حاسس انى وحيد ومحدش بيقدرنى ومحدش بيهتم بيه حزين اوى على نفسى ومتضايق جدا كل لما الاقى الناس عندها صحاب بدايق وبحس انى حزين جدا معنديش صحاب حاسس انى لما اجى اتجوز ده اذا اتجوزت اصلا انى هبقى وحيد وحدش حيقف معايا وهكون وحيد سعات بفكر فى الموت لما ببقا بكون قاعد مع ناس بحس انى اقل منهم وهمه احسن منى وكمان بحس وانا بتكلم مع حد انى مش سامع ومش فاهم اللى هو بيقوله وسعات بعمل نفسى فاهم مع انى مش فاهم بس عشان ميبقاش شكلى وحش كمان بحس انى حقود وحسود عشان ببص للناس انهم عندهم حد يحبهم ويهتم بيهم وانا لا سعات بوصل لدرجه غضب وحزين فظيعه جدا بحس كمان انى معنديش ثقه فى نفسى خالص وانى خايف دايما عندى سوء ظن وحش اوى كمان انا عندى22 سنه ومعنديش ولا تجربه عاطفيه واحده وده مخلينى مش طايق نفسى حاسس انى مش هتجوز او انجح فى اى حاجه ساعدنى لو سمحت عايز اعرف
ازاى اتعامل مع البنات وازاى ازود ثقتى فى نفسى وازاى اعمل صحاب ازاى اكسب الناس واخليهم يحبونى ارجو الاجابه
مشاكل الشباب النفسية
حاسس ان محدش بيقدرنى وبيهتم بيه
اضيف بتاريخ: Monday, February 18th, 2019 في 18:54
كلمات مشاكل وحلول: بنات, بنت, شاب, مشاكل
ولا تزعل نفسك خالص الحل بسيط جدا انتا اللي مكبر الموضوع اولا العلاقات بين الناس مبنيه علي الأخذ و العطا يعني لو في واحد تعرفه مثلا عند مناسبه شاركه وخليك جنبه سواء فرح أو حزن وفي المقابل هتلاقي الناس هتحس إنك صاحب واجب وهيشاركوك ومع الأيام هتلاقي شباب محترم زيك بدأت ترتبط بصداقات معاهم ابدا من النهارده.اما عن البنات فكلهم بيحبوا الشاب اللي واخد باله من نفسه والحمش وكلامه معسول يعني لو حبيت تكلم واحده وعجبتك خليك دايما متابع لبسها ومكياجها وطريقة كلامها وابدا اظهر إعجابك بتناسق الوان الملابس وبالبرفيوم بتاعها وطريقة كلامها هما بيحبوا كده جدا وبالتالي هتلاقي البنت بتبادلك نفس الشعور خليك واثق من نفسك جدا وحط في دماغك دائما إنك راجل وبكره هتشيل المسؤلية وما تخليش حد يفرض رأيه عليك الا عن اقتناع والحياه لسه طويلة قدامك شارك الناس وشارك الموقع ده واطلع علي احوال الناس ومشاكلهم كل ده هيديك خبره كبيره جدا وربنا يوفقك.