مشاكل الزواج

كانت بتحب واحد قبل خطوبتنا ومصرحتنيش

مشكلتى غريبة فى يوم وانا راجع من مشوار شوفت بنت جميلة نزلت بلد مجاورة لينا سألت عنها بأنى وصفت شكلها لواحدة قريبتلى قالتلى دى اسمها كذا بعد كده دورت على اميلها فى الفيس وبعتلها اد واتكلمت معاها وصارحتها باعجابى بيها وطلعت بنت واحد صديق ابويا جدا المهم بعد فترة من الكلام معاها كانت قريبتى بتتفرج معايا على فرح وقالتللى هى دى حبيبتك بصيت لاقتها واحدة تانية خالص اتاريها فهمت وصفى غلط المهم كل ده بعد مااتفقت معاها على النت انى هروح اتقدملها وكنت بصراحة اتعلقت بكلامها على النت المهم لاقتها كويسة وجمالها معقول قولت وماله المهم انى اتعودت عليها فروحت خطبتها وكل ده فاكر انها بتحبنى بعد فترة قالتللى انها اميلها باظ وانا حاولت ارجعه ليها فرجعته هى قالتللى ماتقراش الرسايل فقريتها لاقتها انها كانت على علاقة بواحد قبل الخطوبة وكانت بتحبه جدا وانه مجاش اتقدم ليها وانها فضلت تكلمه اثناء الخطوبة وبما انى انسان لما احب او اتكلم مع بنت مبقدرش اعبر اوى وكلامى مش حلو اوى ملقتش فيا اللى انا عاوزه فواجهتها بده بكت وفضلت تتأسف كتير وقالتللى انها غلطت وانها كانت بتنهى معاه العلاقة دى فسمحتها قولت اديها فرصة تانية لانى اتعلقت بيها جدا وبعد الفرصة التانية كانت كل شوية بتتأكد اذا كنت بحبها ولا حبى قل مع العلم انها ولا مرة قالتللى بحبك ومش عارف اكمل معاها ولا اصبر عليها هى همها كله انى حبلى ميقلش وبتقولى حبها هيجى مع الوقت ده طبعا عشان انا انسان عادى جدا مش لبق فى الكلام مش بعرف اعبر على جوايا مش بعرف من الاخر اقول كلمتين حلوين مبعرفش اقول غير اللى انا حسه وكان نفسى فى واحدة تحبنى بس والله كنت هكون ليها كل حاجوة فى حياتها انا تعبان جدا من الموضوع ده ومشكلتى غريبة جدا اعمل ايه

مشاكل وحلول ذات صلة

اضيف بتاريخ: Wednesday, September 6th, 2017 في 03:22

كلمات مشاكل وحلول: , , , ,

ردود to “كانت بتحب واحد قبل خطوبتنا ومصرحتنيش”

  1. ابوالبتول
    06/09/2017 at 17:28

    يااخي العزيز ايه يمنع انك ترتبط بالبنت دي طالما انك تعرفت عليها ومتاكد من اخلاقها وتربيتها واهلها ناس طيبين ومسالة انو كانت في الماضي على علاقة بشخص اخر وهي قالت لك الحقيقة وماحصلش بينهما شي يمس الشرف والعرض وانتهت تلك العلاقة وتركت الشاب نهايئا فكل البنات لهن ماضي ولاتصدق انو في وحدة مالهاش ماضي عاوز تكمل مع البنت كان بها مش عاوز صارحها بالحقيقة وانتهى الموضوع ومسالة انها ماعبرت عن مشاعرها لك فدا يوكد ان البنت محترمة ومتربية وعاوزك تبادر الى مصارحتها انت برغبتك الجادة في الارتباط بها وكمان هي عاوز تطمن من ناحيتك لاتكون زي الشخص الاول تعلقت به ثم تركها وصدقني الحب الحقيقي ياتي بعد الزواج ولوكنت فعلا تحبها وترى انها الزوجة المناسبة لك فلا تفرط فيها او تضيعها من يدك فتندم طوال العمر وربي يكتب لك مافيه الخير والصالح ويجعلها من نصيبك وتلاقي السعادة معها في حياتكم القادمة

    قَـيّـم هذا الحل: Thumb up 1 Thumb down 0

اترك رداً أو حلاً لهذه المشكلة