انا شاب عندي 21 سنه وبحب بنت خالتي وهي بتحبني منذ الصغر وعمري مفكرت فغيرها ولا هفكر ولا احب غيرها وبنتكلم كتير جدا طول الليل ومفيش بينا أي حرج من أي نوع وبنغمض عينينا سوا واحنا على الموبايل ونصحي بعض وبينا حب كبير أوي ناوي اكمله بالخطوبه بعد سنه والزواج باذن الله بعد 4 سنين لأنها داخله كليه السنادي انشاء الله بالرغم من وجود مرض وراثي عندنا فالعيله لكن عمري مفكرت اني ابعد عنها لأي سبب من الاسباب مهما كان … المهم
انا للأسف ممن يمارسون العاده السريه بصراحه ولكن مش مدمنها خالص يعني مره كل كام يوم واوقات كنت ببطلها بالشهر لكن جيت فيوم من الايام محصلش عندي انتصاب تماما عند الممارسه !! استغربت جت فبالي هواجس العجز الجنسي وحبيبتي اللي ممكن اظلمها معايا لو اتجوزتها خصوصا اني دارس (انا طالب فكلية الطب) سيطرت عليا ساعتها جدا لدرجة اني اترعبت على نفسي … بعدها بيوم حاولت تاني امارس مفيش وحاولت بشتى الطرق مفيش فايده !!! سيطر عليا الخوف اكتر واكتر ودخلت في حلقه مفرغه مش عارف اخرج براها … انا عارف ان غالبا السبب عندي نفسي لأني دارس وعارف اني معنديش سبب عضوي الحمد لله خصوصا ان عندي انتصاب نهاري عادي خالص لكن زي مانا عارف ايه السبب مش قادر اخرج من جوايا الشعور بالخوف والفشل !!!!
انا على فكره لما بكلم بنت خالتي ونقول كلام رومانسي لبعض بحس اني بستجيب لكن برده شعوري بالخوف اللي مسيطر عليا خلاني مش زي الأول من حيث استمرار الانتصاب وكده … احنا على فكره بعاد عن بعض جدا والتليفون هو الوسيله الوحيده اللي بتوصلنا ببعض مبنشوفش بعض الا فالمناسبات العائليه و العيله كلها عارفه بحبنا حتى خالتي نفسها ومامتي ومسمينا “روميو وجوليت”
انا كتبت الموضوع ده عشان برده بيقولو “أسأل مجرب ولا تسأل طبيب (انا طالب طب)” 🙂 فعايز أهل الخبره يفيدوني هل في حد مر بالحاله دي ؟؟ هل لها تفسير من اهل الخبره ؟؟ هل خوفي ده مبرر ؟؟ هل اكمل معاها واتجوزها ولا بلاش اظلمها معايا علما اني واثق 100 فال100 اني حتى لو عاجز جنسيا عمرها مهتقولي سيبني لأني اشتكيتلها من اللي حاسس بيه ؟؟ افيدوني ولو حد عنده وسائل تريحني ياريت ميبخلش عليا ربنا يكرمكو يارب
مشاكل الشباب قبل الزواج
مرعوب.. فشلت مره اقتنعت اني فاشل
اضيف بتاريخ: Monday, February 5th, 2018 في 22:05
كلمات مشاكل وحلول: الخطوبة, الزواج, العادة السرية, العجز الجنسي, بنت, زواج, شاب
السبب كما قلت نفسي والحل هوا نسيان ذلك الموقف والثقه بالنفس