مشاكل الزواج

بحبها جدا ويعشقها بس بابا رفض الأرتباط بيها

انا طالب جامعي في كلية هندسة عندي 20 سنة بحب بنت من 4 سنين وهي بنت الجيران , اهلي واهلها كانوا كويسين مع بعض وبيتعاملو باحترام ومعرفة خير , من سنتين اهلي كلهم كانو يعرفوا اني بكلمها زي اختي وزي ما بسأل على اهلها بسأل عليها يعني , لكن في خلال 4 سنين تطورت علاقتنا من اخوة لصداقة لحب وحسيت انها البنت الوحيدة الي كل صفة فيها تتناسب معايا وهيا الشخص الوحيد اللي برجعلها في كل مشكلة اوجهها , من سنة بابا حس اني بدأت اتقرب منها جدا واحبها وحب يعرف في ايه بيني وبنها , قعد معايا هوة وواحد صحبه وسألني وجوبتوا وقلتلو وحس من جواه اني ناوي ارتبط بيها فجأة بدأ يعلي صوتوا ويزعق ويشتم ويفهمني ان واخد فكرة مش كويسة عن باباها , وللأسف الشديد بابايا بيسوء الظن في كل الناس ومفيش حد عرفة غير لما راح واتكلم عليه لدرجة مبقاش حد يعرفه , رحت وسالتها عن باباها ليه بابا بيتكلم كده عنوا قالتلي ده باباك مش مفروض يقول كده وفهمتني كل حاجة ونا مقتنع تماما , طبعا من بعدها سافرت وراح بابايا وعمل مشاكل مع اهلها ويبعتلهم ناس مش كويسة لدرجة ان وصلت للشرطة عشان يبعدني عنها , وللأسف والدي ضيع عليا ترم كامل من الدراسة ومصرفش عليا وحرمني من كل حاجة لدرجة ممتي نزلت وباعت كل دهبها وتصرف عليا وتأجرلي اي شقة انام فيها عشان مطفش , فضلت امي تقنع فيه وتقولو انو ده ابنك ده معملكش حاجة راح يقلها لازم اقرصوا وابويا راجل قاسي جدا جدا , وراحت امي تجيب الناس عشان تقنع فيه وهوة مش راضي يصرف عليا حتى وقلتلو ابنك مش بيفكر في حاجات ديه ولعملك انتا اساسا المفروض تنصحوا نصيحة لو مسمعش يشيل الجمل بما حمل لكن مش تعمل في ابنك كده , مقتنعش وضيع الترم ورجعلي مصر بعد 5 شهور عشان يصالحني وصالحتوا عشان ده ابويا وقعد معايا وكانت اول قعدة يكلمني فيها كويس وقالي بص يبني البنت اللي انتا عاوزها ونا رافضها ساعد نفسك بنفسك لكن انا مش هساعدك , ومن بعدها عشان بابايا ديما مش متفاهم مبقتش اتكلم معاه واخواتي حتا مش بيكلمو معاه في اي موضوع , راح وجاب اجهزة تصنت ويحطهالي في عربية وفي البيت وفي كل مكان ويبص انا بخرج فين ويبص على لبسي لما يشوفني ونا كل ده عارف قصدوا ايه , فضلت اتلاشاه وابعد عنه , دلوأتي انا اتقربت جدا واخدنا على بعض ولازم على الأقل مش هنرتبط بس نصلح اللي حصل ,
بابا انا اخاف اكلمو في موضوع او اي حاجة وماما برضو لتوصل لبابا , وبصراحة انا نفسي ارتبط بيها بعد سنة لكن قبل ما ارتبط لازم اصلح بنهم والمشكلة مفيش اهل ولا صحاب ولا قرايب من بابا لأن زي ما قلت كل الناس مش بتحب تكلم معاه كتير وتعاشره بسبب انو بيتكلم على الناس ,
اعمل ايهه واتصرف ازاي يا جماعة والله العظيم انا محتار جدا وعاوز اخد خطوة لقدام واعرف اهلها وايرجعوا اهلي واهلها كويسين ويتصلحوا ؟؟

مشاكل وحلول ذات صلة

اضيف بتاريخ: Friday, December 29th, 2017 في 05:05

كلمات مشاكل وحلول: , , , , , , ,

3 رد to “بحبها جدا ويعشقها بس بابا رفض الأرتباط بيها”

  1. ابوالبتول
    04/05/2018 at 17:51

    شوف في شاب زيك حصلت له نفس القصة بتاعتك دي تعرف على بنت كويسة ومحترمةجدا واهلها ناس طيببين وسمعتهم كويسة واراد الشاب ان يتزوج من البنت دي ولكن ابوه عارض بشدة ولايريد ان يناقش معو هذا الموضوع والاب فعلا قاسي جدا مع الابن ومع كثيرا من الناس ولااحد يقدر يكلمه في هذا الموضوع منعا للصدام والتشاجر معه فماكان من الابن الا ان ترك البنت دي رغم انه يحبها فعلا واحترم رغبة ابوه ولم يفكرفي مخالفته ابدا تصور ماذا حدث للشاب ربنا اكرمه من اوسع ابوابه وعوضه خيرا من هذة البنت تزوج من فتاة محترمة ومتعلمة تعليم عالي مثله ومن اسرة ميسورة الحال لما شافها الشاب اعجب بها وتعلق فيها وابوه عرف اهلها وصاروا كالعيلة الواحد ابوه وابو البنت مثل الاصحاب وتزوج منها وكل امور تمام وعايش في خير وسعادة معها طوال حياته

  2. ابوالبتول
    09/01/2018 at 22:24

    شوف ياجناب الطالب في كلية الهندسة ربنا يؤفقك وتبقى مهندس قد الدنيا عايزك تسمع كل كلمة اقولها لك وتنفذها بالحرف الواحد انت تقول انك تحب البنت دي من 4سنين وهي بنت جيرانكم وعلاقة اهلك بااهلها كويسة ويتعاملون معهم بكل احترام ومعرفة خير لكن المشكلة في باباك رافض انك تتزوج منها ولاعايز يقولك عن السبب فمن غير المعقول ان ابوك يرفضها كدا من غير سبب قد لاتعرفه انت ولاحتى البنت نفسها المفروض انك تشوف احد من اصدقاء ابوك ومن المقربين له وتشركه في هذا الموضوع ويكون له تاثير وكلمة مسموعة عند والدك حتى يقدر على اقناعه بالموافقة على زواجك من البنت اللي تحبها ويذهب معاك لخطبتها من اهلها ويكون ده اسعد يوم في حياتك صدقني مافيش اب يكرهه اولاده او لايتمنى لهم الخير والسعادة نعم احيانا بيكون قاسي جدا في معاملته لهم ويزعق ويصرخ ويضرب ويتلفظ بالفاظ وحشة عليهم لكن في الاخر انتو اولاده وفلذة كبده واستحالة يكره اح فيكم او يقف في طريق سعادته مش عاوزك تكسر كلمته وتتزوج بدون رضاه او موافقته لا اوع تعمل كدا ولاتسمعش لكلام احد من الناس عشان ربنا يرضى عليك ويؤفقك ويبارك لك طوال حياتك وتاكد ان رضا الله عزوجل من رضا الوالدين وسخطه من سخطهما والاب لن يتعوض ابدا لكن البنت او العروس تتعوض وتلاقي احسن منها مليون مرة عايزك تجي لعند ابوك وتبوس راسه وايديه وتقوله انت ياحاج عايزني اتزوج البنت دي وموافق او لا وشوف هيقولك ايه فان وافق كان بها وان اصر على موقفه اوع تزعل او تتضايق منه او تعلي صوتك عليه وتصرخ في وشو لاياابني مهما كان ده ابوك وبيظل ابوك ولالكم غنى عنه ابدا وارجع اهتم في دراستك وكليتك وتحقيق طموحك ومستقبلك واعد وبيشر بالخير ان شاء الله تمنى لك دوام التوفيق والنجاح والسعادة طوال حياتك

  3. anabel
    04/01/2018 at 10:36

    احيانا الاهل ما يشوفوش الي اولادهن شايفينو .. باباك مش عايز البنت و خلاص مع ان ده مش سبب علشان يرفضها بتاتا .. انا برأيي ان كان باباك ما وافقش تتجوزها و هي اهلها يرضو يجوزوك من غير موافقة باباك يبقى اتجوزها و سيب باباك لان عمره مش هيرضى

اترك رداً أو حلاً لهذه المشكلة