مشاكل الشباب مع البنات

تعدد علاقاتي مع البنات بيضايقني

السلام عليكم ورحمة الله وبركاته ..

مش عارف هى أيه بالظبط مشكلة ولا أيه .. ؟؟ ..

أنا دلووقتـى أى بنت تكووون جميلة بعجب بيها .. ولو قابلــت بنت جميلة وحصل معاها تعامل بحبها ..

لدرجة أن أصحابى سمونى فلانتينوو من كتـر ماأبرتبط ببنت وأشوف واحدة أجمل منيها فأسيب التانية ..

بس أنا اللى ملاحظلوا أن معظم علاقاتي أو أنى دآيما بجرى وبحب البنات اللى صعب أى حد يجيبها ..

مش عارف دا من أيه ؟؟!!

يمــكن عشاان حبى الأول اللى جرحنى جدآآ .. ولو تحدى مع النفس …؟؟؟!!!….

مشاكل وحلول ذات صلة

اضيف بتاريخ: Tuesday, January 18th, 2011 في 01:25

كلمات مشاكل وحلول: , , , , ,

19 رد to “تعدد علاقاتي مع البنات بيضايقني”

  1. ابواميرة
    02/12/2013 at 21:50

    اسمع القصةدي لعلهاتكن درس لك وعبرة تتعلم منهافي حياتك احدالاصدقاءكان زيك معروف عنه حبه للنساءالجميلات الحلوين وكان بيتمنى الزواج من وحده بنت جميلة تعرف عليهافي البنك وهي موظفةوجميلةفوق ماتتخيل ورسم عليهاالحب والغرام حتى وقعهافي شباكه وتزوجهاوطارقلبه من الفرح والسعادةلانه ظفربها وبعدسنتين من زواجه لقيته مهموم وزعلان ليه يافلان قال بالله عليك سيبني في حالي قلت لازم اعرف مالك وحلفته بالله ان يخبرني ايش جرى له قال لي وقلبه يعتصرالماوحسرةوالدموع تغرق عيونه ياليتني ماعرفتهاولاتزوجتها قلت خيرايش فيه ماهي البنت اللي كنت تحلم فيهاوقلبك طارمن الفرحةعندماتزوجتها قال انخدعت فيهاوحكي لي تفاصيل قال ليلةالدخلة اكتشفت انهاليست بكر ولاعذراء وتحملت ولم اسالهاعن شي بعدذلك سافرنالقضاءشهرالعسل وكانت تمازح الرجال في الفندق وتضحك لهم ولاتحترم وجودي اوشعوري بل الادهى انهاكانت تسهرلوحدهافي الكباريهات والمراقص وتسكر وتلبس القصيروالعاري وكتمت في نفسي وماصدقت ان الشهرانتهى ورجعناللبلد ورجعت لعملهافي البنك وانافي عملي في الجامعة واخبرتني احدى زميلاتهاانهاتستاذن من العمل اكثرمن مرة ولهاعلاقةمع احد عملاءالبنك وهورجل اعمال واكبرمنهافي السن بعمرابوها وماصدقت كلام زميلتهاحتى راقبتهاوهي ذاهبةللدوام وانتظرت خارج البنك واذابي اشاهدهاخارجةمن البنك ومنتظرةعلى الرصيف وتاتي سيارةفخمةوتصعدفيهاوتذهب وتتبع السيارةحتى وصلت لعمارةسكنية حديثة وتنزل هي والرجل الثري ويصعدوالعمارة وفعلا لحقت بهم وعرفت رقم الشقةاللي دخلوهاووانتظرت قرابة ساعة وخبطت على الباب ودقيت الجرس وخرج على الرجل ودفعته ودخلت كالمجنون وووجدتهافي غرفةالنوم عاريه تماما وكدت اقتلهاواغسل شرفي وعاري ولكنني تمالكت نفسي وقلت لهاانت طالق طالق طالق وانصرفت وحاول اهلهامراجعتي لكنني لم افضحهاواخبرهم بالحقيقة وقلت لهم كل شي انتهى بيننا وعلمت انهاتزوجت بعدذلك وتطلقت للمرةالثانية وطردت من عملهافي البنك وربي خلصني منهاوصرت اكره البنات الجميلات واشوفهن مثلهافي خيانتهاوفجورهالي وهذةقصتي

  2. ابواميرة
    02/12/2013 at 21:22

    اولا انته انسان تافه وغيرمحترم بالمرة فاكربنات الناس لعبه تتسلى بيهم وقت مانت عاوز وتتركهم وقت مانت عاوز وده خلل عقلي وديني في نفسك حرام عليك تعمل كده في بنات الناس وتاكد ان الجمال يااستاد مش جمال العيون العسيلة اوالشكل بل الجمال الحقيقي اللي انت ماتعرفهوش جمال الروح فقط اذاكانت تهمك الاخلاق والقيم في البنت فتزوج وانت مطمن وان كنت يهمك جمال البنت الشكل واللون والعيون فانت لن تلاقي السعادةاللي تتمناهاولاعمرك حتلاقيهاابدا وربي يهديك ويكبر عقلك ويصلح حالك

  3. semsem
    23/07/2011 at 04:54

    كلامك فيه شويه متناقض انت بتقول ان اول حاجه بتشدك للبنت عقلها او ادبها وبتقول ان انت من الغردقه وهى بلد صغيره والكل عارف بعضه يعنى ممكن البنت اللي تعجبك تسال عليها الاول اكيد هتعرف انها بتكلم 10 ومش كويسه يبقي متكلمهاش من الاول مش تكلمها وبعدين تعرف انها بتكلم 10 فتسيبها وبتهيالى ده هيبقي افضل ليك علي الاقل هتكون مش من ضمن ال 10 اللى هيا كلمتهم ومش هتكون مجرد واحد كلمته عشان تكمل الدسته البنات المحترمين كتير وانت لو بطلت تدور على البنت المحترمه اكيد هتظهرلك لوحدها

  4. love.me
    03/02/2011 at 04:39

    انا انصحك لومبطلطش الحكاية دي مش هتسق فى حدوهتظلم ناس معاك وممكن تكون وحدة فعلا حبتك وتفضل طول عمرك ذنبها فى رقبتك اتقى اللة فى بنات عشان ربنا يكرمك وتقابل وحدة تعو ضك عن كل الى تعبتة

  5. صاحب المشكلة
    21/01/2011 at 11:34

    ياجمــاعة متشكر لكل ردودكم ..

    اللى كانت فيها أنتقاد واللى كان بيحاول يقول ويوصل حاجة بس براحة ..
    بس الغلطة منى عشان يمكن موضحتش كوويس كلامى ..

    أنا ياجدعان مش معنى أنى قولت أى بنت بشوفها جميلة بعجب بيها يبقى أى بنت ..
    طبعآ كل أنسان ربنا أدالوا عقل وأنا طبعا قبل مأكلم بنت أو أحاول حتى ..
    بحكم على تصرفاتها وأفعالها وكلامها مع الناس ..

    وأنا لما بكلم بنت بيبقى غرضى شريف وعاوزها عشان تكون شريكة حياتى ..
    وأنا ليا أخت على فكرة وعارف كما تدين تدان .. بس القلب دآيما بيغلب العقل ..

    أنا يمـكن غلطت فى أختيارى شوووية ..بس بيكون أملآ فى أنى أصلح من الأنسانة دية ..
    بس بيبقى مفيش أمل أنك تصلح بنت بتكلمك وبتكلم عشرة معاك دا بعد محاولات وأنت حبتها
    على أساس أن شخصيتها حلوة .. أنا لما بحكم على أى بنت بحبها بحكم على عقلها وأدبها أول حاجة .. بعد كدا المظهر والجمال ..

    أنا لما كتبت المشكلة كنت عاوز أعرف دا مرض ولا أيه ولا تحدى مع النفس ؟؟!!
    مش أكتتتتتر .. لأننا عندى عقل وبفهم وبحكم على تصرفاتى وبعرف أتعامل معاها وأحكم على
    اللى أعملوا .. بس مش معنى أنى حكيتلكم الكلام دا أنى أنتقد بشدة .. بس كلامك كلكم أسعدنى بجد ..لأننا كلنا أخوات وكلنا بنكمل بعض .. وياريت تفهمونى صح ..

  6. صاحب المشكلة
    21/01/2011 at 11:24

    الأخت .. (( همسة )) ..
    عشان مفيش جواك حب حقيقى لحد ..
    حلوة الجملة دية يمـكن عشان بعرف حاجات وبسكت ..
    وعلى مش الفكرة خااالص أنى مرغوب فيا .. الفكرة أنها بتأجى كدا ..
    أملا على أنى ألاقى حب حقيقى يعوضنى عن الحب الأةل ..
    وعلى فكرة أنا ملتزم بالصلاة على طووول .. وعندك حق فى حاجات كتتير ..

  7. صاحب المشكلة
    21/01/2011 at 11:20

    الأخ .. ((nolife )) ..
    على فكرة أنا فاهم كلامك كويس وفاهم أنت تقصد أيه ..
    بس أنا على متواضع جدآ وهادئ وأما تبص عليا تقول أنى راجل بجد ..
    دا مش غرور والله العظيم دا كلام بيتقالى دايما ليا .. وأناعلى فكرة مش الواد
    اللى مقطع السمكة وديلها وبتاع حركات وأبو دم خفيف وبتاع مظاهر وفشخرة ..
    وأنا مش معنى أنى قولت أى بنت جميلة بعجب بيها .. يبقى كلوا..
    أه جميلة بس بحكم عليها بتصرفاتها وكلامها .. وعلى فكرة أى بنت سبتها مش هتكون متأثررة جامد.. لأن أصلآ مش معقول بتحبك وبتسلم على صاحبها اللى ماشى فى الشارع ولا بتكلم 2 معاك ولا عشرة وأنت عارف ومطنش .. ودلووقتـى الزمن مبقااش فيه البنات بتاعت زمان اللى تأمنلها غير قليل ..

  8. صاحب المشكلة
    21/01/2011 at 11:14

    الأخت .. (( ندى )) ..
    أممممم أنا مش عارف أقولك أيه بس أنتى بتحملينى المسئولية ..
    وأنا لما بحب بنت بخاف على عليها لأن اللى بيحب بيخاف على اللى بيحبوا ..
    وعلى فكرة لو فى بنت تستحق حبى بجد مش هسيبها لأنى أنا بدور على حب حقيقى ..
    مش بنت أكلمها وتكلم عشرة غيرى فى نفس الوقت ..

  9. صاحب المشكلة
    21/01/2011 at 11:10

    الأخت .. (( نوورسين )) ..
    كلامك فعلا صح .. يمكن عشان أتجرحت كتتتير .. بس على فكرة أنا مش بنت بعجب بيها أنا قلبى مش رهيف للدرجة دية .. ومش كل المرات اللى بسيب فيها بنت بتبقى بسبب بنت تانية ..
    أنا بدور على حب حقيقى يعييش معايا ويعودنى عن الحب الأول .. ومتشكر لكلامك عشان لفت أنتباهى ..

  10. صاحب المشكلة
    21/01/2011 at 11:00

    الأخت .. (( توتا )) ..
    أنا مقدر كل كلمة أنتى قولتيها ويمكن عندك حق فى كلام كتتير قولتيه ..
    والكلام دا فى حالة أنى لو البنت اللى أنا متأكد أنها تستحق مش هسيبها عشان غريزة عندى ..
    بس نصهم عنديهم اللى لامبالاة يعنى ميعرفوش يعنى أيه أنتى مرتبطة ومفروض متغدريش باللى بتحبية مش تكلمي 10 معاااه .. والحتة ديع هى اللى مضيقانى وعلى فكرة أنا قبل ماسيب أى بنت بواجهها بكل حاجة وبقفل معاه كلامى بطريقة كوويسة يمـكن عشان تتعلم كووويس من اللى حصل مابينا ..

  11. صاحب المشكلة
    21/01/2011 at 10:55

    الأخ .. (( فارس )) ..

    مؤهلك العلمى ايه .. المؤهئل أنى فى 3 ثانوى قسم بترول نظام ال 5سنين .. واللى بييطلع من المدرسة ديه بيروح على هندسة بترول .. ودا طموحى وبحاول أوصله ..

    رصيدك المادى ايه .. رصيدى المادى يأخ فارس أن أنا وأخويا داخلين شراكة فى محل دعاية وأعلان وبشتغل بجهدى وعرقى وبأخد فلووس كوويسة وبتساعدنى فى حياتى ومش محتاج فلوس من أبويا ولأمى لأنى راجل وكبرت خلاص مفروض أنى أشيل مسئولية نفسى وأبويا وأمى مش عايشنلى كتير ..

    وبباك شغال ايه .. والدى شغال مدير قسم الرسم وتكنولوجيا فى الشركة العامة للبترول ..
    ومامتك شغاله ايه .. شغالة مدرسة أول .. وعندك كام اخ .. عندى أخين .. وكام اخت واحدة ..

    وع فكرة النقطة اللى بتتكلم عنها بتاعت الجواز .. دلوقتى بصراحة مفيش بنات كتتتير محترمة فى الزمن دا .. وعلى فكرة أنا من الغردقة والبلد صغيرة والناس كلها عارفة بعض .. بس صدقنى لو قلتلك أنى نص البنات اللى سبتهم كانوا مش محترمين بمعنى أنهم مثلآ بيكلمونى وبيكلموا عشرة معايا .. وصدقنى أنا نفسى فـ بنت من وأنا وصغير تكوون شريكة ليا فى حياتى عشان أبنى نفسى وتساعدنى أنى أوصل لطوحاتى دا بعد ربنا ..

    فـ النهاية يأخ فارس أنا مفروض مقولكش حاجات كتيير بص عشان رديت عليك عشان أواجهك مش أكتتر والله أعلم باللى بقولوا ومستنى ردك ..

  12. صاحب المشكلة
    21/01/2011 at 10:39

    الأخ .. (( زملكاوى )) ..

    أن مش أى بنت بشوفها بتعجبنى لا أنا أى بنت بيحصل معاها تعامل وكلام ..

    مش أنا اللى بجيب كلام .. أنا وهى .. وهى بتحاول برضوا ..

    وأنا على فكرة على طوول بصلى ومش بضيع فرض وكل فرض فى الجامع حاضر ..

    وعارف اللى بيخلينى أسيب بنت لو حبيت غيرها .. أنها بتكوون يأما مش محترمة بمعنى أنا ممكن

    تكوون بتكلمنى وبتكلم غيييرى والشك ..

    بس فعلآ أنا محتاج أحسبها بالورقة والقلم ..

  13. زملكاوى
    21/01/2011 at 01:23

    دى حاجه موجوده فى ناس كتيره
    الأمر كله متعلق بحاجات :
    – انت مش عارف عايز ايه من جوالك
    – حاول تقعد مع نفسك وتحدد مواصفات للبنت اللى عايز ترتبط بيها حتى لو كان دا هيخليك تمسك ورقة وقلم
    – حاول مش كل بنت حلوه تشوفها تبقى هى دى اللى عايزها تبقى ليك
    قول لنفسك دى لو اختى هل اقبل حد يعمل معاها كدا
    واعرف ان اى حاجه بتعملها دلوقت هتتعمل معاك اساساً فيما بعد سواء معلش يعنى فى اخواتك او بناتك فيما بعد
    طبعاً انا اتمنى انك تتغير عشان ربنا يتوب عنك
    – لو بتشوف بنت حلوه وبتعجب بيها دا طبيعى جداً ومعانا كلنا كدا
    اى حد لما بيشوف حاجه حلوه بيقول الله وبيعجب بيها لأنها حاجه حلوه ومن الحاجات دى البنات
    انما الاعجاب حاجه وانك تتكلم معاها وتعلقها بيك دى حاجه تانيه
    – حاول تقرب من ربنا , تصلى وتقرى قرأن وتفكك من الحوارات التعبانه دى
    – عايزك تبقى جد فى علاقتك مش يبقى كل همك الحب وخلاص , عايزك تعرف ظروفك وظروف اهلك الأول وبعد كدا فكر فى الحاجات دى
    احسن ما تعرف بنت تحبها بجد وتديك بمبه وتكون انت مجرد حد اعجبت بيه وسابته ودورت على حد تانى زى مانت بتعمل كدا مع البنات حالياً

  14. ♣♥♣ فارس ♣♥♣
    18/01/2011 at 23:56

    بصراحه اول مقريت رسالتك حسستنى انك روميو عصرك واوانك ياربى ايه كميه البنات الى عندك دول معقول الحمد لله انو انا مش بنت يمكن كنت انتحرت علشان اوصلك وكمان مبتختارش غير البنت الصعبه يا الله على ها الفارس المغوار طيب ياريت يا روميو تقولنا فى رد على مؤهلاتك بس خلك شجاع وقول الصراحه قولنا مؤهلك العلمى ايه ورصيدك المادى ايه وبباك شغال ايه ومامتك شغاله ايه وعندك كام اخ وكام اخت يا ساتر وربنا حاسس بيك وانت بتقرا التعليق اقولك ليه انا هقولك ليه انت لو طالب ذو مكانه علميه يعنى طالب من طلاب جامعات القمه اكيد كل شغلك الشاغل العلم ولا يمكن يتفق العلم مع الغريزه تبقى انت كده وقعت فى مطب انت اخرك دبلوم تجاره الرصيد المادى اكيد تحت الصفر تعرف ليه لانك لو بتميل لبنت واحده اكيد هتطلب منك تتقدملها وطبعا لانك بتاخد مصروف من الماما فده يخليك متتعلقش ببنت واحده وبتحب التغيير علشان مترتبطش ولو قلتلنا عدد اخواتك هنعرف انك لسه بدرى عليك لما تتجوز تعرف ليه لانك لسه هتروح الاردن او ليبيا او السودان لان دى الدول الوحيده الى هتلاقي فيها مجال شغلك نروح بقى للنهايه بتقول مبروحش غير للبنات الصعبين اوى لازم تتاكد اوى انها لو بنت ناس متربيه كويس وحره يستحيل لانت ولا مليون زيك تقدر تؤثر عليها لاكن الى بتقول عليهم صعبين دول دول مفيش اسهل منهم تعرف ازاى مجرد متسيبها هتلاقيها مع غيرك فاذاى تبقى صعبه يا فارس عصرك واوانك وشكرا

  15. توتا
    18/01/2011 at 22:59

    دة اسمة نقص بس على فكرة حرام عليك بنات الناس اللى بتعلقهم بيك دول كما تدين تدان ترضى ان لو ليك اخت واحد يعرفها يومين ويسبها ويشوف غيرها اتقى اللة عشان ربنا يكرمك فى حياتك وعوض النقص الى عندك دة بحاجة مفيدة مش بلعب قلوب بنات الناس

  16. نورسين
    18/01/2011 at 18:00

    بسم الله الرحمن الرحيم
    اخى انت بتحاول تدور على الحب ولانك مجروح مش بتاخد قرار صح كل لما تشوف واحده وتعجب بها وتكلمها لا تجد فيها ما تريد وان تملى الفراغ والوحشه الفظيعه التى تركتها بداخلك حبيبتك ولكنى اوكد لك انك سوف تجد من تحبها وسوف تحبك ولكن راعى الله فى البنات اللى بتعرفهم ةلا تمنيهم بالزواج ولكن كن رجل وكما قالت همسه كن اقل سطحيه واعمل عمل يفيدك لتكون رابح فى الدنيا والاخره والله الموفق

  17. ندى
    18/01/2011 at 11:46

    ده مش قلب ده محطة بنزين انت هوائى بس راعى ربنا فى بنات الناس واشغل نفسك باى حاجه تانيه حاول تتقرب من ربنا

  18. nolife
    18/01/2011 at 08:23

    دا اسمو نقص بتحاول ترضي غرورك مابينكك وبين نفسك انك كدا بتعمل ال مابيتعملش وانك الواد ال مفيش زيو اهدا كدا وحاول تفكر صح واتقي الله ف بنات الناس ال بتعرفها البنات مش لعبة ف ايدك تسيب دي ولما تلاقي واحدة تكلمها وهكذا غلط طبعا وال فيك دا مرض نفسي وبطل غرور ومش تيجي ع بنات الناس وانتا بكل التجارب ال انتا مريت بيها انتا قلبك محبش ولا واحدة جمال الجسد او الشكل فاني حاول تحب واحدة لشخصها مش لشكلها ولا لجسمها
    بس بردو انتا برغم كل ال شوفتهم دول بس مافيش واحدة هزت قلبك ممكن تهز حاجة تاني بس قلبك ماظنش حاول تفكر صح العمر هيجري بيك وانتا خاين وطماع واناني

  19. همسه
    18/01/2011 at 05:07

    ده طبيعى عشان مفيش جواك حب حقيقى لحد عشان كده قلبك كبير متسع لجميع البنات الحلوين ههههه لما تحب بجد مش حتشوف حد اجمل من حبيبتك بس بئه متتعودش على كده حاول تلتزم دينيا وتشغل تفكيرك بحاجه تانيه غير البنات والسبب انك عاوز تشغل بال البنات الصعبه هو انك عاوز تحس انك انت كمان مرغوب فيك ومفيش واحده الا وتتمناك اهدى شويه كده وركز فى حاجات اقل سطحيه من انك تحب البنات اقراء او اتعلم حاجات جديده متعرفهاش يعنى ركز فى حاجات نافعه ليك فى دنيتك واخرتك وربنا ان شاء الله حيكرمك بالى تخليك متشوفش غيرها وتشوف كل البنات الحلوين غفر

اترك رداً أو حلاً لهذه المشكلة