مشاكل الحب

لسه بحبها رغم البلاوي اللي عملتها فيا

انا شاب ابلغ 18 سنة فى تالتة ثانوى عمرى ماكان ليا فى سكة البنات ولكن هذا العام وفى احد الدروس اعجبت بفتاة و حسيت ناحيتها باحساس لاول مرة احسوا و حصلت ظروف معينة و مشينا مع بعض واديتنى رقمها من اول مرة و اتفقنا اننا نروح مع بعض كل مرة وبالفعل تكررت الحكاية و لكن الاسبوع التالت رفضت تمشى معايا ومعرفتش السبب و لما اتصلت بها كلمتنى بطريقة بمنتهى القسوة وقالتيلى انها مش عاوزانى لانها مش حاسة بحاجة نحيتى و خلاص و لكن المشكلة انى كنت حبتها فعلا و مش حب مراهقة واستمرت بعذاب وهم من الحكاية دى لمدة تلات شهور لحد مجبت اخرى وما حستشى بنفسى الا وانا ببعت لها رسالة اصرح لها فيها عن حبى و تانى يوم لقتها بتتصل افتكرت انها حست بيا و لكن المكالمة دى كانت اصعب مكالمة فى حياتى والكلام اللى قالتو اهان كرامتى بصورة غير طبيعية وهددتنى انها هتفضحني فى الدرس وهتبهديلنى و تجيب اهلها وبالطبع معرفتش اعمل اية و بعت لها رسالة ذليت نفسى ايها و توسلت ليها تلم الموضوع وانا هابعد عنها تماما و لكن لا حياة لمن تنادى انسانة قلبها حجر و اتفضحت فى الدرس وطردنى المدرس والمشكلة ان الحكاية دى مر عليها اكتر من شهرين وانا ليل نهار بفكر فى البنت دى مرة افكر بالبلاوى اللى عملتها ومرة افكر فيها والمصيبة اننا لسة بحبها رغم اللى عملتوة و اصبحت حياتى سوداء واصبحت لا قادر انسى حبها ولا اقادر انسى الاهانة اللى حصلتلى وانا امنيتى حد يقولى حل فعال علشان انساها تماما و استريح

مشاكل وحلول ذات صلة

اضيف بتاريخ: Friday, February 22nd, 2019 في 18:49

كلمات مشاكل وحلول: , , , , , ,

4 رد to “لسه بحبها رغم البلاوي اللي عملتها فيا”

  1. ابوالبتول
    03/07/2019 at 23:17

    دي بنت فاجرة ولها علاقات مع شباب بعدد شعرك لازم تفهم الشي ده خليها تغور في ستين داهية وانساها خالص واهتم بدراستك وربنا بيكرمك بابنة الحلال الصالحة اللي تستاهلك وتسعدك

  2. ابوالبتول
    14/06/2019 at 00:40

    يابني ياحبيبي الظاهر انك مخدوع في البنت دي وكفاية اللي شفته منها وحصل لك بسبببها اتركها وانساها خالص والتفت لدروسك ومذاكرتك وربنا يؤفقك ويسر امرك ان شاء الله عايزك تعرف ان البنت اللي تعطي رقمها للشاب تبقى بنت مش محترمة ولاتشرف احد يعرفها

  3. منة الله
    26/02/2019 at 04:25

    ما تبقاش غبي ومادام هي مش عايزاك سيبها في حالها يعني جرستك وسط الناس عايزها تعمل ايه تاني عشان تعرف انها مش طايقاك ولا ناوية تحبك

  4. Peace
    24/02/2019 at 11:37

    عايز تريح نفسك هقولك على حاجه حلوه.لو انتا حاسس إنك مش راجل وما لكش لزمه وعايز الناس تضحك عليك اقفل على نفسك واوعي تنساها نهائي وخليك اضحوكه وتريقه…لكن لو عاوز تبقي راجل وده اللي أنا شايفه وصاحب شخصية قوية وواثق من نفسك.كبر دماغك تروح في داهيه اللي زي دي بنت سهله دي ادتك رقمها اول مره شوفتها بس عشان انتا محترم وراجل مؤدب ما نفعتش معاها.فكك منها و هتلاقي البنت اللي تستاهلك ما تقلقش…أما عن الاهانه فانت اللي اخترت غلط وتتحمل عواقب اختيارك فما تشغلش بالك ولو حد فتح معاك الموضوع ده رد بشياكه مثلاً تقول مش سكتي ولا دماغي…وشوف مستقبلك أحسن شهادتك هي اللي هتعملك قيمه بين الناس و واحده راحت يجي غيرها ١٠٠واحده وربنا يوفقك….

اترك رداً أو حلاً لهذه المشكلة