مشاكل الشباب مع البنات

بحبها ومش عارف ده حب حقيقى ولا مراهقة

انا طالب بمرحلة الثانوية العامة معروف بين اوساط الناس بانى محترم وملتزم ولااعاكس اى بنت واذا رايت ولد يضايق بنت وحتى لو اكبر منى اضربه
ولانى على حق ربنا بينصرنى عليهم المهم انا من زمان وفى بنات تحاول تكلمنى بس انا ارفض لان عندى اخوات بنات وان من اسرة محافظة جداا
فابى من بدو سيناء وامى من صعايدة سوهاج بس عايشين فى بحرى فمثلا فى بنات بيكلموا اصحابى الاولاد وبيخرجوا معهم ومنهم 4 بنات جاءوا بعد درس الكيمياء دفعة واحدة واعطونى ارقام تليفوناتهم فى ورقة فمن غير مااحس ومن عند ربنا وجدت نفسى بقطع الورقة وهم منذهلون وحمدت ربنا على كده
المشكلة مش هنا المشكلة ان انا من الابتدائى عارف بنات محترمين جدا بيحاولوا يكلموا معايا بس فى حدو الادب بس انا كنت بصدهم دايما وهذا يزيد من اصرارهم على انهم يكلمونى فمثلا ان انا كنت معهم فى مدرسة ابتدائى والمدرسة كانت تشمل المراحل الثلاث فمن اول ماسنى وصل 11سنة انضممت لمنتخب المدرسة وكنت اصغر لاعب فى الفريق وفى ماتش لعبت فيه امام منتخب ادارة الباجور التعليمية (وكان جسمى صغير حينها) واحرزت 3 اهداف كسبنا بهم دورى المحافظة بس كنت جاى فى كل اصاب النيا ويدى متخيطة 15 غرزة فروحت البيت من غير مااحد يعرف اللى حصل الا لفريق بس تانى يوم فى المدرسة اعلنوا خبر الفوز والاصابة معا فى اذاعة المدرسة فاصحابى الاولاد عرفوا وزارونى ومعهم فاكهة والذى منه بس غرمونى الغداء مش مهم
بعدها بساعتين لاقيت البنات عمالة (تسرسب) على البيت وكل بنت جاية لوحدها ومعها وردة وفراولة (فتحت بسببهم محل فكانى فراولة بس هههه) فامى نظرت لى وضحكت ابنها البريمو بقى اما ابى فكان الود وده انه يقتلنى ابنه اللى هيسوء سمعة العيلة وبعد مامشيوا خرج ابى وامى فى مشوار
وجاءت بنت اسمها منى (كانت لابسة تيشرت بكت وبلوزة للركبتين ) انا قلت لو ابى جاء والوضع كده هيقتلنى بحق وحقيقى فقلت اصرفها قبل مايجى
بس ازاى البنت مش راضية تمشى وحتى لو مشيت ممكن حد يعاكسها والاسم انها طالعة من بيتى فاضريت اروحها قابلت امها انا قلت امها هتخلص على فلاقيتها بتقولها ماما ده ا** س اللى كنت بحكى لك عنه فقالت لى اتفضل وكده قلت لها مش هقدر اطلع السلم وكده المهم عرفت اخلص من الحكاية دى اما رجعت المدرسة باسبوع لاقيتهم مخترينى الطالب المثالى وده كله لان البنات روءساء الفصول صوتوا لى مع انى لم اكن مترشحا فاضريت اتنازل عن المنصب وامام المدرسة وفى الاذاعة عن المنصب لصديق عمرى فاالبنات زعلوا جدا
لكن اما دخلت الاعدادى وهم معايا فى نفس المدرسة بس فصلوا الفصول استرحيت منهم
لكن فى الثانوى عملوا فصول ثانوى مشتركة وفى يوم اعلنوا عن رحلة فانا لم اشترك فيها ولكن فوجئت بانهم ارسلوا لى اقرار ولى الامر من غير ما ادفع قيمة الاشتراك فقلت انا مش رايح وخلاص بس الساعة 6 صباحا قبل الرحلة ب3 ساعات لاقيت نفس البنت اللى اسمها م* معدية على انا قلت مش نافع كده انا ماعمنلتش حسابى فقالت لى البس بس وانا عاملة حساب كل حاجة فقلت ازاى يعنى؟ قالت الاكل والشرب والمصاريف كلها على
فرديت بنرفذة حد قالك ان انا عايزك تصرف على اتفضلى فلوس الاشتراك اه وانا مش رايح عيطت بصوت عالى فامى سمعتها وعرفت القصة وقالت لى روح ياابنى وماتكسرش نفس البنية المهم روحت بس ركبت جنب بنت تانية ماكنش فى غير 4 اولاد واول ماركبت جنب البنت دى (اسمها س* واعرفها وهى تعرفنى وكانت مع بنات الزيارة) تكلمت معايا وانا رديت عليها بدون اى ارادة منى ومن ساعتها والبنت دى قلبى متعلق بيها بس بحبها مش عايز اسلى بيها بس مش عارف ده حب حقيقى ولاحب مراهقة بس انا ماحبتشاى بنت بالمعنى ده قبل كده
اسف على الاطالة بس دى نقط جوهرية فى الحكاية دى

مشاكل وحلول ذات صلة

اضيف بتاريخ: Wednesday, January 9th, 2019 في 14:58

كلمات مشاكل وحلول: , , ,

ردود to “بحبها ومش عارف ده حب حقيقى ولا مراهقة”

  1. ابوالبتول
    12/01/2019 at 17:58

    اولا – انت شاب كويس ومحترم وباين عليك من عيلة محترمة واعجبني فيك صراحتك وسمو اخلاقك وتربيتك الحسنة ثانيا – دي مرحلة مراهقة اللي انت فيها وتلاقي كل شاب يمر بتلك المرحلة الصعبة في حياته عايزك تكون حذر جدا وتبعد عن سكة البنات وماتتعلقش باي واحدة منهن وتهتم بدراستك ومستقبلك ياابنى ده هو المهم ماينفعك الامستقبلك ثالثا- البنت -م- دي زميلتك باين عليها متحررة زيادةعن اللزوم يعنى اهلها معطيها كل الحرية تفعل كما تشاء ابعد عنها وتجنب الخروج معاها او اللتقاء بها والاختلاء لانها ممكن تاثر عليك وتوقعك في الحرام رابعا- انت لسه صغير على امور كهذة فكر في دراستك ومستقبلك ولاتشغل بالك في امور كهذة المشوار قدامك طويل وتلاقي نصيبك مع بنت الحلال اللي تستاهلك وتسعدك

اترك رداً أو حلاً لهذه المشكلة