مشاكل الزواج

مريض بالسكر وخايف يأثر على الزواج واظلم حبيبتي

انا شاب عمري 22 سنه اصيبت بمرض السكر وكان عمري 13 سنه الحمدلله علي كل شيء انا للاسف كبرت دماغي تماما وكنت عايش حياتي كاني عادي جدا باكل براحتي مفيش علاج ولا اي حاجه ولا حتي كنت اعرف حاجه عن مرض السكر غير ان ليه مضاعفات كبيره لحد مبدأت اقري عنه في نفس الوقت انا حبيت واحده حب جنوني والمفروض ان خطوبتي قريب بس عرفت ان السكر سبب اساسي للضعف الجنسي خصوصا ان جالي من مده كبيره وكنت مهمله من كتر خوفي حسيت فعلا اني اصبحت مريض جنسيا حتي حسيت ان احساسي تجاه الجنس الاخر اتغير المشكله اني خايف اوي خايف اتجوز واتعب معايا الانسانه الي حبيتها خايف يكون عندي مشاكل في الانجاب لو انا دلوقي عندي خوف من المستقبل في كل حاجه خايف لو اتجوزت اموت في اليوم الف مره للاسف الموضوع ده حساس اوى ومش عارف اتكلم

مشاكل وحلول ذات صلة

اضيف بتاريخ: Thursday, January 20th, 2011 في 03:19

كلمات مشاكل وحلول: , , , , , ,

14 رد to “مريض بالسكر وخايف يأثر على الزواج واظلم حبيبتي”

  1. زهرة الامل
    18/04/2017 at 22:52

    السلام عليكم …..انا ايضاا محتارة بخصوص هذا الموضوع….مع يقيني التام ان هذا المرض قضاء من عند رب العالمين….وان شاء الله الشفاء العاجل ودعواتكم لي بالتوفيق في أمري ……..الله يشفي جميع المرضى ياااااارب

  2. علاء
    21/04/2013 at 12:03

    اقولك على حاجه انتا بس اهتم بطريقه اكلك وظبطه عشان السكر عايز كده وسيبها على الله واتجوز وعيش حياتك وصدقنى كل المواضيع اللى بالك فيها اهم حاجه فيها الراحه النفسيه ممكن تكون كويس جداوخالى من اى امراض بس مع الهموم بتبقا ولا حاجه

  3. د.عمرو
    13/01/2012 at 16:24

    طول ما السكر متظبط وماشي على العلاج بانتظام مع النظام الغذائي وبتابع مع دكتور كل 6 شهور .ممكن الواحد يعيش حياة طبيعية تماما

  4. يسرى555
    22/12/2011 at 14:41

    السلام عليكم اخى الكريم انا راجل ابلغ من العمر 44 اصابنى السكروانا فى 32 من عمرى والحمد لله متزوج وعندى بنتين لا تخاف السكر زى الصديق حاول ان تصاحبه خد علاجك باستمرار وعيش حياتك واهم شىء الرياضة الرياضة

  5. Mai
    07/08/2011 at 05:49

    ياحبيبي مفيش مشكلة ابدا انا والدي عنده السكر من زمان اوي وهو دلوقتي عنده 75 سنة ربنا يديه طولة العمر يارب و احنا 6 على فكره وعادي اتجوز وخلف زي اي حد وعلى فكره صحته الحمد لله كويسه جدا لو شفته احسن من كتير معندهمش حاجة وفي سنه ماشاء الله بس والدي منظم اكله جدا ورياضة يوميا هو ده المطلوب منك تعمله متقلقش ابدا حب واتجوز وعيش حياتك ده من حقك

  6. قلب لا يعشق الا انت
    21/05/2011 at 22:03

    انا بردو زيك خطيبى عندو السكر بس هو مواظب ع العلاج علطول ونا مبتكلمش معاة فى الموضوع دة خالص وانت متشغلش بالك خالص وعشان تطمن اكتر اسال دكتور متخصص فى الموضوع دة علشان تطمن

  7. أخا مسلم
    26/04/2011 at 20:08

    أخي العزيز أرجو من الله ان يوفقك الي ما يحبه ويرضاه والقول الي ما يحبه ويرضاه يعني العفه والهداية فأرجو منك ان تعف نفسك بالزواج لأن فيه كل الخير والراحة والصحة فإن الله يعين كل من يبغي رضا الله والعفاف صدقني اخلص النية لله وتوكل عليه وستجد كل الخير صدقني انا عمري الان 31 سنة وجائني مرض السكر وانا في سن 15 عامتزوجت من سنتان ونصف والله رزقني ببنت والأن زوجتي حامل للمرة الثانية وارجو ان تدعو لها بالتثبيت والخير والحمد لله نحيا حياة رائعة لأن هذة الحياة بدأت بطاعة الله وكانت نيتنا ان نرزق باولاد يكوتوا خير الذرية الصالحة ونرجو من الله ذلك ونحمد الله علي حالنا وحياتنا وعلي فكرة انا حينما تقدمت لزوجتي قلت لها علي السكر هي واهلها ووجدهم مرحبين غير عابئين بذلك لأن هذا كله بقدر الله واخذوا بحديث الرسول (صلي الله عليه وسلم): خذوا من ترضون دينه وخلقه لذلك ارجو منك الصراحة الدائمة وقول الحق والأبتعاد عن كل منكر لأنه من الشيطان وكل الوساوس التي تعهم أمينتقدها من الشيطان لأنه لا يريدك صالحا وانما يريدك خائبا ساعيا وراءة وراء شهواتك في الحرام وليس في الحلال فيصور لك علي انك ضعيف مع انك في الصلاح قوي فارجو منك انت تتقرب الي الله وصلي له ركعتين توبه من وساوس الشيطان وصل ركعتين اخرتين استخارة حتي تستخير الله في امرك من الزواج وغيره لا تسال غير الله ولا تستعن بغير الله وفقك الله ولا تنسي الدعاء لي ولزوجتي بالغفران والرحمة والهداية وان يرزقنا الجنة أجمعين اللهم أمين (وصلي اللهم علي محمد وعلي آله وصحبه وسلم .

  8. عمر الساعى
    13/04/2011 at 23:29

    حبيبى لا تدع الفكر ياخذك فى افكار بعيدة عن الحقيقة انت لا تخود التجربة فكيف عرفت ان لن تقدر على مهام الجنسية بعد زوجك هناك حلول كثيرة لمريض السكر تخليك زى اى راجل طبيعى مليون فى المية
    اسالالله ان يوفقك فيما انت مقبل علية

  9. الاسد
    03/04/2011 at 15:36

    عندي سكر ….متزوج و عندي بنتين و لا اعاني من اي مشكل بل بالعكس لولا حبي لزوجتي وبناتي لتزوجت مرة اخرى الحمد و الشكر للله .لا تخف ولا تسمع لاحد هده كلها خرافات

  10. اختك في الله
    24/03/2011 at 07:51

    اتجوز ولا يهمك وما تفكرش في مووضع السكر ده خالص وبعدين هو مرض زي اي مرض وانا اعرف واحد برده اتجوز وكان خايف وكان عنده السكر والله سعيد في حياته الحمد لله وربنا رزقه بالاطفال اتوكل على الله واتجوز بس حافظ على نفسك وربنا يوفقكم

  11. مني
    21/01/2011 at 02:06

    علي فكره انا خطيبي عنده السكر وكان شكله اكبر من سنه والتزم لوحده مش عايز يتجوز ويعذب حد معه لحد ماشافني وعلي راي عبد الفتاح القصري الكهرباء عملت كونتك الحمد لله والله اكبر عليه من ساعه ما ارتبطنا نفسيته بقيت كويس واي تعب كان بيحس بيه الحمد لله مش بق مزمن زي الاول بيروح ويجي لفترات متباعده وهو بيقولي انا حاسس اني بقيت ولد صغير وادعولي ربنا يوفقنا علشان هو بيحاول بكل جهده يسعدني

  12. هوان الحب
    20/01/2011 at 14:53

    المرض والصحة دول حاجة من عند ربنا ولا نملك سوى قول الحمد لله ولكن هناك اخلاقيات لازم نلتزم بها فى معاملاتنا مع الاخرين اول شئ تكشف عند طبيب متخصص وهو يحدد انت تقدر ترتبط ولا ايه. تانى شئ لازم تكون صريح مع خطيبتك واهلها بشأن مرضك لانك لو ما قلت يبقى بتغشهم وصدقنى انت لو عملت ده هاترتاح نفسيا من القلق الذى بداخلك ويسبب لك هذا الخوف وبعد كده سيبها على ربنا ولا احد يأخذ غير نصيبه

  13. حبيبة الرحمن
    20/01/2011 at 13:58

    لا ماتخفش الف سلامه عليك المهم السكر ليه اكل معين وتابع مع دكتور ده الاهم ماتهملشي وعلي فكره لو اهتمية فيه ونظمة اكلك والله بيروح وعلي فكره انا ابويا اعد عند السكر من 20 سمه وعادي كان الله اكبر عليه وبيخلفوا عادي وزوج صحبتي اكده وبسالها انه السكر بياثر علي الجماع حلفت علي كتاب الله انه عادي لانه متظبط بس اهم شي تتابع دكتور علي شان يظبطه ليك ولا يرتفع ولا يوطي واتمني منك انك تصارح حبيبتك لانه من الاخلاق لو البنت او الولد فيهم اي شي لازم المصارحه والف سلامع علياحلي عريس في الدنيا ربي يكرمك ويتمم فيحتك علي خير

  14. مونة
    20/01/2011 at 03:28

    Ho أخي العزيز أولا السكر مرض العصر وسبعين في المئة من شعب مصر يعانى من مرض السكر ثانيا أن مرض السكر لا يسبب الضعف الجنسي وهذا عن تجربة لان معظم عائلتي عندهم هذا المرض بالمراثة وكلمهما متزوجين وعندهم أولاد ( والحياة عادي ) ثالثاً :- نصيحة من أخت لك صارح خطبيتك بالمرض اللي عندك رابعاًأحرس علي نتظيم الطعام وأخذ الدواء في المواعيد خامساً ربنا يشفي كل مرض وبلاش الوهم اللي أنت في واحمد ربك .

اترك رداً أو حلاً لهذه المشكلة