينتحر المهم اهله استفزوني بكلامهم فاضتريت ساعتها بس وبعد 4 سنين ونص من حياة زوجية خالية من اي جماع بيني وبينه مع اني حاولت اتقربله كتير بس من غير فايدة المهم لما حكيت لمماته مش عارفة لراحت معاه اتعالج كله كان بينه وبين مامته ورجعت العلاقة زي الاول واحسن وكان بيتمنى الطفل التاني ياريتني مارجعت ياريتني طلبت الانفصال بعد اول سنة

بعد مارجعت علاقتنا لطبيعتها ابتديت احس بالم في اسفل البطن ومرة وقعت عالارض ماحسيتش بنفسي الا وانا في المستشفى جاني الدكتور بعد\ ماعملت الفحوصات قالي انتي متزوجة قلتله نعم قالي للاسف انتي عندك عدوى جنسية اتمنى ان العدوى يكون ليها علاج

فطلبو منا فحوصات للايدز لالتهاب الكبد القاتل و..وووو.

انهرت وفكرت في ابني وفي ولدتي وحمدت ربنا وبكيت بحرقة هو طلب مني اني اسامحه قالي لو كان في عدوى يبقى انا الوحيد المسئول سامحيني سامحيني انا تحت تاثير الخمرة خنتك فسافر وسابني لوحدي انا وابني بعد شهر من الانتضار والعزلة جاني اتصال من المستشفى الحمدلله بشرتني الدكتورة انها عدوى ليها علاج ففرحت وحمدت ربنا وسجدت شكرا ليه سبحانه وتعالى ىفي اللحضة دي نسيت كل الالم والجرح الكبير اتصلت بيه وبشرته وطلبت منه يرجع عشان ياخذ العلاج بس كنت طالبة منه الطلاق المهم اخذنا العلاج ورجعنا عملنا فحوصات عشان نتاكد ان الفايرس زال نهائي الحمدلله العلاج قضى نهائي عالفايرس هو ندم كتير وشفت في عيونه ندم وانكسار وابتدى يصلي ووعدني انه عمره ماهيشرب الخمرة ولا هيعرف شلة اصحاب السوء تاني في الوقت ده كنا عايشين سوى في البيت بس انا في اوضة وهو في اوضه تانية شفته بيصلي وشفته بيطلب الغفران من ربنا وتاب بالفعل كلمني كتير اني اتراجع عن قرار الانفصال عشان ابننا فقلت ربنا غفور رحيم وهو دلوقتي تاب نعم سامحته وعشنا حيات سعيدة الى حد ما بس كنت لسا بحس بالم رجعت للدكتورة طمنتني قالتلي مفيكيش حاجة وكل الفحوصات بتأكد اني سليمة دخت السبع وزخات فضلت سنتين وانا من فحص لفحص على فكرة العلااج كان في اوروبا الدكاترة احتارو في حالتي وبعدها قررو يعملولي منضار في مكان الالم فعلا عملته وانا لسا باصحة من المخدر باسمع الدكتورة بحتكي لزوجي قالتله بالحر ف للاسف على حسب الي شفته عالشاشة مارتك مش هتخلف ابدا وانا لسا تحت تأثير البينج سمعتها ايوا سمعتها هو كانه نزلت عليه صاعقة بالفعل الفايرس خرج من جسمي بس سابلي اثار التهابات جسيمة اتسببت في تكيس المبايض وانسدادها ومن ساعت ماسمع الخبر احساسه بالذنب خلق فجوة كبيرة

المهم قررنا نروح لدكتور جراح كبير عشان يعملي عمليت تنضيف المبايض الحمدلله عملت العملية ونجحت وبعد كام اسبوع رجعت اسمع نتايج الفحوصات الحمدلله الجراح اداني امل كبير اني اكون ام للمرة التانية بس مش طبيعي يعني ممكن اطفال انابيل او التلقيح

المهم كنت راضية وفعلا رحنا للمختصين فاعملنا فحوصات كتيرة عشان يعرفو ان كنا موهلين لعملية زي دي ولا لاء في يوم كان عندنا موعد عشان نسمع الرد اه ام لاء بس للاسف يومها عرفنا نتيجت ابننا المدرسية للأسف رسب اكيد مشاكلي الصحية هي الي اثرت عليه بسبب المشكلة دي حصل بينا خصام زعلت منه جامد قلتله انا كنت تعبانة بسبب تهورك وانت كنت فين لما ابنك رسب؟

فبسبب المشكلة مارحناش نعرف نتيجت الفحوصات لا هو اتصل عشان يعتذر او يغير الموعد ولا انا كمان اتصلت بعدها كلمته كتير في الموضوع كان بيقولي انشاءالله

استنيت 3 سنين بعد العملية بس ولا هامه فرجعت ريما لعادتها القديمة ابتدى كل مايشوف حد خلف يروح يسكر لما لقيته كده طلبت الطلاق واديني ماشية في الموضوع وهو لسا عايزني اكمل معاه مشوار التنازلات بتاعي يارتني اخذت القرار ده من زمان الحمدلله على كل شيء اتمنى اني ماكنش تقلت عليكم وانا مستنية اسمع ارائكم وشكرا

مشاكل وحلول ذات صلة

اضيف بتاريخ: Thursday, October 28th, 2010 في 05:29

كلمات مشاكل وحلول: , , , ,

30 رد to “الخيانة الزوجية دمرتني وحرمتني من الانجاب”

  1. ابوالبتول
    21/11/2018 at 08:21

    عزيزتي صاحبة المشكلة عاوزه الصراحة انت غلطانة جدا في حق نفسك واهلك بالسكوت على هذا الوضع المشين مع زوج فاسق خاين وبتاع خمرة وسهرات مع رفقاء السوء الى اخره كان يفترض انك تواجهيه امام اهلك واهله بتلك المصايب اللي يعملها ولاتضع راس في التراب مثل النعامة سكوتك الغيرمبرر ده خليه يتمادى في خيانته لك وادمانه على شرب الخمرة والله ستر عليك والا كنت سوف تصابي بالايدز فعلا من جراء علاقاته المحرمة مع العاهرات والساقطات قد تكون معذورة في انك خايفه على ابنك الصغير لكن طلاقك من هذا الحيوان السافل هو الامان الحقيقي لك ولابنك لانو الولد مصدوم وخايف من تصرفات ابوه السكير وده ياثر عليه وعلى حياته عندما يكبر قد يقلده لانو الولد ياخذ طباع ابوه ويقلده في كل شئ لازم تحمي ابنك الصغير من هذة السلوكيات المحرمة اللي ابوه يعملها والدين والقانون في صفك لو طلبت الطلاق منه لرفع الضرر عنك وعن ابنك وربنا بيكرمك ياستي بالزوج الصالح اللي يراعي الله عزوجل ويقدر الحياة الزوجية ويصونها ويسعدك معو طوال عمرك اياك ان ترجعي له مهما كانت الاسباب واسرعي في اجراات الطلاق والخلاص منه مع الزامه بالنفقة للولد فده حقه ولاتفرطي في تلك الحقوق لابنك و ربنا يسترعليك ويبارك لك فيه ويعوضكم خير ان شاء الله

  2. ابوالبتول
    30/08/2017 at 20:19

    اختي العزيزة انت واهلك تسرعتم في القبول بالزواج من هذا الشاب مدمن الخمرة ولم تسالوا عنه ولاعن دينه اواخلاقه وسيرته تمت الموافقة عليه وهاانتي تدفعين الثمن غالي من عمرك وشبابك مع هذا الزوج السكير مدمن الخمرة كان حري بك منذ البداية وعندما عرفت انه يتعاطي الخمرة ومدمن عليها ان ترفضي الاستمرارمعه وتطالب بالطلاق منه لكنك لم تفعلي كنت تاملين في تغيره اوصلاح حاله وانت مخطئة في ذلك فعمرو لن يتركها او يبطلها وماخفى كان اعظم اضافة لشربه الخمرة لانستبعد انه يعاشر النساء الساقطات وانت صبرت عليه طوال 13سنة وانت ادرى به من غيرك من الناس فان كنتي ترين انه ممكن يتغير للافضل ويتوب فعلا من شرب الخمرة ويقلع عنها ويترك رفقاءالسوء فهذا هو المامول منه والا فلاخيار امامك سوى الانفصال عنه وربك بيعوضك ويكرمك بخير منه بالزوج الصالح اللي يخاف الله فيك ويقدر الحياة الزوجيةويصونها ويسعدكي في حياتكي القادمة وان كنت اتمنى انكي لاترجعي له ولازلت عند رايي ولك حرية القرار والسلام ختام

  3. لولا
    25/12/2011 at 19:32

    انا بجد معجبه بيكى جدا وانتى مثل يشرف لكل امهات مصر ربنا يحرسك ويكرمك وتشوفى ابنك حاجه عظيمه وانتى ربنا مديكى طقه كبيرة وقوه تحمل بسم الله وانا من رايا انك تطلقى منه لكن فى حاجه اذا ربنا كرمك واتقدملك واحد كويس واخلاقه كويسه ومتدين وهيربى ابنك وافقى عليه عشان مضيعيش حياتك هدر وعشان تحمى نفسك من الفتن ومن كلام الناس وانا بتمناتلك الصحه والسعاده فى حياتك وربنا يوفقك

  4. صابرة
    06/09/2011 at 00:51

    ربنا يعوضك ويباركلك في بنتك اختي المحترمة

  5. امل
    16/01/2011 at 18:49

    اختي الفاضلة

    انا حاسة بيكي اوي ربنا يعوض صبرك خير ويرزقك بابن الحلال الي تستهليه ويعوضك عن كل المعانات الي عشتيها مع زوجك ويارب يرزقك الطفل التاني الي بتتمنيه عشان انتي انسانة محترمة وبتستاهلي كل خير اما زوجك ربنا يهديه وحاولي تنسيه وبصي للمستقبل وانا واثقة انك هتكون احسن وربنا يباركلك في ابنك وتشفيه احسن ابن في الدنيا……

    باسال كل المشاركين بالدعاء لها بهذا الدعاء(اللهم اجيرها في مصابها واخلفها خيرا منه)

  6. التائب
    15/12/2010 at 16:08

    ارجوك يا اختى فى الله ان تسامحيه لان هذه التجربة يمر بها الكثير من النساء و ينجو منها من عفا الله عنه و سيكون باذن الله احسن زوج لان الغفور و الرحيم هو الله ارجوك ان تسامحيه ، اقسم لك بالله اننى اكتب لك و انا ابكى ، رحمة بهذا الرجل حتى لايفقدك و يفقد ابنه و نفسه

  7. #########
    22/11/2010 at 20:35

    اختي انتي اتخذتي القرار الصائب بعد ما استنفذتي كل محاولاتك في اصلاح هذا الزوج الضال
    اسأل الله ان يجيرك في مصيبتك وانن يخلفكي خيرا منه

  8. elsupper
    13/11/2010 at 23:02

    اختى الكريمة مع سماعى لمشكلتك ارجو من الله ان يحتسبك من الصابرين والتمس من اسلوب كلامك طيبة القلب واتضح ان زوجك يحبك مع كل ما فعله لعل الله رزقكى به لتكونى سبب فى هدايته لا تياسى اختى الكريمة فان القلوب بين اصبعى الرحمن يقلبهما كيفما شاء ولا تبعدى ابنك عنه حاولى تانى لعل الله يكتبلك السعادة وعفا الله عما سلف ودعى التفكير فى الانجاب لله واحمدى الله على ما رزقكى اختى انصح بالتقرب الى الله وانه عندما يراكى سيحن قلبه ويتغير واتفقى معه اذا رجع للخمور تانيا او سهر برة البيت انكى سوف تذهبى لبيت اهلك اعطيه فرصة اخيرة وحاولى ان تعملى جو له لكى ينسيه السهر واصحاب السوء حاولى تغيير مفروشات المنزل حسسيه بجديد اذا ممكن حاولى تغيرى مكان السكن حاولى جذبه الى القنوات الدينية والله انا حاسس ان فى امل كبير وربنا يوفقك لكل خير

  9. صاحبة المشكلة
    13/11/2010 at 17:13

    اخواني اخواتي.

    اشكركم جزيل الشكر على ردودكم ودعاوتكم انا جد سعيدة بيكم

    احترم كل ارائكم ومتفهماها جداااا.

    في بعض الردود بتايد الطلاق ودي بترفع من معناوياتي وتدعمني لاني بجد وصلت معاه لطريق مسدود من ناحيتي انا حاولت اني اخلي زواجتي تنجح حتى على حساب سعادتي يمكن عشان ابني انا ام والام تضحية.
    وصلنا(الله يهديه) لحالة من التعاسة مايعلم بينا الا ربنا لدرجت ان ابني كان بيهزني جامد اوي ويقولي لازم ياماما نخرج من البيت ولازم تطلقي منه.
    ابني كان شايف مدا المأسات الي انا عيشاها ابني ياناس تعبان نفسيا بسبب باباه
    ديما خايف منه لما كان بييجي سكران ويعملنا ازعاج في نصاص الليالي.
    ابتديت اشوفه بيستخبة تحت السرير اول مايسمع ان مفتاح الباب بيفتح اول مايدخل باباه البيت حتى ولو ماكانش هو سكران.
    قالي مرات كتيرة انا بكرهه قلهالي وهو عنيه مليانة كره لباباه.
    كنت بقوله مايصحش ده باباك كده ربنا هيغضب منك ومش هتخش الجنة .
    المهم ابني مبصوت اوي من قرار الانفصال لانه بجد عمره ماحس ان ليه اب بجد انا كنت ديماماماه وباباه .
    اما بخصوص بعض اراء بعض المشاركين الي بينصحوني احاول اصبر واكمل عشان الطلاق حاجة صعبة وخاصة اني لسا في عز شبابي اقولكم يااخواتي اني انا كمان زيكم ورأيي من رأيكم بس مش مثل حالتي .
    انا بالرغم من اني باطلق الا اني بانصح اي زوجة بتفكر في الطلاق بعدم اتخاذ قرار زي ده
    صراحة صعب اوي وحدة لسا شابة تعيش وحيدة وخاصة ان المجتمع كله بيبقى مركز معاها وضالمها حتى ولو كانت محترمة
    انا قررت اكمل لابني وبس كرهت الزواج مرة تانية وخايفة اعيد التجربة تاني مع اني في شغلي كتير ناس اول ماتشوفني بيسألوني ان كنت متزوجة فبرد عليهم بنعم مع اني بانفصل والقضية ماشية
    وانا مع ابني شافتني ام لشاب افتكرتني لسا بنت وابني افتكرته اخويا الصغيرههههههه
    قالتلي اانا ليا ابن ديما مشغول ومالوش وقت ابدا يتعرف على بنت بغرض الزواج ولا ليه وقت يروح حفلات ومناسبات فكلفني اشوفله بنت ناس محترمة ومحجبة كده زيك .
    قلتلها ياخالة انا متزوجة من 13 سنة وده ابني هههه
    اتفائت اوي وقالتلي بم الله ماشاء الله والله مش باين عليكي ابدا
    صراحة اقولها ايه دي واي حد بيسألني بقوله انا زوجة وام
    بابعد اي حد بيحوال يتقرب مني والسبب انتم عارفينه اكيد ادعولي ربنا يعيني ويقدرني اربي ابني تربية حسنة واساعده انه يتخطى مشكلته النفسية الي بيمر بيها
    اما باباه الله يهديه لسا متمسك بيا بس مش راضي يتغير
    عايز يسهر ويشرب ويرجع وش الفجر ويلاقي زوجته مستنياه وهي مبتسمة عشان يكمل متعته …………
    فانا من يوم مااتزوجنا وهو عارف انه لو كان سكران عمره مهينولني حتى ولا عاملني بارهاب
    مع ذالك كنت مابحلالوش الا وهو شارب ياما مرت عليا ليالي وهو بيمارس عليا الارهاب بافضل طول الليل باتهرب منه والصبح باصحى بدرييييييي اوييييي عشان اودي ابني المدرسة واروح على شغلي
    ادعولي يااخواني معلش انا دوشتكم بمشاكلي اعذروني

  10. احمد
    11/11/2010 at 01:24

    الطلاق هو الحل انجي بنفسك قبل ماهو يضلك وياءزيكى وربنا يرزقك باحسن منه بس خليكي مع ربنا وربنا هيكرمك وبشر الصابرين ربنا يحفظك ويعوضك كل خير في الدنيا والاخره والله المستعان استعيني بالله في حفظ الله

  11. زوجة مصرية
    10/11/2010 at 10:02

    اصبرى على زوجك يا عزيزتى فالطلاق تجربة مرة جداوانتى مازلتى شابة وانا شايفة ان جوزك بيحبك وانا متأكدة ان ربنا هيهديه بس ارمى كل اللى فات ورا ضهرك وبصى لابنك واحمدى ربنا عليه واعرفى ان الاولاد رزق من ربنا وجوزك عنده استعداد للتوبة فلا تحطميه يمكن يكون سبب لدخولك الجنةوباقولك مرة تانية تجربة الطلاق مرة جدا سواء عشتى بعدها وحيدة او تزوجتى ويا ريت تصلى صلاة استخارة لعل الله ان يهديكى الى الطريق الصحيح
    وكان الله فى عونك.

  12. صلوا على نبيكم محمد
    09/11/2010 at 00:01

    على العموم الله يكون فى عونك يا اختى والله انا مبحبش انصح بفكرة الطلاق ربنا ما يجعلنا من خرابين البيوت لكن طبعا انتى حاسه بزوجك اكثر مننا وعندك خلفيات ثانيه عنه ولو انتى شايفه انك لن تتحملى اكثر من ذلك يبقى الحل بيدك

  13. نهلة
    07/11/2010 at 23:44

    الاخت مسلمة ,سبحان الله انك بدافعى عن شخص زانى شارب للخمر وبتحضى صاحبة المشكلة انها تكمل معاه حياتها ,هو المسلم بيدور على شريك الحياة الصالح اللى يعينه و لا اللى يوديه جهنم ؟!!مفكرتيش راجل زى ده حيكون اب ازاى ومثل اعلى لطفل لسة بيتعلم الصح و الغلط من امه و ابوه؟
    وبعدين حرام عليكى تتهمى الست انها هى السبب فى رجوعه للادمان و تتوقعى بلا اى مبرر انها تلومه وتدمره نفسيا ,و حتى لو افتراضك صحيح ,هو الانسان الكويس بيعالج مشاكله بالخمرة؟!!ده اكبر دليل انه لسة متصلحش من جواه و انه على حرف .
    عاوزاها تفنى عمرها عشان اصلاح شخص ليه ,ليه تفنى قدرتها على العطاء مع شخص ولما ابنها يحتاجها يلاقيها ام مهشمة محطمة لا تقدر له على شىء ,انا متأكدة ان هذه السيدة الفاضلة قادرة انها تبدأ حياتها من جديد وتبدأ رحلة عطاء لكن فى ارض خصبة ستؤتى بثمر ونصيحتى لها ان لا تلغى ابدا نفسها من ضمن اولوياتها

  14. صاحبت المشكلة
    07/11/2010 at 15:57

    باختصار انا مش حاسة معاه بامان .
    هل بعد ماانعم عليا ربنا بالشفاء اروح اسلمه نفسي عشان يعديني تاني هو بينام احيان كتيرة برا البيت وانا ام لازم صحتي امانة ولازم احافض عليها عشان اقدر اربي ابني وخاصة ان ابوه مش هامه حاجة الا شرب وسهر

  15. صاحبة المشكلة
    07/11/2010 at 15:52

    اخواني اخواتي في الله اشكركم على كل مشاركاتك
    اختي مسلمة
    انا ماخذتش قرار الانفصال الا بعد ماعملت عملية كبيرة كنت هروح فيها وصبرت عليه بعدها 3سنوات عمره ماقالي يالله نروح نجرب اطفال انابيب مع انه كان ديما بيقول انا نفسي فطفل تاني . هل صعب يوقف معايا عشان الطفل التاني؟؟
    هل الهروب للسهر وشرب الخمور ونوم برار البيت اسهل من انه يوقف جنبي؟؟؟؟؟؟ ويحاول يعوضني عالاربع سنين الي كان فيهم بعيد عني والست سنين الي كنت فيهم تعبانة اوي بسبه يااختي الي ايديه في المية مش زي الي ايديه في النار
    مش مهتم باحاسيسي كان ديما بيشوفني بدمع اول مابشوف صورت طفل عمره ماحس بيا
    الصورة الي كانت بتيجي على بالي ان بعد ما يفوت عليا فرصت الانجاب مرة تانية يقول انا لازم اتزوج عشان نفسي في اخوان لابني وخاصة ان اهله كلهم بيزنو عليه انه يتزوج وحدة تانية هما مش عارفين مين السبب في عدم الانجاب وهو ساكت مع انه ديما بيسمعهم بيلقحو عليا كلام
    وانا صراحة مش عايزة افني حياتي مع راجل بياخذ بس من غير مايدي
    ادمان ووقفت معاه لغايت مااتخلص منه
    يااختي هو خلاص اتعود على صبري وطيبتي معاه ومبقاش هامه كانه مطمن اني عمري ماهاتخلى عنه
    في الايام الاخيرة ابتدت تجيني اعراض الم في القلب بسب احساسي بفشلي في تصليحه انا خلاص استسلمت وهسيبه لوحدة غيري يمكن تقدر عالي ماقدرتش انا عليه

  16. محمود عبدالله(صحفى)
    06/11/2010 at 06:50

    اخوكى فارس الكلمة ابغض الحلال عند الله الطلاق ولاكن فى موضوعك افضل حل هوة الطلاق وخلى بالك من ابنك ربنا يعوضك فية خير وربنا يسامحنى لاكن دة راى شارب الخمر ملعون وحاملة ملعون وشارية ملعوت وصانعة ملعون

  17. صلوا على نبيكم محمد(مسلمه
    06/11/2010 at 03:11

    يعنى يا اختى بعد ما ربنا هدى زوجك و اصبح يصلى وندم بسبب هذه المشكله التى حدثت لكى تتراجعى عن صبرك حتى يا اختى اذا لم تنجبى بعد ذلك احمدى ربك انك معك طفل واحد ذى عشرة متعقديش نفسك وتشعرى زوجك دائما بالذنب انه السبب فيما حدث لكى اعتقد انه بسبب لومك له دائما وشعورة بالذنب ناحيتك خصوصا عندما يسمع بخبر حمل احد من معارفكم يشعر بتانيب ضمير ولذلك يحاول ان ينسى ويحطم نفسه بشر الخمر رج لعادته القديمه حاولى تتقربى منه وانسى موضوع لانجاب لانه بيد الله وحده حتى ان كنتى سليمه ولم يريد الله لكى زريه لن يعطيعى وان كنتى لا تنجبى واراد الله لكى الانجاب ستنجبين اصبرى يا اختى واحتسبى اجرك عند الله وذى ما قدرتى تغيريه المرة الاولى بصبرك غيريه ثانى ولا تلوميه ابدا انه السبب

  18. صاحبت المشكلة
    06/11/2010 at 01:36

    اخي وحيد انا بخير ونعمة الحمدلله انا مرتاحة وراضية وخاصة بعد ماشركتكم مشكيلتي وبعد ماسمعت ردودكم الحمدلله احسن بكتير

  19. وحيد فى دنيتى
    06/11/2010 at 01:15

    ربنا معاك يااختى ويهدي لكى عيشة هنيه جديده من عنده وقولى يارب بس لانه هو اللى عنده الحل وياريت تطمنينا عليك فى اقرب وقت يارب يارب يارب يارب

  20. om moody
    04/11/2010 at 16:30

    انتي صح اتطلقي وانسي وعيشي وابتدي حياه جديده لو ربنا كتبلك مع انسان بيحبك وبتحبيه واسعدي مفيش حاجه مستاهله واحمدي ربنا انها جت على اد كده.

  21. صاحبة المشكلة
    30/10/2010 at 13:43

    شكرا جزيلا اخي الفاضل حامل المصباح مداخلتك اسعدتني انا حسيت بيها جداااااوشكرا للكل من ابدا برأيه انا بحترم كل ارائكم اتمنى ان كل من يقرء مشكلتي يتفضل يكتب حاجة ولو عندكم استفسار عن حاجة او سوال انا هجاوب بكل سرور انا قصتي حلها هو الطلاق باتمنى ان كل من يقرأها ياخذها عبرة ويتعلم منها ونصيحة مني لكل زوج حافضو على زوجاتكم دول امانة في رقبتكم ونصيحتي للزوجات الي ازواجهم زي حالت زوجي سابقا لازم تاخذو احطياتاتكم لو شكيتو ان ازواجكم بيخونوكم وبيسهرو كتير برا شرب وسهر ونوم برا البيت يعني مافيش ممارسة جنسية ألا بالواقي الطبي ده اقل احتياط ممكن تعملوه لغايت ماتتأكدو من عدم الخيانة وياريت كل الي عندها شك في شريكها تحاول عالاقل تعمل فحوصات كل 6 شهور عشان تطمن على صحتها ولو هو كان تهمه راحت مراته النفسية يروح معاها يعمل فحوصات يرتاح ويريحها عشان ترجع الثقة بينهم ربنا سبحانه وتعالى يحفض كل زوجة وزوج مومن عفيف انا الحمدلله بالرغم من اني اتضلمت الا اني عايشة متفائلة واكيد زي ماقال ربنا (قل لن يصيبنا الا ماكتب الله لنا)صدق الله العظيم كل الي عشته فيه خير ليا احمد ربنا على كل النعم الي انعمها عليا والسلام عليكم ولرحمة

  22. متابع
    30/10/2010 at 04:57

    يا ريت كل الناس تقدر تصبر متل صبرك ….الله يوفقك ويخليلك ابنك

  23. حامل المصباح
    30/10/2010 at 02:46

    السلام عليكم, اتمنى ان تجدي في ردي قليلا من الامل و العزاء , بعد قراءة قصتك الحزينة قلت سبحان الله من حكمه ان يبتلي المؤمن حتى يتعذر علينا الفهم فنقول لماذا يارب? فانت امراة طيبة و صالحة (على حد افاذتك) و الصادق المصدوق اللذي لا ينطق عن الهوى قال:الطيبون لطيبات.
    لكن كما فهمت من قصتك انه لم يعطوك اهلك فرصة في اختيار شخص يناسبك و يرقى الى نفس درجة ايمانك والتزامك,بل اجبرت على قبول الامر الواقع.(وهذا حال اغلب العاءلات اليوم,كانهم نسوا قول الرسول صلى الله عليه وسلم:..ان جاءكم من ترضون خلقه ودينه فزوجوه..)
    وهنا الخطاء اللذي اوقعوك فيه اهلك وان كنت تتحملين جزءا منه,لانه كان بامكانك رفض الموضوع جملة وتفصيلا , خصوصا انك لم ترتاحي للمتقدم بطلب الزواج منذ البداية .
    اما الان و بعدما حاولت اصلاح زوجك بطرق مختلفة وبصبر قل نظيره في عصرنا المريض هذا, فانا لم اتوقع قط ان تصبر سيدة مدة ٤سنوات من دون ان تمارس حقها الشرعي في المعاشرة و زوجها(ان صح تسميته بهذا) يمارسه في كل الاماكن القذرة والمحرمة ويمتنع عن المكان النظيف والمحلل له بل والمطالب به الا وهو بيته و معك انت دون غيرك.
    فماذا عساي ان اقول ,كان الله في عونك و عوضك خيرا في ابنك و ابدلك زوجا طيبا صالحا ,يقدرك و يحب ولدك هو ولي ذالك والقادر عليه.تقبلي اختي مداخلتي بصدر رحب &

  24. نهلة
    29/10/2010 at 02:02

    ازاى تستنى على اخطاء فادحة زى دى,الكلام ده لا يسمى صبر ,دى مساعدة على المعصية

  25. عبدالعزيز
    29/10/2010 at 02:00

    الله يوفقك لمل يحب ويرضي والله يخلي لك ابنك ويصلحه وما يطلع زي ابوه

  26. صاحبة المشكلة
    28/10/2010 at 19:44

    السلام وعليكم واخواني وانواتي في الله اشكركم جزيل الشكر على اهتمامكم بمشكلتي

    انا فعلا اتخذت القرار وعلى قناعة تامة بعد ماصبرت 13 سنة وبعد مايئست من اني اغيره ربنا سبحانه وتعالى قال في ايته الكريمة (انك لا تهدي من تحب لكن الله يهدي من يشاء )للصبر حودد يا جماعة وانا خلاص صبري خلص الحمدلله اني عندي طفل وربنا يقدرني اربيه تربية حسنة انا مش ناقصني حاجة الحمدلله صحتي كويسة ومستقلة باشتغل شغلانة محترمة ومش بارضى اعيش الا بكل احترام وباستقامة تامة اما هو ربنا يهديه

  27. frodo
    28/10/2010 at 15:36

    السلام عليكم ورحمة الله وبركاته انا بجد اول مره اشوف واحده مثلك تصبر مع واحده الي هذه الدرجه ربنا يخرجك من هذا وتكوني زوجه صالحه عليكي يااختي بالصلاه وقراءت القراءن داومي علي الاستماع الي القراءن يعني افتحي القراءن باستمرار في المنزل ربنا معاكي بجد ولا تتسرعي في اخذ القرار بينكم الله المستعان

  28. بحر الود
    28/10/2010 at 15:11

    لايستحق ان تعطيه وجه , انه فاسد وصبرك عليه تقبل لفساده.. ان كنتي كما قالتي عفيفة

    طاهرة الله راح يرزقك بابن اناس يعرف لك قدرك… الطلاق سبيل النجاة الله يسعدك ويصبرك

  29. sno
    28/10/2010 at 14:35

    ياختى تنازلتى كثيرا وممكن تكونى ضحيتى باجمل سنوات عمرك انتى اخترتى منالبدايه التنازل والتضحيه لذلك حاولى معه لا تيائسى من اصلاحه احتسبى صبرك عليه ومحاولة اصلاحه عند ربك الذى لايضيع اجر ادعى ربك ان يهديه قومى الليل وتقربى الى ربك ليسمع نداءك ويهديه لكى وبالنسبه لموضوع الانجاب كم من حالة قال جميع الاطباء لا امل وسبحان الله القادر العاطى الوهاب اعرفه جيدا الان عندهم طفل واتنات وثلاث فلا تيئسى عليك بكثرة الاستغفار والدعاء فربك يحب العبد اللحوح الذى يناجيه دائما واعتبريه نصيبك وقسمتك وانت راضيه والله يحب عبده الشاكر الراضى ويذيده من نعمه كلما شكر انتبهى لابنك ومصلحته اوقات كتير اوى بيكون طفل واحد ابرك واحن من عشره ركزى اهتامك فيه علميه الاخلاق والايمان والتفوق وبارك الله لكى فيه وجعله قرة عين لكى ولا بيه وجعله لكى ببركة عشرة رجال مش اطفال هداكى الله يا اختى لكل خير وهدا زوجك وازال الغشاوه عن عينه وابعده عن اصدقاء السوء تقبلى مرورى

  30. احمد
    28/10/2010 at 08:17

    لا تستعجلي يااختى واصبري وحاولى تقربي من جوزك وتهديه وتخوفيه من ربنا حاولى انك تكونى ليه الام الحنونه وكلميه وانتى حضناه وقوليله انا بحبك عشان كده خايفه ليك وقربيه من ربنا يعنى صلو مع بعض وصومو مع بعض وربنا هيكرمكم

اترك رداً أو حلاً لهذه المشكلة