مشاكل الشباب قبل الزواج

لا أحس بأي عاطفة او شيء تجاه خطيبتي

السلام عليكم ورحمة الله وبركاته…..
أنا شاب خطبت من فتره قصيره….ولامشكله تكمن أني أحس أني لم أنل كل المواصفات التي أتمناها في شريكة العمر ..أعلم جيدا أن الكمال لله .وانه لا يوجد انسان بدون عيوب…المشكله تكمن أني لا أحس بأي شيء تجاه خطيبتي.لا أحس بأي عاطفه لدرجة أني لم أقل لها أي شيء حتي الان (شيء عاطفي) وكل مناقشاتنا في مواضيع عامه وأتا أتـعمد ألا نتطرق للأمور العاطفيه…بالحسابات العقليه هسي انسانه كويسه ومناسبه لا يوجد فيها عيوب غير أن سنها مقارب لسني ( هي 27 سنه وأنا أكبر منها بعام) وكذلك يوجد بقعه صغيره زرقاء بجوار أنفها -وكذلك فمها كبير نسبيا
أنا لا أعيب علي خلقة الله-من ناحية الشكل شكلها كويس ومعقول غير أنها تضع المكياج وأخاف أن يكون المكياج يغير في شكلها-وقد طلبت منها أن أرها بدون مكياج ولكنه لم يحدث لأني لم أقابلها بعدها لظروف العمل -سأقابلها قريبا ان شاء الله- مشكلتي أيضا أني حاسس أني مش متقبلها—وجميع منحولي ينصحونني ألا أترك هذه الفتاه —فهي من خلال تعاملي معها تحس أنها عاقله ومحترمه وتستطيع أن تتحمل المسئوليه وكذلك هي ست بيت شاطره جدا بالرغم من انها موظفة في وظيفة كويسه —جميع من حولي يقنعونني بها ويقولون اني مش هالاقي زيها—كذلك أهلها ناس محترمين جدا وكانوا في منتهي المرونه في الاتفاق ( ربما لان لبنتهم كبيره ويريدون أن يزوجوها )-:ذلك أنا الحمد لله شخص محترم جدا وأعمل في وظيفة كويسه أحسن من وظيفتها وكثير من الفتيات تتمني أن ترتبط بي(لذلك أقول في نفسي ربما هذا هو سبب مرونتهم في الاتفاق لأنهم لا يريدون أن يطفشوا العريس )

أريحوني برأيكم أراحكم الله —لأني في قمة الحيره —أكمل في هذه الخطوبه ولا لأ……..
والله المستعان

مشاكل وحلول ذات صلة

اضيف بتاريخ: Tuesday, January 4th, 2011 في 10:39

كلمات مشاكل وحلول: , , , , , , , , , , , ,

17 رد to “لا أحس بأي عاطفة او شيء تجاه خطيبتي”

  1. najiha
    09/02/2013 at 16:13

    السلام عليكم في الحقيقة نفس المشكلة امر بها الا انني فتاة يعني الامر اصعب الجميع ينصحونني به هو طيب كريم خلوق خجول مرتاح ماديا مثقف يموت في والدي لانه يقرب العائلة لكني لما رايته لم اشعر بشيء اتجاهه انا محتارة خايفة اقبل واندم لاني مستعدة لو اتاني واحد فيه كل ه المواصفات لكن فيه بسمة امل اني احبه لقبلته شاركوني رايكم لان الزواج في نظري تفريغ عاطفي والا المكوث في بيت اهلي اهون لي

  2. الجزائر
    09/01/2013 at 22:00

    سلام الله عليكم
    و الله يا اصدقاء انا عايش فى نفس المشكل تقدمت لخطبة فتاة ربة بيت ممتازة من عائلة محترمة عندى تقريبا شهرين مند تمت الخطبة غير انى و الله انى فى عداب لا احس باي شيء تجاهها و هى من ناحية الجمال ليست بالجميلة و انا و الله فى حيرة من امري

  3. ابواميرة
    28/12/2012 at 00:33

    يااخي دي عاوزةكلام توكل على الله وتزوجهافورا دي بنت مثالية الف من يتمناها وربي يسعدكما ويوفق بينكمافي خير

  4. مرثا
    17/12/2011 at 22:25

    اقولك رايى ومتزعلش منى انسانة
    مش لازم عيوب انسانة بلشكل مهم تكون انت مرتاح
    من ناحية قلبها الطيب ومحترمة وطلابتهامش كتيرة
    ومش تقيلة عليك ده الاهم مش لازم تكون طباخة
    اكيد هتلاقى مساعدة او حضرتك ممكن تسعدها
    او اكيد تتعلم وتلافقيها احسن طباخة
    طلاما هى كدة من كل ده مستنى ايه اكيد مش هتلاقى زيها
    وبنات دلوقتى تلاقيها ملهاش عيوب من برة اكيد هتلاقى عيوب من برة
    نكدية وكلها طمع وتحب فسح كتير وممكن تشغلك باى حاجة غير شغلك
    ومن ناحية بقعه صغيره زرقاء بجوار أنفها وفمها كبير
    كويس احسن من غير اى حاجة تانية ويارريت تمسع كلامى

  5. دينا
    10/10/2011 at 02:57

    على فكره ومتزعلشى منى العيب منك دور وحاول تعرف المشكله اللى عندك وتحاول تحلهاويمكن تكون المشكله دى سببها موقف معين اوتجربه معينه حصلت لك فى الماضى ومع الايام نستها
    او يمكن فى حاجه جواك بتحاول تخفيها
    اهم حاجه اياك تظلم خطيبتك

  6. نرمين
    13/08/2011 at 09:58

    الزواج قبول و طالما لا يوجد قبول فأنصحك بأختيار فتاه أخرى مهما كان بها من مميزات
    فأنت تريد زوجة و ليست طباخة فالطعام و التنظيف و ما خلاف ذلك يمكن أداؤه من قبل خادمة
    و لكن أختيار الزوجةشريكة حياتك التى تقاسمك الفراش يجب و فى المقام الأول القبول و الإقتناع الداخلى
    دون الموافقة تحت أى ضغوط خارجية أو أراء الأخرين فأنت الذى سوف تعاشرها فيجب أن يكون هناك أرتياح و قبول

  7. توتا
    30/06/2011 at 21:16

    بسم الله الرحمن الرحيم انت مشحاسس نحيتها باي شعور وفتره الخطوبة فتره التعارف بين الطرفين عشان كده حاول انك تقابلها كتير وتتكلم معاها اكتر حتى تعرف عيوبها وبالمناسبه لشكلها ان الله هو الذى خلقها وربنا معاك وبدل هى انسانه كويسه وانت انسان كويس اتكل على الله وان الله لايخبى عنك شى وحش

  8. الدين النصيحه
    10/04/2011 at 21:20

    اذا كنت من النوع المتردد …ف لعل المشكله فيك وليست فيها ….واذا كانت هذه النقطه في بشرتها ستكون نقطه مهمه برايك بعد الزواج فلا تظلم نفسك اولا وتظلم بنت الناس اللي فاتحه بيتها الك واهلها بستقبلوك بصدر رحب متل ابنهم تانيا
    ويمكن يكون في عرسان احسن منك ..وهي مو راضيه تشوفهم عشانك….وانت مش قادر تاخد قرار ….بالتالي استخير واستشير لانه ما خاب من استخار ولاندم من استشار …طبعا استشير شخص مواصفاته تكون (مؤتمن ،متدين ،يخاف الله ،عدل ،حسن السيره والسلوك ،على قدر من الحكمه ،وعلى فكره ممكن تسال مفتي او شيخ مسجد متفهم ويكون عقله مرن )
    وبالنسبه للعمر ..في مجتمعاتنا الاردنيه والفلسطينيه …عمر 27 يكون عمر حرج …لكن ليست بعانس ….فاتق الله في نفسك وفي بنت الناس …ما تخليها تفرح كتير وبعدين تصدمها ….واذا كنت مو قادر تحس معها بشي صارحها …احكيلها باسلوب لطيف اللي بتحس فيه …يمكن الصدق يشيل هذا الحاجز اللي انت راسمه الك والها …وعلى فكره الشيطان اكتر فتره بدخل فيها للانسان هي فتره الخطبه لانه لايريد الحلال للشخص …وصدقني استخير واتوكل على الله …والله ح يصير راح يكون الافضل ..
    ولا تنسى اننا هنا من خلفيات متعدده وجنسيات مختلفه ولكل منا ثقافته ..
    ف هناك من يقول اكمل وهناك من يقول لا …..واتمنى ان تسمع كاسيت ل الشيخ جاسم المطوع (احسن خطبه ) ان شالله سيفيدك ..

  9. هوان الحب
    06/01/2011 at 21:24

    من المواصفات اللى قلتها هى عروسة ممتازة بس الجواز مش حسابات اذا كنت مش حاسس انها مالية عينك حرام تظلمها لان ممكن ربنا يكرمها بواحد يحبها ويكرمها اكتر منك احسن ماتتجوزوا وترجع تقول مراتى مش حاسس انى بحبها وعايز اتجوز تانى اعمل ايه فى الاولاد .

  10. المهتدي بالله
    06/01/2011 at 19:55

    السلام عليكم
    بص يا ابني الزواج مش لعبه ده مسئوليه وحياه مشتركه بين اثنين….أهم حاجه في البنت اللي هاتتجوزها تكون بتعرف ربنا وتتقي الله فيك…أي أمور تانيه بتيجي بمرور القت.الجميله والصغيره في السن قد تكون رعناء ولا تحقق لك السعاده….أنا رأي انك تدي لنفسك فرصه وتكمل في الخطوبه وتشوف نفسك قادر تكمل ولا لأ…ولا تجعل الشيطان يفسد عليك حياتك..المرأه أهم شيء فيها دماغها وليس شكلها لأن الجمال هاتتعود عليه وسيزول بمرور الزمن..ولن كان على سنها فهو مش كبير قوي ولكنه معقول وعلي الاقل ستكون هي ناضجه بعض الشىء في هذا السن وتستطيع ان تتحمل المسئوليه..وفي النهايه تزوج ممن تريدك وليس ممن تريد انت. وربنا يوفقك

  11. نونا
    05/01/2011 at 17:36

    علفكرة هى اصلا مش كبيرة ومدام بتتقى ربنا فيك حافظ عليها وحاول تحبها عشان انتا كدة مبتحبهاش حاول تقنع نفسك انها حبيبة قلبك ولو مش متقبلها خالص متظلمهاش معانى متاكدة انك لما تتجوزوا هتحبها لان المفاهيم بتختلف كتير ربنا يكرمك ويرزقك فيها الخير يارب

  12. ronaldo7
    05/01/2011 at 14:08

    تسبها ليه طلاما هى كويسة معاك و بعدين اللى تعرفه احسن من اللى متعرفهوش …. و يمكن تسبها و ترجع تقول يا ريت اللى جرا ما كان

  13. جبل هم و مشاكل
    05/01/2011 at 11:53

    اخى الكريم ارجوك ان لاتاخذ مرونه اهلها لك على انها نقطه ضعف منهم وثانيا ان تقدمت وخطبتها بناءا على ايه وهى سنها مش كبير زى مانت بقول وتاكد ان هذا السن هو السن المناسب والنضج للزواج ورجاءا ان تنظر الى مميزاتها فهى موظفه واهلها ناس طيبين وهى ست بيت كويسه وعلى قدر عال من الجمال ماذا تريد اكتر من كده لاتطمع فى اكتر من كده ولا ياخذك الغرور وربنا يوفقك الى مافيه الخير

  14. يارا
    04/01/2011 at 21:18

    اخي الكريم الموضوع كتير صعب يعني الي بدي الك ياه انو استمر بالخطوبة حاول تتقرب منها يمكن انت بتحس هيك لانك بعيد عنها بكل شي متل ما قلت لكن اذا حاولت وما نفع فانا برائي اني تفترقو هلأ احسن ما تفترقوا لما تتزوجو ويصير عندكم اولاد والاولاد راح يكونو الضحية وهم الي راح يعانو بين اب ما بحب زوجتو وصدقني هادا شي ببين واكيد المخلوقة حاسة فيك بس السترة كتير منيحة لو انا مكانها ما بعيش مع انسان ما بحبني انا ما بدي كون ولو1 % سبب بفرقتكم بس الي باكدو الك انو الحب مهم انت مو طايقها مش بس ما بتحبها .واستخير ربنا يمكن يدلك على الطريق الصح.الله يعينك ويعينها ميت مرت

  15. حبيبة الرحمن
    04/01/2011 at 19:48

    استخير ربك وفكر ومن نحيتك لو مش متقبلها يبقه ابعد عنها لانه ده جواز وعشره وهايبقه في اولاد وبعدين اهم شي ادبها واحترمها الجمال مش كل شي ايه واخدها ملكة جمال ومش ست بيت ومش محترمه هاتلعن الجمال الست مش بجمالها

  16. ahlam
    04/01/2011 at 18:39

    انضر لي قلبك اد كنت بتحبها او معجب بيها متخليش الناس تمليعليك الي تعمل ممكن تتزوجو وفي الاخير ما تحس بيها ومن تم راح تسير المشاكل من الاحسن انك تصارح نفسك انت بدك اياها نعم ام لا اد كان الجواب لا ان الله لا يطيق نفسا الا وسعها
    والله معك

  17. Just Peace
    04/01/2011 at 14:40

    استخير ربنا وتوكل عليه وعلى كلامك فى بنات كتير بتتجوز بعد سن 27 ..
    وكل واحد ليه رزقه هايخده وكمان تقارب السن ده هيخليكوا متفاهمين ..
    وعقليات واحده تقريبا والحياه هتمشى وهتبقى تمام باذن الله ..
    تـــــــــــــــــــــوكل على الله

اترك رداً أو حلاً لهذه المشكلة