مشاكل الزواج العرفي

تزوجته عرفي ورافض يطلقني

انا بنت عندى 21 سنة مشكلتى باختصار علشان مطولش عليكم كنت على علاقة بواحد وهو كان كويس اوى معايا عرض عليا نروح شقة واحد صاحبه نتعرف اكتر وكده انا بصراحة ضعفت اقترح عليا نتجوز عرفى علشان نحلل الى هنعمله وافقت ووعدنى ان لو مكنش لينا نصيب سوا يطلقنى مع العلم انى لسه عذراء كانت مداعبه يعنى بس انما محصلش جماع دلوقتى بقا قلب عليا واتغير معايا جدا وبقى يشتمنى ويهين كرامتى ومبقتش طايقاه ولا طايقة اسلوبه معايا بقله طلقنى مش راضى بيقول لازم اعلمك الادب الاول ويزلنى وكمان معاه صور ليا خايفه يعمل بيهم حاجة يازينى بيها انا عارفه
انى الى عملتو دة غلط وندمانة اوووى وندمانة انى وثقت فيه الثقه العمياء دى محدش يلومنى بليييز بالله عليكم تساعدونى فى حل لمشكلتى بسررعة لانى تعبت بجد ومش بعرف انام من التفكير ربنا يغفر لنا جميعا ويستر على بنات المسلمين يـــارب

مشاكل وحلول ذات صلة

اضيف بتاريخ: Monday, July 4th, 2011 في 21:27

كلمات مشاكل وحلول: , , ,

25 رد to “تزوجته عرفي ورافض يطلقني”

  1. ندي
    23/04/2018 at 21:58

    عمل قضيه في المحكمه اني مراتي وتقبلت واهلي رافضين اعيش معه يعني انا معلقه اعمل اه

  2. ندي
    23/04/2018 at 21:50

    انا كتبت ورقه عرفي انا وشاب واهلي عرفه اني مش بنت لاني قمت بعلاقه معه ومش عايزين يجوزني ليه رسمي وبيقولوا اقعدي كده اعمل اه

  3. محمد / محاسب
    23/01/2018 at 17:06

    الي الاخت صاحبة المشكلة خلي بالك حتي لو محصلش جماع الورقة اللي معاه دليل معاه انك زوجته ول تزوجتي غيره هيرفع ضدك قضية الجمع بين الازواج – انا مش بألف ده حصل فعلا بين طالب وطالبة في الجامعة وكانوا بيلعبوا وكتبوا ورقة عرفي بينهم والاتنين مضوا علي الورقة وخلصت ايام الدراسة وكل واحد راح لحاله وهي اتجوزت وه كان عاوز يعمل معاها علاقة ولم تستجيب له وعرف انها اتجوزت وراح لمحامي يمكن يكون صاحبه وفاهم اكتر مني ومنه ومن حضرتك ورفع ضدها قضية جمع بين الازواج وهي قضية جنائية – الحق انا قريت ده في الجرايد – وده غير ان حضرتك بتقولي فيه صور وحاجات تانية- حكاية الصور انا قريت عنها في جريدة الاهرام في بريد الجمعة وكان محامي يبتز واحدة كان عمل معاها علاقة عن طريق النت وكانت ارسلت له صور مخلة تخصها وهي ارادت ان تقطع العلاقة بينهما لكن هو بدأ يستفزها وكلب منها خمسة الاف جنيه – هي كتبت لبريد الجمعة في جريدة الاهرام وكان وقتها الصحفي خيري رمضان وهو حاليا في اجازة من الجريدةويعمل في التليفزيون وقرأت له وقتها في الرد علي البنت الضحية أن تلجأ لمسئول معين صديق له في مديرية الأمن وتحكي له ماحصل وهو بدوره سيقوم بحمايتها واخذ الاجراءات الجنائية ضد الطرف الاخر وكان محامي – وكان من نتيجة ذلك أن الطرف الخر قرأ بالصدفة شكوي البنت ورد الصحفي واتصل بالبنت واعطاها الصور وقطع علاقته بها ولم يعد يطلب منها أي مبالغ مالية يعني تاب عن سلوكه الاجرامي ضد البنت – ياريت تتجرأي وتعملي زي البنت الجئي لأي مسئول وهو هيساعدك ولا تخافي – ربنا يوفقك والسلام .

  4. فاعل خير
    28/08/2015 at 23:52

    جوازك باطل يا جميله وبالنسبه للصور اعتبريها فبركه وابعدي عنو نهائيا

  5. حلال المشاكل
    29/12/2014 at 23:24

    كنت بدرس في الجامعة بالقاهرة اواخر السبعينات وتعرفت على وحدة مصرية وتعلقت بهاوحبينابعض بجنون وكانت تتمنى الزواج منى لكن اخبرتها ان اهلهاواهلي استحالة يوافقواعلى كده لاننا طلبة جامعةولازم نتخرج ونخلص جامعة وهي كانت رافضة فكرة التاجيل قالت مانتزوج عرفي وماحدش هيعرف قلت لها ازاي زواج عرفي انه ماعرفش عنه حاجة اللي بعرفه الزواج الرسمى الشرعي فعقدت تحكي لي عنه وانو اغلب البنات في الجامعة بيعملو كده ومتزوجين من شباب عرفيا فرفضت الفكرةنهايا وطلبت منى قطع العلاقة وانتهى كل اللي بيننا وعرفت بعد6شهور انها على علاقة براجل من خارج الجامعة ومتزوجةمنه عرفيا واهلها مايعرفوش حاجة وحصلت مشكلة بينهماوصلت للضرب والاهانة وقابلتهافي الجامعةوكانت في حالةيرثى لهامن لكمات عل وشها اوارام وكسر في يدها وقالت لي وهي تبكي بالم معك حق في كل ماقلت سامحني انامعرفتش قيمتك وقدرك الا لماسبنابعض وانهاغلطانة مليون مرة وخايفة الكلب ده يفضحهامع اهلها ويهددهابالصور الخاصةلها معه وخليتها تقدم شكوى عليه في قسم الشرطةوكل الضرب اللي تعرضت له واضح على شكلها وفعلا قاموا بالواجب وتم حبسه واخدالصور منه وتغريمه جراءابتززهاوتهديده لها وتخرجنامن الجامعة وكل منا راح لحال سبيله ولماسافرت الى بلادي بعدالتخرج سالت عليها الزملاءاللي يعرفوها قالوا لي انها بقت واحدةتانية ملتزمةومتحجبة وحمدت الله على انه هداها لطريق المستقيم واصلح حالها

  6. حلال المشاكل
    29/12/2014 at 23:02

    يااخواني للاسف الشديد لايزال في مصر بالذات مسمى الزواج العرفي واختلط على الناس مشروعية هذالزواج مع انه متنافي تمام مع احكام الشريعة واغلب اهل العلم والفقهاءيحرمونه ولايعدوه زواج وانما كالزنا بين رجل وامراة والزواج الشرعي له شروط منها-1-القبول والايجاب من كلا الطرفان 2-حضور ولي امر المراة كالاب اوالاخ اوالعم اوالخال وشاهدين على العقد 3-يكون فيه مهر اوصداق يدفع للزوجة 4-يكون الزواج معلناوظاهر وموثق من كاتب عدل اوماذون رسمي غيركده لايكن الزواج شرعي وماحصل من الاخت صاحبةالمشكلة مع الشاب لايعدو زواج شرعي وهي زانية حتى لوماحصل معهاجماع بمجرد خلوتها بالرجل وتعريهاولمسه لها وعليها بالتوبة لله عزوجل مع الاستغفار وقطع علاقتها بالشاب نهايا وان كان صادق ويرغب بها زوجة عليه التقدم لاهلهاوخطبتهاوالزواج منها وبالله التوفيق

  7. gharib basha
    07/11/2013 at 11:51

    لازم تذهبي قسم الشرطة وتحكي لهم علي التهديد والصور وهما حيعماوا معاه الواجب وتاخدي تعهد عليه في القسم انه لايتعرض دي احسن نصيحة وهي الذهاب لقسم الشرطة لو خايفة خدي اي واحدة صاحبتك تثقي فيها معاكي للشرطة

  8. ابواميرة
    05/11/2013 at 13:08

    اختي انت تجهلين الزواج العرفي ومش عارفه ايه هو عشان كداانضحك عليك هالشاب السافل الواطي وخلاكي توافقي انك تمكنيه من نفسك وشرفك اتقي الله وتوبي ليه واستغفريه واقطع علاقتك بالشاب وعودي لاهلك وتاكدي انوجبان وحقيرتافه مش يعملك شي بشان الصوراللي معه لانه هواول من يفتضح ويروح في داهية في الموضوع ده واحذري من غضب الله ومعاصيه وربي يسترعليك دنياواخرةويهديك وساير بنات المسلمين

  9. صافى
    15/08/2012 at 06:45

    ههههههههههههههه ضحكتينى يا هبلة هانم لكن ارجع واقول معلش لان الحب بيعمل اكتر من كدة وخودى كلامى دة حلقة فى ودنك لانى اعرف الاشكال ال**** دى كويس ابن الهبلة دة تختفى من حياتة خالص بمعنى انك تقطعى علاقتك بية مقابلات وتليفونات بصى غيرى رقمك اى حد يعرفة او تعرفية ابعدى عنة وماتخلهوش يعرف يوصلك من غير حتى ما تبلغية بعدها عيشى حياتك خالص ومهدى لهم فى البيت اختك عمتك ماما مثلا ان فى واحد بيعاكسك وعايز يوصلك بس كدة ولو هو قرب من البيت انكرى انك اتجوزتية اصلا وان الصور دى فبركة وجمدى قلبك وادية بالجزمة لانك بنت بنوت اما لو اصر يبقى خلاص تعالى يا حلو اكتب رسمى وشيل وهو طبعا صايع وضايع اكيد مش لاقى ياكل واصلا هيخاف اهلك او اهلة يعرفوا دى فضيحة يا حلوة لانة وقتها هيترن على الاقل علقة وهيتجرس معاكى وهو جبان بس لاقى واحد هبلة قال اما اشتغالها واكيد بيبتزك وبياخود منك فلوس او بيفكر ياخود ولو اعترض تريقك فى اى وقت صوتى ولمى علية الناس ولا كانك تعرفى امة هتلاقى يكش وقوليلة المرة الجاية فى القسم يا روح امك واذا كان هو تعلب خليكى انتى ديك واياكى تعترفى لان اصلا كدة كدة مافيش جواز يا هبلة هانم وهو من نفسة هينسى مع الوقت ويخاف من الفضيحة وماتخليش حد يعرف عنك حاجة

  10. ميزووو
    22/01/2012 at 11:17

    زواجك شرعى

  11. تحياتي لمن دمر حياتي
    31/10/2011 at 22:50

    حبيبتي بلاش تبينيلوا انك ضعيفة او خايفة من الموضوع بتاع الصور دة وقوللي انا قولت لبابا وطلب يشوفك علشان تتجوزني رسمي بس هو حيكش وحيرفض وحيطلقك ورنا يستر علينا احنا والمسلمين اجمع

  12. محمد المصرى
    10/10/2011 at 20:25

    حولى تهددى تعملى انك زهقتى وهتقولى لبابا وخلاص صدقينى هيعملك اللى انتى عايزة اللى يعمل حاجة فى الضلمة بيخاف تظهر فى النور

  13. عزتى نقابى
    19/07/2011 at 11:13

    أختى فى الله أحب أن أنقل لك
    ما قرأته فى كتاب (موسوعة الزواج الاسلامى السعيد) للشيخ محمود المصرى
    صفحة رقم 152 ما نصه كالتالى
    (وهذا العقد الفاسد بل هو فى الحقيقة زنا ـ والعياذ بالله ـ لانه فقد شرطا من شروط النكاح التى لا يصح الابها ,وهو إذن ولى المرأة
    فقد دل الكتاب والسنة على اشتراط الولى فى صحة النكاح , وعلى هذا جماهير العلماء.)
    كما أسوق إليك قول رسول الله صلى الله عليه وسلم (لانكاح إلا بولى وشاهدى عدل)
    وعلى هذا انت اختى فى الله لست زوجة هذا الذئب البشرى وعليك أن تتوب إلى الله من كبيرة الزنا
    هداك الله
    وأخيرا هذا التماس من الفتيات والشباب أن يسألو عن الحكم الشرعى ويقفو عند حدود الله قبل أن يقعوا فى الكبائر حتى لايحدث لنا مثل ماحدث فى تسونامى انتقاما من الله عزوجل لان الله تعالى
    شديد العقاب ويمهل ولا يهمل فلا يصح ان نتذكر فقط انه سبحانه غفور رحيم ونتناسى انه شديد العقاب يغار ان تهتك محارمه
    وآسفة جدا على الاطالة لكنى لى اسبوع اقرأ فى هذا الموقع ولا استطيع النوم من هذه المصائب التى يشيب لها الولدان
    والسلام عليكم ورحمة الله وبركاته

  14. سامى
    15/07/2011 at 21:39

    السلام عليكم
    اختى الكريمة اعتقد انه اصلا لا يوجد زواج وهو ليس زوجك ولكن عليكى بالذهاب لدار الافتاء المصرية فهم اصحاب علم فلا يجوز ان تطرح هذه الاسئلة فى مكان كهذا ليدخل كل من يعلم ومن لايعلم ويفتى فارجوا ان تنتهبى لذلك

  15. نرمين
    11/07/2011 at 14:28

    الكلام ده منقول عن دار الإفتاء المصرية

    ما موقف الشرع والقانون من الزواج العرفي؟ وهل التوثيق الرسمي شرط في صحة العقد؟ وما هي الفتوى الصحيحة فيه ؟ وهل للمتزوجة عرفيًّا حقوق الزواج الشرعي؟ حيث يدَّعي بعض الناس أنه زواج باطل بل وأنه زنا مهما توفرت فيه الأركان والشروط، وأنه يسقط حق الزوجة المتزوجة عرفيًّا .

    الـجـــواب:
    إن الزواج في الإسلام عقدٌ قوليٌّ بين رجل وامرأة خاليين من الموانع الشرعية، وشأنه كشأن سائر العقود التي تصح بتوفر شروطها وأركانها وانتفاء موانعها، ومن المقرر في الفقه الإسلامي أن العقود ألفاظ؛ فإذا حصلت على جهة الإنشاء من كامل الأهلية في التصرف مستكملةً لشروطها وأركانها مع انتفاء موانعها فإنها عقود صحيحة، تستتبع آثارها وما يترتب عليها من أحكام .
    وأركان الزواج هي : الصيغة (الإيجاب والقبول)، والعاقدان، والشاهدان، وولي الزوجة عند جمهور الفقهاء، ومذهب الإمام أبي حنيفة رحمه الله تعالى عدم جعل الولي ركنًا من أركان العقد بشرط رشاد المرأة وكفاءة الزوج وثبوت مهر المثل على الأقل، وهذا هو المفتى به والمعمول به في المحاكم المصرية في هذه المسألة؛ فإذا تم العقد بين رجل وامرأة خاليين من الموانع الشرعية -مع توفر بقية الأركان والشروط- فإنه يكون عقد نكاح صحيح تترتب عليه آثاره الشرعية.

    ومُؤَدَّى ذلك : أن التوثيق غير لازم لصحة الزواج أو لنفوذه أو للزومه، والقانون في مصر حين اشترط التوثيق لم يجعله ركنًا ولا شرطًا من الأركان والشروط اللازمة التي لا يصح عقد الزواج إلا بها، بل ولم يكن المشرِّعُ المصريُّ يملك ذلك وإلا كان مخالفًا لمقتضى الشرع الشريف بإضافته لأركان الزواج ما ليس منها، وإنما كان هذا الاشتراط درءًا لحالة واحدة هي حالة الإنكار؛ فجُعِل التوثيق في هذه الحالة شرطًا لسماع الدعاوى الناشئة عن عقد الزواج .
    وأضافت المادةُ المعدَّلةُ إلى ذلك : قَبولَ دعوى التطليق أو الفسخ إذا كان الزواج ثابتًا بأية كتابة، وهذا فيه حكمٌ بصحة عقود النكاح التي يُحكَم فيها بقبول دعوى التطليق أو الفسخ؛ لأنهما من فُرَق النكاح؛ فثبوت الطلاق فرعُ ثبوت النكاح، وفي هذا سعيٌ لحفظ حقوق النساء اللاتي قد يُضيِّعها الزواجُ العرفيُّ أو غير الموثَّق . والله سبحانه وتعالى أعلم

  16. نرمين
    11/07/2011 at 14:05

    هناك
    1- الزواج الشرعى أى على يد مأزون و يكون به شهود .
    2- الزواج العرفى كما فعلتى فهو زواج أيضاً
    و يعتبر زوجك و تعتبرى زوجته و يحق و يثبت النسب أيضاً.

    لكن لا ترثى فيه هذا ما أعلمه

    و إذا كنتى لا تريديه فعليك
    1- أن تصونى نفسك أى لا تفقدى عذريتك و هو ما يقوى موقفك أمام الأهل و هذا ما يجب أن تفعليه أن تبلغى أهلك حتى يتحدثوا معه فى انهاء هذا الموضوع و أن لم يستجيب فعليهم البلاغ عنه وفى القسم سيحضر ويطلق
    بالحصول منه على الورقة التى معه وتمزيقها.
    فلا تخافى من علم الأهل لأنه أجلا عاجلاً سوف يعلموا.
    فليعلموا اليوم أفضل من أن يعلموا غداً

  17. banota
    11/07/2011 at 06:31

    حبيبتي للزواج اركان اساسية لو مش موجودة اذن فالعقد باطل
    الاركان دي منها وجود الولي يعني العم او الاب
    ودفع المهر
    ووجود شاهدان
    طبعا في حالتك مكنش فيه الحاجات دي ولذلك انتي متعتبريش زوجته اصلا
    الحقي نفسك واياكي يحصل معاشرة وتفقدي اعز ما تملكي وابعدي عنه قوليلوا انا اصلا مش مراتك والصور اشبع بيها
    ولا هيقدر يعمل بيها حاجة صدقيني وربنا يارب يسترها عليكي
    قبل كل ده بقي توبي لربنا واطلبي منه بجد واخلاص انه يساعدك ويخرجك من المحنة دي علي خير وان شاء الله ربا قادر وهيساعدك بس اطلبي منه كدة بالخاص ربنا يسترها عليكي وعلي بنات المسلمين كلهم يارب

  18. etqan54
    07/07/2011 at 13:15

    ابنتى العزيزة للزواج الشرعى اركان لابد من ولى (الوالد او الاخ او الجد او الخال او العم )وشاهدى عقد اما ان تقولى زوجتك نفسى فهذا اتفاق على الزنا وليس عقد زواج والعقد العرفى اذا اكتملت شروطه يصير عقد زواج شرعى اما فى حالتك فالعقد فاسد ولا يصح وهو شرعاً لا يعتبر زوجك حتى يطلقك اما الورقة التى بينكما فحاولى بهدوء ان تحصلى عليها حتى لا يهددك وانصحك نصيحة اخيرة لا تختلى معه فى اى مكان حتى لا تضعفى وتفقدى عذريتك وساعتها سوف تقبلى بأى ابتزاز منه وادعو الله ان يخلصك من مشكلتك على خير

  19. صاحبة المشكله
    06/07/2011 at 19:24

    يا اخ صابر عقد باطل ازاى هو كتب ورقه وفيها كل بنود الجواز العرفى ومضينا عليها وبصمنا وقولت زوجتك نفسى على كتاب الله وسنة رسوله وهو قلى قبلت زواجك يبقى ايه باطل ولا شرعى؟؟؟؟؟؟؟؟؟؟؟
    بالله عليكم حد بيفهم فى امور الدين يرد على سؤالى
    اخى العزيز على سالم محصلش معاشرة عشان يحصل حمل الحمد لله

  20. عمرو
    06/07/2011 at 17:42

    يا اختاة ان زواجك هذا غير شرعى وان سكوتك على هذا الكلام سوف يقفعل بكى اكثر من ذلك ولاكن اقول لكى ان اللة فعل بكى هذا لانك تستحقين هذا بعد الغلطة تتوبى الى اللة هل انتى ملتزمة الان بعد ما حدث انا اشك فى هذا انتى تريدين ان تخرجى من محنتك فقط هل تبتى الى اللة ارجعى اللة الزى لا الة غيرة حسبى اللة ونعم الوكيل شريعة وقانون

  21. توتيس
    06/07/2011 at 01:07

    عرفى اهلك وهم هيقدرو يوقفو عند حد وانصح ماتامنيش لاى رجل فى الدنيا

  22. علي سالم
    05/07/2011 at 20:20

    عزيزتي اذا كان زواجك شرعي فاصبري قليلا حتى يخرج الله من محنتك اويصلح الامر بينكم واذا كان زواجك يفتقدلاركان عقد الزواج فهذا زنا وانت لاتملكين من الامر شيئ سوى التوبه الى الله وطلب المساعده من المخلصين المقربين والابتعادعن ذلك الانسان نهائيا الا اذا كان هناك تبعات لارتباطك به كالحمل مثلا وياسبحان كم من النصائح تقول ولكن لاحياة لمن تنادي هيك بحكوا في الامثال

  23. صابر الطيب
    05/07/2011 at 11:04

    يا بنت الحلال لا تخافى من اى حاجة
    اولا لابد من التوبة و الاستغفار و الندم على ما حدث
    ثانيا ده مش جواز اصلا اللى حصل عقد باطل و بالتالى انت الان مش زوجته عشان يطلقك
    و بالنسبة للصور لا تخافى مطلقا فلو هو هدد بالصور انتى هدديه انك تبلغنى عنه
    و هو ممكن يتحبس بالتاكيد فاكيد هيخاف
    ربنا يسترك عليك و علينا و على كل المسلمين

  24. مصري بالخارج
    05/07/2011 at 08:58

    عرفي اهليك ولما يعرف ان انتى عنديك دهر حيخاف

  25. بنووته
    04/07/2011 at 23:49

    بصي متبينيش له خاااااالص انك بتتوسلي ليه او انك ضعيفه او خايفه او كده متبنيش كده خالص انك خايفه احسن يفضحك او يأذيكي بصورك.. انتي عانديه قوليله ادي مش عايز تطلقني براحتك وانا مش مستعجله ولو هددك بصورك قوليله ايه المشكله مانت مش اول ولا اخر واحد عنده صوري واعمل بيهم اللي انت عاوزه معنديش مشكله .. جربي الطريقه دي كده معاه .. وانتي بردو الادرى بشخصيته وشوفي هو فعلا هيقدر يأذيكي او يفضحك ولا بس بيهددك بالكلام وخلاص.. وقومي بدور الباااااارده اللي هو لا مبالاه خاااالص متحسسيهوش انك ندمانه او انك بتعيطي وبتفكري كل يوم وكده .. قوليله ع العموم دول كانو احلى يومين قضيتهم معاك ياحبيبي .. وانا مش مستعجله ع الطلاق انا عايزه افضل معاك لحد اخر لحظه فعمري .. هو بقى هيتنرفزز اكترر واكيد هيطلقك

اترك رداً أو حلاً لهذه المشكلة