انا بنت عندى 18 سنه حبيت شخص من على النت بس هو انسان محترم جدا طلب منى يخطبنى بعد معرفه دامت سنتين س مكناش بنتكلم كتير فى المناسبات بس وبعدين قالى انا عاوز اشوفك قولتله فى بيت ابويا اعجب بيا اكتر وفلا جاء وقابل بابا واتكلم معاه بس بابا مقتنعش بيه وطلب منى ابعد عنه بس انا شايفاه كويس ليا وبحبه اوى وهو بيحبنى اكتر وحصلت مشاكل كتير بسبب الموضوع ده مع اهلى بس انا مقدرتش ابعد عنه لحد ما وصل بينا الطريق للجواز العرفي بس محدش يعرف بجوازنا ده الا انا وهو وربنا وهو عاوز يعرف اهلى بيه علشا يجوزونا وانا خايفه اقولهم بس ملحوظه انا لسه بنت بنوت لانه مدخلش عليا بس دى مجرد ورقه وخلاص علشان نتصرف مع بعض عادى وميبقاش فى حاجز بينا وهو عاوز اهلى يعرفو باى طريقه علشا يجوزونا وانا مش عارفه اعل ايه انا لسه طالبه فى اولى صيدلة وهو مخلص السنادى كليه سياحة وفنادق ومتقارب منى ماديا ارجوكم افيدونى وبسرعة
مشاكل الزواج العرفي
ابويا رفضه وتزوجته عرفي افيدونى
اضيف بتاريخ: Thursday, September 30th, 2010 في 03:05
كلمات مشاكل وحلول: الانترنت, الحب على النت, الزواج العرفي, النت, بنت, زواج, زواج عرفي, مشاكل, مشاكل الحب, مشاكل الزواج العرفي
أولا- انت بنت متعلمة وصيدلية يعنى تعرفي الحلال من الحرام سبتي ايه للبنات الجهلة الغير متعلمين لاشئ ثانيا- لوكان فعلا محترم وكويس وخايف عليك بجد ماعمل كدا وتجوزك من غير علم ورضا اهلك ثالثا- زواج العرفي حرام وغير صحيح ويعتبر كالزنا وانت في نظر الدين الان زانية لقول الرسول الكريم – ايما امراة نكحت نفسها من غير الولي فنكاحها باطل – وفي رواية أخرى قال – فهي زانية –
يابنتي اوعي تسمع كلام المدعو -يوسف- ورانيامصر- دول ناس جهلة ومتخلفة ولاتعرف الحلال من الحرام زواجك العرفي من هذا الشاب زواج باطل وغير صحيح لانه من غير الولي ولا فيه اشهار ودي اهم شروط صحة الزواج عايزك تعرفي ان الشئ يعد زنا ولازم تبعدي عنه وتتوب لربك وتستغفريه وترجع لااهلك هذا الشاب لايصلح ان يكون جوزا لك ولاخير فيه وربنا يهديك ويصلحك ويسترعليك
بجد حرام عليكى تكسرى فرحة اهلك بيكى انتى انسانة متعلمة ومستقبلك هيكون باهر واكيد اهلك فرحانين بيكى واكيد مايستهلوش منك انك تهدمى امالهم فيكى بجد حرام عليكى حتى لو كنتى بتحبيه ماتبقيش انانية فكرى فى اهلك واكيد هما لما رفضوه اكيد وجهة نظرهم كانت صح وهو اصلا لو كان بيخاف عليكى وبيحبك فعلا ماكانش طلب منك حاجة زى كدة حاولى تصلحى من نفسك وابعدى عنه وانتبهى لمستقبلك
انتى مجنونة انتى بلى عملتية دا حتخسرى ابوكى وامك وكل علتك وحتلاقى نفسك لوحدك انتى والاستاذ المحترم دا وغير كدا الاستاذ دا ميعرفش ان دة غلط واستهبال مفيش حاجة اسمها جواز عرفى دى حاجة بنضحك بيها على نفسنا دة شخص مش كويس انو فكر يعمل كدا اصلا وهتندمى كتير اوى لو استمريتوة كدا مع بعض – استغفرى ربنا انتى ملكيش حد غير ابوكى وامك وعلتك ولو خسرتيهم صدقينى مفيش ولا حاجة فى الدنيا حتعوضك عنهم – ربنا يهديكى
اوعي تقوللي لاهلك انا مش عارفة ازاي قبلتي ع نفسك كدة مفكرتيش في بباكي حيعمل اية لما يعرف انك متجوزة عرفي هو وولدتك حرام عليك منك لله المهم خلي يحاول بس بلاش بلاش يقول انة متجوزك وخلي باك بسرعة حاولي علشان العمر مش في ايدنا
اوعي تسلمي نفسك له انتي مش تضمني المستقبل في ايه افرضي مات اواي حاجه حصلت هتعملي ايه انتي لسه صغيره واهللك عارفين اكتر منك خليه يحاول مره عشره انا متزوجه وعارفه بقولك ايه الواحده مهما كان بتحتاج لاهلها وانتي كده بتصغري نفسك واهلك وممكن يقاطعوكي فيها وساعتا هتضيعي عاي فكره لو اهله عرفه حاجه زي كده هيزلوكي طول العمر وهيقارنو بينك وبين اي حد
مرحبا احب احكي لك من جهتي غلط النسبه الكبييييييييييييييييره غلط جداااا؟؟؟؟؟؟
هو لو يحبك اول شئ راح يحافظ عليكي كيف رضها عليكي انا معرف لو يحبك المفروض سوا المستحيل لحتى يقنعهم حاولي تدخلي احد من العائله من خارج العائله شخص يمون عليه للي معارض من العيله
تاني شئ المفروض شفتي حلول غير هذي في مليون طريقه لتقنعي فيها الاهل كيف بكره منظرك امام
اهلك >>>>>المفروض لجالتي لطرق غير الزواج العرفي او الورق عمرك صغير حرام تضيعي حالك بلحظه
طيش ويين كان عقلك افرضي متلا فجاه قال لك خلاص احنا لازم نبعد عن بعض انا شفت بنت تانيه
لاتعليق اغلب الشباب هيك الامن رحم ربي ؟؟؟؟؟؟؟طبعا مو كل اصابعك متل بعض
حافظي ع نفسك محد راح يحافظ عليكي الا انتي يا حلوة ادعي ربك بالستر لانها مو قليله صراحه قويه بحق نفسك اول شئ وبعدها اهللك>>>>>>>>>>>>>>>
انا اتمنى انك تشوفي حل باسرع وقت انك تعقنعي اهلك فيه لو مارضوا الدينا قسمه ونصيب
هيك الحياه مو كل مانتمناه يتحقق بس لو كان منساب لك وانتي عارفه انك مناسب حاولي بقصى الطرق انه يكون بينكم نصيب
التجئي لربك كلنا بشر ونغلط بس العيب لو استمرينا عليه للغلط
بس معتقد انه في اب ميرضى انه بنته تنستر البنت امانه عند الاهل لحد ما يجي النصيب لها
ربي يحميكي ويحكمي بنات الملسلمين جيمعيا يارب سلام
>>>>>>>>>>>>>>>>ويوفقك يابنوته بحياتك امين
هذا ليس زواج اصلا فاقد كل اركانه انصحك كانك اخت لى اذا كان لم يلمسك فمازلت فى بر الامان تخلصى من هذا الجواز وصححى الاوضاع مع ابوك لكى يصبح بصوره رسميه لاكن حزارى ان تفرطى فى نفسك وحزارى ان تختلى به ربما يسول لكما الشيطان بأنكما ازواج شرعيين وتقع الكارثه وعندها تفتح عليك ابواب جهنم لان الراجل لن يخسر مثل البنت التى تفقد عذريتها اصحى لنفسك قبل فوات الاوان
حبيبتي زواج عرفي وانت عندك 18والله حرام وطالبه جامعيه يعني لسى ما شفتي شئ من الحياه حبيبتي ديري بالك تعملي شئ غلط تدفعي ثمنه طول عمرك بعدين ابوك هدا الرجل الذي رباك الى ان دخلتي كلية صيدله في احد همه مصلحتك اكتر منه لا اظن مو حرام عليك تنزلي راسه للارض وتخليه بالحضيض وتشوهي سمعته امام الناس اختي وحبيبتي صدقيني لا احد يستحق ان تخسري حب واحترم والديك لك هل ستقولي لابوك انا تزوجته رغما عنك شئت ام ابيتوافق غصب عنك برايك دا معقول اعجبني جدا راي الاب الناصح واشكره جدا عليه حبيبتي استعيدي تلك الورقه من الشاب واياك ان تكملي معه وان لم تقدري فالجي الى اي قريب لك ممكن يساعد انا احببت زوجي ورفضه اهلي ولكني لجأت الى خال لي وعم هم تولوا مسؤولية اقناع اهلي مع قولي لهم لن اتزوج غيره وفعلا تزوجته والان ها هو يحب غيري وقلت ياليتني لم اتزوجته واقتنعت بكلام اهلي
حبيبتي ديري بالك من الوقوع في الخطا بكره بس يمارس حقه الشرعي معك يعمل الف علاقه مع غيرك وتقعدي تلومي نفسك الف مره وتندمي عندما لا ينفع الندم
اسمعى كلام اهلك هم عايزين الخير ليكى من وجه نظرك ظلم بس صدقنى ياحبيبتى هم اللى فى الاخر بيكونوا صح صدقنى وكمان ده حايشتغل ايه عنده بيت وكل ده ولا دراستك حاتسبيها عشان مين
ياحبيبتى اوعه تعمالى حاجه تندمى عاليها وتزلى اهلك ونفسك عشانها ربنا مش حايبارك فى العلقه دى عشان كسرتى قلب اهلك صدقنى يعنى اشتريتى سمك فى مياه وانتى 18 سنه ياعنى يامه حاتشوفى انتى سنك ده اجمل سن ليه عايزا تشيالى الهم وايه وازى بالهم والفضايح حارم عاليكى عيشى بس صح
انا رايي الشخصي ان مابني علي باطل فهو باطل
بمعني ان الشات اصلا مع اولاد لدرجه انها توصل لحب اعتقد انها حاجه مش كويسه
وف رايي ان مادام بباكي رفضه مكنش فيه داعي للتفكير في حلول تعالج الخطا بخطا اخر
اللي هوا طبعا العرفي
علشان مطولش انا رايي حاولي تحصلي ع الورقه بطريقه سلمية وتنسي الموضوع دا خالص
مع تحياتي لك
ابنتى الحبيبة
اقسم لكى بالله هذة قصة حقيقية لبنت وشاب اعرفهم جيدا وحضرت مشكلتهم نفس مشكلتيك بالضبط
الولد كان حرفى والبنت فى كلية محترمة وللاسف لم تفهم ماتعلميتة فى الكلية وهى مازالت طالبة
المهم اعجبت بهذا الشخص وتزوجتة عرفى وكانت هذة المصيبة الكبرى بالنسبة لها دام هذا الزواج ستة اشهر ملىء بالسفالة والبهدلة والضرب والشــــك نعم ياابنتى الشــك فى اخلاقها .
كل يوم تغضب وتعيش عند اى صديقة لها وفى الاخر وقفت بجانبها وافهمتها ان الحل بيدها ان تبلغ اسرتها بهذا الزواج السرى ( الغير شــــرعى ) بكل ماتحملة الكلمة من معانى ســيئة لن اتجرء ان اقولها لكى او لاى بنت بسن ابنتى
حبيبتى الصغيرة انا من سن والدك او اكبر لاتجعلى هـذا الشــاب يعاشـرك معاشــرة الازواج فانتى فى اول طريق الخطأ والرزيلة وابلغى احد اقاربك الرجـال ليقف بجانبك وان يحصل على هذة الورقة بالود او عن طريق الشرطة واحمى نفسك وان لم تتزوجية ومعه هذة الورقة وتزوجتى غيرة بالسـهل جدا ان يتقـدم ببلاغ ضدك الجمع بيين زوجين وســيتم حبســك مع المجرمين ان هذا الشخص لايحبك
وان كان يحبك والله لما رضى لكى بهـذا الموقف المخزى والمحزن والذى يمكن ان يدمر منزل اسرتيك
ابنتى الغالية /
والله اسمعى كلامى وابلغى عمك او خاليك او اى قريب لكم ليقف بجانبك ولم اجد احد يخاف عليكى اكثر من ابيكى وصدقينى ان الاب يتمنى ان يزوج ابنتة ويرها بفستان الفرح ولكن مع شخص يستطيع ان يفتح بيت ويعتمد علية ان يكون اسرة وان يسعدك وكل مافعلة ابوكى كان فى صالحك فعودى لوالدك واخبرية وان خشيتى بلغى خالك او عميك وهما الاقرب بعد الاب فى هذة المواضيع الحساسة جداجدا وادعـــو اللـــــه ان يحفظيك ويحفظ بنات المسلمين الى يوم الدين
السلام عليكم زرحمة الله وبركاتة:
اختى فى الله انتى لسة صغيرة اوى والمستقبل لسة قدامك بصى
اولا : مش ها قوالك اتخلى عنة بس ها قوالك ان لو الدنيا كلها وافقت على جوزاك وربنامش هايجعلة من نصيبك فانسى انة دا يحصل الورقة دى عليكى مش علية وممكن بردة وان بعض الظن اسم
يكون بيتكلم فى موضوع اقنعى اهلك دة كتير كا اثبات نيتة انة متمسك بيك ويكون غرضة شيئ تانى انك تتطمنى لية وتسلمي لة نفسك فا انا والله خوفى عليكى زى اختى انتى اتمسكى فى اطار الحب بس من غير ماتخرجى معاة وتقوليلة انكى عاوزة تقطعى الورقة وانك متمسكة بية ومش هاتسبية بس من غير الورقة وان لو اهلك عرفوا انهم هايعندو اكتر وخلى حد قريب من باباكى هويرحولة ويتكلم معاة وهو بيتقدملك يكون فى وجودةفى وحاولو تقنعوة بس با الله عليكى بلاش تكونى انتى الضحية اوعى تخليكى تخت رحمة حد حتى لو مش بتحبية لو روحك الى بتتنفسى بيها بين طرفة عين واخر يغير الله من حال الى حال ومش ضمنة بكرة فى اية وحتى حتت تقطيع الورقة لو وافقك هايبين انة خايف عليكى ومتمسك بيكى تحت اى ظروف وهاتبان نيتة الى ان شاء الله هاتكون خيررررررررررررر بس وحيات ربنا عندك متخلكيش تحت رحمة حد علشان العند بيولد الكفر ممكن باباكى يفضل على حالة وهو يروح يتجوز عند فية ويسيبك كدة لا تطولى سما ولا اراض لمجرد ردة على عند باباكى ولا زم تسئلى عن انة لازم قبل ما تقطعى الورقة لازم يطلقك ولا مش لازم اسئلى شيخ متستهونيش فى شرع ربنا علشان متغضبيش ربنا وخد بالك من نفسك ربنا يحفظك يا اختى ويحميك ويحافظ عليكى ويطلعك من الورطة دى على خير ويستر عليكى انتى وكل بنات المسلمين
أولاً انتي زي بنتي
ثانياً والأهم إن الزواج العرفي لا يجر إلا القلق والخوف ، واللي حصل حصل وخلاص المهم الحل
وفي رأيي المتواضع إنه يحاول يثبت لأهلك إنه جدير بيكي يطور من نفسه ويشوف عمل كويس ويثبت رجولته لأهلك ويتحلى بالأخلاق الحميدة ويحاول يثبت لأبوكي إنه جدير بيكي وتتجوزوا رسمي أفضل بس المهم تمسكي على نفسك ولا تفرطي فيها أبداً علشان خاطر نفسك وأهلك وكل اللي بيحبوكي كوني عفيفة دائماً وتقربي إلى الله أكثر وادعي ربنا إنه يوفقك واستخيريه في الموضوع ده واعملي اللي ربنا يأمرك بيه .. وفي النهاية لا استطع إلا الدعاء لك إنه يفك كربك ويهديكي إلى سواء السبيل بس بشرط متفرطيش في نفسك معاه أبداً وابعدي عن مكان يجمعكم مع بعض لوحدكم لأن الغلطة حتبقى كبيرة وإنتي مازلتي على البر ولم تفعلي شيء يغضب ربنا ولا أهلك منك
اين تلتقى برفيقك هذا؟ هل فى مكان لا يعلم عنه الله شىء؟ هل فى مكان لا يراكى الله فيه؟
إذا وجدت مكان لا يراك فيه الله فأفعلي ماشئتي
قطعي الورقة و انسيه و غيري خط التليفون بتاعك و ابعدي عن اي مكان ممكن يروحه او اي حد يعرفه و ارجعي لوالدك و احضنيه و ما تجيبيش لآي سيرره بالموضوع ده و ماتحاوليش تعرفي حد ثاني و ربنا يساعدك في عمل هذا و التوبة عن مافعلتي —-التوبة عن مافعلتي— التوبة عن مافعلتي و السلام عليكم و رحمة الله و بركاته جميع من قرأ او لم يقرأ
انا شاب حبيت واحدة حب مايتوصف حصل معايا نفس الحصل معاكي كنت هتجوزها عرفي وهي وافقت بس بعدين قولت لنفسي لو كانت نصيبي مفيش قوة تقدر تغير دة دوست علي قلبي سلمت امري للة اتقدم لها عريس واهلها غصبوها تتجوزة عدت سنة خلفت ولقتها كانت في منتها السعادة انا بقولك الكلام والقصة دي كلها علشان متقعيش في غلطة تندمي عليها بقيت حياتك محدش عارف بكرة دة فية ايةانا اقرب واحد ليكي وحاسس بالكلام دة علشان حصلي حكمي عقلك وقلبك حطي قدامك اهلك وقبل دة كلو ربك ربنا يوفق
الرجاء منك أيتها الفتاة أن تفيقى من الغيبوبة التى وضعتى نفسك بها وقطعى الورقة وأنسى هذا الموضوع وأرفعى رأسك الى السماء فمجرد أن ينال منك فك غشاء بكارتك سوف تصبحينا فى نظرة جارية لأنك رخصتى نفسك وأهلك وأهدرتى كرامتك
شوفي يابنت الناس سبيكي من الكلام الي اتقال روحي وري الورقه لمك وابوكي انتي لازم تضحي عشان الحب وعشان تشوفي وتقريري مصير حياتك زي مابقولك روحي قولي لهم انا عارف انها صعبه بس حولي تلتمسي ذرة شجاعه وقولي لهم
على فكره الكلام كتييييييييييييير اوى وكله كلام فارغ
اولا انتوا بتحبوا بعض والورقه دى حلال وطالنا بتحبوا بعض هيحافظ عليكى ومش هيلمسك
ثانيا الحل انه تكلمى كل اهلك وتضغطى على باباكى عشان يوافق
ثالثا احتفظى بالورققه معاكى انتى ويوم لما اهلك يوافقوا او توصلوا لحل تقدرى تقطعيها وساعتها هتفضلى مراته شرعا
وياريت تصلى استخاره وتقولى لوالدك يعمل كدا هو كمان علشان ربنا اعلم بالخير اكتر مننا
واحب اقول للى بيقول حب النت غلط انت الى مقابلتش ناس صح
الواحد بقى يسمع كلام عجيب والله صيدلة واهلك ناس محترمين ليه تعملى العملة السودة دى وعلى فكرة الاهل بيبقوا على حق وفعلا والله ابوكى كان عندوا حق لانه الشخص ده لو بيحبك ميعملش فيكى كدة ويخليكى فى وش المدفع اتقى الله وحاولى تاخدى الورقة بهدوء وربنا يسترها على بنات المسلمين
كل الاصدقاء اكدوا انك اتصرفت خطاء يبقى عليكى تصليح الخطاء والاعتراف بيه
اولا انا بحترم رأى العقيد ناجى فتيح بس كلام حضرتك صعب اولا الحب مش عيب ثانيا المفروض الكل يكون متعاطف مع هذه البنت لانها انسانه متعلمة والجواز العرفى اللى هى بتتكلم عنه دا مش جواز لانها ما زالت عذراء ولو مكنتشى بتخاف الله وبتحترم اهلها كانت كملت فى الجواز دا واعتبرته جواز بجد
لكن هى اتصرفت بعقل انها تعرض المشكلة بتاعتها وتشوف الردود والحلول لعلى وعسى يكون فى رد يكون حل ليها ويكون طوق نجاه ..اولا يا انسه المفروض انك تتمسكى بمبادئك اكتر من كدا وفكرى بمنطقبة
وبدون اى تصرف يعود عليكى بالندم وحاولى عشرات المرات وبكل مرة يكون بأقناع عن المرة اللى قبلها وخلى حد يكون باباكى بيثق فيه يكلمه ويحاول يقنعه بس بعد اما يتأكد إن الشاب دا يستحقق فعلا وليست مجرد عواطف يختبىء ورائها المصائب .. والله هو الموفق
انتي بجد غريبه والدك عنده حق هو عارق مصلحتك وين وموضوع جوازك العرفي انتي حطيتي نفسك في مشكله كبيره ربي يخلصك منها علي خير ويستر عليكي وانتي للسه 18 سنه يعني مافيش شي اسمه حب لسه بدري وانتي صيدلانيه يعني ربي بكره يكرمك بشخص مناسب حاولي تتخلصي من الورقه اللي معاه وديري بالك علي حالك ربك ستار وخافي علي سمعة ابوكي ونظرة الناس ليه واهرة امك وصدقيني اختي عمر ابوكي مامك مهاينسه ليكي الموقف ده ليه البنت المفروض ترفع راس اهلها مش تخفس يبيهم الارض والله والله والله امك لو دعت عليكي او ابوكي عمرك ماهتبقي سعيده في حياتك ابدا وكما تدين تدان
السؤال الى بيفرض نفسه ليه بنعمل الحاجه الى تعيشنا فى قلق بصى هما ثلاث حلول1 تجيبى ورقه وقلم وتكتبى مميزاته وعيوبه مميزاته اكترتكلمى حدعاقل من عيلتك يحاول انه يقنع والدك بيه وهولو عمل تصرفات فيهارجوله حيقنع والدك بس بعدلمل تقطعواالورق الى بينكم لان حرام تكسرى اهلك عيوبه اكتر قطعوا برضه الورقه الى حتفضل حبل بيخنقك ولوانت مقتنعه بالى انت عملتيه مكنتيش سالتى
2 تخلى حدمحترم من اهله يجيى معاه ويطلبك من اهلك وبرضه ننسى فى الكلام حكاية الورقه
3تواجيه بشجاعه الحب الحقيقى ازاى يحافظ عليكى وهوشرقى جدا وعمره ماحيثق فيكى لانك بعتي الغاليين الى ماتوعلشان تبقى صيدلانيه ربنا بيحبنا نغلط علشان نتوب مش ناخداخطاناوسيله بلاحل ونحلل لنفسنا حاجات ياريت بتسعدنا للاسف سعاده لحظيه يعقبهاعذاب مستمر فوقى انت زي اولادي
لاحول ولاقوه الا بالله العلى العظيم بنت ال18 بتقول اجوزت عرفى سهل اوى الموضوع دة سيدنا موسى لما كان عاوز يتجوز بنت سيدنا شعيب قال له انكحك احدى ابنتى على ان تعمل عندى8 سنوات وان اتممت عشر فمن عندك ايه اللى عملتيه ده بنات المسلمين رخصوا للدرجه دى يعمل عند 10 سنوات عشان يجوزه بنته مهرها عشره سنوات عمل بدون اجر مش عرفى يالله ارفع مقتك وغضبك عنا يارب
فعلا كلام الاخ يوسف سليم انتم فاكرين نفسكم مين والله جه الزمن اللى كل بتاع يعمل فيه قاضى ويحكم على ولاد الاصول البنت دى فعلا بنت اصول لأنها حبتكم واعتبرتكم اخواتها وبتحكى لكم علشان تجدوا حل مش علشان تعملوا عليها شرفاء وابرياء واللى يدور يلائيكم كلكم غلط فى غلط على الاقل هى مش زانيه هى زوجته فعلا شرعا وسواء غلطت او ما غلطت مش من حقك تقول كدا الا لو كنتم بلا خطيئه ولا ايه مش دا الدين برضوا يا محترمين واحده بتستنجد بيكم تسعادوها مش تعملوا فيها دكاتره نفسيين وكل من له عقده او مريض نسيا يفضل يتريق ويقول انتى غلطتى جامد واتقى الله واحنا ايه عرفنا انك انسه عاوزها تعملك ايه يا امور ها تيجى تروح معاها لدكتور وتكشف عليها عشان تثبت لسيادتك عشان تبطل تشكك فى شرفها وسمعتها اظن دى لوحدها تدخلك جهنم ومش هتسامحك يلا روحوا ناس مرض قليل منكم فعلا بيفهم وكلامه يحتضنها
اسمعى يابنتى كلامى انا العالم اللى بتتكلم دى كلها ولا تفهم حاجه غير قلة منهم اللى اتولد فى الظلام ومعرفش ايه اسمعى دلوقتى انتى مراته شرعا اللى يقولك غير كدا حطى صابعك فى عينه لأن دا كلام دار الافتاء ثم بوجهلكم كلمه هى بتحكيلكم عشان تحرقوا دمها اكتر واكتر ولا عاوزه رايكم فى اللى عملته كلكم عدوانيين ومفيش مخ سليم اول ما فكرتم فكرتم تعقبوها على فعل كلكم ممكن تعملوه واكتر ومتنفقوش روحكم هى بتسأل عن وسيلة تخرجها من اللى هى فيها بحيث ما تخسر جوزها وفى نفس الوقت ترضى اهلها ومتبقوا انتو والزمن عليها ان متأكد انكم محدش حب من قلبه ولا يعرف الحب هو ايه البنت دى منهاره يعنى جايه عشان نواسيها ونقف جنبها مش نحط اللى فيها مش فيها واحد يقولها يا انسه دا لوكنتى انسه وانت مالك ما تشوف روحك هى بتكلم بنيه صافيه على انكم اخوتها وبتحكى اسرارها تقوموا تكلموها اكنها شاذه عن المجتمع على فكره البنت دى محترمه جدا جدا وبنت اصول ورومانسيه جدا جدا وبتخاف ربنا اكتر مننا كمان يعنى هى افضل من اللى عاملى فيها الشيخ زوابع يابنتى حل موضوع سهل جدا وما فيه اى مشاكل بامر الله انا ياما حليت لناس اكتر من كدا اولا احمدى ربنا وابتسمى يابت وفرفشى كدا ولا يهمك انتى لا زنيتى ولا مشيتى فى الحرام انتى مراته شرعا فاهمه لكن مش مستحب وعشان كدا هنستغفر ربنا اوى وتتجوزوا رسمى **
بس يااختى انت غلطى وده شئ مفروغه مننه بس انتى مش غلطى بس فى حق نفسك لالا انتى غلطى كمان فى حق اهلك عشان ايه توصليهم انهم يمشى يحته وشهم فى الارض من الخجل عشان ايه وانتى فاكرة انك بكده انتى كبرتى فى نظرة يوم لما وافقتى على الجواز منه بطريقه دى بالعكس انتى نزلته من نظرة 100مرة وتاكدى نى عمرة ابوك ماهيحس انى ده خير ليكى وهيرفضه اكيد هو شايف شئ انتى مش شايفه وماحدش شايفه غيرة ارجعى لعقلك لانه مع اول مشكله هيقولك انتى غلطان وهيهرب منك وافرضى طلعتى حامل هتواجهى اهلك ازى وهما هيواجهه الدنيا ازى ارجعى لعلقلك احسن وللربنا لانك مهما لفتى مالكيش غير اهلك وبيت اهلك واعتقد مش من المفروض انى دة يكون جزائهم منك كده
الاخت الفاضله
طبعا الكل بيقول انك غلطى ودا فعلا انتى غلطى بس الكل هنا عمال يتكلم اكنها من جنس تانى كلنا بشر وبنغلط ثم مفيش حاجه اسمها تقطعى الورقه وتسبيه هنا بقا وتصحى أنك مراته شرعا ولا يجوز لكى الزواج من غيره الا بعد القاء اليمين عليكى او الخلع يعنى انتى مراته فاهمه حتى لو ملمسكيش متسمعيش كلام حد جاهل يقولك كلام اهبل دار الافتاء المصريه بنفسها هى اقرت بكدا الزواج العرفى غلط غلط لكن ان وقع اصبح زواج شرعيا حسب شرية الاسلام
حاولى تعالجى الموضوع مع اهلك ولو مش عارفه خلى زوجك يكلمنى اعرفه يعمل ايه واساعدكم فى لقاء مكتمل الشروط الشرعيه تحياتى
بصراحه انا راي من راي الاخوان الحل نك تقطعي الورقة وتقطعي علاقتك بيه وتحمدي الله انه مالمسك الى الان واذا كان يبيك فعلا راح يحاول مره والف مره واذا مافي فائدة خلاص يبقى هذه النصيب ولازم نرضى بيه بس اللي سويتيه انتي قمه الغلط وانصحك بفعل ماقلته لك سابقا
يا بنت ده كله كلام فاضى يعنى اية ان انت بنت بنوت امال كتبتوا ورقة العرفى ليه ارجعى الى بيت ابوكى و اسمعى كلامه اللى يجوز وحده من ورا عيلتهم يسيبها مع اول مشكلة بينهم
السلام عليكم ورحمة الله وبركاته بصى ياانسه ان كنتى انسه فعلا من غير نفاق ولا تزويق كلام اللى انتى عملتيه غلط مليون الميه ومش معنى انك بقتولى لسه انسه يبقى انتى كده مفيش عليكى اى غلط لا يا انسانه فوقى وشوفى الدنيا عامله ازاى حوليكى ارجعلى بعقلك لربك وصونى نفسك وابعدى عن الشبوهات واطيعى ولديكى وارضى باللى ربنا كتبه ليكى وامنعى علقتك باللى انتى بتقولى عليه جوزك وكملى تعليمك وانتظرى قدرك تعليق انسان جرب كل حاجه ومن غير كتابة اوراق ةلا اى اسناد حق بس رجع لربنا واتجوز وتاب وشكرا
اناحاسة بيكى جدا والله بس لازم يحاول مع والدك مرة واتين ومليون وخدى باللك على نفسك اكتر من كدا ومحدش فكل الى كتبوا كومنتات ليكى ولا انا نعرف حبيبك ده كويس ولا وحش ولا ظروفكم كانت ايه انا مش ببررك غلطك ولكن ان الله غفور رحيم بس حذارى يلمسك وقطعى الورقة وامشى فالصح تعيشى طول عمرك رافعة راسك وراس اهللك
السلام عليكم ورحمه الله وبركاتة
اختى العزيزة ان الحب اسمى شىء فى الوجود ولكن فى حالت وجوده فى النور وبالصفة الرسمية يكون الافضل فيجب ان يكون هناك توافق بين الطرفيين ويجب موافقة الاهل على هذا الارتباط وبادرى باقناع اهلك اذا كنت مقتنعة
راى فى موضوع علاقة حب عن طريق الانترنت لا يدووم لان مابنى على باطل فهو باطل
اما الزواج العرفى فهو غير مستحب والله اعلم فاصل الجواز الاشهار وموافقة الاهل ولاتحرمى اهلك من ان يعيش الفرح معك فانك امانة فى عنقهم ولهم حق عليك ومن راى ان هذا الشاب لو كان له اخت لما اراد ان يحدث لها ذلك ولا ان تتزوج عرفيا واحذرى من خطوات الشيطان الذى يحسسك ان هذا الطريق صواب ولكنه باطل
كل الى اقدر اقولو ان مفيش علاقه حب بتستمر عن طريق النت
اتمني انك ما تكملي لغاية مايوفق اهلك ربنا يحفظك من الخطيئه وديرى بالك يا حبيبتي الحب جميـــــــــل جداً اذا كافحتي للوصول اليه بعد اقناع اهلك لمجرد اخذ هدفه الاساسي ممكن بذوب الحب بفضل يعيبك فيه طول العمل بعتي اهلك هذا ما حصل معي
ده عيب خالص منك يا دكتورة المستقبل . فالحب من وجهة نظري الذي يولد في الظلام لا يعيش إلا في ظلام فلابد أن تبدأوا حياتكم في النور وثقي تماماً يامن تسكرين بكلمات الحب المعسوله ويرسم لكي قصورا ً من الأحلام وسرعان ما إذا ما استطاع أن ينالك دون علم أهلك سينال منكي ما يريد ويتركك تشربين كأس الندم وحدك وعندها تقولين يا ليتني ما فعلت ذلك . لأن الذي يحب يخاف على من أحبه حتى ولو على حساب نفسه فلطالما قبل أمر مثل هذا فهو غير أمين عليكي فاختبريه وسأليه هل ترضى ذلك الأمر لأختك وسمعي جوابه وعندها تعلمين أنه لا يوجد إنسان بهى حمية وشهامة الرجال لا يرضى بهذا لمن يحب فا سمعي يا أختي لقد بدأ الشرار وما المصائب إلا من مستصغر الشرر ففري إلى الله واصبري . فالحب أسمى ما يكون إذا ولد في وضح النهار ليعيش دائماً مشرقاً بالسعادة . فاحزري دق ناقوس الخطر .
ابنتى حرام عليك اتقى اللة فى نفسك وفى اهلك وانظرى لمستواك العلمى ولاتظنى الاهل فى طريق سعادتك احفظى اللة فى نفسك وعودى لرشدك قبل فوات الاوان والندم وسيك من العرفى وايامة السودا دة يابنتى زنى محرم اتقى اللة فى اهلك
ادا انتو بتحبو بعض بجد قطعو ورقة الجواز العرفي علشان الشيطان مش هايسيبكو في حالكو
اوعي تخليه يلمسك لان ده مش جواز ده عقد باطل قطعوه احسن وخليه يقابل والدك كذا مرة ولاييئس ابدا لحد ما يقنعه
حرام عليكي تخيبي امل اهلك اللي نفسهم يفرحو بيكي فكري في اهلك اللي بيحبوكي ومتبقيش انانية قربى من ربنا شويه وصلى صلاة استخاره على اى حاجه عاوزه تعمليها
ربنا يوفقك اولا كدة عيب بنت من بيت زو قيم تفكر كدة حتى لو هو مين الحب مش كل حاجة دول اقرب الناس ليكى واكترهم خوف على مصلحتك يعني انتى عاوزة تخلي بابكي يوافق غصب عنه طب لو باباكي لا سمح الله مات فيها ولا مامتك ولا اخ من خواتك ياترا حتبقي مرتاحة بعدين ؟
****
اخبريه باه لايوجد احد فى البيت واحضريه فى وجود اهلك وصارحيم بما حدث واتركيه يتصرفو
بصى يا انسه هو الحب مش عيب واللى عملتى ده مش عيب برده بس هو انتى عملته من رد فعلهم وممكن تصلحى تروحى لى حد من عمك او عمتك او خلتك اللى انتى حسه انه ممكن يساعدك انه يخالى ابوكى يوفق بى ويقنعهم
وان شاء الله يكون خير يا قمر ويارب تكون لبعد ان شاء الله
حاولى نقولى لاهلك بهدوء واكيد ربناهيقف معاكى ومعاه
وانشالله يكون بيحبك زىما انتى بتحبيه
وعلى فكره حتى لو مراهقه فحب المراهقه اصدق انواع المشاعر
ربنا معاكى
خليكي بنت بنوت ودبرب بالك تسيري غير هيك وانسي الزواج العرفي لانو باطل وانتي لسة صغيرة ولو بحبك عن جد رح يضل يحاول مع ابوكي لحتى يرضى ان شاء الله ازا في الخير طبعا وارجعي لربك واستخيري ما رح تندمي
اولا كدة عيب بنت من بيت زو قيم تفكر كدة حتى لو هو مين الحب مش كل حاجة اوقات ممكن بيكون حقيقة وبيدوم بس بع الزواج كلة بيتغير بجد وممكن يكون بيحبك وانتى معجبة بية بس فى النهاية اية هيكون شكل بباكى واهلك معاكى وممكن يجى يوم ويشتمك ويقلك انتى كذا وكذا وكدة بجد عيب ومش كدة بس الزواج العرفى حرام
شراعا
صارحي اهلك في الحقيقه و الله يهديكي و يهدي
يابنت الصيدله واضح جدا انك متفوقه علميا لكنك لسه مراهقه عموما. ستدمرى اهلك بهذه الفعله المتهوره غير محسوبة العواقب وبعدين ابوك لم يرفضه لكن رفض التوقيت اللى اتقدم فيه رجاءحافظى على نفسك لانك هتخسرى كل شى اهلك والحبيب المزعوم لآنه لوبيحبك مكنش اقدم على هذه الجريمه
ممكن اعرف ايه السبب اللى خلى باباكى يرفضه اكيد سبب مقتع لان الاب عمره ما هيكون شايف ان دى مصلحه لبنته ويرفضها
من جهة نظري المتواضعة جداً جداً أو يمكن هتكلم عن نفسي بس وعن وجهة نظري في الحب
لأن الحب دة وجهات نظر المهم أنا من وجهة نظري لو بجد هو بيحبك عمرة ما راح يوافق
يعمل معاكي كدة بل بالعكس هيخاف عليكي من انك تعملي كدة ولو حتى انت اللي عايزة ومصرة
هو لو بيحبك مستحيل يوافق على كدة دي بس وجهة نظري انا وتقبلي تحياتي بدون أي أزاعاج
ي
لأ
اولا: حضرتك اخطاتى عند الجواز العرفى
ثانيا: والدك اكيد عارف مصلحتك كويس وهو له نظرة فى الشخصس
ومستحيل هيقف فى طريق سعاتك
ثالثا:مفيش حاجة اسمها حب على النت
اخيرا : نصيحتى لك اخبرى والدك احسن انه يعرف منكم احسن مايعرف من برة حتى لا يعتقد الناس انه فشل فى تربية ابناؤة
الحب بجد بتحد العالم كله ويعيش
(اذا ارت شيأ بقوة فاطلق له العنان فان عاد اليك فهو لك من البدايه ولم يعد فهو لم يك لك من البدايه)
يا جماعة انتم بتحكموا ازاى و على اى اساس :
اولا : حالته المادية وضعها ايه
ثانيا : ايه موقفه من تعليمها و عملها بعد كده
ثالثا : هى خلاص اصبحت زوجته بالعقد العرفى و الاشهار يصحح ما شابه من بطلان يعنى لو معاه ورقة بينه و بينها و اتجوزت يقاضيها بالزنى لان ثلاث جدهن جد و هزلهن جد
اخيرا
فالمعادلة شرعا هى انه ايما امرأة زوجت نفسها بغير ولى فزواجها باطل و الشق الاخر لا تكره المرأه على الزواج
اذهبا سويا الى دار الافتاء و خذا الرأى من اهله الثقات
اما نصيحتى لك لن تفهميها الان فقد تكونى انت محقة و قد نكون نحن او كل من خالفك محق
(( حبك الاول هو حبك الاخير ))
بصى هوا لو بيحبك جدا مش هيسمح لنفسه انو يتجوزك عرفى لوخايف علىيكى مش هيعمل كدا حتى وطلما عمال كدا دلوقتى هيجى بعد الجواز ويزلك بيها ويقولك دا انا عرفت من على النت مانتى طلما عملتى كدا معيا مانتى ممكن تعمى دا مع حد تانى حتى لو مقلش هتجى فى دماغه وتعيشه حياه مايه باشك
ضعى نفسك مكان الام وتخيلى ان بنتك فعلت هذا الفعل دون الرجوع اليك ماذا سيكون رد فعلك وماذا تقولين لاصحابك ، اعلمى يا اختى انك بهذا الفعل تكونى قد جلبت العار لاهلك ولنفسك ، واعلمى ان هذا الحب لن يستمر طويلا وستدب الخلافات بينكما وسيأخذها عليكى زلة ، ولن تسطيعى رفع وجهك بعد ذلك ، وثقى ان كل شىْ تحبى اخفائه فهو حرام .
اولا ده لو ولد كويس كان خاف عليكي ومكنش اتجوزك عرفي وانتي لو حصل نصيب واتجوزتيه هيزلك بيها بهد كده بمعني لو عرف حد عليكي وكانت محافظه علي نفسها اكتر منك هتكوني في نظره زي اي حاجه في الشقه مش هيشوفك ولا هيسمعك بلاش توقعي نفسك في غلط وابعدي عن الشيطان
أساساً فى حديث عن الرسول صلى الله عليه وسلم فيما معناه
أن اللى بتجوز نفسها بتبقى زانيه
أنتى كدة فى حكم الزانية
وورقة الجواز العرفى مهياش إلا خطوة من خطوات الشيطان لكبيرة من الكبائر إلا وهو الزنى
قطعى الورقة وسيبى الولد واستغفرى ربك قبل مايفوت الآوان (و اتمنى انه مايكنش فات قوى)
بصراحه انا قرات شويه من التعليقات الى كوتبت وشايف فيها النصيحه وزياده ومن نحيتى انا نصحتى ليكى انك تاخدى بنصيحت الناس دى لان هما بيتكلمو صح وكمان عايزك تتقى الله فى نفسك واهلك وخلى بالك من مستقبلك وانتى لسه صغيره وبكره الايام هاتوريكى كتير أوى اخوكى فالله @@ احمد حمزه 25 سنه@@
انشاء الله ربنا يوفقكم.بس انتم بزواجكم العرفي راح تعقدو المور هيك رايي انا.وهو لازم رفض هالفكره بلاش يحرك مع اهلك.شو راح يقنع اهلك والناس انك بنت بنوت اذا لساتك بنت بنوت نصيحتي الك مزعي الورقه وانسيه وامشي ورى ابوكي.واستني نصيبك
اول غلطة ليكى هو جوازك العرفى لانك اعطيتى من تحبيه رخصة اهانتك مش مسألة انك لسه عذراء العفة هى فى كل شيئ اسألى والدك عن سبب الرفض لانه اكيد لديه سبب قوى وهو له الخبرة والدراية بالرجال اكثر منكى علاوة على ان اى اب يتمنى السعادة والهناء لابنائهورفضه لهذا الشباب اكيد له مبرراته وهو الحب والجواز هو علاقة جنسية فقط ياابنتى لابد لمن احببتيه ان يحس انه تعب لحد مااسس منزل الزوجية حتى يحافظ عليكى ولوالدك حقوق كثيرة عليكى فلا تهانى والدك بمثل هذه الفعلةوالدك حافظ عليكى منذ والدتك ورعاكى حتى وصلتى الى مانتى فيه حتى يراكى عروس جميلة وزوجه صالحة مع من يستطيع تكملة رعايتهاحافظى على اسرتك ( الزواج العرفى يحنى هامة والدك وباقى اسرتك لاتدمرى من انشأك) شكرا لكى
دى غلطه فىحق نفسك وحق اهلك حتى لو فيه رفض منهم شرفك امانه فى رقبتك حافظى عليه ومتخليش الشيطان يزين لكى الغلط وتدخلى فى الحرام
حاولى تقربى أكتر من أبوكى وتقنعيه لأنى انا مش معاكى فى فكره الجواز العرفى لأنه ده جواز ملوش مله أصلآ وبكده أنتى بتبقى بتخسرى رضا أبوكى وأمك وبتنزلى فى نظر حبيبك لأنك أنتى بالنسباله دلوقتى بقيتى سهله …. و ربنا يوفق
انااعلاف واحدة عملت زيك وخسرت رضا ابوها وامها وبتندم لحد دلوقتى انا مقدرة حبكم بس فكرى فاهلك اللى ميستاهلوش غير انك تنصفيهم
بجد انتى عظيمة فى حبك لية وهو كمان عظيم فى حبة ليكى صدقينى هو بيحبك لانى انا بردو بحب واحدة فى صيدلة وكنت متعرف عليها من النت وحبينا بعض لدرجة ممكن انتى تعرفيها زى مابتحبى الشخص للى بتحبية وروحت اتقدمت لبابها بس رفض لسبب قلى دة لسة فى بداية الدراسة ولو خطبت هتبقا خروج ودوخول وانا عايز بنتى تخلصى من غير تفكير ف حد وقلى ابعد عنها وبعد متخلص نبقا نشوف بردو استمرينا مع بعض ولحد الان بنحب بعض وهى الان فى تانية صيدلة ومش عارفين نعمل اية ومستحيل ناخد غير بعض يعنى صدقينى بيحبك وبعدين الورقة معاكى يعنى فى وقت ممكن تقطعيها صدقينى كمان مرة بيحبك بس انتى خليكى معاة
اولا ومن غير زعل اختنا المحترمة لا انفصال بين دراسة الانسان وتعليمة وبين اخلافة فالطبيب ايا كان تخصصة والمدرس وغيرهما كثير ممن يبنون اجيالا ويعلمونهم ويعالجونهم ممن يضع الله بين ايديهم شفاء الناس ويهبهم من فضلة وعلمة من اجل البشر يكون من غير المقبول منهم اي تصرف غير اخلاقي مافعلتية غير اخلاقي لا تصلحين ان تكوني امينة علي اعطاء دواء لاحد وحمدا لله انك لم تكوني طبيبة نساءمثلا فكنت سوف تقومين بعمليات انت تعلمينها جيدا لانك وجدت لنفسك العذر فيما فعلتية .
ثانيا ارجوا منك ان تتذكري منظر والدك يوم جاء هنذا العريس له وهو جالس يسال ويحاور وهو في قمة سعادتة من داخلة وان لم تكن تظهر عليه وارجوا ان تتخيلي منظرة وهو اما الامر
الواقع سواء كنت بنت بنوت ام لا بمجرد ان تظكهر امامة تلك الورقة لا يستحق منك ذلك مهما كان نوعة وان كنت متاكدا انة احسن تعليمك فقط ولم يهتم بما هو غير ذلك .
ارجعي الي الله والي نفسك وخافي من الله قبل ان تندمي المحترم والمحب الحقيقي الرجل بمعني الكلمة لا يتنازل عن يوم عقد قرانة يوم يقوم بالتوقيع اما الماذون فتلك هي السعادةالحقيقة للجميع اب وعروس و…….. والاهل الذين ليس لهم ذنب وللعلم ان الاب لن يوافق ابدا علي زواجكما اذا علم مهما حدث ابشرك بانك ستكونين بغير ولي الي الابد اعلم ان كلامي قاسي وشديد اعذريني فان مجود السنين وزرع العمر بالنسبة للاب الذي انا مثلة غالي غالي وليس الابناء ياصغيرتي او الرجال هم دائما الغالين علي الاباء لا لا لا لا فالاناث اشد غلاوة فعين الاب تدمع في يوم زفاف ابنة ولكنه يبكي بشدة يوم زفاف ابنتة وامام الجميع لا يهتم يشعر بانهم انتزعوا منه فرحته ومصباح بيتة ولكن عزائة انها سنة الله سبحانةوتعالي ويكون في قرار نفسة شاكرا وممتنا لله سبحانة وتعالي انة قدرة واكمل رسالته ويكون فرحا فالقصر الذي بني له في الجنة التي حرمت انت اباك منه .
اكلمك كاب كاب كاب يا بنيتي فلتفيقي الي نفسك قبل فوات الاوان واتيان الهوان.
اولا انتى انسانة محترمة وبنت ناس ودكتورة ماشاء اللة وهو انسان كويس ما فى مانع لاكن هو سياحة وفنادق وانتى دكتورة وهو عمرة ما هلاقى شغل يصرف بية عليكى ولا على مستواكى العلمى انتى محتاجة لدكتور كويس ومن عيلة يليق بيكى وبمنزلتك العلميةاكيد هتلاقى كتير كم زملا ئك فى الكلية وانتى حا ليا فى سن مراهقةلو تزوجتية دلوقتى اكيد ما هتكملى دراسة وفى الظروف الى هتبقى فيها وفى الحالة دى هنخسر دكتورة شا طرة مثلك فى بعقلك وممكن حا جة كمان لو بيحبك قوى قوى قوى خلية لما تخلصى تعليم وقطعى الورقة الى معا كى كى لا تعطى فرصة للانفراد بيكى
عليكي بالحديث مع والدك لان الوقت بمر ولابد من وضع حد للمشكلة حتي تهنئ مع من تحبين في وضح النهار قبل قدوم اطفالوقتها يكون الوضع اصعب
اولا بشكر حضراتكم على ردودكم ثانيا عاوزة اقول ان حبيبى طلب منى كتير انه يكلم بابا تانى ولازال بيطلب بس انا خايفه اتكلم مع بابا تانى لانه قالى انسى الموضوع ده لحد ما تخصلى تعليمك بس انا مقدرتش انساه وحصل اللى قلتلكم عليه بابا قالى استنى لما تخلصى ولو ليكم نصيب فى بعض انا مشهقف قدامكم انا بجد تعبانه ومشهقدر ابعد عنه ولا هو هيقدر وان كان عليه لو كلمته دلوقتى وقلتله بابا بيقولك تعالى اتقدم تانى هيجى زاحف زى ما بيقول يا جماعه هو انسان كويس والله ومده كلامنا قبل ما يتقدم ليا وكده هى اللى خالتنى اوفق عليه لما اتقدملى لانه حسيت انه كويس ومحترم ومستعد يعمل اى حاجة اطلبها منه وهو مش معاه ورقه جوازنا الورقه معايا انا بس
ااصحي يابنت بنوت
لو هو بيحبك بجد مكنش حيرضى بالجواز العرفي وكان هو حيخاف عليك اكتر من خوفك على نفسك
بعدين انتي لسى فبداية حياتك وده معناه مراهقة
ودائما الحب عالنت فاااااااااااااشل
انتي ايه اللي يضمنك انه مابيلعبش عليك
الحقي نفسك احسن لك
رضى الوالدين اهم من اي شي
انتبهي ابوكي وامك يغضبو عليك
لان غضبهم من غضب ربنا
يمكن انتي حتشوفي الردود كلها ضدك بس عشان ان احنا بنخاف عليك زي اخوتنا بالضبط
انتبهي
انتبهي
انتبهي
يأختى الكريمه
اتقى الله صسبحانه وتعالى
اولا الزواج العرفى حرام لانه ينقصه اهم شرط فى الزواج الا وهو الاشهار
ثانيا لا يصح زواج بدون ولى الامر
نصيحتى لكى الحقى نفسك قبل ما يقع المحظور وتقعى فى الزنا والعياز بالله
السلام عليكم
18 سنه وحب من النت
ممكن سؤال
ليه ابوكى ليه رفضوووا
يا بنتى اتقى الله فى نفسك وفى اهلك اللى ربوكى وعلموكى
انا متاكد انه لو يصلح لك زوج ابوكى ما كان رفضه
اصحى و فوقى من المراهقه
واحمدى ربك انك لسه عذاراء حسب كلامك
رغم انه فيه تناقض
تقولى لساكى بنت بنوت
وهو زواج ورقه فقط علشان تاخذووو رحتكم و ما يكون بينكم حواجز يا تراى هتاخذوا راحتكم فى ايه و ايه هى الحواجز خافى الله
وخافى على اهلك وسمعتهم
وحتى لو اهلك عرفىىى بموضوع زواجكم
ايه هيكون رد فعل والدك
تتوقعى ايه
ممكن بابا يروح فيها لا سمح الله
انتى هتكونى سعيده بزواجك لو بابا صارله شئ
بالعكس هتكونى انتى السبب الرئسيى
و ضميرك هيعذبك
ده اذا كان عندك ضمير
ارجعى لعقلك
وحكمى الحكمه اللى تقول
كل شئ بنى على باطل فهو باطل
تحياتى
بئمانه اخر واحد بيكلم ده اللى اسمو هيجى يوم ده كلامو جميل ومعقول ويريت تنفزيه عشان كلامو عجبنى ويريت تتقنعى بيه وتتخلصى من الواد ده عشان احنا فى زمن العجايب مفيش فى حب حقيقى والله العظيم قليل اوى اللى بيحب كولو بقى كلام على الفاضى
يا بنيتي أنتي في وضع غلط و خطر جدا واعلمي انك استخدمتي النت فيما يغضب الله و مافعلتموه خطأ جسيم و ابتعدي عن هذا الشخص فورا و بدون مسايسة و صارحي أمك ولا تستمري و لاتخافي واعلمي أنه في جميع الأحوال أن أبويك أدرى بما فيه مصلحتك فلا تدمري نفسك و إن كنت لازلتي على البر فلا تخوضي فيما لن ينفع معه الندم كده كلامي واضح و صريح و بدون مط أو تطويل .
انا كنت زيك حبيت واحد من كل قلبى واترفض وقالى نتزوج عرفى سبته لو بعشقه وبحبه وروحى فيه اسيبه الحب يتعوض وده سن مراهقه بس الاب ميتعوضش وهتحبى تانى وهترجعى وتقولى ياندم وخلى علطول راس ابوكى مرفوعه وربنا يوفقك
انتى كده متزوجه حنى لو الزوج حرام او مكروة مش دى المشكله المشكله انك عملتى كده ومن الممكن انك تكونى حامل او لسه حولى ان ابوك يعرف واهلك بس ابدئى بشخص بييحبك ووانتى بتصقى فيه واستحملى الى يحصل وخلاص
سنك صغير اوى على التفكير ده ياحبيبتى الحب ياتى مع الزواج قبل الزواج كله كلام معسول مفيش حب قبل كده وازاى تكونى حبيبته ويعمل فيكى كده ده لوبيحبك يخاف على شكلك امام ربنا والناس ازاى انتى بعقلك الصغير ده تحكمى على نفسك انتبهى لدراستك وابن الحلال هياجى لحد البيت
بصى اسمعى كلامى
سيبك من الواد ده يااختى
المفروض بقى لو قالك الزواج العرفى تسيبه خالص ليه ؟
لانه اصلن مش متدين
مفيش اصلن محترم جدا يقولك نتجوز عرفى
عرفه ليه ؟ لانه جبان
والجبان هوه بيعمل حاجه غلط وخايف الناس تشوفه
بصى بقى من الاخر
سيبك من الواد ده معلشي
الواد ده اصلن مش متدين ومش بيحبك اصلن ده بتسلى بيكى
اسمع كلام باباكى بس مهما كان بتحبى الواد ده
اوعى تسمعى كلام الشيطان ده
طاعه الوالدين من طاعه الله
السلام عليكم * أختنا لا يوجد زواج عرفى او زواج مسيار او زواج متعة او زواج بطيخ الزواج هو زواج واحد زواج أساسه الاشهار يعنى الناس تعلم انكى زوجته ولو حتى قدم لكى خاتم من حديد فقط او قطعة قمال حقها 10 قروش هاذا غير مهم ولا يهم زفة الفرح قصدى الحفلات او الفرح والمعازيم وووو يكفى انه يعمل فرح صغير فى محور عائلى ولو حتى يحضره فقط اسرتكى واسرته ** والأهم هو ان الناس تعلم انكى زوجته ** اما غير ذالك فحرام يعنى ناس مثل الاصدقاء او اهله يعرفون انكى زوجته * ثم انتى اطرحى الموضوع على والدتكى وقولى لها انا سأقبل بهاذا الشاب وحاولوا لا تتركونى اعمل غلط فى حياتى حاولى تتناقشى مع الوالدة بهدوء وحكمة وخلى اهله يزورون اهلكى * وان كان ابن ناس ومحترم ويخاف الله حاولى تتمسكى فيه ولكن انصحكى لا تعملى الغلط * ولكن والله انا حائر كثير اشوف اغلب المواضيع بنات عمرهن 18 و19 و20 يعنى قضية كبيرة لو البنات فى هاذا السن مستعلجين على الامور والمشاكل ووو نسأل الله السلامة لأن اغلبهن لا يعرفن الزواج مسؤولية كبيرة وليس كلمات حب تكتب على ورق وكلام يقوله المراهقين ولا يتحملون عواقبه * مجرد سؤال فقط هل اذا اهلكى وافقوا على هاذا الشاب وتزوجكى هل هو مستعد ينفق عليكى ؟ مستعد يفتح بيت لنفسه ؟ مستعد ينفق على اطفاله * مستعد لكذا وكذا مستعد لدفع الايجار والفواتير ؟؟ فكرى فى كلام والدكى كثير لأنه انسان حاسس بالمسؤولية لانه له عائلة وبينفق عليها ** او يتزوجكى وبعدين يمد يده لأهله وانتى تمدى يدكى لاهلكى ويامحسنين لله ؟؟ حاولى تفكرى بعقلكى كثير قبل العواطف التى تبنى على احلام فارغة * تقبلوا تحيات أخ تونسى مغترب ** والسلام على من اتبع الهدى
الزواج العرفى حرام شرعا وغير معترف بيه قانونا الا فى اثبات النسب فقط وليس لك اى حقوق اخرى
واضح من كلامك انك انسانه محترمه ومتعلمه
اولا الزواج العرفى مش حلال خالص والزواج اساسه الاشهار
ثانيا انتى لسه قاصر والشرع بيقول ان زواجك فى السن دا معلق على اجازة وليك كالاب او المسئول عنك
ثالثا مادام انك لم تفقدى عذريتك انهى الموضوع وقطعى الورق لان السكه دى مش فى مصلحتك
ويمكن والدك بحكم سنه وخبرته فى الحياه شايف انه ماينفعكيش
المهم خلاصه الكلام بلاش السكه اللى انتى ماشبة فيها دى لانها غلط وممكن تعملك مشاكل انتى مش قدها انا محامى وبقولك اسمعى الكلام
قد اثبت الشيوخ بالاجماع انا الجواز العرفي يعتبر زنا لان الجواز يبني اساسيا علي الاشهار والاعلان قومي اقطعي هذه الورقه وارجعي الي طوع والدك الذي هو اعلم بحاللك واصبري فسون تنالين الخير باذن الله
خلية يحاول مرة واتنين مع اهلك بس نصيحة مهمة جدا اوووووووووعى تقولى لاهلك انك اتجوزتى طلاما انتى بنت بنوت لانهم ممكن يفقدوا الثقة فيكى بدون داعى
ولو اترفض تانى فدا نصيب وارضى بيه
المتعة ساعة والندم طول العمر ممكن غلطة زى دى تخسرك عمرك كله
الى مش ليه خير فى اهله ملهو خير فى حد وطالما خليه باع اهللك هيبعك انتى كمان بكره علشان واحده على النت برده اعقلى يا بنت الناس وبس الى اهللك شويه الى تعبو فى تربيتك لحد موصلك لكليه صيدليه هو ده جزاهم فى الدنيا اعقلى اعقلى الحب مش دايام
طبع انتى اخطاتى بموضوع الورقه العرفى
بعدين انتى لم توضحى اسباب اعتراض والدك
ارجو التوضيح حتى تستطيع ان نساعدك
اختى الكريمه ادام الله عليكى نعمة العقل واغناكى الله بالحلال عن الحرام الذى تعيشين فيه انت وهذا الانسان (……..) سادعك انت تضعى له صفه بين الاقواس اتعرفين لماذا؟
لان احترام المحب لحبيبته يجعل منه ملاك يبحث عن اسعادها والا يفكر فى ذاته على عكس ما فعل هذا الشخص للاسف كان اناني الى الحد الذى جعله يفكر فى يتمتع فى حدود لا تؤزيكى كما يعتقد فان قبل وان احتضن وان داعب كل هذا فى اعتقاده لا يؤزيكى ما دام لم يدخل بك !! اختى فى الله هل انت مسلمة؟
هل فكرتى فى الله وقت وجودك مع ذلك الشخص؟ هل تحبين الله؟ كيف بالله عليك تفكرين؟ اين تلتقى برفيقك هذا؟ هل فى مكان لا يعلم عنه الله شىء؟ هل فى مكان لا يراكى الله فيه؟
هل تقبلين لختك ان تفعل فعلتك؟ هل يقبل هو ان يفعل باخته ما فعل بك؟
ورقه الزواج العرفى تعطى له اى حق؟ يلامسك
يقتل طهرك وقضى على عفتك وهل بعد ذلك توهمين فنفس انك ما لسه عذراء
هل عذريتك فقط غشاء البكاره؟ كل جوارح الانسان تزنى والعياذه بالله فالعين تزنى وزناها النظر واليد تزنى وزناها اللمس الى اخره من زنا الجوارح كما علمنا الحبيب عليه الصلاه والسلام
عندى سؤال من اركان الزواج التى تجعل منه زواج حلال شرعى اربع جوانب منها انه لا زواج من غير ولي واللولى فى حالتك الاب كيف تزوجك وابوكى لا يعلم؟ اذا يا اختا هذا ليس زواجا ولكنه علاقه محرمه فعلتى فيها بعض صور الزنا
عندى سؤال وبعدها تختارى انت الحل( ماذا لو وصفتى بالزانية؟) هل صعب على نفسك تقبل اللفظ . هل صعب ان تقبلى . اثق فى هذا لذا اتقى الله وابتعدى عن الحرام وهذا الانسان الفاسد اطلبى منه ان يصحح مسار نفسه وذكرى بانه فعل ما لا يحمد فى الاسلام وانه لو كان يفكر فى الحلال لما ربتط بقيد الحرام فما يجتمع فى قلب المؤمن الحرام والحلال ان قبلتى نصيحتى هذا (…….) لا يعرف الله والا يحبك والا يفكر الا فى ذاته وما فعله شاهد على ما اقول اتقى الله وعودى والله سبحانه وتعالى يغفر الزنوب
غفر الله زنبك واعز قدرك ووهبك الجنه الا تفكرين اختى المؤمنه فى ما اعد الله لعبادة الصالحين؟ الا تشتاقين للجنه وصحبه نبى الهدى محمد عليه الصلاه والسلام
الا تتمنى الفوز بحب الله؟؟؟؟؟؟؟
اولاً هل حبك لشاب ده اكتر من حبك لله والرسول ؟
ثانياُ ايه زنب ابوكي ومامتك عشان تصدميهم الصدمة دي وكمان لو كان عندك اخوات ولا قريبك واصحابك لما يعرفو حيبقي شكلك ايه قدتمهم ؟
ثالثاً انتي فاكرة اللحب اللي ما بنكم حيدوم علي طول قبل وبعد الجواز ايه اللي يضمنلك انها متكونش النقطة السودة في حياتك ؟
رابعاً يعني انتى عاوزة تخلي بابكي يوافق غصب عنه طب لو باباكي لا سمح الله مات فيها ولا مامتك ولا اخ من خواتك ياترا حتبقي مرتاحة بعدين ؟
فاكري في اللي باباكي وكل اللبيحبوكي الاول ومتبقيش انانية وتفكري في نفسك
بلاش يدخل عليكى والحصل غلط ومعرفش اقول ايه تانى
فى الحقيقه انا مكنتش اتوقع منك تعملى كدا خصوصا انتى تعليم عالى كليه محترمه المهم انامن راى انك تكونى سياسيه معاة لازم لحد متاخدى الورقه العرفى منه وبعدين قليلوا يجيلك عالبيت يطلبك من اهلك لاو بحبك بجد هيعمل المستحيل عشانك بس اوعى ياخد حاجه منك اويلمسك الحمد لله انك لسا محافظة على نفسك صدقينى مع الوقت اهلك هايوافقوا لمايلاقوا ضغط منك ومنوا ساعتها انتى الفتره دى اختبريه وهاتشوفى فعلا بحبك ولا لا
طبعاغلط وغلط جداا كمان ازاى تفكيرك يوصل لكده وازاى هو طالما بيحبك يوافق على كده وكمان انتى بتقولى انا لسه بنت وهو مدخلش عليكى يعنى الموضوع ملوش اى لزمه خالص يعنى لو اهلك عرفو حتبقى فضيحه على الفاضى ومشاكل ملهاش اول من اخر اهم حاجه تصبرى وتصممى على رايك انى انتى عوزه الانسان ده ورحتك معاه وهو كمان يكون قد التضحيه دى ويفضل شريكى طول العمر ويبقى جواز شرعى واشهار واخيرا ان الله غالب على امره
استغربت قوى لما قولتى كلية صيدله لان اللى عملتيه ده متعملهوش الا بنت فى دبلوم زراعه
انتى سنك تقريبا 18 سنه
وانا قدك كنت فاكر انى عارف كل حاجه فى الدنيا وانى واد مخلص وجايب الديب من ديله
لكن كل ما بكبر بلاقى تفكيرى بيكبر اكتر ومعتقداتى اصلا بتتطور وتتغير
لحاد ما اتحولت من بعد ما كنت مقتنع ان مفيش حد بيفهم احسن منى
وبقيت مقتنع ان فعلا يموت المعلم ولا يتعلم وانى مهما فهمت فى الدنيا برده فى حاجات كتيييير لسه مش عارفها
باباكى اللى مش عاجبك ده وصل لسن الخبره فيها اهم من مليون حاجه تانيه
حتى لو انتى شايفه انه مبيعرفش يفكر ولا يحكم على اى حاجه صح
صدقينى خبرته فى الدنيا تجبرك انك تقفى ادامه انتباه وتسمعى وتنفذى وبس
الايام هتثبتلك انك اختارتى غلط وان باباكى كان عنده حق
حرام عليكى انك تخيبى امل اهلك فيكى وتلوى دراع اقرب الناس ليكى
يوم جوازك اللى المفروض انه اسعد يوم فى حياتهم انتى هتخليه كابوس بيتمنوا يفوقوا منه
بنصحك من قلبى انك تسايسى المراهق اللى ضحك عليكى وفهمك ان فى حاجه اسمها جواز عرفى اصلا
سايسيه على الاخر وقوليله انا كلمت اهلى وبداوا يقتنعوا بيك عشان تقدرى تاخدى منه الورقه اللى انتى كتباها دى
سايسيه بكل الطرق لحاد ما تخلصى نفسك منه وبعد كده ابعدى عنه فوراااا
ولو عاوزك يتقدملك تانى وتالت لحاد ما اهلك يوافقوا او يقفلوا الباب ده خالص
خدى النصيحه من اهلك
دول اقرب الناس ليكى واكترهم خوف على مصلحتك
متخليش مرحلة المراهقه تخسرك اجمل حاجات فى حياتك
عيشى حياتك طبيعيه زى اى بنت وسيبك من الهيافه اللى انتى فيها
ونصيحه اخيره
قربى من ربنا شويه وصلى صلاة استخاره على اى حاجه عاوزه تعمليها
ربنا يوفقك
****