انا شاب طالب في 2 جامعة , لي زميلة دفعتي حبيتها ولقيت فيها صفات فتاة احلامي , بفكر فيها على طول حتى ايام الامتحانات في عز المذاكرة ومندمج مع المسائل والقوانين صورتها تقفز لذهني وافكر فيها ,, لكن حاجات معذباني قوي
مش عارف هيا بتحبني ولا لآ ,, انا بحب اشوفها في اي وقت ولا شعوريا ببص عليها في اي مكان نكون فيه ,, هيا من النوع هي وبنات دفعتنا مش بيختلطوا مع الشباب وهيا خصوصا مش بتاعت الرغي مع الشباب وكده , مع بنات الدفعة وبس ولو كلمت حد من الشباب يبقى لو بتسأل على حاجة وخلاص الى جانب انها شاطرة جدا في الدراسة
لمدة اسبوعين تقريبا كتير لما كنت ابص عليها الاقيها بتبص عليا , لفت نظري الحكاية دي لكن بعد فترة لقيتها مش بتبتبص عليا نهايا وبتتحاشى النظر لي
حتى لو فيه اي احتكاك كلامي معانا بتحاول ما تكلمنيش خالص ,, مع اني ما عملتش حاجة خالص ممكن تضايقها
الحاجة التانية انا مش بعرف اقول كلام حلو او اهزر هزار مضحك او كده , صحابي كويسين جدا في الحاجت دي لكن انا لآ
آخر حاجة انا ممتلئ في الوزن (وزني كبير ) هل حاجة زي كده تخلي البنات تنفر مني ؟؟ ,, انا محبوب من زملائي ومعروف اني قلب طيب ومش بتاع خناق وليا شخصيتي الخاصة الى جانب اني خجول شوية لما بنت تكلمني ,, اتمنى تساعدوني يا جماعة , عاوز اعرف اتأكد ازاي انها تحبني ولا لآ او حتى معجبة بيا ؟؟ عاوز الفت نظرها ليا واخليها تفكر فيا ويكون فيه تواصل بينا ,, وشكرا
مشاكل الشباب مع البنات
عاوز الفت نظرها ليا واخليها تفكر فيا
اضيف بتاريخ: Saturday, December 22nd, 2018 في 21:07
كلمات مشاكل وحلول: الجامعة, الحب, الدراسة, الشباب, المذاكرة, بنات, حب, شاب, صور, فتاة
شوف يااخي من خلال كلامك عن البنت زمليتك فعلا هي بنت محترمة وكويسة جدا وبنت ناس كويسين لو انت معجب بها وتحبها فصارحها بحقيقة مشاعرك دون خجل او تردد والا عاوزها هي اللي تجري وراك وتقولك انها تحبك البنت المحترمة ابدا ماتعمل كدا ومسالة الشكل انك تخين جدا فالانسان مش بشكله ولاطوله ولاقصره انما باخلاقه وعمله واحترام الناس له توكل على الله وصارحها بحقيقة مشاعرك وسايب الباقي على ربنا لو لك نصيب مع البنت دي سوف يجعلها من نصيبك مافيش نصيب يبقى الموضوع انتهى واعتبرها زي اختك او صديقتك وتمنى لها الخير والسعادة مع الانسان اللي تختاره وربنا يكرمك ويؤفقك