كرامتي اتبعزأت وانا عريس لكن حزين عليها

انا واقع فى مشكله كبير مفتكرش انها حصلت لحد بحب واحده وكنا قرين فاتحه لمده 4 شهور بنت ملئتش ولا هلاقى زيها فى الدنيا دى المشكله ان مشكلنا ديما كانت بسبب عمتها 4 بلاوى منهم لله تاس انا مرتحتش ليهم ناس ليلهم نهرهم عيشين شباب مع بنات فى شقه صغيره متربين مع بعض ده شى ميخصنيش المهم انا كنت بغير عليها ومكنتش بحب انها تبات عندهم المهم جه يوم فرحنا فرحى باظ بسبب ابوها وعمتها كل ده على شان مرضتش انها ترقص مع ابن عمتها فى الفرح الفرح كله اتقلب وابتدوا يستفزوا فى عيلتى لحد ما قامت المشاكل وتبادل الالفاظ بين الاهل ووصل الموضوع لحد انه كان عاوز يرميلى شبكتى وينزل بنته من العربيه ويحرجها اكتر من كده فى كل ده انا كنت مزهول من اللى بيحصل ومكنتش مصدق كنت بشوف عريس فرحه يبوظ فى الافلام لكن مكنتش مصدق انه يحصل معايا المهم انا مرضتش اسيبها تنزل واخدتها وصلتها لحد البيت وطول السكه انا ساكت الحكايه ديره فى ذهنى والفضيحه اللى الناس الهمج دول سببوهالى قدام اهلى وابويا وشكله قدام اخواته كان ده اللى فى ذهنى وكسرت البيت يوم فرحها وحزنى عليها كنت فى دوامه قرب ما وصلنا من البيت ابتديت افوق وبقيت عاوز حد يدلينى على حل للمشكله انا مش قادر استغنى عنها وفى نفس الوقت كرامتى انا واهلى اللى اتبهدلت طول الفرح بنراضى فى ده وده على موضوع اصلا كان يخلص واحد بيغير على خطبته الدنيا كلها تتقلب على شان ابن عمتها شاب لسه اهله بيصرفوا عليه المهم بقيت عاوز حل للمشكله قبل ما البنت تنزل قولت لاخويا اعمل ايه مش عارف افكر اتفجئت بان اخويا قلى تاخد شبكتك دلوقتى وزى مايكون نزل على دماغى حجر ثقيل مردتش عليه وفعلا اخد منها الشبكه صدقونى انا طول عمرى صاحب قرارى لكن اليوم ده انا كنت زى العيل الصغير انا دلوقتى بموت عليها وعاوز ارجعلها ومش اعمل ايه بكلمهاا مبتردش عليا وابوها اكيد مش عاوز نرجع لبعض انا عارف ان حركه الشبكه دى امر صعب ولما وعيت للدنيا تانى يوم واللى حصل كل ام افتكر الموقف ومنظرها وهى بتدى الشبكه لاخويا عاوز افوللكم بعيط بدل الدموع دم حزين عليها وعلى الفراق الصعب ياريت افترقنا بسبب مشكله بينى وبينها لكن زى ماحكيت الحكايه عاوز حل

مشاكل وحلول ذات صلة

• صديقتي المفضلة تحدث شاب
• بعاني من عدم الثقة بالنفس ازاي اعدل من طريقة تفكيري
• احبه واخاف ان اكون اغضب الله لاني احدثه
• زميله ليا مطلقه اكمل معاها ولا اسيبها
• كلامي مع الشباب دا حب ولا مرض
• هاتنقل من مدرسة بنات لاخرى مختلطة وعايزة نصائح
• عايزة احافظ على نفسى وسمعة اهلى هل انا غلط