نفسى ارجعلها واتقدملها بس خايف|مشاكل الزواج

مشاكل الزواج

نفسى ارجعلها واتقدملها بس خايف

مشكلتى تبتدى انى عرفت واحدة من النت من 4 سنين كنا ساعتها عندنا احنا الاتنين 19 سنة وهيا كانت معايه فى نفس كليتى وده السبب اللى خلانا اصلا نتعرف على بعض من النت .. المهم لما جت تسألنى فى اول مرة خالص نتعرف فيها على بعض انتا فى سنة كام قلتلها انى انا فى تالتة وكدبت عليها لانى كنت فى 2 لانى كنت عايد سنة وقتها وهيا كانت فى تالتة وبعد كدة سقط السنة اللى اتعرفنا فيها على بعض بردوا واصبح الفرق بينى وبينها فى الدراسة سنتين طبعا فى الاول قلت دى اول واحدة خالص اكلمها فى حياتى لانى عمرى ما كلمت بنات قبلها وقلت الانسان دى عابرة سبيل وهتروح لحالها يعنى مش هتفرق ان كنت كدبت عليها اولا .. المهم حصل ما لايحمد عقباه الانسانة دى فضلت ورايه بعد ما خدت ايملها وبقت هيا اللى كل شوية تفتح معايه كلام رغم انى مكنتش معبرها اى اهتمام لكن مع الكلام ابتديت تتخلق عاطفة ناحيتها فيها اول انسانة تقريبا تخترق حياتى المهم فاتت ايام وشهور ووقعنا فى حب بعض واعترفلنا لبعض بكدة وقابلنا بعض فى الجامعة وزاد الحب اكتر بس متقبلناش كتير هما تقريباً 5 مرات فى الاربع سنين .. المهم انا خدت عهد مع نفسى انى خلاص مادام انا لاقيت الانسانة اللى بحبها يبقا لازم اتقدملها فوراً لكن كان دايماً موضوع فرق السنتين ده منكد عليا لحد ما حست هيا من نفسها
انى متاخر عنها سنة واحدة بس وسامحتنى على كدة وقالتلى انتا حبك عندى زاد اكتر لكن طبعا كان فيه سنة تانية هيا لسا مش اكتشفتها وانا كنت بتقطع كل يوم بسبب الكدبة دى لحد ما حصل واكتشفت السنة التانية وقبلها كانت قالت انى قلت لبابا انك هتيجى وهتتقدم وهو عرف بموضوعنا وكدة المصيبة ان فى الوقت اللى هيا اكتشفت فيه الكدبة كانت عندنا حالة وفاه فى العيلة وظروف وحشة عندنا فى البيت كان المصائب لاتاتى فرادى طبعا مش هعرف اتقدم ولا اعمل اى حاجة وكمان كان فاضلى سنة على تخرجى مع العلم انها خلصت قبليا طبعا وبتشتغل فى نفس الوقت ده ومع كل ده ظلت تحبنى حتى بعد ما اكتشفت الكدب كله بتاعى لدرجة انى شعرت ان حبها ليا اكبر من حبى ليها يعنى هيا بتشتقالى كتيييير ودايما ترنيلى ودايما عاوزانا الـ 24 ساعة نفضل نكلم بعض ع الميل حتى فى فترة شغلها وكانت بتقولى انها مش عاوزه حد غيرى وانها مش حاسه باى فرق بينا رغم انها شغالة وانا مازلت طالب وحسييييت من الانسانة دى بحب كبير اوووى وانا كمان كنت بحبها اووى اوى لدرجة ان شغلها كان بيبقا 8 الصبح وهيا تفضل قاعدة معايا انا العاطل لحد بليل نفضل نرغى والنوم بيبقا هيقتلها ولكن مع ذلك بتستحمل المهم نرجع تانى وقت لما اكتشفت الكدبة وانا كان عندى مصايب فى البيت تمنعنى انى اتقدم بالاضافة الى انى لسا طالب قلتلها طيب بصى يا بنت الحلال ابعدى عنى الفترة دى عشان المصيبة اللى عندنا دى ولو جالك حد وافقى بيه وانا اول لما الظروف دى تخلص ان شاء الله هاجى اتقدملك وبعد كده بعدنا عن بعض 6 شهور وبالفعل رجعتلها تانى برسالة ع الفيس بوك وقلتلها انا لسا بحبك والظروف اللى عندنا اتحسنت شووي  وانا كان خلاص فاضل على تخرجى ترم واحد بس وهيا قالتلى لاء انا خايفة ارجع انا تعبت فى الفترة اللى انتا سيبتنى فيها دى ومصدقت اهدى شوية انا عاوزه نبعد عن بعض من دلوقتى احسن عشان منتعلقش ببعض عشان هنرجع نتعب تانى المهم انا قعدت اقولها لاء لاء احنا لبعض ان شاء الله ومتخفيش والكلام ده المهم اقتنعت وفضلنا نكلم بعض لحد شهر 9 تقريبا يعنى بعد ما خلصت جامعتى وكانت الفترة دى هى اكبر فترات حبنا واللى قربنا فيها من بعض اوى لكن للاسف بعد الحب الكبير كانت دايما تقلى انا خايفة من اهلى هما لسا مش نسيوا اللى انتا عملته وكدبك وممكن يرفضوا وكدة المهم انا كنت اقلها لاء لاء منخافيش كل حاجة هتنحل ان شاء الله اول لما اتقدملك هيحبونى وهفهم كل حاجة لكن للاسف جيه شهر 9 وقالتلى انا مكنتش هدخل انا عندى مشاكل اهلى كلمتهم ورافضين وقالولى ده انسان كداب وسقط سنتين ومش بيشتغل وطلعوا فيا القطط الفاطسة .. الغريبة بقا واللى هتجنن منها ان تمسكها بيا كان ضعييف قالتلى ابعد عنى وانسانى خلاص الموضوع مافيش منه امل وانا اتوسلتلها قلتلها هعمل اى حاجة عشان ارضيكى انتى واهلك قالتلى انا اعمل اييييه انا كلمتهم وزعقولى ابعد عنى وانسانى بقا انا قلبى مات خلاص وهتجوز واحد قريبى ما بحبوش واهى جوازه وخلاص وهيا كل لما تقول كده انا بنهار شايف حب 4 سنين بينهار قدامى حرام
دلوقتى انا حيران بجد مش عارف اعمل ايه فات شهرين على الموضوع تقريباً وانا الحمد لله رزقنى بوظيفة صحفى دلوقتى وبقيت بشتغل وعندى كل الماديات اللازمة للزواج ونفسى ارجعلها اوى بس خايف وجاتلى عقدة من اخر مرة كلمتنى فيها لانها رغم حبها ليا كلمتنى بمنتهى القسوة وقفلت كل الابواب فى وشى رغم انها قالتلى فيه امل انك لما نشتغل ممكن تتقدم بس كنت حاسس انها كانت بتقلى كده بتريحنى وخلاص وكنت حاسس انها عاوزه تبعد بشدة .. انا دلوقتى نفسى اروح اكلم ابوها مرة واحدة كده ومعايا والدى بس خايف لاترفض او خاييف انها تكون اتخطبت لحد غيرى .. وبجد مش عارف اعمل ايه اروح اتقدم لابوها وافهمه على كل حاجة وابينله حسن نيتى واكلمه بمنتهى الزوق والادب واحاول اقنعه بشتى الطرق انى بحب بنته ونفسى اسعدها ولا انسى الامر ولا استنى يمكن تبعتلى رسالة هيا تانى .. انا بجد حيران وخايف تكون الانسانة دى فى نفس الوقت مش تستاهل كل اللى انا بعمله عشانها ده لانها جرحتنى اوى فى اخر مرة باسلوبها القاسى اللى اتغير فى يوم وليلة .. اعمل ايه شيروا عليا ؟؟؟!

مشاكل وحلول ذات صلة

اضيف بتاريخ: Sunday, May 13th, 2018 في 23:56

كلمات مشاكل وحلول: , , , , , , ,

ردود to “نفسى ارجعلها واتقدملها بس خايف”

  1. ابوالبتول
    14/05/2018 at 10:25

    شوف يااخي اذا كنت فعلا تحب البنت دي ومش قادر تستغنى عنها فلازم ماتفرط فيها وتكون جاد في الارتباط بها وخذ والدك واتقدم لها فورا دون تاخير اوتردد صدقني البنت فعلا تحبك وتحملت من اجلك الكثير واهلها يضغطوا عليها لاجل يزوجوها من شخص اخر توكل على الله واتقدم لها وخطبها من اهلها وعرفهم ان امورك بقت كويسة وانك تشتغل وقادر على تحمل اعباء الحياة ودع عنك الخوف ده اللي سوف يضيع البنت منك وربنا يجعلها من نصيبك ويؤفق بينكما ويتمم لكم بالخير ويسعدكم في حياتكم القادمة

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة